鮨一日本料理 (大壩街)

營業中

休息中

能夠在荃灣食店林立的旺區,佔一席位總有他的原因,今晚再與友人在此飯聚,除了味噌湯,沙律和小吃螺肉前菜外,先order了季節限定岩手縣真蠔,大大隻肉爽鮮甜,看見隔離枱香噴噴的甲羅燒,當然不能錯過,配上香脆的小多士,一個字"正",店員推介時令白身魚薄切,又係好鮮甜,另外清酒煮大蜆每次都是必試的,大大粒蜆肉連酒香,轉眼連湯底也清晒,朋友意猶未盡,再叫了一客特上十貫目,包括吞拿魚腩、深海池魚、拖羅、三文魚子、甜蝦、帶子、魷魚、海膽..…實在是大飽口福。

好耐冇嚟過鮨一食飯🤓 今次同朋友收左工喺荃灣想食日本嘢就又過嚟試吓，貪呢度食物質素平穩，價錢又唔貴🤓🍣特上十貫目($298)黎到就梗係即刻嗌個壽司拼盤食先😚 壽司包括有帆立貝、海膽、甜蝦、赤身、三文魚子、油甘魚及金目鯛等等，味道都新鮮。🐟季節白身魚薄切($98)呢款白身魚刺身外表白裏透紅，質感好爽身，點埋加咗柚子既醬汁，酸酸地好開胃🤤🦀甲羅燒($98)呢款甲羅燒真係不得了！係呢度必點既食物之一！蟹殼裏面全部都係濃郁嘅蟹膏，混合蛋黃嘅蛋液，配上烘過既薄多士，好食到想encore🥰🍲清酒煮蜆($62)煮蜆好大隻好足料😍 每一啖湯都有蜆肉鮮甜嘅味道，底下既蘿蔔都好食。🦪 北海道仙鳳趾真蠔($88)Oh my god ‼️咁大隻生蠔而家係做緊買一送一優惠，質素仲要好好，肥美新鮮嘅生蠔入口creamy，好好食🤤🍱雜錦魚生飯定食($98)魚生飯面頭有幾款刺身，都係新鮮肥美，仲有麵豉湯同沙律跟埋，都幾抵食。

今天趕著要於傍晚時，到荃灣沙咀道相熟的售賣日本火車模型店訂購新推出的心儀火車模型，故又再到荃灣廣場附近。訂購完火車模型後，向來又懶走動的我，又想試下新食店，唯有以100~200米為目標。今天的個人主題是找日本食店，就揀到了這一間，對正荃灣廣場其中一個主要地面出入口的正對面位置。今天因為是背著另一半偷偷過來，所以只慳家地隨便點了約一人份量。頭盤先嚟一個清酒大根水煮蜆，味道清新。微微的煮蜆水更可以當作薄薄的海鮮味清湯飲用。隨後再嚟特上十貫目，當中通常都抱括有甜蝦，海膽，吞拿魚等等。總言之，每個壽司海產都挺好，夠鮮味。重要的是，壽司飯不會太過巨大，個人不太喜歡如爭X連鎖店那些。另外的數個菜式是:松葉蟹肉伴蟹味噌，味道超濃郁，塗麵包一流。意外極為驚喜是，日本岩手縣大船渡市(日本東北部離福島超過200公里)的生蠔，蠔鮮味極好，肉質份量巨大，強力推薦。錦繡魚生飯定食，海產和飯量恰到好處，大食量食客醫肚必選。季節白身魚薄切，刀功不俗，口感挺像日本當地吃的河豚。埋單計數，原來我今晚，食咗一套日本製火車模型的等價落肚。今晚買一套，食一套，勁!

