鮨一日本料理 (大壩街)

營業中

休息中

鮨一尖沙咀同荃灣都有餐廳，今次喺荃灣做完嘢就去荃灣嗰間食日本菜慰勞一下自己。裏面位置唔算多，不過感覺幾舒適又有Bar台又有普通枱，好似小型居酒屋咁不過比較光猛。千層海膽飯$198（S）想食海膽就不如直接叫個海膽飯，素咗細碼，啲海膽都好鮮味質素唔錯，其實嗰陣我都係比想像中多，食咗好耐先食得完 XD 裏面仲有拖羅蓉及配搭有紫菜，可以有多重食法。鱈魚白子$78呢個時令嘢，質感好似豆腐咁但係大有少少彈性，都好鮮味㗎。吞拿魚丼定食$198呢款裏面就有多款嘅吞拿魚部位，包括吞拿魚、拖羅等，肥肥瘦瘦都有，令整體非常豐富。而且刺身的溫度亦非常適中，容易入口也好吃。燒芝士年糕$32一睇就知係高質素嘅年糕，芝士味道濃香好吃，外皮香脆。鍾意食刺身魚去到呢啲地方通常都會揀返魚原條池魚刺身$188 今次想食濃味少少就揀咗池魚，魚香一流味道夠鮮，如果下次想食清新啲我就會揀時令白身魚e.g. 當日是真鯛。芝士蛋糕$26食埋個日式芝士蛋糕，飽滿度爆登，亦相當滿足呢！MENU

掛念日本嘅心，🇯🇵令我對日本菜式特別入迷。荃灣哩間日式餐廳，懷舊之餘。選擇好多元化，今晚一於同朋友一齊嚟試下。坐嘅係吧台，🍣所以可以見到廚師喺你面前親手製作，新鮮之餘更加用心，🍱好有喺日本旅遊嘅感覺。時令魚生刺身非常新鮮，有我最鍾意嘅北極貝，爽口鮮甜，仲好彈牙😚佢哋嘅刺身蝦都好大隻，晶瑩剔透食起身好滑溜🦐千層海膽飯，雖然已經叫咗細嘅size，但係份量都好足。🤩海膽層層疊。大概都有五六條完整嘅海膽，畀得好足料。底下仲有超鍾意的吞拿魚魚蓉，口感綿密，🥰非常好食。稻亭湯烏冬，🍜湯底清甜，而且烏冬好滑溜，食落好香。

近排工作實在太辛苦😣，決定放工之後食返餐好嘅黎獎勵自己！今日就同朋友黎到鮨一😋打開餐牌，好多野食選擇❤️不過有d 野一定要叫黎食鮨一千層海膽飯（大）$298個名真係無改錯，海膽好似有千層咁多，而且味道鮮甜，一啖一啖咁食，真係好幸福蟹肉牛油果凱撒沙律$78沙律酸甜開胃，蟹肉同牛油果味道好夾炸雞軟骨$45對雞軟骨有情義結，結果真係無令我失望，雞軟骨炸到好香脆可口，而且鹹香，佐酒一流小食明太子雞翼$42好鍾意食明太子，朋友原本唔食，但見我食得好滋味，最後都話試下，試試下仲成隻食左🤣三文魚腩刺身$56份量雖然少，但質量好好，入口有魚香，口感爽滑清酒煮蜆$62每隻蜆都好大粒，湯底有少少清酒香，仲有蘿蔔，清甜，三樣野好夾牛油果軟殼蟹反卷$75牛油果+軟殼蟹愛好者必點👍🏻吉列炸蠔茶漬飯$58吉列蠔炸得好鬆脆，一d 都唔厚粉，而茶漬飯清淡，倒左茶之後，成個飯充滿茶香

本身已經略有聽聞鮨一嘅千層海膽飯前排喺荃灣廣場附近食嘢見到鮨一竟然喺荃灣開咗分店已經急不及待約朋友嚟試，好彩夜晚七點前到咗因為餐廳陸續坐滿人，之後仲要排隊先入到鮨一千層海膽飯（大）$298一上枱wow咗一聲，海膽層層疊疊夠晒搶fo，打卡必選！海膽又滑又鮮甜，份量好多，用紫菜包埋下面吞拿魚蓉同醋飯食，有多重口感！壽司上十貫目$198海鮮同魚生嘅面積覆蓋晒下面件飯團，飯團捏得好結實，唔會鬆散！牛油果蟹籽沙律$62朋友至愛，成個沙律份量幾大，牛油果切粒，粉粉綿綿，多蟹籽，食材新鮮，加埋沙律醬，可以話係永無失手嘅菜式！辣酒煮蜆$65我好鍾意呢個湯！少辣，酒味不強烈，反而飲到嘅係海鮮嘅鮮味，飲完個身暖笠笠，蜆又飽滿又大隻，蘿蔔入晒湯味！明太子雞翼$42皮脆肉嫩，明太子釀咗係雞肉入面，味道豐富，佐酒良品！其實一開始就見到餐廳兩塊黑板上寫咗十幾款時令食材同菜式，但係打開餐牌實在有太多嘢想試，好彩全部都好滿意，下次會試吓黑板上啲推介，可能有驚喜！

