馬祖台灣養生湯麵館 (留仙街) (已結業)

已經唔知第幾次食呢一間馬祖！因為佢真係好大碗，而且性價比非常之高！餐牌上好多嘢選擇！真係睇到眼花撩亂！我自己就嗌咗一個番茄湯底，入邊有花枝丸、蘿蔔、牛肉等等，價錢都係$60左右！佢返嘅湯底好濃郁，而且亦都有啲番茄碎、杞子、木耳等等，真係非常足料！而我朋友就帶咗一個馬種養生湯麵，入邊都係有花枝丸、魚皮同埋腩肉！而且我哋嗌左呢個台灣手工麵，食落去好彈牙，好有口感！我哋嗌左佢嘅飲品，每一杯都好大杯，而且唔會太甜

以前去台灣旅行都好鍾意去一啲用藥膳食材整嘅菜式的餐廳。今次試的麵館，位於天后，正正主打用養生健康食材烹調膳食。麵官做足防疫措施，還細心地提供客人紙袋 取用來存放口罩。蕃茄麻辣農場雞米線:雞肉嫩滑~個湯底好好味，叫左小辣，麻辣的湯頭麻而不辣喉，番茄煮到爛爛地既新鮮蕃茄吸埋個麻辣味真係無得頂！ 藥膳古早牛肉手工湯麵:大大碗湯底濃郁帶點甜味，有淡淡的藥材味道，好香，熱辣辣的。牛肉煮得好淋，好入味，蘿蔔好清甜入口即融，手工麵條口感好好，夠彈牙。小食滷水雞翼，雞翼都唔錯好入味，好濃郁既滷水味。值得一試 👍🏻

星期六同呀媽去咗天后嗰邊行下，見晏晝三點幾，就搵個下午茶食先。喺正地鐵站隔離有間麵館，貼咗個下午茶餐牌出嚟，勁抵食，三十幾蚊就有交易，而且食物都幾大路，係食台灣麵🍜。一入到去嘅時候等左一陣，因為得一個男店員負責哂樓面所有嘢，不過無乜所謂啦，加上其實佢都好快手、好好人、又好禮貌。由於疫情關係，餐廳好貼心喺門口放咗張枱擺搓手液同埋口罩紙袋👍。餐廳環境比想像中大，因為佢個舖位係比較長身、樓底亦好高下，仲有大大幅牆畫添🎨。現時餐廳用咗唔少二拉架分隔座位，衞生方面做到足。我同呀媽一人叫咗一碗麵再加一份小食Share，我哋完全無諗過會差啲食唔哂囉🙈！我要咗台灣沙茶湯肥牛及唐生菜台灣手工麵($36+$1沙茶湯+$2手工麵)，呢個係其中一個下午茶餐嚟。我本身以為下午茶份量會細啲，點知佢唔止個碗大，仲要連啲餸同麵都係超多，勁抵食，一上枱我已經驚會食淨...，好彩都能夠KO😝。肥牛🐮配沙茶湯勁夾，沙茶湯比起沙嗲湯更為濃郁；肥牛超多，而且每片都大大片，牛味亦都出，唔係雪到無嚟味道嗰啲。至於台灣手工麵，口感都幾似中式拉麵，幾彈牙，就算食到尾麵條都無變淋或發脹。不過手工麵食落比較飽肚，加上份量好似有成兩個麵餅咁

琴日出咗街，唔想趕返屋企煮晚飯，就同女女食埋飯先返屋企。選擇咗天后嘅馬祖，因為餐廳嘅菜式都標榜健康同養生，價錢大眾化，加上下午茶時段更加優惠。下午五點去到，可以揀下午茶餐牌，囡囡食咗個 鍋燒牛肉飯，下午茶細碗啲，啱曬囡囡食，加六蚊叫咗杯凍柑桔檸檬。我就叫咗藥膳花膠醉雞，好補身，入面有兩三塊花膠，仲有好多紅棗和杞子。個汁係好濃酒味，我飲到一滴不漏。今次好幸運，有兩件雞髀位，比雞胸滑嫩。另外我仲加咗上湯時蔬，有啲菜更加健康。佢哋嘅鹵水雞翼小食，都好好味，好入味😋😋