一想起食日本嘢,都是必然想起鮨一,因為也忘記了光顧了幾多次,每次都能夠畀我信心和滿意,這就是食客對小店忠心的表現,今次知道他的時令大船渡真蠔做緊promote 買一送一,必然要來一時果然不負眾望,手掌咁大隻,真鮮味無比,實在令人大快朵頤,另外他的甲羅燒,蟹膏脂香配上熱辣的多士簡直是一絕,當然每次都會叫他的清酒煮蜆,因為不是有太多日本店有這麼大隻的大蜆,而後能夠隻隻肉質鮮美,今次還配上大根更增添它的鮮味,手握壽司當然不能錯過,這個特上十貫壽司,款款都食到魚香,另外海膽和三文魚子壽司更加一絕,意猶未盡,當然加添了一個錦繡魚生飯,就是知道他每次都令我有驚喜,今次就有帶子、蟹腳、三文魚、八爪魚和立魚…,絕對是大滿足。

餐廳環境唔大，但食物質素超讚，價錢又唔貴，必定會再次幫襯👍🏻.🇯🇵清酒煮蜆（$62）清酒煮後無苦味，蜆大大隻又鮮甜，最驚喜係有幾件鮮甜嘅白蘿蔔😌🇯🇵大船渡真蠔（$88）生蠔買一送一，即$44/ 隻，以為咁平一定係普通嘢，點知咁有質素👍🏻生蠔非常肥美creamy，鮮味十足，必食之選！🇯🇵甲羅燒（$98）松葉蟹蟹膏及蟹肉，再加配生雞蛋，食落香味四溢，配撘多士食真一流😌🇯🇵季節白身魚薄切（$98）鯛魚肉質鮮美，彈性十足，配上柚子醋、香葱同芥辣，美味鮮甜。🇯🇵綿繡魚生飯定食（$98）定食跟配中華沙律同麵豉湯，魚生夠晒新鮮無得輸，有帶子、三文魚、三文魚腩、八爪魚及油甘魚等刺身，份量十足又豐富👍🏻🇯🇵特上十貫目（$298）壽司有海膽、三文魚子、甜蝦、赤身、帶子、魷魚等，每款都好新鮮，壽司飯份量啱啱好😌

之前食過尖沙咀店覺得食物高質，今次試埋荃灣店，食物質素同樣又平又好食，值得encore😋🇯🇵大船渡真蠔（$88）依家做緊優惠價買一送一，大大隻之餘又肥美，口感creamy帶爽，鮮味十足，真係高質又抵食，必食推薦👍🏻🇯🇵季節白身魚薄切（$98）鯛魚有光澤，口感清淡帶嚼勁，蘸配柚子醋同食，酸爽又鮮味😌🇯🇵清酒煮蜆（$62）蜆肉鮮甜帶清酒香，底部白蘿蔔盡吸清酒及蜆嘅精華，入味又鮮甜😌🇯🇵甲羅燒（$98）將蟹膏、蟹肉、生雞蛋及蔥粒混合，與香脆多士同食，蟹味濃郁帶鹹香，真係好夾👍🏻🇯🇵特上十貫目（$298）壽司有十款，整體都唔錯，比較鍾意海膽、三文魚籽、甜蝦、拖羅及帆立貝，鮮味十足😌🇯🇵綿繡魚生飯定食（$98）定食跟配前菜、沙律麵及豉湯，魚生新鮮且款式唔少，有帆立貝、三文魚腩、八爪魚及油甘魚等，真係抵食又豐富👍🏻

今日同朋友嚟荃灣行街😝 之前已經食過一次，覺得幾好食，今次再同朋友嚟食，叫下其他野食🤣我哋兩個人，叫左兩樣前菜：螢光魷魚🦑 魷魚大條飽滿，調味夠，食落去有D爆汁，好正呀！燒雞泡魚乾🐟 燒到岩岩好，一D都唔乾，咬落去有口感，又煙銀。叫左兩樣主菜，分別係：火炙魚生定食🍚魚生方面有：燒到金黃色既海膽、肥美既三文魚、嫩滑既帶子、滑溜既魷魚；加埋青瓜絲同埋蛋絲，配合粒粒分明嘅日本米飯；一啖一滿足🥰特上十貫目壽司🍣由壽司師傅親自挑選10件時令魚生，當日就有：魷魚、拖羅、甜蝦、帶子、油甘魚、海膽、三文魚籽、左口魚、白魚。新鮮又肥美。

