魚一壽司 (教育路)

營業中

休息中

本身是想去吃OMAKASE慶祝一下的, 但是沒有BOOK枱當然是吃閉門羹.怎知隨即發現轉角街有間不太顯眼的日式餐廳,見食評不俗就一試啦!兩個人叫了刺身拼盤(忘記了級數名字),另外再加個肥牛鍋,追加一杯梅酒.等待期間有免費味噌湯, 好貼心!味道也很好,而且有三文魚在裡面~個刺身非常抵吃,$2xx已經有一板海膽,生蠔X2,三文魚X6,吞拿魚X3,吞拿魚腩X4,油甘魚X3,大甜蝦X3,帶子X2!還要全部都新鮮,甜,厚身! 海膽還送上飯!胃口大滿足!牛肉鍋牛肉份量多, 湯也不會食咸, $68簡直超值!最後的梅酒亦是一個好介紹,梅味清香, 又有酒香, 順滑感高!不喜飲酒的我都覺得好好飲!雖然環境一般,但食物質素佳, 服務亦好,如此高性價比當然值得ENCORE! 

行開元朗又想食壽司都會選擇去魚一食~每次食都會好多人排隊但價錢同質素都會又平有正!首先我地叫左壽司劍魚腩 $12油甘魚腩 $12辣味三文魚 $20生芥辣 八爪魚 $10火灸三文魚$12 火灸鰻魚$14份量十足夠夠 見到d料都已經爆出黎材料十分新鮮 壽司種類多個人比較推薦係辣味三文魚個辣味超級正, 加埋大大粒既三文魚大家都要試下然後仲有刺身,三文魚半磅$68北海道生帶子$38三文魚全部好新鮮 每一塊都好厚 咬落去口感好好帶子一樣都係好鮮味 個個都好大粒 好清甜 最後叫左炸物： 牛肉薯餅 $15 栗米薯餅$15 一口芝士$25

本身晏就見到呢間已經好想試下，結果就放工過黎食，佢有自選嘅刺身丼飯，有好多種類俾你揀，價錢亦唔算貴，都算大眾化。🤘🏻🤘🏻🤘🏻另外佢仲有好多其他單點嘅壽司俾你order，亦有部份小食，拉麵，沙律，仲有一啲一品料理，當然唔少得嘅就係刺身啦。🖖🏻🖖🏻淨係睇佢個壽司Menu，都已經好多款揀，仲有佢店舖裏面都會每日推介一啲新鮮嘅食材供客人選擇。😍😍😍我叫左牡丹蝦，中吞拿魚腩，加拿大海膽，啲牡丹蝦好大隻好厚肉，甜甜地確係新鮮，中吞拿魚腩入口即溶，最後加拿大海膽佢有紫菜同埋白飯俾你搭配黎食，海膽完全無腥味，都好新鮮，可以再encore。😋😋😋😋珍寶帶子壽司，帶子都好大隻同埋都好新鮮，食落好鮮甜。😋😋😋三文魚腩壽司，都唔會薄切，都有厚厚地嘅一塊肉，值得一提嘅就係佢啲Wasabi係即磨嗰隻，好有heart。🤞🏻🤞🏻🤞🏻蔥吞拿魚腩軍艦，芥辣八爪魚軍艦

隊員W帶路之入元朗食日本野🐶～裝修別緻，有兩層架，不過底下果層就做外賣嘅🤔好多人等位，所以要食就要比啲耐性啦😂😂～野食都算幾新鮮👍有刺身卷物手卷和食，單點唔算太貴😋不過款式就大路啲啦～火灸壽司類尤其🦐🦐燒得好香好均勻，卷物就較散，味道一般👅建議都係軍艦或火灸類比較好🤤～-------------------------好味指數😋：7/10翻啅指數🙆🏻：6/10人均消費💰：101-200服務態度👨🏼‍🍳：6/10乾淨指數🌝：7/10

已經好耐無黎魚一食主要係覺得佢紅左之後態度同野食都比以前差左🐒不過平平地食番lunch都還好既🐒————————<Lunch set> $78包8件壽司 3件卷物 麵豉湯 沙律先吐糟下個沙律啲醬多到唔使錢咁放食到口都苦埋🐒壽司都係火灸款 燒得好香特別中意三文魚同左口魚邊將油香迫哂出黎💃🏼卷物就係炸蝦卷 炸蝦仲係脆既 唔錯💛💛💛❣️————————元朗平價日本野黎講 魚一真係唔錯既雖然yoho mall都有純壽司同ana純壽司價位中等 但材料未見特別（除左佢有個咩厚切三款既 我好中意之外）Ana就太貴 無錢去試啦🐒所以有時係元朗想食日本野個陣 都係會諗番魚一🐒不過都係個句啦 如果好似以前咁就好雖然而家價位都係唔高 但態度真係差十萬九千里😕😕

