魚一壽司 (教育路)

營業中

休息中

天氣咁熱，成日想食魚生近近地，喺元朗原來有間魚一壽司夜晚嚟到，要等位原來有兩層，都入得幾快嚟到呢度梗係食壽司啦，壽司價錢一啲都唔貴叫得好爽😎厚切三文魚腩壽司都只係8蚊件！質素都有返咁上下，性價比好高最喜歡係火炙系列既壽司，火灸三文魚，火炙蟹棒壽司，上面加左沙律醬，好惹味，食幾件完全冇難度！encore再encore除左壽司，呢到重有小食同自選丼飯可以叫芒果蟹子沙律好多蟹子，沙律醬又多，正牛肉薯餅勁足料，啖啖薯，炸得金黃香脆，好滿足自選丼飯，飯底只係10蚊，之後魚生至少要選3款，每款2份走，第4款起就可以1份起。我地揀左三文魚，帶子，馬冀海膽同埋大拖羅魚生鋪滿哂係飯上面最喜歡大拖羅，油脂分布得幾平均，大大舊好肥美重有紫菜比你包住海膽食添最後加支信州蘋果梳打，食飽飽好滿意

假日黎到元朗搵下嘢食。見呢間壽司店價錢都唔貴，就坐底試下芝士焗生蠔，隻蠔都幾大隻而且都幾鮮甜芝士份量都好多，可以做到拉絲效果左手面係明太子雞翼，去骨雞翼包住明太子，味道出奇地夾，必試而右手面係牛肉可樂餅，外脆內軟，配合沙拉醬食，正壽司都唔算貴，而且刺身都算新鮮，可惜啲壽司飯好難食啲壽司飯好濕同埋好淋，感覺上煮飯嘅時候落多左水，而且食唔出壽司醋桃味梳打水，都幾有桃味，可以一試感覺呢間壽司店食熟食比壽司好，可能我果次食嘅飯實在太大落差。不過而且呢啲小店點都要支持下，希望下次食，啲壽司會正常返

月初嘅時候同娘親大人去食呢間魚一，差d唔記得寫食評，但因為前兩日忽然太回味佢嘅銀雪魚定食，就記起有好野要同大家分享😉娘親大人雖然成日話腸胃差唔食生冷，但我嘅為食基因承傳自呢個為食媽，佢見到好野點會唔食丫？一來個池魚刺身就啪兩件落口，力證身體強壯！當然，池魚首先係十分鮮味味美，先得到娘親大人垂青，加上個醋汁鮮味更出！重頭戲係自選丼飯，即係刺身車仔飯，我覺得揀喜歡嘅刺身拼搭呢件事本身已經無得輸，加上呢度嘅刺身真係非常新鮮，特別鐘意三文魚子的咸鮮香。下面呢幾隻刺身價錢拼埋只係$138，真係好難搵最後當然要一提令人回味嘅銀雪魚，西京燒嘅做法，令佢本身嘅油脂降一降低，但又提升佢嘅香味，食完兩塊唔油膩，最重要係佢。好。抵。食！一個飯餐賣$58呢個驚喜價，平時去茶仔都唔得，我一定，係必定為呢個銀雪魚再來！其他野又紀錄一下三文魚湯一流牛舌燒得香

是咁的~今次再同女朋友仔黎食魚一 仲要係晚市 上次食完有驚喜今次就黎試下晚市抵唔抵先晚市除左冇左lunch set之外 其餘都同中午一樣 咁啫係唔會貴得去邊啦因為女朋友仔仲要番屋企食飯 所以佢就陪我食下啦 我地叫左d壽司同拉麵 想試下魚一拉麵嘅水準去到邊嘛呢到分別係蔥吞拿魚腩碎壽司 炸軟殼蟹壽司 珍寶帶子壽司同三文魚壽司 全部價錢都好抵 最貴係珍寶帶子壽司 但貴係貴d但一分錢一分貨 食落真係超香甜超新鮮 而且保持到帶子彈牙嘅質感 好清新好甜呀炸軟殼蟹壽司有四舊 size都唔細 價錢都相當合理 配埋適當分量嘅海苔粉同沙律醬 令軟殼蟹壽司嘅味道更有層次 正三文魚壽司 性價比都幾高 平得黎又唔係好薄或者俾d唔靚冇味唔新鮮嘅三文魚你 食落依然充滿三文魚油香 厚薄適中最後蔥吞拿魚腩 價錢都係比較高少少 唔知係咪因為前面三文魚味太搶 呢個食落就食唔到油香 冇咩味咁另外追加女朋友仔最鐘意嘅腐皮船 亦係抵食之選 平得黎 料嘅份量好合理 過足口癮最後個拉麵黎喇 都係好平 好似四五十蚊？ 當然份量唔算好大 但賣相一d都唔欺場 一黎我就飲啖湯先 係豬骨湯 而且真材實料 飲落濃而不膩 唔會死咸 飲落都舒服到食

