馬六

營業中

休息中

朋友剛剛由尖咀搬到土瓜灣，提議了新開張沒多久的《馬六》！ 這裡結合了星加坡、馬來西亞菜～出名在海南雞飯、肉骨茶、喇沙，口味都很迎合亞洲人。 裝修舒適，座位寬敞，四人梳化更有私隱度高 ～ 下午茶時段抵食！我點了 老街魚丸魚條湯金邊粉 HKD 32 簡單就是美，今天選了輕量型！ 口感彈牙、沒有腥味。整舊豆卜都是棯，不是又乾天硬的樣子古仔路椰青沙冰 加HKD 32 平時愛點椰青降溫而呢到有數種不同選擇 — 老街椰汁冰、鮮椰青、古仔路椰青沙冰！ 天氣太熱了，沙冰椰青非點莫屬，冰粒細少，椰青清甜～

在土瓜灣區內若要吃馬來菜的話，差不多唯一之選便是北帝街內的那間。吃來吃去都是她，很容易就會生厭....若您肯花多點腳力走去上路，土瓜灣道那邊的話，就能找到另一個不錯的選擇了....這裡剛開了不久之時就和太太首先試了頭啖湯，發覺水準還挺不俗的。以後就不用獨沽一味只跑去食街那邊....既想試海南雞，又想喝一口肉骨茶，這裡很貼心地竟可安排來一個雙併的，每樣份量合起來剛好就夠一個人食，絕不會浪費....雞肉甚嫩滑；醬料亦相當齊備；唯獨米飯色水好像有點不太足夠，油香味道亦不如想像般濃....反而白胡椒肉骨茶就挺不錯，呷落不是一味的死辣，辣得來帶點微辛嗆但又不會令您有難受的感覺；裡頭的大多是肉質爽脆的一字排，且還有不少的原瓣大蒜，甚見足料....太太點的燒雞肶伴蝶豆花椰醬飯，就可是既打得又睇得之輩....那雞肶論size而言可稱之屬怪物級的，其大之處可真是登時嚇到我倆呢....不要看它大大塊的但燒得倒夠香的，皮表面的醃料帶少許甜辣非常惹味，更重要的是肉仍保持著不柴而juicy的境界，這是挺難得的....更特別是被蝶豆花染成淺藍的椰漿飯，雖然味道跟普通的沒有大分別，但嬴就嬴在色水夠特別夠奪目....

屋企附近新開左間馬六係土瓜灣道，新屎坑當然要試下是日大約兩點黎到，竟然全院滿座要等位，令我有啲期待睇下係咪堅係有質的追求先Lunch menu選擇算係多，都有好多特式飲品可以加錢揀我要嘅喇沙摻摻講真我覺得好似係新加坡食到嘅咁，湯底濃而且辣，超多料係入面，仍仲加左啲蜆令佢成個粉同湯都好鮮味（btw摻摻即係加左米粉嘅喇沙）隻溏心蛋做得極好味，同日本果啲有得揮！魚片魚蛋蝦樣樣都爽口彈牙，吸叫哂啲咁重口味嘅湯底，好邪惡香茅蜜都ok不過後悔無要到凍，因為碗喇沙真係越食越辣講真咁大碗又真係唔算貴，性價比ok，難鬼就算到tea time都咁多人食啦！

話說上次和媽媽去馬六吃了個海南雞飯午餐之後做了個好評，今次和朋友去試一試下午茶。首先點餐時服務員解釋得不清不楚，又問非所答，收銀時又弄錯，煩到不得了。點了個雞肶麵，個麵底甜到不得了，好難入口。我还是如常地點了海南雞套餐，因為上次吃過還可以。最不滿是那兩個女服務員，態度極差，多問幾句好像欠了她們的一樣。之前和家人來吃午餐時，不是她們兩個，而且服務還可以的。經過這次，我不會再來光顧，我們是來消費，不是來受氣的！

9點冇胃口打算要一鍋肉骨茶湯，散叫$76，雖然唔算貴，但成的兜湯奇怪只有四件排骨，然後咩配料都冇。正常相入面都有啲蒜頭、杞子... 但去到湯入邊淨係湯同埋頭四件排骨。好奇怪。本身都諗住算，最多以後都唔再幫襯就算。食到尾聲有個姐姐經過，我忍唔住問佢點解呢度啲肉骨茶乜嘢配料都冇。個姐姐先話應該有，補番比我。其實個肉骨茶都唔錯，但係好奇怪出菜員工連自己菜式有啲咩都未知。