趁疫情算係平穩的時間，兩口子把握機會四圍尋找好嘢食，首選緊係魚生刺生日食啦! 位於荃灣的鮨一日本料理，由荃灣西鐵站行去大概十分鐘，係正荃灣廣場隔離，位置好易搵得到。平日晚上的定食套餐，滿滿的新鮮魚生，連埋前菜、沙律、麵豉湯，都唔洗200蚊，性價比超值!特上三色丼定食 (連前菜、沙律、麵豉湯) $178三色丼的配搭很吸引— 超rich的海膽、配上粒粒三文魚籽、入口即溶的拖羅蓉，豐富層次的口感，大讚! 吞拿魚丼定食 (連前菜、沙律、麵豉湯) $198赤身、中拖羅、大拖羅、拖羅蓉，超新鮮的吞拿魚，色澤鮮明，入口即溶。鮨一千層海膽飯(小) $198海膽控真係唔可以錯過鮨一的千層海膽飯，澎湃的海膽山，灑上金箔點綴，滿口海膽奢華，拼搭拖羅蓉平衡海膽豐厚口感，滋味大滿足!北海道仙鳳趾真蠔 $88 (兩隻)是日推介北海道仙鳳趾真蠔，成隻手掌咁大的真蠔，肉質鮮嫩，海水咸香，要是省去醬汁，鮮味會更加特出。牛油果軟殼蟹反卷 $75香脆滋味的軟殼蟹，配合細膩草香的牛油果，減少了膩滯邪惡感。總結— 食物質素、店員服務、環境衛生都尚佳，值得encore!

收工同老婆2人世界, 又唔想去太遠, 就去咗荃灣大壩街呢間鮨一日本料理！一入去見到大割引-大船渡真蠔買一送一$88咁抵！即刻叫左1份！真係大大隻好creamy好滿足! $298既特上十貫目, 有海膽, 吞拿魚腩同其他當造既刺身壽司！梗有一款啱你口味！另外佢哋個季節白身魚薄切（$98）亦都好鮮甜！老婆鐘意食蟹膏, 就叫咗個甲羅燒（$98）！蟹膏嘅鮮味沾滿細細塊麵包度, 一啖一塊好好味！最後食埋佢個錦繡魚生飯定食（$98）同清酒煮蜆（$62）就真係飽到行唔喐啦！整體環境服務都唔錯, 啲嘢食都嚟得好快！下次會再嚟食過！

<荃灣高質日式居酒屋>🤩荃灣一向多美食😋 這次來到這間日式居酒屋, 店舖面積唔算大, 但算具日本風. 而且食物款式選擇多, 有刺身, 壽司, 海鮮, 熟食定食等..... <季節白身魚薄切> {$98}😋 第一次食呢款魚刺食, 有約8-10片, 切得薄薄得來但十分有口感, 而且鮮味十足, 正!<甲羅燒> {$98}😋 滿滿的蟹羔, 伴著生蛋及葱花, 撈埋一齊, 再搽上已烘烤的脆脆麵包夾埋食, 充滿口感.<特上十貫目> {$298}😋 十件極上壽司, 有海膽, 學子, 吞拿魚, 甜蝦等, 每件鮮味十足, 而且份量亦剛剛好呢.<大船渡真蠔> {$88}😋 超大隻, 有成隻手掌size咁大, 而且 肥郁肥美<清酒煮蜆> {$62}😋 份量大, 多蜆肉, 再配埋蘿蔔 & 芫荽, 令整個蜆湯更為出色好飲.整體食物高質, 絕對值得回頭再食👍🍣餐廳 : 鮨一🦑地址 : 荃灣大壩街79號地下

鮨一都開到黎荃灣啦，就位置在荃灣廣場對面都相當方便，menu好多選擇，價錢都功道。店員態度都幾好，常常為我們加茶，幾細心！錦繡魚生飯定食，有湯，沙律，前菜，用上7,8款時令刺身片做丼飯，三文魚厚切肥美， 魚油感十足！ 鯛魚清新鮮甜，帶子綿綿細滑！壽司飯味道剛好，醋香唔會太酸，幾正！清酒煮蜆，用上沙白，新鮮無沙，份外大隻更鮮甜！湯底有陣陣清酒香味，非常吸引， 蘿蔔大切，好清甜。岩手縣真蠔，夏天當造日本岩蠔，size大大隻，而且相當肥美，口感嫩嫩味道夠creamy, 帶自然微微海水既咸香！好好食。