最近數年都好像好流行「養生」這個用詞語，就連我二十多歲都已開始注重了，偶爾會用艾草包浸浸腳，也會自己用紅棗桂圓茶的小茶包沖茶喝喝（因為自己本身有經痛的問題）。雖然說現在開始流行養生這回事，但市面上並沒有很多以養生為主題的食店。自己住在港島區，有些在港島區的餐廳價錢的確會偏貴，但也不會沒有平民價錢的餐廳，譬如這間養生湯麵館。一進去就看到一張很搶眼的圖畫，是在夜空中飛翔的鳥，很美呀。這裡主打的是養生農場雞湯麵系列，單單是雞湯麵系列已有十多款了完全不存在選擇少這個問題。除了招牌的養生雞湯麵系列，餐廳還有台灣古早牛肉麵系列的，看來也不錯。自己那份是椰子雞湯農湯雞湯米線，本身自己也很喜歡喝椰子雞湯，這裡的椰子雞湯也做得很好，怎樣才算是做得好呢？大概就是做到湯要清甜，不油膩就算成功，這裡的雞湯做到了這個水準。椰子雞也不會有太多的骨，每次吃雞肉都害怕會有太多的骨，以致沒有口感。另一份是藥膳椰子雞湯飯，味道大致上跟第一款差不多，只是米線變作了白飯。椰子雞湯和白飯分開，只是多了藥膳兩個字，味道又真的好像變到很重的藥膳味，感覺很健康，平時在其他餐廳很少能試到。點了兩杯飲品，第一杯是愛文芒果汁，總是不知為何

我有想像過當政府實施每間餐廳限制只可以每四人一枱，每張枱距離只有1.5米。如果我係餐廳老闆，面對疫情生意大減已經好頭痕既時侯，再迎接一浪接一浪既衝擊，我相信我心靈上絕對唔會好輕鬆。可能係呢個咁惡劣既環境底下，你會選擇留係屋企，足不出戶，減少感染肺炎既機率，起碼減低醫護目前所承受既壓力。而我，就堅持放工後一定要去餐廳幫襯，就算唔坐低，都希望可以嗌個外賣，幫補下佢地，或者係我可以做既小小力量。👇📌鍋燒牛肉香蔥海苔燒汁飯 - $55👉一條麻甩佬，食得唔算多，嗌左一碗飯同埋一個小食。呢個鍋燒牛肉岩哂我呢d食肉獸，叫我唔食肉？仲辛苦過乜呀，肥牛燒得夠香，味道夠濃，配埋海苔味道做得幾香口，而燒汁將成件事變得更加惹味，拎黎撈飯簡直係罪惡感滿分，如果有得免費添飯我諗坐底都三碗呀，呢個價錢認真食得過！📌麻辣白菜豬肉餃 - $25👉一碗飯又點夠我飽呀，起碼都嗌返碟餃子啦，呢個份量就岩岩好啦。話哂我都係半個餃子控，最愛就係白菜豬肉餃。而呢到既餃子厚薄適中，餡料又落足，食落味道清甜得黎，帶少少後勁麻辣，食到爽口既白菜之餘，又有少少豬肉香，唔錯。