住元朗既我唔係成日出街食飯，但係人都知元朗美食多，襯住禮物6得閒唔洗返工就同媽媽去試下呢間佢講左好耐新開既SUSHI啦~入到去樓下係外賣區，一望就望到有生蠔!!! 堂食既話店員就帶左我地上樓上雅座，一上去原來都幾FULL WOR~~ 睇黎質素有返咁上下!!!!! 坐低左店員就拎餐牌比我地睇!見到佢d lunch set都幾平，仲要有湯有前菜，但難得同媽媽食飯，食下最出名既魚生飯同壽司set啦！ 價錢會貴dd~ 我地最後叫左魚生飯set 3 同壽司拼盤C首先會上左前菜先，係蟹肉沙律同三文魚味噌湯，沙律幾開胃，味噌湯唔太咸，真係有幾多三文魚係入面bor~之後就係小食三文魚腩同蒜香牛柳粒，三文魚腩大大件，多肉，稍為肥左少少，牛柳粒真係推介，好冧，好香，熱辣辣食停唔到之後就到我地既主菜喇~ 魚生飯有媽媽最鍾意既帶子~~ 都新鮮，又大粒，三文魚就正常水準，有海膽係入面簡直驚喜！飯就應該落左醋，酸酸地，等客人無咁影食濟我既壽司拼盤C上菜時已經比佢嚇親，因為超大盤，2個食都得，好足料，上面既刺身大大件，食落都係新鮮，完全唔馬虎，佢既價錢呢個質素係超水準，真係好好味！離開時見到佢有生蠔食，下次帶埋ba

之前都唔係好覺眼係元朗開左間日本餐廳今日經過發現 佢個門面好日式 入到去第一個感覺都非常良好，裝修不錯，要上樓上跟住位置都在上層，都幾多人食，吾錯吾錯有湯 有小小菜 沙律做前菜 右口魚裙邊老闆推介鱈魚定食店員推介話係用自製醬汁烤煮出黎食第一啖 嗯 真係唔同wo 個汁配落鱈魚到好好食跟住就係自己揀既刺身丼我地揀左 Toro 姐係大吞拿魚腩 同其他配料夠肥美 入口即溶 仲嗌左其他刺身同壽司食 ，有赤貝，甜蝦，全部都好鮮仲有個呑拿魚小卷總括黎講 都幾抵食，好正啊

今日特登過來食魚一壽司，因為佢嘅午餐定食好抵食!有壽司，刺身，拉麵定食，低至$38有交易! 最貴嘅套餐先至$88!所有午市套餐都有三文魚麵豉湯，前菜同甜品，加5蚊仲有汽水。 今次我們就點了壽司D( $88) 和魚一丼（$48）三文魚麵豉湯湯入面有三文魚肉，瓜等材料，比出面壽司店的麵豉湯 更豐富，更鮮甜，唔會得個鹹字。壽司D（$88)份量很大差不多有十件壽司,包括魚子壽司，牡丹蝦壽司，海膽壽司，帶子壽司，三文魚壽司等等，性價比很高，而且刺身很新鮮!魚一丼($48)內有大量粒粒三文魚，吞拿魚，三文魚子，玉子，甜蝦 和青瓜粒，整體感覺良好!唯獨吞拿魚比較多筋!但份量大，但呢個價錢有餐好抵食!大拖羅壽司($32一件)大拖羅刺身切得比較薄，刺身新鮮肥美，完全冇筋，入口即溶!正!芒果蟹子沙律（$38）芒果鮮甜,蟹子量多，青瓜絲新鮮爽脆。加$五蚊要咗罐雪碧,套餐仲有甜品，應該係雪糕糯米糍! 不過我哋趕住走,唔記得咗食!唯有下次再嚟先食啦😈

