影片
更多
2017-08-13
99 瀏覽
星期六揾節目，毒男如我者，節目都離不開同家人朋友飲飲食食，今日就揀左位於元朗教育路嘅魚一壽司午餐，原因只有一個，就係要食下佢地個自選百撘刺身丼，自選餸菜車仔麵就成日食，自選刺身丼就未試過。可點項目多達28款，隨自己嘅喜好拼出所需，普通日本料理嘅刺身丼材料份量都定死咗，唔想食要硬食，鍾意食嘅刺身又只得兩件，食完唔夠喉，百撘自選嘅好處就係份量任點，款式任點。揀左: 油甘魚腩x2份、三文魚籽x2 份、活赤貝及水母油甘魚腩甘香肥美，漬三文魚籽鹹鮮醬油味唔算太濃、活赤貝爽脆，特別一讚係水母，即係平時我地經常食嘅海蜇，異常脆口彈牙，比起燒臘檔賣嘅實在好食太多！飯好大碗，暖暖地嘅壽司醋飯，聽講刺身配暖飯鮮味會更突出，今次特別認真試呢個效果，果然係真嘅。池魚刺身由於係是日推介嘅刺身，點左份6片嘅，一睇切出嚟嘅大細，就已經知道條魚有一定嘅體積，每片魚肉白淨冇積血，代表腥味一定少，果然入口只得甜味零腥味，讚！讚！讚！因為同病咗嘅阿妹同唔太熱衷生冷野嘅母親同行，今餐點左唔少熟食，有銀鱈魚西京燒、牛肉炒拉面，燒羊架，意想不到主打魚生刺身嘅魚一熟食都咁多選擇。銀鱈魚西京燒 只賣HK$58真係抵食到不得了，出面超
可點項目多達28款，隨自己嘅喜好拼出所需，普通日本料理嘅刺身丼材料份量都定死咗，唔想食要硬食，鍾意食嘅刺身又只得兩件，食完唔夠喉，百撘自選嘅好處就係份量任點，款式任點。
揀左: 油甘魚腩x2份、三文魚籽x2 份、活赤貝及水母
油甘魚腩甘香肥美，漬三文魚籽鹹鮮醬油味唔算太濃、活赤貝爽脆，特別一讚係水母，即係平時我地經常食嘅海蜇，異常脆口彈牙，比起燒臘檔賣嘅實在好食太多！飯好大碗，暖暖地嘅壽司醋飯，聽講刺身配暖飯鮮味會更突出，今次特別認真試呢個效果，果然係真嘅。
池魚刺身
由於係是日推介嘅刺身，點左份6片嘅，一睇切出嚟嘅大細，就已經知道條魚有一定嘅體積，每片魚肉白淨冇積血，代表腥味一定少，果然入口只得甜味零腥味，讚！讚！讚！
因為同病咗嘅阿妹同唔太熱衷生冷野嘅母親同行，今餐點左唔少熟食，有銀鱈魚西京燒、牛肉炒拉面，燒羊架，意想不到主打魚生刺身嘅魚一熟食都咁多選擇。
銀鱈魚西京燒
只賣HK$58真係抵食到不得了，出面超市一磅都要賣到HK$150以上，擺係面前嘅銀鱈魚最少有大半磅，自己買翻嚟煮都冇咁平！！！開頭我都懷疑店方用平啲嘅黑鱈魚充銀鱈魚，但食左第一啖已經知道佢係用靚銀鱈魚嘅！油香豐富，肉每條纖維彈牙。而味道就調較到啱啱好，夠鹹香惹味而唔會搶走魚鮮。呢道定食，小弟認為造得非常出色，比起刺身，呢味菜俾我嘅印像更深，非常肯定會翻嚟Encore 呢味。
牛肉炒拉麵
拉麵炒得乾身有鑊氣，拉麵汁酸味又唔會太搶，惟牛肉韌左啲，整體只算中規中矩。
章魚燒
並非自家製，但來貨靚，粉漿跟蔬菜及章魚的比例甚好，木魚絲同蛋黃醬係章魚燒靈魂，使本來只係小小麵團變得甚為惹味。
燒羊架、燒牛舌
呢度嘅串燒只算普通，係用滾油拉熟再燒嘅，不過肉本身唔錯，所以無論羊架同牛舌肉嘅肉質都嫩滑，羊架仲一啲都唔羶添。
買單： HK$513
呢度嘅魚生真係極度新鮮，熟食亦水準甚佳，食到成枱都係野，每位HK$200唔使，真係好抵。
張貼