天氣熱到不行。落到元朗整野自己一個都唔知食咩好就去食丼啦 成日都見到人地食呢間。好正呀 可以自己揀食咩 可以咩都小小 咁就可以食好多款啦😍😍😍😍好岩貪心又細食既小狗🐣🐣🐣等左一陣就上左個飯 。我都揀左好多其實😂有頭甘蝦 牡丹蝦 北海道海膽珍寶帶子 三文魚籽 三文魚腩蝦成個湯匙咁長呀有 so far每樣食材都好新鮮 好鮮甜。成碗野咁樣都係150蚊炸。下次我要試下成碗都叫蝦先😂😂😂😂哎呀～好滿足呀我❤️❤️❤️

叫左個自選魚生飯，分別係馬糞海膽，中拖羅，池魚王，劍魚，帶子，重有個唔記得乜，個飯10X蚊,馬糞得兩大粒，所有刺身得一片，刺身好多根，不過解凍夠，冇雪味，海膽都好甜，之後叫多隻軍艦，飯過酸。炸雞軟骨，幾ok。三文魚頭，直頭用臭黎形容，可能今日天氣熱，明顯變壞左。豬軟骨拉麵，味過重，太咸。雞翼超好味。羊架過得去，不過不太入味。蒜香牛肉粒，老實講，我未食過咁難食既牛肉粒，明明叫蒜香牛肉粒，出黎既竟然係水汪汪既蒜香黑椒牛肉粒，唔知做乜野有黑椒，有冇諗過客人係唔食得辣既呢？定係想除左牛肉既雪味呢？結論：只推介雞翼，馬糞海膽，重有佢地杯玄米茶，堅好飲

繼續係家中無飯開的日子，又同阿爸出街食，到了魚一壽司，之前食過好鮮味，今晚又黎食先。好多人等位，都等左成十五分鐘先有位，坐低飲番杯茶降下溫先，呢度個麥茶好飲。阿爸的自選丼飯（$100），點了帶子，三文魚腩，劍魚腩同海膽，滿滿的一碗好豐富呀～魚腩肥美，帶子同海膽鮮甜，好味。我呢碗（$98），同樣要了三文魚腩同帶子，再加了中拖羅同吞拿魚蓉，三文魚腩同中拖羅都夠哂肥美，食落一口魚油很正，帶子爽口鮮甜，吞拿魚很甘香，再肥一點更好，飯混了醋好好味。厚切三文魚肥肥的中拖羅，入口無渣的。帶了好鮮甜呀，都算係大size黎。吞拿魚蓉甘香燒銀鱈魚（$68），呢度個銀鱈魚算平喎，多點一塊食下先，魚肉超嫩滑，甜甜的醬汁恰到好處，好正好正。自選丼飯豐儉由人，是晚就點得很豐富了。

最近十分喜愛到元朗尋找美食，難得星期六可以放假，當然是早點起床到元朗繼續我尋找美食之旅和朋友食飯大都是放工後約食晚飯，偶然約一次午飯聚會也不錯今次選擇了位於教育路的魚一壽司，有朋友吃過覺得不錯向我介紹，當然要自己親自去試一試餐廳環境餐廳不算很大，地下之有一張壽司吧檯，要到閣樓才有多些坐位，由於時間尚早，閣樓只有零星的顧客，坐滿的話應該會十分熱鬧坐下後店員會先送上一大壼熱熱的茶，再讓我們慢慢選擇想吃的東西。雖然餐廳有午市定食提供，我和朋友還是被自選刺身丼飯吸引，挑選屬於自己的刺身丼飯最後我們都分別點了自選刺身丼飯，我的刺身丼飯配料有三文魚，玻璃蝦，帶子，磯煮鮑魚及北海道海膽，朋友則點了三文魚，帶子及北寄貝。除了刺身丼，我們還點了主餐牌的燒雞泡魚乾，鹽燒雞翼，味付螺肉及火炙蟹棒壽司，十分豐富味付螺肉冰凍的螺肉爽口彈牙，在炎炎夏天吃真是相當合適。火炙蟹棒壽司蟹棒用火槍輕輕燒過，火喉剛剛好，不會太燶，而且帶出蟹棒的鮮甜及香味，配上壽司飯一口吃下去十分滋味。刺身丼這裡的海膽入口即溶，十分鮮甜，完全沒有苦澀味，能夠吃到高質素的海膽真的很難得帶子鮮甜美味，質感綿綿磯煮飽魚質感煙韌，咸度適中三文魚厚度