一直好想試試鮨一，聞說海膽飯好出色😍！千層海膽飯（大）一層層海膽上有金箔點綴，非常耀眼🤩！海膽入口鮮甜，大啖大啖放入口。幸福感滿瀉❤️‍🔥！下層舖上吞拿魚蓉，口感非常豐富！特上十貫目十件壽司由廚師發板😎！說說印象比較深刻的！海膽入口鮮甜！金目鯛爽囗！深海池魚有嚼口😋！帶子海膽反卷帶子份量好多，幾乎遮蓋反卷😛！帶子夾埋海膽一齊食非常夾🥰！燒芝士年糕燒比炸少咗份油膨膩。煙韌外皮，配上內餡芝士，非常滋味😋！

20:40 坐低 20:50 就吹你叫嘢，話list call 唔緊要，舖頭嘅廚房部就啤住你，就叫幾件壽司試吓，👆不外如是啫 咁趕住收22:00，就咪開舖啦！呢咁嘅服務態度👎👎👎👎👎👎👎👎👎👎

辛苦完一日嘅工作，絕對要慰勞下自己☺️☺️收工後黎到荃灣行下街，商場已經開始有聖誕燈飾喇！揾野食去到大壩街，成條街都好多選擇！今晚就入左黎呢間門面好日式木系嘅鮨一！見到好多人推介食千層海膽飯😍真係有好多好多海膽！坐係吧枱望住壽司師傅整，大匙大匙咁不落去！唔好停，繼續不呀喂😝😝啲海膽好鮮甜，入面仲有吞拿魚蓉呀！食到中間唔夠紫菜仲可以追加！日本真蠔$68@ 好大隻呀！不同款式嘅壽司同卷物，飯嘅份量細細舊，唔會飽到上心口，亦可以食到刺身嘅鮮味！最後黎啲熱食先，分別試左清酒煮蜆，啲湯落左七味粉，所以會有少少辣～明太子雞賢～～炸到脆卜卜！

今日放假又到荃灣搵食。上網睇到人哋話呢間餐廳嘅海膽飯好味，於是就抱着試味的心態去啦。因為想避開午餐人流，去到餐廳已經係下午兩點，餐廳內只有兩位其他客人。因為係要嚟試味嘅，所以餐牌都唔使睇，就要咗一個細嘅海膽飯。坦白講，一碗細海膽飯係不能夠飽肚的，但係因為我淨係想試味，所以就冇乜所謂，如果真喺想食得飽，建議嗌碗大嘅海膽飯。細海膽飯嘅賣相一流，搭到非常高的海膽下面墊住吞拿魚蓉，海膽上面仲擺咗啲金箔做點綴，另外個餐仲俾埋啲紫菜，可以包住海膽飯嚟食。總體而言，海膽十分新鮮，一啲苦味都冇，仲係好鮮甜，因為我已經好耐冇食海膽，所以這次試食係食得非常之開心同埋滿足嘅。呢間餐廳嘅中午定食選擇甚多，下次有機會嚟我會試食佢其他的定食。

同朋友去開荃灣行街，見到呢間日本嘢好似幾就試下，佢值得收藏作為日後食飯必選地方。我同朋友叫咗一個set。入面有柚子白身魚沙律，肉豆膠魚南蠻漬，胡麻拌土鳥，高糟度番茄配尊菜醋物，日本生蠔，紫蘇海膽夭婦羅，刺身5品，壽司5款，鮨一特色手卷同埋迷你鰻魚飯。柚子白身魚沙律非常鮮甜，作為頭盤真係一流。肉豆膠魚南蠻漬個味幾特別，少少鹹香又唔會過龍。胡麻拌土烏，胡麻醬既香配土烏真係perfect match。高糟度番茄配尊菜醋物，番茄甜度好高，完全唔酸，好好食。日本生蠔，新鮮配上啖啖海水鹹味真係一絕。紫蘇海膽夭婦羅，岩岩炸起非常香口，加埋海膽既甜真係無得彈。刺身同壽司都係水準之作，海鮮夠甜夠新鮮。

三色丼定食 - 呢個三色丼定食前菜，有正常日本餐廳包括麵豉湯、沙律同有辣味螺肉，而丼飯有甜蝦、帶子同埋三文魚三款刺身，呢三款刺生相當新鮮鱈魚白子 - 樣子似白色嘅生腸，食落去似入口即溶，非常鮮味，係冬天時令嘅食物。鮨一千層海膽飯 - 呢個千層海膽飯，上菜時，好似細細碗，唔夠食，但食下食下都幾飽，呢個飯分左3層，最底個層係飯，中間個層係嘅吞拿魚蓉，最頂個層係好多好多好好食嘅海膽，另外，仲有數塊紫菜，用紫菜包住個三層就咁食，已經好新鮮值得一讚

