馬祖台灣養生湯麵館 (留仙街) (已結業)

今日下午茶時間去咗馬祖台灣養生湯麵館，佢哋下午茶種類超多，有飯類、有麵類、小食類等等包羅萬有，我叫咗香辣三杯雞飯追加五隻鹵水雞翼小食，飲品叫咗凍朱古力牛奶雪香。三杯雞飯入面超多雞件，而且每嚿雞件都只係雞肉走皮啱曬我，每件雞肉都入曬味送飯一流，好有三杯雞嘅風味，鹵水雞翼就鹵得每隻雞翼都超冧而且啲鹵水味入曬每一吋1雞肉入面，鍾意食滷水嘢嘅朋友絕對值得推介，凍朱古力牛奶上面嘅雪香超多，連埋啲朱古力牛奶一齊飲係夏天必飲之選。知道馬祖有其他分店，若果有機會去開其他區，我絕對會再去食，因為我最鍾意食台灣菜。

呢間既養生湯麵又係好抵食，佢哋既湯底全部都係用藥材餚製，養身養心，平日一般食粉面我都不會喝湯，但每次係呢到食都會將湯飲哂，原因係呢到既湯全部用名貴藥材餚製，保健養身👍😋之前多數食藥膳蟲草雞，入面湯底有木耳，蟲草花、花棗、杞子、木耳及多種名貴藥材，D湯又甜又好飲，最重要係仲可以保健養生👏👏👏👏之前食唔多覺有下午茶套餐，原來下午茶套餐都有多款選擇，又平又抵👏🔺食個下午茶，養身養心、安神修心😊😊————————————————————-🔹生菜🥬魚腐手工麵➕鹵大腸➕蜜桃🍑紅茶🍜🥣生菜🥬魚腐手工麵——-生菜爽甜，魚腐、🐟我最愛吃、手工麵爽口彈牙，煙靭有口感👍😋湯底木耳、紅棗、杞子及多款藥材.......等等，清甜好味道，當然我又係成碗飲哂😋😋🐷鹵水豬大腸———-夠腍入味，剛剛有恰當帶煙靭咬口感覺而不會過腍，𠧧的時間恰當，如果太久會太腍，如果過腍沒有咬口，吃落就沒有吃豬大腸那種咬口了，但如果不夠火喉又太硬不能咬，廚師👨‍🍳鹵的時間正好有煙靭口感而又夠腍，恰當時間😋😋👏————————————————————🍹蜜🍑桃紅茶——-很喜歡喝有蜜🍑桃味道的飲品，清新的紅茶😋😋🔹🔺🔹🔺🔹🔺😋😋😋😋😋

個人比較喜歡吃米線，出街搵親野食都一定米線為主，最緊要湯底夠濃又好味。最近同朋友去左馬祖台灣養生湯麵館，湯底係用滋補材料或藥材新鮮熬製，相當足料，濃郁又美味，真係好似台灣味道。====—====—====—====—藥膳粉麵選擇大約有10款選擇，配料以農場雞和為主打，配料還有花膠選擇，岩曬貪靚又想補充骨膠原嘅女性。🌸台灣藥膳蟲草花農場雞湯米線🍜（$55） 湯底配以紅棗、龍眼肉、杞子等寫成，清甜味道配以蟲草花、雲耳、農場雞。 農場雞雖然唔係新鮮雞，但食落一點雪味也沒有，而且肉質嫩滑可口。🍅🐥蕃茄麻辣農場雞湯米湯 大辣🌶（$59） 蕃茄麻辣湯底非常濃郁，辣味不是很辣，蕃茄味稍為突出，粒粒的蕃茄蓉可以在湯底中看見，湯頭先甜美味。 配料除了農場雞外，還有雲耳。米線爽滑，而且份量挺多，估唔到出街食米線都可以咁健康！😋小食追加：🥟紅油抄手（$32） 紅油抄手一份有五粒，抄手包着新鮮蝦肉和豬肉，啖啖爽口彈牙，配上紅油調味味道也不錯。🥭愛文芒果汁（跟餐+$10）愛文芒果汁都大大杯，甜度適中，新發香甜的芒果味，非常解渴。====—====—====—====—