見到朋友ig tag左呢間鋪啲刺身勁厚所以就心思思想試驚full既關係特登早禮拜就訂咗位間鋪係兩層嘅食嘢係樓上最初安排近樓梯旁邊嘅二人位可能見我哋叫得太多嘢食其中一個女職員主動話俾我哋坐四人枱新鮮嘅刺身我哋揀咗帶子同三文魚作為一個帶子控一見到有帶子可以揀就忍唔住啲帶子粒粒都好厚好大粒有咬口啲三文魚都係厚切幾十蚊嘅份量真係好抵食最鍾意就係佢嘅雜錦魚生沙律火炙壽司我覺得都係其中一個必叫 好多都可以淨係一件一件咁上唔驚叫多左食唔晒自選丼飯嘅刺身呢個餐單好貼心又多款揀（又係不自覺咁揀左帶子）清酒煮蜆好入味連啲汁都飲左幾啖酒味超濃個支哈密瓜嘅汽水本身驚伏伏地點知一試OK好飲勁重哈密瓜味鍾意哈密瓜既可以一試 買單嗰陣佢地仲同我哋介紹佢哋仲有做午市嘅定食有唔同嘅丼飯同埋壽司套餐仲加埋前菜同埋甜品仲有湯睇落好吸引

星期六揾節目，毒男如我者，節目都離不開同家人朋友飲飲食食，今日就揀左位於元朗教育路嘅魚一壽司午餐，原因只有一個，就係要食下佢地個自選百撘刺身丼，自選餸菜車仔麵就成日食，自選刺身丼就未試過。可點項目多達28款，隨自己嘅喜好拼出所需，普通日本料理嘅刺身丼材料份量都定死咗，唔想食要硬食，鍾意食嘅刺身又只得兩件，食完唔夠喉，百撘自選嘅好處就係份量任點，款式任點。揀左: 油甘魚腩x2份、三文魚籽x2 份、活赤貝及水母油甘魚腩甘香肥美，漬三文魚籽鹹鮮醬油味唔算太濃、活赤貝爽脆，特別一讚係水母，即係平時我地經常食嘅海蜇，異常脆口彈牙，比起燒臘檔賣嘅實在好食太多！飯好大碗，暖暖地嘅壽司醋飯，聽講刺身配暖飯鮮味會更突出，今次特別認真試呢個效果，果然係真嘅。池魚刺身由於係是日推介嘅刺身，點左份6片嘅，一睇切出嚟嘅大細，就已經知道條魚有一定嘅體積，每片魚肉白淨冇積血，代表腥味一定少，果然入口只得甜味零腥味，讚！讚！讚！因為同病咗嘅阿妹同唔太熱衷生冷野嘅母親同行，今餐點左唔少熟食，有銀鱈魚西京燒、牛肉炒拉面，燒羊架，意想不到主打魚生刺身嘅魚一熟食都咁多選擇。銀鱈魚西京燒 只賣HK$58真係抵食到不得了，出面超

壽司癮起就同朋友去左依間壽司店食lunch，聽朋友話都幾抵食。單點既壽司都吾算貴，所以都幾值得一試。本身諗住單點自己想食好壽司，但一睇到定食甘抵就二話不說點了壽司C $78最吸引係條海鰻，加埋燒汁同埋佢本身軟綿綿入口即溶既質感，真係好正！仲要甘長呢！之後仲有好多火炙既壽司，係我最愛！左口魚入口即溶，帶子又幾厚啵。整體真係吾錯，仲連湯、前菜同埋甜品！但當日甜品無貨。其中個湯估佢吾到甘正，有啲3文魚肉，湯都幾鮮味吾似平時普通味噌湯！有啲似元氣個隻3文魚頭湯～之後再追加一啲壽司。火炙左口魚邊 $8真係好正，入口即溶既左口魚！但如果魚再大塊啲就好。厚切三文魚腩壽司 $8勁厚切，係必叫，仲好肥美！魚一焦糖鵝肝壽司 $32焦糖係面點亮左成件壽司，真係幾好質素，比起某啲連鎖店既鵝肝都算大塊。馬糞海膽軍艦(件) $18海膽份量吾多，但幾鮮甜。整體都幾好，服務不錯！

