鮨鳶

營業中

休息中

通常食 廚師發辦 我們選擇夜晚, 因為時間多啲, 可以慢慢食, 今日同女友行  Mira Mall  購物.她好快買到心頭好, 左手一袋, 右手一袋,  女友話有好多時間請我食午餐. 於是我選擇去 SUSHI TOBI  鮨鳶  吃個廚師發辦.店內有海鮮缸, 提供多種海產.午餐有兩款,  "光"  同 " 和".   女友選擇 "光",  她愛壽司有 12 貫 $420-,  也 比較經濟.  廚師發辦, 餐廳安排特別貴賓房,  內有大型吧檯, 我們的座位闊落,  又直接看見師傅廚技, 和他溝通.店員送上香熱綠茶.先付好吸引,  食物和盛器都好別緻, 人見人愛. 我喜歡白子, 稀少珍貴的食材, 滋補有益,  門鱔魚片, 夠彈牙.  女友愛迷你菁蘿蔔, 好爽脆.  用具可愛精緻.跟著 茶碗蒸:   好滑, 再加魚肉鮮甜美味, 細緻好食.主角由壽司師傅發板的 12 件壽司 , 很傳統的地道日式手握壽司.池魚:  日本名牌魚, 師傅刀工了得, 透明白肉, 無腥味.  好睇好食,  鮮味滑口.帆立貝 :   肉質爽口彈牙, 有鮮味, 令人再三回味.左口魚:   少油脂, 口感滑溜, 美觀好吃.

前菜係金山子大根，味道酸中帶甜，可以喺食飯之前刺激一下味蕾。春子鯛上面加左酸汁啫喱，食落去口感好清新，更加帶出到魚嘅鮮味。經過熟成嘅深海池魚，味道濃郁，別有一番滋味。池魚厚身，油脂均勻，而且好新鮮。帆立貝配上竹炭鹽，令整個感覺味道提升，有驚喜！赤貝爽甜彈牙，水準之上。金目鯛燒一燒後，油香滿溢👍🏻👍🏻鯖魚配上京蔥燒，好有日本嘅風味。整體而言每款壽司都好新鮮，可能因為餐廳新開張嘅關係，而家做緊超級大優惠，第二位做半價，最後埋單人均先係三百幾蚊，超級無敵抵！終於食日本嘢朋友一定唔可以錯過🥰🥰🥰🥰

夏日炎炎, 大家怕熱吾想周圍去, 表妹話下午去 鮨鳶 食   Omasake  廚師發辦.大家坐在優雅室內, 涼冷氣,  欣賞廚師嘅製作,  傾吓計, 開開心心過一個下晝,表妹訂了午餐, 餐廳為我們安排好,  分別有前菜,  壽司,  湯, 同甜品.  食海產, 唔會油膩, 清潔乾淨, 真係好. 先送來前菜,   擺設好靚, 共三款.北海道蕪菁蘿蔔, 放上金山寺麵豉, 蘿蔔爽甜幫助消化.  另外有名貴 白子和煙韌的門鱔魚丸.我們叫了梅酒. 好清香.白子 - 口感 creamy 又滋補, 味道鮮甜豐腴, 外粉炸得香脆.接著師傅為我們製作 12 貫壽司,   每件壽司也有師傅介紹.左口魚  肉質非常結實, 魚油豐富, 鮮味甘香.帆立貝 色有光澤, 加點自製醋汁, 更帶出鮮味, 清爽宜人.春子鯛, 春夏季魚, 淺粉色魚皮, 白色魚肉肉質柔軟, 口味清淡, 配上黑松露, 把魚的味道慢慢提鮮出來鮮甜, 真的滋味.濱鯛:     肉色鮮亮, 魚味濃, 肉質嫩滑. 茶碗蒸:   夠熱,   蒸蛋非常滑, 內有魚肉, 好鮮美. 深海池魚配薑蓉:   肉質比較有咬口,  油份較高,  入口魚油滿溢. 師

This sushi bar serving sushi/sashimi omakase is tucked away inside of another Japanese restaurant. There is a single bar table where your personal sushi chef will create your sushi/sashimi course in front of you. The decor is a traditional Japanese wooden interior, bright, simple and clean. The staff coordinate with each other by whispering into their headsets, which seemed a bit weird since the restaurant was so small anyway. We got the sashimi omakase lunch at $880. It was a mix of sashimi and

Book咗呢間同朋友慶祝生日，店舖環境都幾大，而且入面仲有一間房專門提供Omakase，都幾特別😂.金山子大根味道酸甜，用黎做開胃菜一流.春子鯛加左酸汁啫喱喺上面，肉質都幾嫩滑，同酸汁啫喱既味道好夾.深海池魚師傳話已經熟成左4日一向都好中意食池魚 入口充滿油香.帆立貝 上面加左竹炭鹽 令帆立貝食落去更加鮮甜.赤身 油脂都算豐富 而且加左我都愛食既紫蘇葉 .赤貝 十分新鮮，師傳放上黎既時候仲識郁🤣.金目鯛經過炙燒之後，啲油脂出哂黎，十分可口.鯖魚 加左蒜香豉油同京蔥燒，味道都唔錯.鰈魚裙邊 都係用炙燒，食落去入口即融.蔥呑拿魚手卷一食落去滿口都係呑拿魚既鮮味，好滿足.海膽完全無腥味，食完會想再食🤪

