馬祖台灣養生湯麵館 (留仙街) (已結業)

女朋友好鐘意食滋養藥膳米線，陪左女朋友食佢的最愛馬祖藥膳米線<台灣藥膳蟲草花農場雞湯米線$55>藥膳湯底對於女仔來講真係有咗無可抗拒嘅吸引力，濃郁嘅蟲草味去晒新鮮熬製嘅雞湯，非常之好飲農場雞件啖啖肉又唔會係鞋口，成個配搭非常好味<上湯白菜豬肉餃$25>豬肉餃有五粒，粒粒都爆料豬肉碎肥瘦適中唔會太多肥肉，湯底清清地都幾好食<椰子青雞湯伴貢丸肥牛$57>椰子雞湯甜甜地清清地都唔錯㗎，如果唔鍾意藥膳味可以叫呢個湯底配料就叫咗肥牛同埋貢丸，正正常常咁<滷水豬大腸$35>豬大腸超級淋，滷水味入晒豬大腸，好好味

馬祖台灣養生湯麵館🍜✨抵食 足料 養生 ✨之前心思思已經想試吓今日路過梗係唔好錯過✨台灣藥膳農場醉雞湯手工拉麵🍜手工拉麵大大碗又彈牙藥膳湯底味道非常濃郁 夠哂足料雞件好嫩滑 仲有四大件好味又抵食😌✨台灣麻辣牛肉湯手工拉麵🍜我哋揀咗中辣🌶個麵一嚟到見佢紅卜卜都有啲擔心會好辣點知一食第一啖有驚喜喎😍個湯底辣得嚟好惹味麻辣味足又唔會太辣喉連平時唔飲麵湯嘅我都忍唔住口牛肉🐮炆得夠哂腍亦都好入味 滿足❤️✨上湯浸時蔬🥬我哋另外加咗個菜佢都係用藥膳湯底嚟煮個菜吸哂湯汁 好味😋食完個麵個身暖笠笠 好滿足❤️下次可以再Encore😊#heacookmama#馬祖台灣養生湯麵 #古早味 #藥膳米線 #台灣美食 #蟲草花 #馬祖 #天后 #天后美食 #養生

係銅鑼灣行完街好肚餓 天氣涼 想食返d 熱野 見到呢間食台灣野 係食藥膳米線為主嘅餐廳 個刻好肚餓 就決定食個lunch 喇呢間有湯麵 小食 餃子 選擇繁多 經過選擇困難症既洗禮 決定食下面幾款食物蕃茄麻辣牛肉麵-朋友想食麵 呢個麵大推介 整得唔會過淋過硬 因為要煮得剛剛好要好有技巧 果然呢間真係無令我失望 蕃茄味超級好食 勁香有小小麻辣 牛肉大大件 仲要非常淋稔 配埋真係無敵！花膠醉雞湯米線-呢個湯好好味好足料 飲佢真係好似喺屋企飲緊湯 份量好多 足足有一大碗 好食好開胃 有木耳 紅棗 好香藥膳味 食完個日暖粒粒滷豬腸-個豬腸好好食 有好香好入味 超正菜豬肉水餃-呢個水餃好大隻 而且完全唔會偷工減料 勁足料芋頭雪香-好特別嘅飲品 飲完之後覺得好解渴

在這邊不時都會過來這家店堂食，很喜歡吃藥膳湯底的湯麵。最近晚市沒了，唯有買回家吃吧。沒想到外賣份量也一樣多。不論是飯或麵也是放滿整碗的。香辣三杯雞蔥海苔燒汁飯：味道跟平日吃到的照燒雞扒飯差不多，配搭大量的海苔絲及蔬菜。底下的白飯不會被濃厚醬汁覆蓋著，因本身醬汁不多，雞肉主要是由醃料及烹調時加添了照燒汁調味而成，肉質粉嫩，蔬菜鮮甜，還有豆卜，材料蠻多的。台灣湯麵自由配：自選配搭可任選湯底及配菜，自由度高。本身已包括兩款$6的配菜，我挑選了雞肉及花枝丸。雞肉是三杯雞，帶點辣，無骨，粒粒惹味。台灣的花枝丸真的跟平常吃的不同，偏彈牙又大粒。入面還有墨魚粒粒。底則選了藥膳湯底。湯分開另上，因回家路程都不近，湯都涼掉，所以回去後把湯先翻熱再加入麵餅煮一煮，讓麵條也吸收湯底味道，熱吃時最美味。

