駟馬拖車潮州飯店 (彩明商場) (已結業)

呢間駟馬拖車開係將軍澳調景嶺ㄧ段時間了，每次我都是收工買外賣回家，今天心血來潮早收工決定入店座低試吓熱辣辣上桌的好滋味🤭✨.環境寬敞檯與檯之間都不會太近，而且我覺得值得ㄧ讚店內用上新型自動加水煲水機，不用員工加水，相對另食客感到省時👍🏻✨.ㄧ定要大大推薦平時我必點的幾道菜🔹咸骨春菜蘿蔔㷛份量好足也好新鮮，排骨煮的好淋且肉味鮮甜，而且有好多蘿蔔亦都好甜，真的比出面食過的更加足料又好味🔹 椒鹽九肚魚 超愛炸物的不能錯過，外酥脆內嫩又多汁，炸漿唔會勁厚啖啖肉，再蘸上酸醋去膩添清新🔹 潮州蠔仔粥雖然話就話係一碗，但係大碗到夠兩個人share都夠食蠔仔都幾飽滿大粒，蠔仔帶出粥豐富的海鮮味道和獨特的口感而且食落唔腥無異味，再配搭少許胡椒粉更增添香氣，食完好暖胃🔹 滷水鵝片滷水鵝片是潮州菜必典的工夫菜色，呢度的鵝片份量都好足，肉質結實肥瘦適中而且味道新鮮，底下鋪咗層豆腐品質唔錯，夾落唔會散，擺喺底嘅時候索哂鵝片肉汁同豉油鹹香，非常好吃😋.🔹 銀杏芋泥呢個必食，勁推介🙌🏻芋泥質感好綿滑甜度剛剛好，啖啖芋泥真係好滿足，配住上面的銀杏食都好味✨..價錢方面都算是抵食的啦🤭🙌🏻大家有機會試試，目前有2間分店

今日去將軍澳開會順道搵朋友食個飯，見到呢間食潮州菜嘅套餐幾抵食，就入坐喇。🐟椒鹽九肚魚 $72九肚魚配椒鹽咁炸係最好正，炸得酥脆可口，炸漿唔會勁厚，啖啖肉😋，蘸上酸醋去膩添清新。🥢$1蠔皇鮑魚只需$1咋，堂食先有呀，基本上枱枱都必叫，超抵食，當然每人只限一隻😜，燴得入味，質感彈牙又唔會韌到咬唔開，有飽魚味，唔錯😙😙自選兩款小菜 加滷水拼盤 $198🦢鹵水鵝肉拼盤有鵝片，紅腸，豬腩肉，雞蛋，豆腐，滷水唔會太濃淹蓋咗鵝肉嘅鮮香味，腩肉肥瘦均匀，食完都唔會太大罪疚感😆，雞蛋豆腐索晒個滷水汁都好食。🐷潮式味菜炒大腸即叫即炒，都幾大碟，大腸同三色椒洋蔥味菜等一齊炒，大腸唔算太肥煙韌有咬口，索咗個汁幾好食。🐔燒汁芥蘭雞球份量十足，個汁夠惹味，芥蘭翠綠又爽口👍🏼，雞肉嫩滑軟腍，整體唔錯。揀了餐牌上兩款甜品🥭香芒糯米卷外皮煙韌有椰絲，芒果清甜，大件啲會更開心🍬銀杏芋泥呢個必食，勁推介👍🏼。芋泥質感好軟滑，又唔會好甜，剛剛好，啖啖芋泥真係好滿足❤️。上面嘅銀杏都不可睇小🤤，好好食，好煙韌㗎，一個字正😍

根據維基百科，駟馬拖車是一種大宅院的設計，名字聽起來就很古色古香。調景嶺的駟馬拖車是食潮州菜，裝修清雅，播著純音樂，好像去了高級中菜館，不過價錢只屬屋邨級數。茗茶很特別的可以選擇荔枝紅茶，果茶芳香，茶色如琥珀般的，茶味醇厚濃郁，沒有丁點苦澀味。自動煲水設計很好，可以隨時自助加水。滷水鵝四拼盤 滷水鵝四拼盤擺設得很工整，用上鵝片屬於滷水中最貴配料。鵝片連皮切成一大片，厚薄適中，皮下脂肪不多，肉質略瘦，鵝味到位。五花腩肉切成薄片，肥肉瘦肉層次分明，肉質比全瘦豬肉要好。韭菜豬紅 豬紅切成長方形，工整不易散開，豬紅入味爽脆，配上同樣入味的韭菜很惹味。海蜇手撕雞 海蜇手撕雞以小食價錢來說，份量算很多。夏天天氣悶熱，令人沒有胃口進食，這碟海蜇手撕雞食下透心涼，麻醬味道開胃，雞肉鮮香十足。 潮州沙茶牛肉炒河 沙茶醬濃杰適中，牛肉薄片軟嫩，加上芥蘭及鑊氣炒河，是一道簡單好味菜式。