天氣好番少少一朝同👨🏽‍🦱姑媽去左寶琳飲茶飲完又行左陣山💦之後就帶👨🏽‍🦱去食好西——————————————————呢間之前食過一次今次二訪但唔同分店一個食飯一個食麵我以為牛肉麵係用牛𦟌點知黎到同牛腩飯撞左🤣變左得一樣餸食牛腩咬落堅韌彈牙軟硬適中之前食過好多湯腩太林變左好似食湯渣呢個就唔會湯底香濃但唔油膩又唔會好似外面啲藥膳湯咁重既藥材味牛腩同藥膳湯底配合得好好手工麵夠掛湯 一啖麵一啖湯份量又啱啱夠👍🏻麻辣木耳爽口如果嫌唔夠辣檯上面有辣油俾你加到夠🙈普通ӏɑեեҽ飲得多呢度有雪香ӏɑեեҽ但我最愛都係香芋雪香❤️❤️大愛——————————————————◂ 台灣藥膳古早牛肉麵 $65◂ 台灣藥膳牛腩飯 $65◂ 麻辣木耳 $25◂ 香芋雪香 +配$13◂ ӏɑեեҽ雪香 +配$13

這裏的藥膳醉雞湯手工拉麵絕對在香港屬頂級。大大碗面非常多衹是賣57元，湯底充滿濃濃的藥味和酒味，讓人忍不住一整碗湯全部喝下。手工拉麵非常有咬勁和彈牙，加上雞肉充滿花雕酒的味道，在香港實在難找到全級湯面。這裏環境舒服，服務也算可以，絕對誠意推薦。

個人勁鍾意食米線，尤其係藥膳米線，總覺得美味又健康，今日同朋友經過天后，見到呢間「馬祖」完全係為我而設，立即入去食番碗！蕃茄麻辣農場雞湯米湯 大辣（$59）蕃茄加麻辣口味，一次過滿足兩個願望，味道更有層次，仲可以選擇辣度，非常推薦。配料有木耳同雞件，米線份量好多，幾乎食唔晒。台灣藥膳蟲草花農場雞湯米線（$55）藥膳米線配料就更豐富了，有蟲草花、龍眼、紅棗、杞子、木耳、雞件，重點係湯底有藥膳香味，我幾乎飲晒啲湯！小食追加：紅油抄手（$32）抄手都唔錯，唔算太辣，相信食小辣嘅朋友都接受到。愛文芒果汁（跟餐+$10）大大杯芒果汁，清新又解渴，跟餐才加$10 ，抵飲！唔排除下次去銅鑼灣行街，都會特登走嚟天后食米線😂

天氣咁好,同靚仔去街見到有店式餐廳就入左黎食..地方乾淨,又有靚畫.坐得好舒服岩岩係下午茶時間.叫左兩個下午茶我開頭以為下午茶唔會太飽肚,求求奇點知有好大既驚喜.生菜魚腐米線($33)轉蕃茄湯(+$3)跟餐飲~無糖苿莉花茶白菜餃,花支丸米線跟餐飲~朱古力(+$6)兩碗米線同飲品還要大大杯,食到我地好飽.而且係養生米線(有好多紅棗),連湯都飲得(飲落去好舒服)都好健康嫁.食完今餐 晚餐應該可以慳番.因為真係食到我地好飽飽😁二人食都係78…正中平靚正