土瓜灣最近新開左「馬六」，主打星馬菜。店舖外觀設計新式，每次經過餐廳，門外必定有數名食客排隊。今次一行二人點了兩道菜式：新加坡喇沙摻摻及馬六無骨海南雞拼新加坡喇沙馬六無骨海南雞飯拼新加坡喇沙（$78）一人價錢，2種食物。抵食之選海南雞爽嫩，色澤光滑，配上醬汁加油飯，胃口大開。拼上迷你喇沙；但材料上也沒有偷工減料；喇沙味道上沒有好假好重口味（沒有開粉沖的口感），加上半隻溫柔蛋配上，誠意十足。新加坡喇沙摻摻（$68）這款喇沙是剛才的original size;喇沙粉面中；主要是米粉；略帶少量油麵mix 一齊；視覺上跟傳統喇沙帶來少少驚喜。加上配料切割細件；讓食慾大增起來。

土瓜灣雖然係舊區但都出名多野食 黎開呢區探朋友順便食個下午茶先走 估唔到比我見到打卡必食 紫藍色嘅飯原來係沙巴燒雞配碟豆花椰漿飯小魚乾作伴菜 卜卜脆 雞脾肉外皮燒至香脆 估唔到肉質仍然鮮嫩柔滑 非常容易切開椰漿飯煙韌 帶有斑蘭香及椰漿甜加上顏色吸睛 視覺效果一流朋友就食馬來古方咖喱雞配米飯咖哩辣中帶甜 易入口 夾雜濃厚椰香味 咖哩醬汁creamy唔辣夠溫和滲入軟腍嘅雞件當中 再配埋白飯 完美另外我地追加小食 馬六燒豬頸肉以及咖央多士豬頸肉邊皮位燒到香口 中間爽口有嚼勁 再點埋酸梅醬食 好正而且份量多目測大概八塊 兩個人食無問題 咖央多到流出包邊 多士烤過特別香脆夾心厚切牛油 一件一啖 好享受 餐飲方面朋友揀手工拉茶 佢話茶味香入口細滑我就飲咸柑桔水 消暑解渴啱晒 個人認為下午茶好抵食 有機會會再試埋晚餐

星期日和媽媽路過一間貎似馬拉菜的餐廳，再看一看門口的餐牌，原來是主打喇沙湯麵和海南雞飯的星馬菜，見價格親民，便進去試一下。媽媽點了一個海南雞飯配胡椒肉骨茶，雞肉滑，雞皮嫩，飯香。再配上海南雞醬汁，味道很不錯！我點了一個海南雞喇沙湯麵，辣中帶椰香味，好惹味，不過我有越吃越辣的感覺，喜歡吃辣的朋友一定要試一下。因為吃了個辣麵，所以點了一個芒果冰沙，驚喜就在此處，竟然半只芒果上，芒果新鮮，鮮甜，賣相好有創意。食物總體還可以，上菜也快。至於環境，地方不大，如果繁忙時段要等位。本人剛好在11:30路過，剛剛開店，不用等位。店內有點冷，空調的風很大，令食物熱騰騰的溫度下降得很快。已向服務員反映，有待改善！

又去土瓜灣探朋友，佢話最近開左間新馬來西亞食店，話一齊去食個lunch嚟度到見到個lunch menu,俾蝶豆花椰醬飯吸引左，咁大個仔第一次見蝶豆花加入飯度，一直以為只係做飲品叫左個沙巴雞脾配蝶豆花椰醬飯，同其他地方嘅椰漿飯一樣，有花生同銀魚仔跟，味道亦一樣，只係顏色不同，但頗為吸引，雞脾好大隻，而且好嫩滑馬六無骨海南雞飯拼白胡椒肉骨茶-雞肉好鮮嫩，而雞皮又好爽滑，配合三種醬汁同汁飯，海南雞飯中嘅極品白胡椒肉骨茶- 好足料，極濃郁，白胡椒味勁重，排骨肉超淋，還有吃落有白胡椒味左是桔仔檸檬水，右是凍馬來手工拉茶，兩杯都有獨特嘅馬拉味道

今日番土瓜灣娘家同媽咪食下午茶，佢話附近開左間馬來西亞餐廳，之前食過覺得唔錯，又有我最愛嘅海南雞飯同喇沙食，見媽咪極力推薦！一於去試下門面幾光鮮咼，好似好正宗咁店內環境非常整潔，裝潢配色非常清新而且好有馬來西亞feel，貼合餐廳主題，感覺不錯當時2:30pm左右，非常旺場，店員安排我地坐一邊卡位，尚算舒適下午茶餐有十多款選擇，有飯有麵仲有肉骨茶等，非常多種化，而且價錢合理跟餐仲可以優惠價追加地道娘惹小食同特飲呢無骨海南雞飯，賣相精緻，無骨海南雞非常嫩滑，無雪味，啖啖肉，點埋醬味就更添滋味，好美味啊油飯調味剛剛好，不會太咸，味道不錯無骨海南雞，啖啖肉，啱曬我口味海南雞喇沙摻摻，同樣選用無骨海南雞，味道香香辣辣，非常惹味，可按口味加入青檸汁，令味道更有層次呢雞肉串燒，新鮮熱辣，雞肉燒得外脆內嫩，非常入味，醬汁香香辣辣，非常惹味大大串好抵食馬拉盞通菜，分量好足，通菜嫩綠爽脆，調味亦恰當，不會過咸過辣食完辣野飲番杯桔仔檸檬水潤一潤喉中和下，非常滿足啊