作為潮州人，得閒都想食下潮州菜，今日同朋友去調景嶺食飯。去到門口，聽到店員大力推介，有$1隻鮑魚，仲要係蠔皇泡製，夠曬入味，仲有西蘭花索曬蠔油汁，非常抵食。前菜有經典甜咸菜，食到停唔到口，仲有卜卜脆花生。見到餐牌好多選擇，見好耐冇食鵝翼，叫了份鵝掌翼$108，一次過食曬兩樣，真心好食，鵝翼肉質好滑，又多肉。以前食既大多係煙韌同乾身，第一次咁嫩滑，滷水同肉味突出。椒鹽九肚魚（$72），夠曬香口又脆身，魚塊廷身，唔多骨，椒鹽好惹味。潮州名菜之一，沙茶牛肉炒河粉$82，加花生醬，好香，牛肉大塊，肉味濃，配上芥蘭，好爽脆，份量夠曬大碟，夠4人份量，甜品叫了芒果糯米糍，除了芒果肉，還有鮮芒果醬，清甜。走時見到還有好多打冷名菜，下次都要再試下其他先。

呢晚約左朋友嚟調景嶺呢邊食飯，呢個商場我係第一次黎，因為朋友喺呢邊附近返工，而朋友鄉下亦都係潮州，所以我地就揀左呢間餐廳。凍烏頭（＄168）：朋友點呢個都係潮州嘅名菜，而且佢話屋企成日都會煮，不過佢話呢排好奈冇食了，加上又想試下餐廳嘅味道，呢度嘅烏頭已經切開左，起左大部份既骨，條魚本身有輕輕調味，帶有微咸，魚味亦都濃郁，鮮甜美味，而且配上一個鹹鹹香香嘅豆醬點黎食，我從來都未食過哩種味道，覺得好新鮮同埋好吸引，更能提升鮮味，食到唔停口。椒鹽魷魚鬚（＄78）：一向都好鍾意食呢度菜，椒鹽味好香，夠脆口，而且魷魚鬚份量都多，魷魚爽口彈牙，很惹味。咸骨春菜蘿蔔㷛（＄88）：排骨夠林，肉味鮮甜，而且有好多蘿蔔，煮得夠林，亦都好甜，菜嘅份量都多，亦好新鮮。呢度嘅水係每張枱旁邊都有個水機可以自動沖水，同自動㷛水，非常方便，要用滾水茶葉先會香。另外，餐廳搞緊優惠，有一蚊一份鮑魚，不過因為朋友唔中意食鮑魚，所以我都冇叫了，不過其實都覺得非常抵。白飯＄12茶@＄10前菜＄12

最近見調景嶺果邊開左間新嘅潮州餐廳，價錢又唔貴，就約埋朋友去試試。可能因為我地去得早，餐廳都唔算好多人，主要都係買外賣嘅客為主。✨滷水鵝肉（$148）本身想揀滷水鵝肝片，但可惜當日冇🤧店員就建議我地叫鵝肉片，味道都唔錯，煮得幾入味。✨椒鹽九肚魚（$72）椒鹽九肚魚就有少少令人失望，炸得比較硬，冇左九肚魚果種多脆內嫩嘅口感。✨海哲手撕雞（$58）夏天食呢道手撕雞做前菜都唔錯，上面加左麻醬，味道開胃。✨潮州蠔仔粥（$48/碗）雖然話就話係一碗，但係大碗到夠兩個人share, 非常抵食。✨$1鮑魚（$1）你冇睇錯😆真係$1一隻鮑魚，每日限叫一隻，非常抵食！食落雖然係罐頭鮑但味道都唔錯。

前菜（酸菜）～好好食，爽口，酸酸甜甜好醒胃👍香西叉燒腸粉～皮薄餡靚，勁多叉燒😋彩虹蝦餃皇～賣相一流，餡料豐富又新鮮，爽滑彈牙北菇棉花雞～份量不少，雞肉鮮嫩幼滑，魚肚吸滿汁，再點些辣椒油食，好有風味😋碧綠燒賣皇～豬肉鮮甜好味😋沙嗲金錢肚～好林又入味，而且份量都唔小✌️潮州蒸粉果～皮薄餡多，晶瑩剔透，好大隻😍爆口叉燒包～即叫即蒸熱辣辣，包皮鬆軟又多餡👍養顏紅棗糕～層次分明，煙煙韌韌，棗香味濃😍芝麻煎堆仔～我飲茶必叫的，但呢度的係最好味😍