( ͡° ͜ʖ ͡°) 日 式 🇯🇵荃灣廣場附近食晚飯見到哩間日式小店入去試下可惜食物普通 唔太值得黎試🔸三色丼定食 $ 9 8三文魚帆立貝甜蝦蟹籽丼配有麵豉湯同沙律一般普通貨色🔸牛油果軟殼蟹反卷 $ 6 8即炸軟殼蟹好脆口 都算唔錯 沙律醬可以再惹味啲🔸壽司🍣油甘魚 $ 1 8幾新鮮同算厚切 幾好🍣劍魚腩$ 1 8 三文魚腩 $ 1 6都係普普通通 不驚喜壽司同街邊外賣店貨式差唔多 十幾蚊件性價比唔高🔸八爪魚燒餅 $ 3 2佢似係大阪燒嘅醬汁但燒得有啲硬 食落有啲奇怪推介指數：🌟🌟/ 5

🇭🇰荃灣高質晚市日本定食【#鮨一 】🍚鮨一千層海膽飯 (S) $198大概手板咁大到啦 海膽下面重有啲拖羅蓉 絕對夠你撈飯 海膽真係好新鮮 鮮甜奶滑之餘重入口既溶！ 性價比高😍🍣六貫目配三色刺身定食 $168甜蝦三文魚八爪魚係刺身 帶子白身魚火炙螺裙邊蟹棒 就係壽司🍚錦繡魚生飯定食 $98切片大大塊 絕對吸引過粒粒😆🍚特上三色丼定食 $178海膽三文魚籽拖羅蓉🍱定食都會送前菜螺肉沙律同埋麵豉湯不過我就覺得份量偏細 想食得飽要再嗌啲小食 不過整體都好抵 魚生全部都好高質🥰⚠️加一服務費📍鮨一日本料理 (大壩街) (荃灣)荃灣大壩街79號地舖

今日去咗荃灣行山 行完之後有熱有攰咁就去咗呢間鮨一慢慢坐住嚟食日本嘢角切魚生丼 好新鮮 有三文魚吞拿魚蝦等等 加上煙韌嘅珍珠米 令人食指大動 套餐仲加埋麵豉湯同沙律等等 食一個餐已經飽曬鮨一海膽飯 各位海膽控一定要食 海膽甘香而且有豐富嘅海水味 口感甘甜軟滑 值得一讚軟殼蟹反卷 軟殼蟹炸得好脆身 加上牛油果 令到層次好豐富蒲燒鰻魚 同出面食到嘅差唔多 冇乜特別三文魚腩刺身 好有魚油嘅甘香 好肥美釀雞翼 日本餐廳都可以食到咁正宗嘅釀雞翼 炸得脆身之餘入面嘅材料都好豐富

今日得我一個人食飯 悶悶哋就去荃灣嘅呢間鮨一度食日本菜最近餐廳推出咗個仲夏一人前 啱曬我呢啲孤獨精柚子白生魚沙律 肉豆鰺魚南蠻漬 胡麻伴土鳥 高糖度蕃茄 非常清甜 仲有蕃茄獨有嘅香氣日本生蠔 海水味唔太濃 夠曬肥美鮮甜紫蘇海膽天婦羅 炸得香脆一啲都唔油膩刺身五品 有帶子 秋刀魚 甜蝦 赤身 油甘魚壽司五款 包括牡丹蝦 大拖羅 帶子 三文魚子 拖羅非常鮮甜肥美無根鮨一特式手捲 鋪滿咗吞拿魚 蓉晶瑩剔透嘅三文魚子同埋海膽 非常鮮甜迷你鰻魚飯 分量都幾大 食到呢度已經飽飽地 鰻魚夠厚肉芝士蛋糕 味道濃沃口感綿密 好食嘅日式芝士蛋糕

想去試出名「千層海膽飯」，可惜可能lunch去海膽未返貨。咁一場嚟到就叫了午市定食。第一個係特上六貫目壽司配烏冬，刺身正常新鮮。烏冬是手打鳥冬不是平價貨。每個定食均配前菜、麵豉油同沙律。前菜有驚喜不是普通款。沙律菜新鮮，麵豉湯普通水平。第二個係和風牛肉飯，一個四平八穩的牛肉飯，牛肉入味不是過老，牛肉質素好過一般連鎖店！食定食可以加錢有三片三文魚，不過可能將貨就價，三文魚不大吸引。最後一個定食係吉列廣島蠔定食。呢個炸得好好，吉列蠔雖是來貨，但是高質！一定會有下次！