之前食完麻油雞湯麵線就好想試吓其他地方嘅台式藥膳湯米線其中一間出名食藥膳湯米線嘅地方就係馬祖養生麵線喇一直都有聽朋友講馬祖價錢公道湯底原汁原味之餘又好多選擇所以就嚟一探究竟喇🤤🤤一睇餐牌果然有好多選擇 花多眼亂又有花膠又有椰子又有黑蒜我覺得花膠最特別又養顏所以就揀咗花膠醉雞湯米線因為同朋友share所以朋友就揀咗個比較唔同既古早牛肉麵再叫咗個紅油抄手特別想講嘅係佢飲品選擇真係好多唔使淨係檸茶檸水咁悶加錢轉特飲亦都唔貴 只係加4蚊所以就加錢轉左兩杯雪香特飲加$5仲可以轉大杯大家睇相可以睇到大杯係大幾多！個面一嚟到第一個感覺係真係好大碗 啲料亦都多到爆先講花膠醉雞湯米線花膠超大塊完全唔孤寒亦都有好多舊雞 雞髀位夠曬滑個湯底由杞子紅棗龍眼肉雲耳等熬製而成 十分滋補但真係太大 真係食唔晒所以建議細食既可以嗌定少麵😂至於古早牛肉麵呢牛肉係非常大嚿而且林滑仲係半肥瘦嘅添不過湯底呢就會比花膠醉雞湯嘅湯底濃適合比較重口味嘅朋友最有驚喜係佢嘅飲品兩杯雪香味道都好濃郁侍應哥哥話雪香其實就係一啲脆卜卜嘅胚芽係飲品面 一開始飲嘅時候就有脆卜卜嘅口感之後浸耐啲就好似食麥片好得意最重要係佢嘅飲品嘅味道真係好濃唔會

維園花市終於有得「重開」，趁今日第一日開鑼，當然要去支持下。由於場內沒有熟食攤檔，所以決定先去位於留仙街嘅「馬祖」吃頓 early dinner。其實已經唔係第一次幫襯呢間店舖，之前嚟食過花膠農場醉雞湯米線，今次打算試下佢哋嘅海苔飯。香蔥海苔燒汁飯系列一共有兩款，分別為鍋燒牛肉同香辣三杯雞，一於兩款都點齊，另外再追加左兩款小食。鍋燒牛肉香蔥海苔燒汁飯 ($55)  原來碗飯嘅份量都幾多，牛肉切成薄片，唔算好大塊，不過就燒得非常香口，食落牛味十足，嫩滑又入味。 配料有香蔥、海苔、 紅蘿蔔同椰菜等，加上惹味的燒汁，撈埋飯粒一齊食，份外滋味！至於碗香辣三杯雞香蔥海苔燒汁飯 ($52)，配料基本上同先前嗰碗牛肉飯係一樣嘅，只不過多左豆卜同埋將主角換成了三杯雞。雞件分量十足，鋪滿成個飯面，雞肉微辣，嫩滑惹味，而且㗳落仲有陣陣醬油和金不換的香味，十分可口。小食點左紅油抄手 ($32) 同上湯浸時蔬。抄手一客有 5 粒，餡料有豬肉同鮮蝦，入口皮滑多汁，而且最抵讚就係食落沒坊間的嗆喉，順滑得很，辣味亦沒有蓋過了抄手皮的麵粉香，味道平衡，很不錯。上湯浸時蔬 ($19)  生菜爽口鮮甜，上湯鹹淡適中，帶藥

