［銅鑼灣滿座鐵板燒🤎］ 鐵板燒晚餐價分為$588 / $788 今次食嘅係$788🙌🏻 食材新鮮 又可以睇住師傅係你面前炒呀炒👨🏻‍🍳完全係味覺同視覺嘅享受😎 🤎前菜 蕃茄蘆薈沙律。秋葵 先食一食前菜開開胃 🤎龍蝦 每枱送一隻大大澳洲龍蝦🦞 龍蝦好生猛 師傅將佢放上鐵板煎熟、拆殼 龍蝦啖啖肉，爽口彈牙 🤎南非鮑魚 鮑魚大大隻好新鮮 見到佢嘅時候重係識郁架😆 配上乾瑤柱同松葉蟹汁 好夾😋 🤎銀鱈魚 煎得好香 表面金黃色☺️ 銀鱈魚好嫩滑 配上野菌汁一齊食 不得不提插係上面嘅係銀鱈魚皮！ 師傅將佢煎到好脆 食落成塊薯片咁😆好得意 🤎帆立貝 採用北海道帆立貝 配上西洋菜忌廉汁 帆立貝煎得恰到好處 好味道 但西洋菜忌廉汁就唔太係我杯茶啦🤪 🤎鵝肝 鵝肝配焦糖青蘋果🍏旁邊重有黑醋汁 呢個配搭真係幾夾 酸酸甜甜嘅青蘋果片能夠綜和鵝肝嘅膩 🤎牛舌芯，鹿兒島和牛 食鐵板燒點少得食肉 好喜歡呢個厚切牛舌芯 肉味濃郁夠彈牙！ 每人有3件 加埋蒜片一齊食❤️ 👍🏻👍🏻👍🏻 鹿兒島和牛 煎得表面焦脆 油脂豐富多汁😍 高質高質 🤎炒野菜 🤎炒飯 食完豐富嘅鐵板燒 就係時候整返碗炒飯同炒雜菜 睇住師傅炒飯同炒雜菜 簡直係一項表演黎 炒呀炒 炒飯粒粒分明 炒得乾身 配料均勻👍🏻 🤎焦糖多士 🤎奶凍 有焦糖多士同奶凍作結 多士上有一層脆脆嘅焦糖 咬落脆脆 甜甜地好好味😆😆 為呢餐帶來一個完美嘅句號

再次黎到金鶴拉麵 為左龍蝦湯拉麵🍜原來旺角都有分店！ 上次食完對個龍蝦湯拉麵念念不忘，今次一定要encore！ 🧡極濃龍蝦湯拉麵 （配龍蝦尾）$198 龍蝦湯依舊極濃🦞好足料！ 拉麵非常掛汁 啖啖龍蝦滋味🤤 龍蝦湯拉麵配上叉燒，紫菜，溏心蛋 我今次都有加龍蝦尾 因為加埋龍蝦尾先可以食到啖啖肉嘅龍蝦嘛😜 店方好貼心俾埋鉸剪同埋濕紙巾大家 方便大家食龍蝦尾🥰 如果唔加龍蝦尾嘅話 $138就有極濃龍蝦湯拉麵🍜 呢個龍蝦湯拉麵真係如其名- 極濃！ 推介推介！！！ 🧡北海道蟹湯拉麵 $138 另一款點左蟹湯拉麵🍜 上次黎嘅時候好似冇呢款 今次試吓先 日本北海道直送嘅花咲蟹湯 配上鮮味蟹肉🦀 蟹湯幾鮮甜 蟹肉份量都幾多 唔知下次呢度會再出邊款拉麵呢😆好期待

想同朋友慢慢食下野傾下計 唔一定要去酒吧 想食日本野都可以😆 係尖沙咀嘅嵐橋 有兩層 可以選擇坐Bar 枱望到師傅製作美食 又可以同朋友慢慢坐下 一路食一路傾下計 而且食物選擇都算多架😙 _ 和風剌身沙律 $138 呢個做前菜岩哂😆好開胃 刺身切成粒粒 配埋沙律菜一齊食 養殖中拖羅刺身 $188 油甘魚刺身 $80 火炙帆立貝壽司 $96 黎到日本料理 點少得食刺身食壽司 有我最喜歡嘅中拖羅 夠哂肥美 好厚切添😍 火炙帆立貝壽司嘅帆立貝都好大件 經火炙後 壽司帶點燒炙嘅味道 天娜羅盛合 $128 見到隔離枱嘅天娜羅都好吸引 點左天娜羅盛合😜乜都有嘛 蕃薯天娜羅，炸蝦天娜羅，茄子天娜羅，粟米天娜羅 仼君選擇😎 安格斯肉眼壽喜燒 $228 到主食😝 壽喜燒係我食日本料理時經常點嘅🤣 用上安格斯肉眼製作壽喜燒 配菜好豐富😆 有冬菇，豆腐，金菇等等 重有粉絲架😍😍 而家唔係到到食壽喜燒嘅都有粉絲架☺️ 黑松露帶子炒飯 $148 好香黑松露味 炒飯粒粒分明 食完夠哂飽😋

