鮨一日本料理 (大壩街)

營業中

休息中

上年幫襯過，覺得幾有水準，聽話轉左menu，同住係荃灣既朋你友再食過！吞拿魚丼定食（$198）呢個價錢晚市黎講都幾實惠，有成四款吞拿魚，赤身、中拖羅、大拖羅同拖羅蓉，每款都有兩件，睇落都幾肥美🤤🤤，食落都新鮮架，尤其大拖羅，入口有香濃魚味溶化既感覺，值得一試！五品刺身定食（$118）要讚下個白身魚，勁厚身，食落清爽唔油膩👏🏻海膽壽司（$48 一件）真心推介！海膽好新鮮，一啖食晒真係有種幸福既感覺！清酒煮蜆 （$62）呢個價錢份量黎講都值得一讚，蜆肉算新鮮，味道清甜，特別鐘意啲白蘿蔔，唔會因為係配菜就馬虎，反而仲係好清甜！