影片
更多
2017-08-22
97 瀏覽
是咁的~今次再同女朋友仔黎食魚一 仲要係晚市 上次食完有驚喜今次就黎試下晚市抵唔抵先晚市除左冇左lunch set之外 其餘都同中午一樣 咁啫係唔會貴得去邊啦因為女朋友仔仲要番屋企食飯 所以佢就陪我食下啦 我地叫左d壽司同拉麵 想試下魚一拉麵嘅水準去到邊嘛呢到分別係蔥吞拿魚腩碎壽司 炸軟殼蟹壽司 珍寶帶子壽司同三文魚壽司 全部價錢都好抵 最貴係珍寶帶子壽司 但貴係貴d但一分錢一分貨 食落真係超香甜超新鮮 而且保持到帶子彈牙嘅質感 好清新好甜呀炸軟殼蟹壽司有四舊 size都唔細 價錢都相當合理 配埋適當分量嘅海苔粉同沙律醬 令軟殼蟹壽司嘅味道更有層次 正三文魚壽司 性價比都幾高 平得黎又唔係好薄或者俾d唔靚冇味唔新鮮嘅三文魚你 食落依然充滿三文魚油香 厚薄適中最後蔥吞拿魚腩 價錢都係比較高少少 唔知係咪因為前面三文魚味太搶 呢個食落就食唔到油香 冇咩味咁另外追加女朋友仔最鐘意嘅腐皮船 亦係抵食之選 平得黎 料嘅份量好合理 過足口癮最後個拉麵黎喇 都係好平 好似四五十蚊？ 當然份量唔算好大 但賣相一d都唔欺場 一黎我就飲啖湯先 係豬骨湯 而且真材實料 飲落濃而不膩 唔會死咸 飲落都舒服到食
晚市除左冇左lunch set之外 其餘都同中午一樣 咁啫係唔會貴得去邊啦因為女朋友仔仲要番屋企食飯 所以佢就陪我食下啦 我地叫左d壽司同拉麵
想試下魚一拉麵嘅水準去到邊嘛
呢到分別係蔥吞拿魚腩碎壽司 炸軟殼蟹壽司 珍寶帶子壽司同三文魚壽司 全部價錢都好抵 最貴係珍寶帶子壽司 但貴係貴d但一分錢一分貨 食落真係超香甜超新鮮 而且保持到帶子彈牙嘅質感 好清新好甜呀
炸軟殼蟹壽司有四舊 size都唔細 價錢都相當合理 配埋適當分量嘅海苔粉同沙律醬 令軟殼蟹壽司嘅味道更有層次 正三文魚壽司 性價比都幾高 平得黎又唔係好薄或者俾d唔靚冇味唔新鮮嘅三文魚你 食落依然充滿三文魚油香 厚薄適中
最後蔥吞拿魚腩 價錢都係比較高少少 唔知係咪因為前面三文魚味太搶 呢個食落就食唔到油香 冇咩味咁
另外追加女朋友仔最鐘意嘅腐皮船 亦係抵食之選 平得黎 料嘅份量好合理 過足口癮
最後個拉麵黎喇 都係好平 好似四五十蚊？ 當然份量唔算好大 但賣相一d都唔欺場
一黎我就飲啖湯先 係豬骨湯 而且真材實料 飲落濃而不膩 唔會死咸 飲落都舒服
到食麵果陣 講真就真係失望 到而家都諗唔明 究竟係煮過龍定係買錯麵 個麵入口咬多幾啖之後就林到變成一pat漿 完全失去拉麵條條分明果種彈牙質感 真係唔知發生咩事 應該煮得太過火 令到麵條已經熟到就快熔咁（好難想像會過火到咁）
不過咁 叉燒三大塊 好腍而且炆得好入味 皮下脂肪已經煮到入口即溶 好香但又唔膩嘅感覺 講真果句 呢碗拉麵 湯底 配料 外貌都好好 但個麵 真係太敗筆喇
不過為左想知係咩原來 我一定會同女朋友仔黎食多次佢嘅拉麵 俾多次機會佢
總括黎講 呢到食日本野真係一個平民化之選 平民唔係在於得個平字 而係性價比高 價錢唔貴但食到超越價格嘅味道 值得大家一試
張貼