最近疫情反覆嚴峻，大家都少出街，多留在家中抗疫。宅家多天，總要出外流連一下。在維多利亞公園，短暫脫下口罩，吸收一輪新新鮮空氣後，就準備回家。路過附近留仙街，就順道在馬祖台灣養生湯麵館吃個養生湯麵，醫肚兼抗疫。馬祖做足防疫措施，一進店就要先量體溫，並提供殺菌洗手液，讓客人先搓手，再進食，保持衛生，食得安心。店面亦備有紙袋方便客人取用來存放口罩，座位亦有足夠距離，以防感染。馬祖台灣養生湯麵館有多款養生農場雞湯麵系列、自由配搭湯底養生麵、台灣古早牛肉湯麵系列、香蔥海苔飯系列、養生湯飯系列、多款追加小食和特色飲品供應。坐下叫了必吃的養生湯麵台灣花膠農場醉雞湯米線、鍋燒牛肉香蔥海苔燒汁飯、追加小食鹵水雞翼、另有在下午茶時段免費奉送的熱飲柑桔檸檬和港式奶茶。台灣花膠農場醉雞湯米線樣子看起來頗漂亮，湯色偏淡但清澈不油膩。喝一口，味道很對辦，帶雞湯的鮮香，而且材料亦下得十分慷慨，除了花膠同雞件外，還加入了雲耳、圓肉、紅棗和杞子等，非常滋補。花膠好大塊，有一定厚度之餘仲好有咬口，食落膠質很重，每一啖都是骨膠原。雞件水準亦唔錯，皮薄肉滑，有濃郁酒香。鍋燒牛肉香蔥海苔燒汁飯的牛肉煮得恰好，不會過韌，脂肪比例

一路都好中意食藥膳養生嘢,但又平又親民嘅就真係唔多選擇,天后呢間養生麵館就可以過下口癮叫左兩碗麵再加一碗生菜,不得不提就係佢嘅份量真係好大!男朋友平時食得多都話今次真係食到好飽我叫左個椰子雞湯手工麵,一黎到已經聞到好大陣椰香味,上面有紅棗,桂圓同杞子粒,令到成個湯好甜但又唔係個種好人工化嘅甜,麵就係個種好q彈嘅感覺男朋友個碗係藥膳農場湯醉配幼麵,個湯又係好香藥材味,再加埋少少花雕酒香,兩碗嘅雞都好滑,再加埋menu建議調製嘅辣鼔油,簡直一流

放假最煩惱又係要諗食咩既時候啦...以前位於天后呢個位係一間101既台灣野點知今次去原來已經轉左手。見佢餐牌都幾嚟引..反正都要食就入去試下啦...我叫左個麻辣農場雞湯米線..一碗大約得三件雞..對於我啲食肉獸嚟講就唔係好夠..不過禁既價錢都ok la’..湯底有桂圓同埋紅棗..而且辣度都唔錯..唔會得個油字..雞就普通鮮雞件..會再嚟食

今日同男友去開天后，見到附近有間幾多好評台灣藥膳湯麵店，就不如試試，店環境都唔錯o既企企理理，我點左蘿白白菜豬肉餃藥膳清雞湯米線($47)，黎到即刻試個湯點，嘩~好甜，應該係加左好多紅棗桂圓杞子，但無咩藥膳味無雞味淨係覺得好甜，應該叫紅棗桂圓上湯先岩，完全唔係我認知o既藥膳味道，另外蘿白而家當造，但竟然唔甜完全無蘿白味架仲要幾硬下，可以話難食，而白菜豬肉餃我無估錯應該係灣仔碼頭白菜豬肉餃，食完係覺得失望o既(我同男友都食淨一半)，我~地~唔~會~再~食！，因為好耐無寫食評所以無特別食之前影相，但食完真係好有衝動寫返個食評。

今次係第2次食啦！2次都係下午茶都係點咗一模一樣嘅食物😂（長情）登登！就係雞翼蘿蔔轉椰子雞湯手工麵首先要讚佢個湯好香有好多紅棗、杞子增添養生風味佢嘅雞翼食得出有用香料醃過 肉質幾滑！不過蘿蔔就比較硬身煮得唔夠耐呀手工面有啲咬口煮嘅時間剛剛好第1次食完全俾佢嘅份量嚇親！$40嘅下午茶 麵嘅份量係夠2個女仔食😂😂好不容易朋友幫手食先食得晒成碗但第2次食嘅時候就冇咁大份啲配料亦轉咗做雲耳食落就冇咁香口 足料可能因為太多人幫襯影響咗質素但湯底、雞翼同麵都keep到希望下次再食會回復水準！佢仲有幾款湯底可以一試P.S 朋友試過牛肉飯一般