阿媽約咗家姐去食我最愛的 Omakase，家姐一向精打細算，佢訂位我放心。今次喺尖沙咀搵到間 高質平價之選 Omakase 其實有平有貴，位於尖沙咀的鮨鳶就可以找到價錢平又高質的 Omakase 午餐。今次我們選擇了 $420 《光》。廚師發辦 12 件壽司，意味着我可以吃到廚師挑選的新鮮刺身啊！ 當日中午時分見到 Full Booking, 整個壽司吧枱都坐滿了客人，特惠午市廚師發辦勁受歡迎，每位 $500 以下的價位確實是十分親民。前菜水雲蘑菇天氣熱辣辣，先吃酸酸甜甜的水雲蘑菇作前菜，非常開胃。壽司日本天然真鯛，肉質緊致，有咬口，咀嚼越多，鮮味融化的味道越豐富。新鮮帆立貝，Topping 是竹炭，提升鮮味之餘，更能豐富口感。魴鮄魚，加了芽葱的魴鮄魚壽司，少許的辛辣葱甜味很搭配。深海池魚，用上相對高級的赤醋加入壽司飯，食到微酸的清新，再加深海池魚嘅濃香，無諗過個味道原來可以咁夾。金目鯛，用火炙把魚油香迫出來，口感柔嫩，肉質細膩，呈淡淡的粉紅色，脂肪含量高，味道溫和卻充滿鮮味。赤身，吞拿魚的背脊位，熟成七日，加入了紫蘇葉的香，個層次係可以咁豐富，可以帶出赤身嘅 鮮味，成個配搭都好有 s

LUNCH約左舊同事聚舊，揀左位於尖沙咀加拿芬道既鮨鳶，主打廚師發辦，食材由日本新鮮空運到港。LUNCH MENU有兩款選擇，各有前菜、茶碗蒸、壽司、卷物、湯品、甜品等，今日揀左HIKARI光，主打12貫手握壽司，款款新鮮，令人回味無窮。前菜有預先醃製既瓜，配北海道蕪菁蘿蔔，再放上金山寺麵豉，鹹香惹味，非常開胃。左口魚壽司新鮮爽口，肥美又甘香。魴鮄魚壽司厚薄均稱，肉質紮實好清甜。伊佐木壽司配新鮮紫菜充滿魚脂香，爽滑帶微甜。金線鯛壽司配柚子皮肉質細膩緊實，入口清脆甘腴。帆立貝壽司配青檸汁肉質厚實具彈性，鮮甜滑嫩。火炙金目鯛壽司配醬油油分甘香，肥而不膩，口感上乘。茶碗蒸雞蛋滑嫩十足，配以爽滑冬菇、鮮味魚肉，多重口感，濃郁豐富。天然真鯛壽司配自家製紫菜醬肉質鮮甜Q彈，爽脆柔嫩。深海池魚壽司配薑蓉質感爽口鮮甜帶油份，味道相當甜美。火炙鰈魚裙邊壽司魚脂平衡得剛好，既肥美又爽口。鰆魚壽司配蒽花肉身肥美柔軟，肉質非常滑溜細緻。熟成十日天然中拖羅壽司佈滿魚油花紋，油香四溢，肉質軟綿，入口即化。宮城縣白海膽壽司味道清爽較結實，相當鮮甜細滑。蔥吞拿魚腩手卷軟綿綿口感幼細又香滑，脂香突出。舞茸菇清湯清香帶甜

平時行過唔覺這裡有這間可以食到咁好味嘅壽司店！由美麗華行過去加拿芬道向the one 方向行7-11 個邊落去，1分鐘都唔洗就見到，落一條樓梯就到，店員會先讓客人座下再給餐牌選擇，今日我們就點了lunch set 光，有前菜、茶碗蒸蛋、即場師傅手握12件壽司、卷物、湯、甜品，之後再由店員安排座位，一條長長吧枱，見到師傅忙碌為客人準備食物，感覺就係好似食緊omakase 一樣，所以感覺十分之抵食！店員亦十分細心招待，師傅即時就在工作枱上將要用嘅食材準備，而同時間先上先付水雲配上蘑菇，清涼爽口嘅水雲，加上醋汁帶點酸味十分醒胃！接住就係由師傅即時手握製成嘅壽司，最先係日本天然真鯛，上面塗了醬油，入口感覺魚肉的口感柔中有韌，脂質含量適中，非常鮮味接住就係新鮮帆立貝，師傅上面加了小量竹炭增加鮮味，入口感覺十分鮮甜，正！而呢個魴鮄魚壽司上面加上了柚子醬，味道亦十分清新！再來就係深海池魚，油脂非常厚，入口質感爽脆，透着淡淡的鮮甜，加埋上面少少嘅薑蓉，味道更鮮！金目鯛，以火炙魚皮鎖住油脂，再在上面加上磨柚子皮蓉，入口味道濃郁！另一道係熟成七日嘅赤身，用了吞拿魚背脊，上面加了紫蘇葉蓉，入口份外清新！跟住