疫情期間，市民減少出外，在連鎖反應下，飲食業界受到極大影響。為了重拾顧客信心，食肆提供消毒用品，又為食客進入餐廳前量體溫，有見及此，我們都樂意進入食肆。昨天在維多利亞公園跑步完畢，約同朋友吃下午茶，剛巧路過見倒一間古早台灣養生湯麵館很吸睛，店員為我們量度體溫後便帶領我們到二人餐桌坐位。我們各自點選咗木耳，貢丸手工拉麵及白菜餃，花枝丸手工拉麵。木耳營養豐富，可素可葷，為菜肴大添風采，而且能養血駐顔。貢丸咬勁彈牙，肉香中肥膩恰到好處，飽滿好滋味。白菜餃及花枝丸都是粉麪的好配搭，再以藥膳清鷄湯底為主，更可化解左油膩的感覺。我們都揀選了手工拉麵，手工拉麵和機器麪不一樣，較有彈性及透明感。比乾麪條好吃多了。加了一個鹵水豬大腸，沒有異味，保留了部分油筋增加口感。再奉上一杯芬香水蜜桃🍑紅茶及濃濃的朱古力牛奶雪香，便完成了一頓豐富的下午茶。😋😋👍+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

藥湯@馬祖台灣養生湯麵館 網址: https://地址: 天后留仙街3號雅景樓地下B號舖電話: 66760656=====================我食好多supplement 同herb 調理身子，一日就食幾十多種，醫食同源嘛！每日著重飲食養好生子，病痛都遠離我，話曬（病從口入） 藥善雞湯米線$55 $19 加上湯蔬菜，試下個湯先，淡淡藥味唔會苦，反而有陣回甘，加上雞件，有肉食有湯飲，米線滑得來爽口。麵可以喝配小食，養生之舉，當然要補充話一餐缺少了的蔬菜纖維啦！清湯沉蔬菜低卡小油健康！明智之舉幾喜歡有多種藥湯，下次想試埋其他湯底，夏天多喝湯水，補充體內流失水份哦，愛錫自己從入口食物開始

想食台灣野又未太去到既時候， 梗係喺香港搵啲窿窿罅罅嘅地方睇下有冇台灣麵啦， 喺天后又唔係有咁多地方可以食到台灣嘅， 見到有間餐廳標榜著健康養生湯底， 梗係同朋友一於去試下啦，一參到去鋪頭，朋友就話有啲中藥味， 我就梗係話咁樣先正鐘宗啦，如果唔係點樣養生呀， 同埋舖頭嘅防護措施做得好好，仲有提供紙袋放口罩同量度體溫，每一台四位隔開， 真係可以令到食客安心好多， 我同朋友就叫咗個蕃茄湯底嘅養生湯麵同一個鍋燒牛肉飯，仲有豉油雞翼， 估唔到連番茄湯底都放咗養生嘅藥材， 惹味得呢仲有啲中藥味， 鍋燒牛肉飯啲牛肉炒得恰到好處，真心可以食多幾次

假日去天后拎野，拎完野仔仔叫肚餓咁岩見到呢到有馬祖就入去食， 原來馬祖有下午茶餐都幾抵食喎。我和仔仔太肚餓就叫左以下食物:台式鍋燒牛肉飯（細）＋水蜜桃紅茶藥膳清雞湯肥牛及唐生菜米線 ＋蜂蜜綠茶叫下午茶餐可以加錢叫了上湯浸時蔬，老水豬大腸和雞翼。仔仔話呢個牛肉飯好食過連鎖店，個牛肉汁好美味。 而我碗米線真係超大碗，唔會因為係下午茶時段而縮水喎，抵讚。好欣賞呢到的上湯浸時蔬，因為佢會用藥膳湯來煮，蔬菜特別清甜，而小食兩款老水汁食物都夠哂味。呢餐話就話下茶茶時間，其實已經係我們晚餐了，因太豐富食完超飽了。