最近同同事經過土瓜灣，見到一間新開嘅馬來西亞餐廳，之前喺土瓜灣都好少有呢一類嘅餐廳，好少見到裝修得唔錯嘅餐廳，環境好光猛，地方又清潔，食飽飽可以坐低休息一會嘅地方選擇!呢度嘅餐牌選擇有好多，真係花多眼亂啊，我同事當然叫咗呢度最出名嘅海南雞飯啊，海南雞幾有彈性，肉質幾鮮嫩，再配返個肉骨茶，充滿咗馬來西亞嘅風味，好正，我同事勁讚呢個肉骨茶好好味！我當然選擇另類嘅嘢啦，就係超級大雞髀啊，再配埋撈麵，超級好味，超級推介，雞髀好大好大隻，我分左比個同事一啲，仍然係超飽㗎，而且陪左好多香䓤，同埋菜，可以平衡一下，最鍾意係佢嘅麵，佢哋用咗馬來西亞嘅豉油同埋醬油撈，真係好鬼正，有機會大家一定要試呢一個！嚟到呢度食嘢點會唔配一件㗎央多士，呢個又係我另一個推介，雖然佢裏便有一片口口嘅牛油，但係咬落去好香好滑，多士脆身，㗎咉又多，又幫我切好咗，一小啖一個，好好味呀！呢間店舖係新開㗎，已經見到唔少嘅客人幫襯，一個午餐時間就比較少，下午茶就有好多人啊，有機會大家一定要黎試吓啦！

今日落左樓下食lunch，見依間馬六開左一排又幾多人食就入去試下！依度係專食新加坡菜既，地方都幾闊落而且有卡位坐👍👍我同朋友點左一個馬六無骨海南雞飯配巴生肉肉骨茶同新加坡叻沙摻摻。先講個叻沙，比我想像中大份量，而且好足料，淨係蝦都有3隻🦐🦐🦐，另外仲有溏心蛋，魚蛋，豆卜等等。叻沙湯底都好濃好香，會令人忍唔住飲哂😝😝😝海南雞飯，雞既份量都唔少，大約有三分之一隻，依度所以雞都去哂骨，好易食，抵讚😎😎 雞肉超滑而且唔算肥，就算食埋雞皮都唔會覺得成口油。雞肉仲另外配左3隻醬汁，有醬油，甜酸汁同薑油😋😋😋配埋油飯食正!!!肉骨茶煮得好淋，塊排骨入口即溶，下次一定要叫佢個餐試下😋😋😋桔仔檸檬茶少有地方有得飲，感覺係有橙味既檸檬茶，好特別好正！

土瓜灣這間「馬六」新開張不久，今晚和阿仔兩個來撐枱腳。店舖裝修新淨，主要是食東南亞菜式，招牌菜是海南雞、肉骨茶、喇沙…海南雞飯拼白胡椒肉骨茶$88店主說「馬六」的海南雞是農家養飼的龍崗雞，龍崗雞外形較短少粗身，雞皮厚，黃油較多，肉質較嫩滑香濃。最喜歡是上枱的雞肉已去骨，再配上以雞油烹煮的米飯，正。肉骨茶加入大量白胡椒，湯色較淺，胡椒味濃烈而且香味十足。湯內的腩排充分吸收了肉骨茶，口感軟嫩肉質鮮美，豐腴而不油膩，令人飽足。冬菇雞絲湯金邊粉$56雞湯底鮮甜，值得一讚。無骨露筍雞翼$48無骨雞中翼內讓了一條露筍和一條紅蘿蔔，店主說是用超過十種以上的香料醃製，口味濃郁，口感厚重，很好吃。

平時坐小巴經過，都會看到這間新開的星馬餐廳，今天下午路過，便獨自一人吃午餐。這裡的裝修以粉藍色為主，格調給人一種舒服的感覺。新加坡喇沙摻摻(辣味)$62，湯頭的椰香味道十足，內有些香料配合，湯頭味道是正宗新加坡的味道。配料有豆卜、鮮蝦、雞蛋、魚片絲、魚蛋，豆卜吸收了湯頭的味道，是最好味的。鮮蝦🦐鮮甜彈牙，蝦味濃郁。魚片絲、魚蛋，爽口彈力十足。涷南洋白咖啡跟餐加$3，奶和白咖啡的味道，配合適中，喝完感覺好像去了新加坡。

新店開張平時食開呢頭 見到呢間新店又吾錯 喇沙海鮮慘慘味道啖 但志在配料多 👍🏻 無骨海南雞鮮甜嫩滑跟埋套餐仲有個肉骨茶肉骨茶 有藥材味 好入味 而且都好開胃 如果怕中藥材 可以叫白胡椒肉骨茶