求其落街 係樓下商場同女朋友食下點心 專登唔簡酒樓 諗住食哩間裝潢 四正D 食D舒服D點知 成餐飯由頭伏到落尾Weekend 1點零鐘 都唔full 做到一半枱左右 咁就直入啦點知幾個呀姐見住我地行入黎都冇反應 呆呆滯滯咁 唔帶位跟住求其指左枱就叫我地坐啦 指完就繼續自己幾個呀姐bilibala 又隔空同企門口counter既 大聲叫黎叫去食物質素唔仔細講 全部中下 總之就係唔好食但唔好食都唔係最大問題 不嬲都對樓下屋村商場D野都冇乜期望最大問題係價錢一D都唔平 直情係好_貴!碟蝦腸唔足料 皮厚 唔滑 竟然要收38蚊講緊哩個價 係夠我出去食逸東軒 米芝蓮級數 人地疫情優惠 午市係做緊38蚊點心呀永遠都唔會再幫襯亦希望街坊們唔好助長哩D無心做既餐廳 真係隔離食唐記好過希望調景嶺/將軍澳區 可以開返D 高質既點心專門店

餐廳位於調景嶺，距離地鐵站路程只需要五分鐘左右，十分方便快捷，餐廳位於商場之內，冷氣十足，十分舒適，而我最喜愛的當然就是他的出品，餐廳主打的是潮州菜色，但我更喜歡就是他的中式點心，認真製作，保持傳統又帶點新穎，絕對是我最喜愛的地方。這天一個人前來，吃的食物不算太多，當然就有我最喜愛的蝦餃和燒賣，這兩個手工點心，絕對吃得出師父的技術。蝦餃方面，皮薄餡靚絕對是重點，薄薄的外皮配搭內裏爽脆可口的鮮蝦，絕對是美味的選擇。燒賣方面，配搭比翠綠的外皮，帶點生命，屬於傳統類型燒賣，還算不錯。

第一次與 honey 去將軍澳「駟馬拖車潮州飯店」飲潮式下午茶，一入內環境好清靜、座位寬敞、地方整潔、服務員的態度殷勤有禮，令人心情舒暢！😚打開菜單，發現頗多選擇，令我有些選擇困難症，於是揀了👇🏻一些廚師推介。【北菇滑雞扎】$35 ~ 北菇夠淋甜，魚肚爽滑，雞肉彈牙、加埋芋頭，味道豐富！👍🏻😋【韭菜滑豬紅】$48 ~ 韭菜爽脆，豬紅烹調得頗入味，滑得嚟又有咬口！👍🏻😋【潮式椒醬肉】$48 ~ 紅綠青椒配襯，賣相吸引，令人食慾大增，雖然醬肉稍為硬咗啲啲，但味道都算不俗！😊【海蜇手撕雞】$58 ~ 雞絲頗滑，但最吸引係海蜇及青瓜好清爽，配合一齊食味道非常夾！👍🏻😋【爆口义燒包】$18 ~ 雖然味道一般，但义燒餡料頗多，皮都算薄！😉以上價錢另收每位茗茶$10及加一服務費。

今日特登同好朋友過嚟彩明苑呢邊行街飲茶蜜汁叉燒腸～叉燒靚，腸粉皮雪白嫩滑👍醬皇蒸鳳爪～味濃而且蒸得夠林👍大地魚燒賣～內藏肥美鮮蝦再配搭大地魚和蟹籽，還有冬菇等😋特色棗皇糕～上枱時散發住淡淡的紅棗香味，但食落時我感得味道比較淡，不過非常煙韌👍潮式煎韭菜角～有3件，即叫即煎，又唔會油林利，非常飽滿脹卜卜，皮脆內香😋潮州炒麵～大大碟，配料有蝦、肉絲、芽菜和韭菜，炒到濕濕哋但麵還是彈牙的😍😍

朋友住將軍澳就搵佢食下午茶。午市有點心，都有潮州菜散叫。坐低叫完茶，即刻有酸菜有埋花生$12、而茶位$10/位。呢度啲點心幾抵食！我咪叫咗點心同少少散叫。▶️蠔仔肉碎粥(碗）$42呢個幾大碗，兩個人食分到5小碗左右。而且好足料，超多蠔，落埋胡椒粉好正！▶️香煎蠔仔烙$92大大個，蠔仔烙同平時出面嘅唔同，佢蛋香好濃，多蠔，酥得嚟又唔會太脆太熱氣咁。▶️沙爹金錢肚$30金錢肚沙爹味唔錯，夠林。▶️南乳豬手$30呢個有4件幾入味！估唔到平日下午2:30後都咁多人！犀利！