今日收工同同事來到天后食台灣麵。由於我地6點幾就去到，唔需要等位，探下熱就入得去。呢度好貼心，門口有紙袋俾我哋拎來袋口罩。🙈來到想食啲特別啲嘅，我叫左碗椰子雞湯米線（$58），揀要手工拉麵（+2）。好多粒紅棗同紀子、圓肉、木耳；椰味濃，食落甜甜地。拉麵幾彈，好好吸😂。成隻雞脾咁上🤤，滑滑。同事要左台灣藥膳古早牛肉湯麵（$65）。同樣有好多紅棗紀子；好多好大舊牛腩🤤，煮得好淋好易咬，唔多筋。仲有2大舊蘿蔔，煮得幾入味🤤。我地再跟餐追加左一碟菜share食，上湯浸時蔬（$19）。菜都幾新鮮，又係超多紅棗，好補，真心推薦女仔食。不過碗麵真係好大碗，胃仔細細嘅未必食得晒🙊。野飲叫左蜂蜜綠茶、柑桔檸檬（@$8）。非常鐘意佢杯蜂蜜綠茶，甜得來唔會好飽個種，飲落喉嚨都舒服，好好飲🙈。

天后不嬲都多野食，最近帶左媽媽黎試一間台式「養生」餐廳。餐廳裝修簡約清新，一入門口位置擺放着搓手液同紙袋放口罩非常細心，店員都好有禮貌~蕃茄麻辣農場雞湯米線$59 有真材實料的蕃茄粒，麻辣的味道雖然辣，但實在太惹味，湯底酸中帶甜，辣味無蓋過蕃茄味，不自覺飲哂成碗湯底，竟然一啲都唔渴口。農場雞天然無激素，可以食得安心，亦且嫩滑多肉 ，啖啖肉，媽咪都好滿意。田園蕃茄牛腩湯麵$68蕃茄湯頭微酸卻帶甜，非常濃郁，很開胃，直接喝也好味，蘿蔔炆得好嫩淋好清甜，而牛腩腍得來亦爽口。 我地仲追加小食鹵水豬大腸$35豬大腸洗的好乾淨，鹵水味好入味，咬到嘴裡有嚼勁，越嚼越香。

今日獨自一人行街，經過天后，見到有間台灣米線既店舖，仲要係養生藥膳麵店。湯麵有三款系列既選擇：養生農場雞湯麵、台灣粉麵自由配搭(湯底)、台灣古早牛肉湯麵飯都有兩款系列既選擇：香蔥海苔飯、養生飯🍜我揀咗碗【台灣花膠農場醉雞湯米線】 (麵底可選米線 / 台灣幼麵 / 台灣手工拉麵) $69我選擇米線，醉雞湯酒味好重，夠哂足料，香味濃郁既湯底，配料十足，有紅棗、杞子、龍眼肉，有益又補身 ; 雞：嫩滑雞肉，花膠：食落黏黏地又脆口，仲好多舊花膠，黑木耳：又大塊又爽口，一路食麵，一路飲完個湯，成個人暖粒粒。跟餐配咗杯🍋凍柑桔檸檬 + $10清涼透心，甜甜地又少少酸既柑桔檸檬，開胃又好飲。📍 馬祖台灣養生湯麵館 (天后)天后留仙街1-5號雅景樓地下B號舖

行過天后附近是時候食晏，找到這家賣養生麵飯的舖仔，水準唔錯及價錢非常便宜，值得特登過去。尤其是下午茶餐，$33的飯，標明是細份量，其實一點也不細小，而家跟無糖茉莉茶飲品，兩款選擇，台式和燒牛肉飯或香辣三杯雞飯。台式鍋燒牛肉飯 正常一碗飯的份量，不明白點解是細份，足夠女仔胃口，可能其他街坊比較大食！牛肉幾嫩而且很入味，最重要是汁多味道好，令整碗飯非常美味。台灣藥膳農場醉雞湯手工麵下午茶時間，跟免費飲品有多款揀，我點了愛民芒果汁熱的，第一次飲，甜甜地幾好飲，有芒果香。醉雞湯有酒香，應該是真材實料，唔油膩，碗湯飲清都冇問題，幾件雞都是雞胸肉，話說是農場雞果然雞胸肉亦不嚡。滷水雞翼炆得夠火候，肉腍入味。紅油炒手唔太辣，皮軟滑。