面試完又見近近地去下天后食lunch，朝早趕出門飲左包代餐就算，好鬼餓🤧人愈大係時候都係要注重養生既階段，依架唔補幾時到老，人到中年先黎補，的確遲好過無🥱不過最好趁早🥲🤣🤣下次要試佢地既椰子雞！今日要左麻辣朋友叫左黑蒜，我發覺自己好蠢🙄但無論邊款啲湯底都濃郁到暈，朋友一路食一路話好正，平時係幾咁高要求既佢，證明真係適合對野食有要求既你地黎試下😏😏 我好鐘意佢地啲鹵水豬大腸，一啲都唔會臭臭有啲膏但好好食😍😍細食既朋友可以兩人分享一碗或者叫少麵，切勿浪費☺️☺️因為會飽死，份量好夠！

依家六點後禁堂食，所以唯有趁五六點快啲去餐廳搵個位食下晚餐。天后呢一間近近地地鐵站， 而且又近巴士站食完飯之後又可以快啲返屋企！而且見到佢哋餐牌嘅食物都比較健康，所以都食咗唔少次。我自己就嗌左個牛肉飯，佢啲飯超級多，而且啲牛肉食落去都食得出好入味，而且佢啲菜都好多，食落去咁先有營養㗎嘛！而我嘅同事就嗌咗一個藥膳湯底嘅台灣手工麵，佢俾嘅雞好多， 而且個湯底好濃郁，飲咗成個湯底都唔會好頸渴。之後我哋嗌左三隻雞翼做小食，都幾大隻。跟餐仲有飲品，超級大杯， 啱晒我呢啲成日食嘢要飲超多野嘅人！

今日經過天后，經過麥典坊就入去買左個麵包😚 朋友話不如試隔離間台灣麵 見到都幾多人等外賣 一如就試下佢😍台灣藥膳古早牛肉湯麵湯底鮮甜 唔會有藥材的苦澀味 今次我就揀左台灣麵 麵條粗唔容易散又掛湯 咬落仲幾咬牙😛 牛肉有大三大舊 肉質比較硬實 仲有兩大件白蘿蔔 白蘿蔔炆得好琳 而且仲好甜香辣三杯雞蔥海苔燒汁飯成個飯個份量好大 分別有野菜 海苔 三杯雞 同埋豆卜 食食吓辣勁就出嚟 如果燒汁多啲就好了！我地仲加錢叫左小食 三隻滷水雞翼 肉質好嫩滑 滷水汁甜甜地👍🏼 加埋杯凍朱古力就perfect!

眨吓眼原來馬祖都已經開左唔同分店，天后分店非常方便，地鐵站A出口，一行上去行多幾步就見到了～發現每間分店嘅餐牌都有所不同，各具特色台灣藥膳農場醉雞湯米線（$55）台灣藥膳椰子農場雞飯（$57）即使拎到返屋企，全部湯都仲係熱辣辣的藥膳農場醉雞米線，雞肉質地嫩滑，仲有濃濃嘅酒香味。而藥膳椰子農場雞飯仲附有一大碗湯，可以自己選擇點食，我就選擇咗食湯飯嘅～有好香嘅椰子味，分量都幾大碗，食完會覺得好滿足。上湯浸時蔬（+$19）滷水雞翼（+$25）上湯浸時蔬嘅湯底竟然有埋紅棗杞子等等，好足料，而雞翼都好大隻

呢排都幾經常食early dinner，有時懶得煮又費事拎住外賣返屋企😆，今日都唔另外，喺天后，見到「馬祖」有分店，冇乜考慮之下就入咗去開餐😁叫咗$69嘅「蕃茄麻辣牛肉湯麵（要小辣）」，跟餐加$2要杯「港式凍奶茶」😋「牛肉麵」大大碗賣相幾吸引，湯裏邊除咗有小蕃茄粒之外，仲見到有紅棗、龍眼乾，亦都有少少藥材味，麻辣味➕蕃茄味➕藥材味 = 味道豐富兼好滋味😋。牛肉有幾件，件件都幾大件😋，非常軟熟有牛味😋；仲有兩件頗巨型嘅白蘿蔔，又腍又鮮嫩😋