伊佐木刺身 ,味道鮮甜脂肪豐盈、肉質白裡透紅！ 薄切口感爽口而不油膩，師傅把牠薄切做成刺身片，肉質q 彈，點酸汁黎食，無得頂之前就食個甲羅燒，香脆法包放上滿滿甲羅燒夠哂惹味 , 讓多士吸收了濃厚的蟹膏，每一口都充滿香脆與鹹香的多層次口感，甲羅燒加了蛋液，除了蟹膏的鮮美，還有雞蛋的香醇，配上酥脆烤多士，口感很豐富清酒煮蜆，完全無沙，蜆肉肉脹卜卜大大粒，超級鮮甜！清酒加上蜆的鮮味，味道香濃美味。之後就食左幾款壽司，帆立貝壽司，肉質方面，肉厚實且呈口感較滑身。入口鮮甜火炙左口魚，火炙左，魚脂緩緩滲出，層次豐富，濃郁甘香。，肉質纖細，入口溶化。油甘魚腩，細嫩肉質伴隨魚油香與柑香，滋味無窮。金目鯛壽司，肉身白裏透紅，肉質細嫩、味道清爽甘美、口感帶脆

今日又黎到荃灣食日本野～ 呢間「鮨一」喺正荃灣廣場對面，好方便！環境闊落，坐得好舒服，啱晒人少少坐低食吓嘢傾吓計👀前菜方面「雞泡魚乾」$68🐠我覺得係成晚最好食的，自己本身比較鍾意甜甜地既菜式，作為前菜好開胃。魚乾一啲都唔柴唔乾，甜醬汁令到佢帶少少濕潤，易入口又易咬。「北海道仙鳳趾真蠔」$88🦪店鋪既是日推介，一上菜嘅時候，我哋都好驚喜，因為隻蠔真係好大隻，差唔多手掌咁大隻😙 食落去都幾鮮甜～「日本A5和牛壽司」$95🍣同樣係是日推介，A5和牛滑嫩，燒得啱啱好，入口油脂甘香，配合埋size適中既日本壽司飯，好融洽～主食方面： 「火炙魚生定食」$158🍱本身好鍾意食火炙魚生，覺得燒到半熟又滑嫩嘅魚生好滋味～ 魚生份量都幾多，同埋好多種類，包括：唔少得嘅三文魚、海膽、帶子、魷魚、仲有少少健康嘅配菜，青瓜同埋蛋絲，好豐富😝「特上十貫目」$298🍣🍣十件魚生壽司，件件都新鮮又肥美🤣

荃灣百老匯對面有間居酒屋，今日晚餐就同朋友去咗呢到聚聚🦪寶之真蠔 $88/2-蠔順滑清甜 海水味唔係咁重-回甘味道維持十多秒🐟季節白身魚薄切 $98-薄切白身魚淡淡魚香 肉質結實-配柚子醋 Perfect Match🍺清酒煮蜆 $62-蜆肉飽滿 比一般蜆size為大-清香酒味加上蜆本身帶甜🍣特上十貫目 $298-時令當造魚生由師傅親自挑選-海膽味道夠鮮夠甜 海膽味都幾濃-三文魚籽粒粒爆珠口感 海水味重-魷魚黏口綿密 帶子肥厚鮮甜🦀甲羅燒 $98-甲羅燒配有數塊烤脆麵包-將蛋黃攬拌蟹膏 鮮味甜味出哂嚟-塗上烤香麵包甚為惹味🍱錦繡魚生飯定食 $98-有多款魚生 油甘魚味道夠香 有淡淡魚肉味-八爪魚爽口彈牙-飯份量充足總括嚟講，味道相當唔錯，環境服務都好好，推薦可以一試

特地為左條池魚開個po!!!!!好驚喜,小店都有咁精美的擺盤,非常有心思同誠意. 池魚味道係好有鮮味,無腥味,切既時候處理得好好! 其他食物亦有出奇水準. 吉列蠔炸得好香脆, 唔厚粉, 新鮮熱辣. $72就有4隻, 抵食!刺身拼盤的油甘魚同三文魚好厚切, 啖啖肉,好食! 成個拼盤仲有帆立貝,八爪魚同甜蝦, 5樣野先$118, 比起同區好多日本料理店尼講算係不過不失, 對得住個價錢!仲點左一個燒蕃薯仔,店員話係日本進口, 燒得剛剛好, 唔會太林, 而且幾甜.飲品我點左杯白桃梳打, 日本野, 個樽幾靚, 好夠氣同埋真係佢既桃味唔係化學味, 幾好飲.