一直聽聞魚一壽司很抵吃，價錢便宜，質素又不俗，身邊的好友都很推薦。於是趁著放假，便和媽媽兩個人過來一探究竟。原來餐廳有兩層，一上到上層才發現原來環境比想象中寬敞呢。一坐下，第一件事就是選壽司。壽司的款式十分之多，讓人目不暇給。挑選了很久，終於選定了10件壽司。另外，除了壽司，餐廳還有很多不同食物可選。我們點了一些熟食。我們點的壽司來了。分別是鰻魚壽司，火焰三文魚，火焰左口魚邊，中拖羅壽司，花之戀壽司。5款之中最喜歡是火焰系列，經微微火焰過後，魚的油脂香更加突出。特別是左口魚邊，油脂味重，有入口即化的感覺呢。其他壽司就普普通通，不過這個價錢來説已經收貨，不能要求太高。另外，我們還點了一份燒牛舌。一份一共有兩串，沒有太多的調味，只是上面撒了黑椒和鹽。牛舌口感彈牙，肉質一點也不靭，而且很重牛的味道，每塊也有一定厚度，很不錯。燒銀鱈魚。銀鱈魚也是一個不錯的選擇，燒得剛剛好，而且魚肉很滑很juicy。雖然點了沙律醬味道會更加豐富，但是不點的話更能吃到銀鱈魚的鮮味。最後我們點了一份蒲燒鰻魚飯。$58的價錢竟然可以吃到一整條蒲燒鰻魚，實在太驚喜了。鰻魚不會調味得過了火，而且肉質很厚。底下的珍珠米也煮

元朗今時今日已經變到人多車多既地方，人多自然食店都多，連帶出名大舊壽司既教育路都多左好多食店加入，今日咁arm放假搵爸爸食晏傾計就黎到兆豐樓地下呢間日本料理。呢間餐廳分左兩層，地下呢層有現成既刺身壽司外賣，仲有少量bar枱位，至於樓上就全層座位，環境都ok。Menu由於我地3點幾先食晏所以餐廳冇咩人，但係都仲可以叫set lunch。丼飯，壽司餐同定食都係38蚊起，超級抵食，如果諗唔到食咩餐，都仲可以自選丼飯，好freestyle。葱吞拿魚腩蓉丼$48（+$5有罐裝汽水）呢個丼飯超級抵食，跟餐有埋麵豉湯，沙律同甜品，不過記住係送完即止，可能我地太晏去，所以就得番沙律。佢呢個沙律一d都唔馬虎架，有菜、粟米、小蕃茄同蟹柳再加勁多芝麻醬，食落新鮮爽口又開胃至於呢個葱吞拿魚腩丼份量都多，吞拿魚腩蓉雖然剁得唔夠幼細，但係食落都香滑，仲有少少吞拿魚油香，只係略嫌佢冇用日本珍珠米，所以食落都差少少，但係以呢個價錢食係超級抵食火炙三文魚腩丼$78至於爸爸呢個火炙三文魚腩丼，佢都話ok，佢話師傅都燒到d三文魚腩半生熟，外面燒得有少少香脆入面魚身半熟，呢個狀態arm arm好壽司 D$88由於我地兩個眼闊

好耐無食過日本野啦，時間都就快兩點，肚打晒鼓，就搵左間日式餐廳醫肚！餐廳有兩層，座位唔算好多，但食物種類繁多，有十幾款丼飯同定食，總有幾款岩你食！睇網上食評，好多都推薦佢既午餐定食，又幾抵喎，仲好多款俾我揀添！飯、麵、壽司，物到有。仲送沙律、麵豉湯同甜品添，不過係限量，真係手快有，手慢無。首先，我地叫左個蒲燒鰻魚飯定食。佢係用一個日式便當盒甘上，四四方方。打開，嘩！估唔到條鰻魚有甘大條！橫跨成個便當盒！鰻魚燒到好香！甜甜地既鰻魚汁令鰻魚燒到焦焦地，食落去時外脆內軟，加上鰻魚厚身，食落更正！最重要係呢個便當只係52蚊！平時鰻魚飯、烏冬果啲閒閒地都七八十蚊，呢個抵到爛！極尚刺身丼擺設得好靚，顏色好豐富！有赤蝦、帶子、三文魚、甜蛋、海膽、北寄貝同吞拿魚等九種刺身！刺身新鮮，無物腥味，好爽口同鮮甜。食呢個好滿足，物都有，正！定食送既沙律同湯個湯除海帶豆腐外，仲有三文魚魚肉碎。好彩黎得快，隔離枱遲半個中到黎，已經無晒啦肥牛鍋，估唔到啲肥牛會甘多！真係成鍋都係！仲配有豆腐、雜菌同蛋等。個湯甜甜地，肥牛偏瘦，唔會好肥。加埋蔥花同蛋花食，正！大拖羅！雖然唔平，但真係好好食！一咬落去啲油脂標晒出黎，食落