冬天特別容易肚餓，未到三點三肚子已餓得發響了，不過我們今天不打算吃港式下午茶，而是來到這間台式餐廳吃養生湯麵。餐廳下午茶餐粉麵的價格實惠，全部雙餸米線都是40元有找。米線用了大碗來盛載，份量都很足。我們點了一份白菜豬肉餃及花枝丸米線，豬肉餃皮夠薄，餡也是滿滿的，而花枝丸則比較普通，粉多墨魚味少，也不是經炸過的那種台式花枝丸，有點失色。另外一碗是鹵水雞中翼蘿蔔米線，兩碗湯底的味道都是一樣的，帶清甜的紅棗和藥材香，味道天然，還吃到煮至軟腍的紅棗肉呢，真是落足材料去煲。鹵水雞中翼腌到十分入味，不算太咸，味道適中，雞肉軟腍易咬開。跟餐附送免費無糖綠茶，茶味甘香，也可另加9元轉飲朱古力雪香或其他台式飲品，朱古力味好濃郁，也是個不錯的選擇。這裡的下午茶餐好味又抵吃，我們下次也會再來試試其他口味的湯底。

天后素來有不少美食供大家去發掘，今次發現了一家頗有特色，主打台灣的餐廳，吃了一頓不錯的晚餐。餐廳不算太大，但樓底偏高，加上吊燈和壁畫，感覺舒適，還有空間感。花膠醉雞湯米線 ($69)花雕醉雞，送到時已經酒香撲鼻、而且雞肉尚算嫩滑，雞的精華和上湯，融入到米線之中，既爽口又美味。古早牛肉麵 ($65)底味道濃列，惹味；牛肉有咬口，牛筋彈牙，而且入到味，不錯！；麵口質不錯，頗為彈牙，整體不錯。上湯白菜豬肉餃 ($25)大大件湯餃，湯底鮮甜，不算突出，但四平八穩，可以接受。飲品：凍咖啡香港餐廳常見的跟餐飲品，較常見的大杯，不贅。兩款主菜一款小食質素實在不錯，餐廳環境舒適，而且價錢不算貴，值得推介！

第一次食呢間天后台灣餐廳， 我覺得環境乾淨，坐起來還算舒服，食物種類都算多選擇，我叫左個番茄牛腩飯 + 蜂蜜綠茶，牛腩只得四嚿，覺得少了一點， 不過四嚿牛腩都係大嚿，咬落去都係淋，係好食既，番茄汁正常好飲，整體食物算不錯，杯蜜蜂綠茶都好大杯，我覺得都幾好飲㗎。唯一有樣嘢要彈， 就係廁所壞咗， 點解廁所壞咗都唔去整，對客人嚟講係好不方便，壞咗廁所就應該貼張紙出嚟，話畀客人知， 唔係要等個客人坐低，叫咗嘢食，先知道廁所壞咗。

餐廳：馬祖台灣養生湯麵館 (天后)地址：天后留仙街1-5號雅景樓地下B號舖其實香港真係有好多可以行山嘅郊區🏞，心靈對於一個人係好重要❤️，而行山同食野就係我其中兩樣可以放鬆嘅活動😆，今次行完寶馬山一段約2個鐘嘅山路，行山落返天后果邊就去左搵野食行完雖然好肚餓，但更多係攰同眼訓😪，所以都唔想食太飽，經過見到有間台灣養生麵館好似唔錯，咁就一於試下喇田園蕃茄湯農場雞湯米線 $58香濃蕃茄湯底加埋雲耳同紅棗嘅配搭🍅，令米線充滿茄香，原本攰到無咩力氣食都即刻開哂胃🤤，仲有唔少蕃茄肉添台灣花膠農場醉雞湯米線 $69淨係聽個名都覺得好滋補好養生，花膠份量都唔少👍🏼，亦有枸杞、紅棗、雲耳等，湯底清香入味，岩哂行完山需要補一補血氣嘅我🙈，雞肉浸泡係湯底入面吸收哂湯入面嘅精華😍，食落零舍好味