馬祖台灣養生湯麵館 (留仙街) (已結業)

依家六點後禁堂食，所以唯有趁五六點快啲去餐廳搵個位食下晚餐。天后呢一間近近地地鐵站， 而且又近巴士站食完飯之後又可以快啲返屋企！而且見到佢哋餐牌嘅食物都比較健康，所以都食咗唔少次。我自己就嗌左個牛肉飯，佢啲飯超級多，而且啲牛肉食落去都食得出好入味，而且佢啲菜都好多，食落去咁先有營養㗎嘛！而我嘅同事就嗌咗一個藥膳湯底嘅台灣手工麵，佢俾嘅雞好多， 而且個湯底好濃郁，飲咗成個湯底都唔會好頸渴。之後我哋嗌左三隻雞翼做小食，都幾大隻。跟餐仲有飲品，超級大杯， 啱晒我呢啲成日食嘢要飲超多野嘅人！