今日出開元朗買野，經過魚一壽司，突然醒起自己一直都想來試但仲未試呢間。睇一睇佢門口的午市套餐，套餐可揀定食，烏冬，壽司，連丼都有!全部$38-88蚊有交易，仲要包埋麵鼓豉湯，前菜同甜品!!!好抵食，即刻衝入去先。以為店舖小小，但入到去先知，原來仲有上層幾張枱，而且係全場爆滿同不停有人黎。本來午市套餐己經好夠食，性價比很高。但我實在大愛自選刺身丼，因為我見到落單紙上的加拿大，馬糞同北海道海胆已經2眼發青光!店員話要自選丼最少要選6份刺身。本來3款海膽各一，很可惜店方的馬糞同北海道海胆缺貨，唯有只要2份加拿大海膽，大拖羅，活赤貝，蔥吞拿魚腩同珍寶帶子$166。要讚一讚魚一雖是小店，但呢度的wasabi係新鮮磨的，有誠意。刺身非常新鮮，大拖羅呈嫩粉紅色相當肥美，但有少許筋。咁多肥美刺身連同鮮甜海膽creamy一齊食，感覺相當幸福!有我最愛的燒牛舌$38(2串共6片）和蒜香牛柳粒$58還有好香甜的雞泡魚干$32，佐酒一流。食左咁多邪惡野，又要食返個蔬菜健康一下先。來一客蟹籽沙律$32，青瓜絲好新鮮，蟹籽相當豐盛!!!今餐我非常滿足，食飽飽，就要去出血購物消化下啦

店員服務好好, 好helpful, 日式野食幾抵食質素又唔差, 地點更加係方便, 所以間唔中都黎魚一食, 方便快捷就腳。野菜鰻魚反卷$38: 呢個係試新野, 之前未食過, 鰻魚肉質比其他地方的鰻肉爽彈, 大大舊反卷不過飯量唔會太誇張, 因為中間係菜, 感覺就健康啲平衡啲啦, 菜都幾新鮮唔霉的。北海道帶子壽司$10: 十蚊食到北海道帶子, 仲幾鮮甜添, 唔錯架。蟹籽沙律腐皮船壽司$8: 沙律唔太多, 但夾埋甜甜既腐皮, 好啱口味。焦糖鵝肝壽司$32: 較為矜貴既壽司, 因為好想食鵝肝就豪一豪啦, 鵝肝較為薄, 但呢個價錢都差唔多了, 焦糖令佢多左陣甜味, 然後就有幾明顯既焦香味, 鵝肝豐腴濃香。炒雜菜$48: 簡單用左日式醬油黎炒, 有椰菜、金菇、芽菜、小棠菜等, 木魚絲係靈魂所在, 成件事日式晒, 菜都幾新鮮, 又爽口, 炒得幾好。

晏晝食完泰國菜，唔係好餓，見到有刺身壽司店，岩晒入到去發現，原來除左外賣之外，仲有堂食呢～店員帶左我地去二樓坐日本直送中拖羅$68粉紅色嘅中拖羅，油脂分佈平均，魚油甘香入口即化，亦係我最鐘意嘅吞拿魚部分燒三文魚頭鮫$48多數人鐘意食三文魚身，我反而鐘意食魚頭，燒過嘅魚頭皮咸咸香香好脆，魚油都迫晒出黎，特別係果塊面頰肉又嫩又滑三文魚籽軍艦$15朋友的最愛～魚籽粒粒晶瑩剔透自選丼飯$130 加拿大海膽、蔥吞拿魚腩、珍寶帶子丼飯嘅刺身每款2份起～本身想揀北海道海膽但無晒，改要左加拿大海膽，比北海道海膽大塊同厚身，海水味較重，價錢比較經濟；蔥吞拿魚腩，食吞拿魚蓉最怕食落成口筋，呢個好在無咩筋，不過我係蔥怪，如果再多d蔥就更好；珍寶帶子，非常大片同厚身，好鮮甜！個碗好深，飯嘅份量都好多，食唔晒記得叫少飯唔好浪費

放假無事做帶埋媽媽入元朗行下，住元朗的朋友講過呢間，一於來試下。店舖有2層，我地一行5人被安排上2層, 地方不大, 不過都唔會太迫, 係樓底有少少低, 高佬要小心碰頭~好多款野食, 不過時令的食物就可以先係電話的訂坐時訂埋, 以免想食的賣晒~叫左半磅三文魚和帶子, 厚切肥美, 十分滿足~另加幾款壽司, 同樣非常新鮮推薦芝士蛋卷, 好好食, 愛芝士的人不能錯過~炸物: 明太子雞翼, 炸豪~ 野味叉燒拉面, 好足料!天夫羅都係熱騰騰, 好好食蟹子沙律, 足料!燒牛舌, 好大舊, 爽口店員好好禮貌, 又不停加水, 好細心~5人食到好滿足~ 開開心心又一日~ 下次再來過!