今天和家人來到這間潮州菜試一試, 餐廳內裝潢光猛整潔, 空間感十足韭菜豬紅 - 韭菜豬紅是潮州打冷必點的小食之一! 份量出奇地多 濃濃的沙茶醬汁滲入一磚磚的軟腍豬紅中, 韭菜也吸盡醬汁, 十分好味九肚魚烙 - 九肚魚烙是第一次試到, 把九肚魚煎好後就成了一片薄餅的樣子輕輕沾一點魚露提味提鮮, 九肚魚沒有碎骨, 魚肉非常香滑沙茶炒芥蘭 - 份量也是比想像中多, 每一條芥蘭都沾了沙茶醬, 十分惹味芥蘭翠綠爽脆, 十分新鮮酸甜梅膏骨 - 擺盤精緻, 食慾大開酸酸甜甜的醬汁, 配了肉質嫩滑的豬肋條, 送飯一流銀杏芋泥 - 我最愛的潮州甜品, 即叫即蒸芋泥香濃而滑, 不會很甜這間潮州菜館價錢合理, 食物又高質, 值得再來

每次經過「駟馬拖車」門口，透過玻璃望見一隻隻滷水鵝，已知一定是潮州飯店，只是覺得餐廳名字有點奇怪。叫了一兩次外賣，今晚終於入舖光顧，讀了餐牌首頁簡介才知道名字有玄機。原來「駟馬拖車」是指古代潮汕一帶有錢人家的大宅院，但究竟為何有此稱謂？查了google 也沒有頭緒。飯店裝修普通，同大宅院應有的豪華氣派完全沾不上半點關係。取名「駟馬拖車」唯一相關之處，只是潮州飯店而已。雖然只是一間沒有什麼名氣的潮州小飯店，餐牌上竟然也有潮州凍花蟹及紅燒潮州翅這兩道高級潮州菜！不過，實在沒有信心在這裡品嚐這些貴價菜式 ⋯⋯ 何況，今晚只是一頓唔想煮飯情況下的普通晚餐。椒鹽九肚魚（$72）份量夠大碟。選用大大條九肚魚起肉，撲上乾粉炸至金黃色。入口表面香脆，內裏魚肉非常嫩滑；略嫌乾粉太多、太厚，咬下去香脆得來偏硬，缺少了輕盈鬆化口感。另一弊端就是九肚魚炸熟之後才灑下去的金蒜蓉份量太多，亦未能與魚肉融合，「椒鹽」與「九肚魚」顯得分離，炮制手法有改善空間。滷水鵝肉（$148）比預期大碟。與鵝片比較有兩大分別。第一，前者便宜少許。其次，後者用全個鵝胸肉拍鬆起片，前者雖然同樣已經去骨，但就用了鵝脾及鵝背肉。只是一間新

雖然是OL 一名，但也很喜歡吃潮洲打冷。難得東九龍區有一間潮洲菜館，可以坐得舒舒服服，用餐也沒有限時，實屬朋友聚餐的好去處。菜館設有神奇的自動煲水添水裝置，隨時可以飲到水滾靚茶而不用假手於人。甫坐下即奉上花生及鹹酸菜。花生好香脆，完全沒有油膉味，鹹酸菜甜酸剛好。雖然只是前菜，但都沒有「揸流攤」啊！海蜇手絲雞 ($58)海蜇冰涼爽脆，雞絲切得幼細，口感爽滑。醬汁有芝麻香，但又不會糊口，另加入芫茜，增加風味，惟一要挑剔的是青瓜切得不夠幼細。潮州沙茶炒芥蘭     ($78)芥蘭這種蔬菜本身帶有微微的苦味，但加入了沙茶醬，其濃郁的花生香，令其微苦完全被遮蓋，亦令普通一道炒菜也惹味起來，不經不覺便幹掉了一大碟。炸雙棗 (蝦棗及蟹棗）   ($96)炸雙棗分別是蝦棗及蟹棗，其製作工驟繁複，在傳統潮洲餐館中，一向都是比較矜貴的菜餚。在這裡96 元就可以吃到，算是比較實惠。蟹棗的外層是腐皮，腐皮炸過後份外香脆。內裡是滿滿的蟹肉和蝦肉，可以吃得出一梳梳的蟹肉，鮮甜可口。另加入了蝦肉及馬蹄，增加彈牙及爽口的口感，還吃到有少少薑味，僻腥提鮮。蝦棗外層同樣炸得金黃香脆而不油膩，蝦棗材料則是以鮮蝦為主，口感以