元朗多美食眾所周知，今晚就帶了媽媽去在openrice 頗多好評的魚一壽司。好味的餐廳自然多人光顧，在門外等了10分鐘。义燒烏冬义燒有好幾片，肉質色美。烏冬滑luet luet，口感一流。日式炒麵很香很惹味，嗜辣的人一定會喜歡。燒雞翼採用蜜糖調味，每淡有焦香之餘，又帶有甜味。鵝肝手卷鵝肝大大件，味道突出，面層塗上蜜糖，一咸一甜的味道提升了味覺的享受。鰻魚手卷喜歡吃鰻魚的媽媽都盛讚好味道火炙三文魚及火炙左口魚壽司壽司最喜愛火炙系列，喜歡那種半生半熟，軟綿綿入口即溶的感覺。如果想省錢，餐廳在午市供應套餐，抵食之餘亦免收加一，下次要試下午餐。

用麻雀雖小，五臟俱全來形容魚一，實在當之無愧。入到門面已經見到師父整緊魚生，見到三文魚放在冰上，已經垂涎三尺😛上到樓上，店員已經好熱情咁招待。打響頭炮叫左火灸三文魚同埋三文魚腩赤身。火灸三文魚用兩個字形容，出色！輕微的焦跡，更令外觀吸引。口感入口即溶，實在非常考師傅的功夫！再來的新鮮的油甘魚！色澤帶點反光，放入口滿滿的油脂，幸福非常。鰻魚壽司與其他壽司店的壽司的外觀不同，用了更上品的鰻魚，入口魚肉不會散，醬汁味道一流，甘甜的味道，齒頰流香。有人話睇一間日本餐廳有幾出色，就要試佢地的玉子壽司，而呢到既玉子壽司，每隻的大細都一樣，日式甜蛋熟度剛好，不會有過熟既感覺，口感細密，我會簡佢為今日的VIP。另外，加單加了刺身飯，叫左有頭甜蝦，大拖羅同埋三文魚子。如果你係食蝦膏既fans, 誠意推介有頭甜蝦，鮮甜的蝦膏，不用醬油調味，味道已經非常好食，蝦膏簡直為整碗丼飯畫龍點晴。三文魚籽味道偏咸，送壽司飯一流！拖羅油脂同魚肉比例半半，非常適合配丼飯！食到意猶未盡，一次過追加了牛舌、牛柳粒同蔥花吞拿魚同左口魚邊！左口魚邊雖然多油，口感卻是一流。牛柳粒比想像中出乎意料之外好食，市面上的牛柳粒大多會過熟，

星期六妟起身。同老婆2點先出元朗搵野食。 去到鍾聲球場後面教育路魚一。間餐廳唔算大 樓下係吧台 上左去樓上坐 打開餐牌 見到定食套餐同自選丼飯唔錯 ，令外壽司拼盤都抵食。最後叫左自選刺生丼（劍魚腕 三文魚腩 油甘魚腩 水母）。幾大件 又唔會雪到好凍 味道鮮甜。值得一提的wasshabi 好新鮮 似是即制 另外叫左個天婦羅定食 同燒牛舌。 天婦羅有炸蝦同南瓜。味道好 不咸 唔多炸粉。 牛舌有六片 都夠厚身 唔靭。 總括而言 值得再食。下次叫多的人 試多的款式。 另外 員工都值得一讚。因為食物在地下 待應們要經常跑上跑落樓梯傳遞食物上樓上 都幾辛苦。

今日天氣十分熱,有34度,但經過元朗教育路呢間唔太起眼小店~"魚一壽司"決定要試一試~果然有驚喜wo!可惜剛剛過了「午市套餐」時間，幾款午市套餐都好吸引，而且價錢超抵食>>$4x-$6x已經有一大碗魚生飯，今次錯過左，唯有等下次壽司新鮮而且件件魚生都肥美鮮甜，再加上有手磨wasabi,令人食完再食既衝動！二話不說就叫左一盒"鰻魚壽司飯"，壽司飯用木盒盛著，鰻魚肉質幼滑很美味，燒醬汁帶有甜味加上鰻魚香口美味，鰻魚油脂豐富又不會有太大的肥膩感~肥而不膩。蔥吞拿魚腩軍艦壽司味道鮮甜， 而且口感比較彈牙因為新鮮的關係， 食落去唔會覺得腥或者口感怪飛魚籽每粒都漲卜卜，好鮮無腥味而且唔太咸口味清淡，有著甘甜 ; 三文魚腩壽司好肥美，入口充滿油香，一個字"正" !帶子壽司頗鮮甜，入口即化，極富魅力而三文魚相對普通,但都十分新鮮可口!另外叫了一份四大日本料理之一"炸蝦天婦羅"，炸蝦十分酥脆，而且蝦肉新鮮，唯一美中不足是炸粉太厚了，但都很好食呢~魚一壽司的壽司美味新鮮，吃過一次就會上癮。