呢晚屋企冇煮飯，去左深水埗覓食😙 見到間乾淨企理嘅越南餐廳，之前經過都未食過，今晚試下😙 我哋兩個人 於是叫咗兩個主食加一啲小食 見到隔籬枱嘅豬頸肉好吸引，我哋就叫咗一個炭燒豬頸肉煎蛋飯，一個豬頸肉撈㩚 炭燒豬頸肉煎蛋飯 $56 豬頸肉撈㩚 $50 豬頸肉有六片左右，塊塊都厚切啖啖肉 炭燒味道好香，豬頸肉爽口彈牙 配飯加煎蛋一流配搭！ 而想開胃啲就揀配撈㩚 㩚粉嘅份量係超多！！多到食唔晒😳好抵食😳 小食份量分為四件同埋兩件，所以我哋可以每樣叫兩件試多幾款😜 我哋叫咗幾款: 越萊自製手工春卷 2件 $26 越南手工春卷一向都係我去越南餐廳食嘅必要小食😎 香脆嘅春卷皮包住紅蘿蔔絲、木耳絲、粉絲等等 海防炸蝦餅 2件 $30 炸蝦餅細細件 炸得金黃 食落惹味 點埋隔籬嗰個醬汁重正😋 越萊串燒 2串 $28 串燒可以自選豬肉或雞肉 我哋要咗兩串雞肉 雞肉唔鞋口點埋沙嗲醬幾夾 小小地食兩串過下癮都唔錯🤭 Lunchtime 好似重抵食，下次再黎😙

北角有間幾高質嘅日式居酒屋🏮 座位幾闊落環境幾舒適 而且食物高質幾多選擇🤓 鮮海膽 $68 軍艦蠔（附他他醬）$48 打開餐牌 即刻被一口壽司飯吸引🍣 點可以唔叫😆最小每人整反一件啦🤣 大大塊嘅鮮海膽 幾鮮甜😙 軍艦蠔炸得金黃香脆 大滿足😚 _ 燒雞肉京蔥 $38 燒一口牛 $38 黎到居酒屋 點可以唔叫返兩串串燒 串燒燒得好香😙 _ 粟米天婦羅 $48 有驚喜！ 其實我好似第一次食粟米天婦羅🌽 原來好正！ 粟米切成一片片 炸左佢 點埋天婦羅汁食 好夾 食完一舊又一舊😋 _ 芝士牛丼（細）$52 有驚喜嘅唔止粟米天娜羅！ 芝士牛丼都好好味！ 薄切肥牛上面鋪滿厚厚芝士 芝士係可以拉！絲！架 肥牛加芝士加飯 一齊放入口 好好味！ 飯嘅份量係細嘅 岩哂細食嘅女仔 可以試多幾樣野😋 _ 另外重食左幾款野😋 薯仔沙律 $42 黑松露帶子天婦羅 $82 佃煮小女子核桃 $38

美麗華上面原來有burgeroom。 店舖幾大，開得幾夜 想同friend係到飲杯野食個burger小食吹下水 呢到係唔錯嘅選擇😎😎 我同朋友兩個人 點左一個burger，兩款小食加兩杯飲品。 大烤菇芝士牛肉漢堡 $115 Burger大大個，兩個女仔share食一個再加小食就岩岩好啦 Burger可以要求切開兩半 方便大家食😙 厚身嘅牛肉漢堡扒配上juicy 大啡菇 加上芝士，蕃菇，生菜，千島醬 夾埋一齊食好好味😋 雞肉條配蜜糖燒烤醬 $60 雞肉條炸得金黃香脆 入面雞肉嫩滑juicy 配埋蜜糖燒烤醬 好惹味🤤 令人食完一條又一條 黑松露芝士薯條 $68 厚切薯條上面淋上黑松露芝士醬 醬汁好快掠架 所以建議快啲食 黑松露味道如果再濃啲會更好😝 蜜桃冰茶 $38 荔枝冰茶 $38 食burger食薯條 唔小得飲返杯凍野 水果冰茶係個唔錯嘅選擇👍🏻👍🏻👍🏻 遲啲可以再黎試下另一款burger😆🍔