飯都值得試馬祖台灣養生湯麵館 網址: 地址: 天后留仙街3號雅景樓地下B號舖電話: 66760656================有一排無來，發現出多左飯類菜單呀，所以停泊決定轉日味唔食藥饍湯改為要台式飯$52 香辣三杯雞海苔飯，有麻油香，成家都食慣濃味野，要食白飯的飯桶。喜歡食台灣牛肉麵，個紅燒湯好好飲，$65藥饍 牛腩飯試下，個湯汁係甘中帶甜架，唔太覺有藥味。而牛腩咬落結實，濃湯跟白飯。隨主食有多款小食加，用了$36加了雞翼5隻小食。

天氣凍，又係養生既時候啦😏每次想食得健康又糧尾既時候就會諗起呢間馬祖❤️ 專門食農場雞同牛肉，另外又主打藥膳養生做湯底😋.今日係天后兜左半個鐘都無位泊車🙄唯有叫外賣算，外賣自取而家有9折，黎到既時候岩岩5點幾仲有下午茶，下午茶Menu都幾抵食，平均$3x有餐包飲品。.🍴椰子雞湯農場雞米線$58一直都好中意呢間既椰子雞湯，岩晒女性要黎滋潤補虛，個湯底好濃同埋好香椰子味，雞肉就軟腍腍，加埋個米線食落個人好亂苙苙。.🍴田園蕃茄牛肉手工拉麵$70 呢度蕃茄湯都好正，夠晒濃郁之餘個湯底係有粒粒蕃茄，另外紅蘿蔔味都好重，所以湯底夠晒甜👍🏻+2可以轉手工拉麵，個人比較喜歡手工拉麵，比較煙韌同滑身，唔會咁易斷開，必點之選。.🍴台式鍋燒牛肉飯$32 下午茶）下午茶時段見到呢個牛肉飯幾抵食咁，食落先知道原來係牛肉片加左燒汁煮成，個汁麵夠香濃，唯獨係汁就少左D🙈不過牛肉量搭夠🙌🏻$32包埋飲品算好抵食。.下午茶時段叫主餐牌同下午茶都包飲品，所以送左3杯飲品就叫左無糖茉莉花茶、熱奶茶 同愛文芒果汁，唔建議大家擇芒果汁😰個人覺得太甜🤣其他飲品都不過不失。平平地又一餐養生餐。

《入冬首選❄️足料濃郁養生靚湯》———————————————-#馬祖台灣養生湯麵館 🇹🇼-入冬咁寒涼，最適合食返啲藥膳補下身！非常推薦呢間台灣養生湯麵館，用料豐富，相當滋補😍-我哋就外賣叫咗碗台灣藥膳農場醉雞湯台灣米線，雞湯湯底好清甜，帶點酒香，好適合冬天暖下個胃，加埋藥材嘅香味，非常濃郁😋雞肉亦都好嫩滑，呢個價錢可以食到咁嘅質素相當抵食！-另外亦都試咗鍋燒牛肉香蔥海苔燒汁飯同紅油抄手，個人覺得雖然冇藥膳米線咁出色，但味道都唔算唔錯，保持到水準👍🏻-⭐ 參考價錢︰台灣藥膳農場醉雞湯台灣米線：$71鍋燒牛肉香蔥海苔燒汁飯：$71紅油抄手：$40🍌 抵deal 指數：8/10

本來对这间店舖充滿期望，一心同老婆來食下啲藥膳鷄湯真材實料，但原來都係咁，台灣食品用合適港人口味去做，一个字“浪費”。 兩個小朋友服務態度差到己經唔想提，响逆市生存真係要用心去做好每一步。