食物環境都唔錯，需然第二位半價，但係食物質素同壽司郎分別唔大，毫無驚喜，同鮨文距離好遠...壽司，茶碗蒸，甜品無一樣有任何驚喜，唯一一樣比外面連鎖壽司店好食嘅就係吞拿魚手卷，其他都分別唔大。

前菜係金山子麵豉大根🥕 食落爽脆帶點酸甜 幾開胃🤤 再嚟係茶碗蒸 啲蛋好順滑🥚 到最精彩嘅部分: 12件壽司🍣 每款都充滿鮮味 再配上師傅特製的調味 口感更加豐富同回味🥰 而目肉質滑溜 魚油甘香🐟 令我最難忘嘅係中拖羅同海膽壽司😍 中拖羅顏色粉紅 脂肪分佈平均‪*ˊᵕˋ* 入口即融! 海膽份量十足 鮮甜同口感creamy👅 然後就到吞拿魚腩卷 普通冇乜特別😳 再到舞茸清湯 飲落清香味美👍🏻 最後就係抹茶金箔奶凍配甜黑豆🍃 呢個又係十分出色 抹茶味好濃郁🍵 奶凍結實順滑˘ᵕ˘

師傅好effective , 每一件都好細心😚，餐廳好得意，原來入左去先知有一間私人房食OMAKASE , 師傅係叫Perry (如果冇串錯）整的白角魚和竹筍魚好出色，好细心記得我朋友不吃䓤，好推介啊😚

行入間店勁大浸腥味，已經唔係好想入去食。但book咗位就算啦，入去試吓。坐低喺間房仔都聞到好大浸味，有個壽司師傅落啲醋係米度都好大浸味，完全係勁難散走啲味。環境同店舖嘅味道我係係會俾差評。雪櫃裏面放咗一啲魚生其實都唔係好新鮮，舊拖羅啲邊邊已經開始變灰色，同埋師傅切好咗既嗰啲魚生都擺咗喺枱面好耐。啲魚生唔新鮮之餘，擺入口咬啲肉質好鬆散無曬魚原有既鮮味，淡而無味仲要有筋。除咗舊海膽有小許鮮甜味之外其他啲魚生都唔好食，完全無味覺可言。呢間野我唔會食第二次！

因為正門未裝修好 行左後門 之後就感覺好一般.. 一入到餐廳好大陣魚腥味 omakase房好逼 serve我地個女仔做野好大聲 出出入入棟門binglingbanglang d刺身有筋 海膽唔鮮甜 廚師指甲有d長

見到某youtuber 介紹, 而且第二位半價平時都有食開omakase 的我, 當然都想試下好唔好食啦進店是地庫層, 一入去係居酒屋, 好陰暗, 好黑我地當日係遲左少少, 所以入到壽司席的時候, 其他人已經開始左而我地2個就個別有一個師傳招呼, 眼見隔離6人 (4+2) 都是同一位師傳主理我當時還心想我地遲到都有福利, 1個師傳專屬主理今次我地揀左Hikari $420 (另加一) , 折後即$714 分別有前菜, 茶碗蒸, 12貫手握壽司, 手卷, 湯及甜品 講真平均$350/位, 真係好抵食而且甜品絕不馬虎, 不是單單的日本雪糕/糯米糍, 而是抹茶奶凍配甜黑豆🤩Omakase Lunch Set - Hikari金山子麵豉蘿白晃忽魚帆立貝依佐木岩鹽柚子真鯛深海池魚赤身茶碗蒸金善鯛新鮮鯖魚火炙春魚中拖羅北海道赤海膽火炙鰈魚群邊舞茸清湯不過成餐飯都好趕急，我地前後坐低食完半個鐘老實講食得好急好辛苦，完全無休息既空間加上師傅都係專注食物，整完再講一句，無乜互動交流，咁樣係留唔到客人我地埋單隔離都仲係食緊尾二兩款壽司，所以真係陀得好過份，我唯一諗到既就係個師傅趕落場囉。同埋我地1:40p

提前一個禮拜book，同frd去試左呢間lunch omakase，個陣有第二位半價，所以每人around都係350左右，依家唔知仲有冇優惠，想去試既話可以打電話去問仲有冇優惠，呢個價錢黎講，算係唔錯，入座個陣，師傅會問你有冇d咩係唔食，所以如果有嘢唔食，可以同師傅講，我同frd揀左12件壽司個set