呢到嘅沾麵有成20幾款選擇✌🏻 啲配塔唔係到到有架 想食特別啲嘅沾麵可以嚟試下😆 例如有芝士海膽，芝士龍蝦，鮑魚龍蝦，黑松露芝士帆立貝等等 極上芝士蟹皇沾麵 $148 一鍋熱辣辣嘅芝士湯 湯底石鍋上 夠哂熱 芝士湯味道濃郁 上面鋪上幾塊海膽 海膽份量唔少 唔係食左一啖就冇🤣 沾麵幾彈牙 幾掛汁 另一個重頭戲係分開上嘅芝士焗蟹蓋 一啖啖蟹肉放入口 加上烘到金黃嘅芝士🧀 好邪惡嘅配搭 鍾意食芝士嘅朋友 呢個沾麵你不防試下😙 豚肉魚介沾麵 $89 如果唔洗咁特別又唔洗咁重口味嘅 可以試下呢個 豚肉嘅肉汁加上魚介嘅鮮味 幾夾架😙

如果想節目慶祝🪅漁獲浜燒係好地方😋 食材新鮮又好味 跟據份量同款式 有幾款浜燒組合可以揀 我呢個係活龍蝦和牛浜燒盛合 $1938 有活龍蝦，A5和牛，活日本平貝，榮螺，鮑魚 🦞活龍蝦 用嘅係澳洲龍蝦 勁生猛 上枱見到佢重係到郁 差啲推左我塊和牛落地下添🤣🤣 活龍蝦會先做刺身，然後再做甲羅燒 第一次食龍蝦刺身 原來幾好味架咼😆 爽口彈牙 兼食到龍蝦嘅鮮味 可以點埋旁邊嘅醬汁一齊食 旁邊有三款醬汁，分別係刺身豉油，柚子胡椒，七味味僧 唔同嘅醬汁配搭唔同嘅菜式 令味道昇華 💚活日本平貝 一啖一片日本平貝 用上清酒燒 酒味四溢 鮮味彈牙 🐮A5和牛 油脂分布平均嘅A5和牛 用嘅係鹿兒島和牛 大大份 夠二人份量 煎成牛扒 上枱就聞到好香 入口香濃 肉質嫩滑 好味😋 🤍榮螺 配清酒同昆左煮成湯 鮮味十足 🤎鮑魚 上枱嘅時候 鮑魚重識郁架😆😆 可見有幾新鮮！清甜鮮味濃 即場睇到店員係你旁邊製作 別有一番風味😚😚

係荔枝角返工嘅朋友，放lunch 甚至放工約人食飯都好多選擇😙 今晚約左個朋友食飯，佢係荔枝角返工 話帶我去食好西😆 今晚食Pizza Piazza，顧名思義呢到主打pizza呀😆 望望menu 價錢大眾化 唔太貴 揀左$178 12吋嘅黑松露煙肉pizza 😙 切開有8件🍕 一上枱就聞到好香嘅黑松露味，批皮唔厚，令上手厚度啱啱好 批邊脆得黎唔會鞋口 做得唔錯架 Pizza鋪滿黑松露，煙肉，蘑菇同芝士 呢個配搭好夾冇得輸👍 小食方面叫左$78嘅蒜香巴馬臣芝士雞翼 呢個雞翼非常惹味！ 即叫即整 炸到金黃香口卜卜脆 濃濃嘅蒜蓉加上份量十足嘅芝士 無可抗拒嘅美味 呢碟雞翼值得encore 😋😋😋 食完咸野叫返樣甜品先夠完美 $48 自家造意大利芝士蛋糕 以一層餅碎做餅底嘅Tiramisu 係第一次食 可能想做出好似食跟件芝士蛋糕嘅效果 食落唔漏幾滑 兩個人⼀個pizza 一款小食加個甜品都夠食😙😙得閒經過下次再黎😙

鰂魚涌嘅一間Burger店 店舖以白色為主調 裝修簡約 以做外賣生意為主 Menu選擇唔算多 但貴精不貴多 只要好食 幾款就夠啦😆 - 有四款主打burger : 雙層牛肉漢堡，特選美國牛肉漢堡，西擰雞堡，手打蝦餅漢堡 Burger全部即叫即製 夠哂新鮮熱辣辣 我叫左特選美國牛肉漢堡🐮 加$20就可以轉套餐啦 套餐有野飲同薯條😙 🍔 特選美國牛肉漢堡 $78 Burger 非常高質 大大個 夠哂飽 牛肉漢堡扒夠厚好juicy 配上芝士，生菜，蕃茄，甜洋蔥同秘製醬汁 甜洋蔥份量多而且夠林 好好味😋 個包都好高質！！ 好香牛油味 烘得岩岩好 脆脆地 係真正嘅外脆內軟呀😋 整體都好好味 係一個近來我覺得非常高質嘅burger 可以encore呀！！ +$20轉套餐配左個薯條 薯條係厚切波浪紋薯條 重可以再加$10配個芝士醬🧀 完全將個薯條再昇華 薯條點芝士醬 好夾 I like it 😋 唔夠飽再加個小食😆 蒜香炸雞翼 $35@4 / $48@6 見到炸雞翼 好吸引呀！😍 炸得金黃香脆 脹卜卜嘅雞翼 咬落肉質嫩滑 蒜蓉味好出好惹味🤤 大滿足🤤🤤