馬六

營業中

休息中

士瓜灣人有福了，有間專食海南雞、喇沙既舖頭，經過附近一於去試下👍#海南雞喇沙摻摻 💰63湯底好濃，但唔係食完唔會有好口渴既感覺。海南雞雞件份量岩岩好。麵底係米粉同幼麵混合，份量好多。另外仲有加配半隻蛋同埋啲豆卜，豆卜吸曬啲湯都幾正。#巴東牛肉配米飯 💰66牛肉份量幾多，炆得好淋好入味，食落有少許辣但都接受到，如果有更多汁去撈飯更好。#南洋咖央多士 💰18烘到好脆口，班蘭味好香，再加埋塊牛油，特別正。建議先食甜點再食咸點，好似好啲😂跟餐仲有飲品送，試咗馬來手工拉茶，飲落都幾香，唔會太甜。

因為姨甥仔病咗要買外賣比佢做晚餐，上 Open Rice 見呢間幾多開心正評，就 send 個餐牌睇佢有無嘢啱，佢又揀到嘢食喎，隔個禮拜又再 order 🤔🤔 乜真係咁正咩？連細妹都話食物得，咁就揾日約埋同事嚟午餐 🤭🤭2 位同事叫咗海南雞喇沙摻摻，我試咗個湯都好香，我就叫咗黑醬油义燒葱油撈麵，好有驚喜喎，個义燒好香口，小小甜，個麵都好入味，同事試咗啲义燒都話好味，仲即刻打比大佬問佢食咗晏未，未就買個外賣比佢 🤣🤣🤣前前後後外賣堂食都幫襯咗好多次，質素算是穩定，個別食物未必咁啱口味，例如我試過食沙巴燒雞配蝶豆花椰醬飯，個雞好香好大件好好味，但個飯除咗顏色靚就食唔出有椰汁味。下午茶平啲到 6 點，好多時我 5:45 會打電話去落單，6 點放工去攞咁就慳返啲 😅😅

土瓜灣算係美食沙漠，除咗傳統茶餐廳 和一些老牌的 小炒， 沒有其他什麼好吃的。看到新開了一間東南亞的餐廳。 等著試一試的心態， 晚餐時段 ，大夥人去亂七八糟的點了一堆。大部分都十分好吃 。海南雞 低飯有油香， 雞肉很滑， 十分欣賞他的辣醬 新加坡風味。 咖哩雞送飯一流 ，有點想多叫一個飯 而且雞肉捉料 這個價錢 用的不是雞翼斬件 算是很對得起 食客了 。家人很欣賞巴東牛肉， 味道是不錯，但如果牛肉切少塊一點就更好了。 還點了榴槤多士， 這個很難不好吃吧 。胡椒肉骨茶呢， 味道就比較談 也還可以。 比較不好的是 炒菜 。有點不夠味 而且由了一點。 唯一敗筆就是 蔥油餅 本想用這個送咖哩 但是餅本身已經很有 而且有點乾 不好吃

去土瓜灣探朋友，佢話想食馬來西亞嘢，於是一齊去這間馬來西亞餐廳食個午飯不經不覺已下午兩點半，所以我們可選午餐或下午茶友人點了午餐的馬六無骨海南雞飯拼白胡椒肉骨茶，一次過可試兩款馬拉特色食物馬六無骨海南雞飯-雞肉好鮮嫩，而雞皮，又好爽滑，配合三種醬汁同雞油飯，正白胡椒肉骨茶- 好足料，極濃郁，白胡椒味勁重，排骨肉超淋，好有肉味，而有點白胡椒味，湯喝到底，還有大量蒜粒而我選了下午茶餐的新加坡魚片喇沙摻摻 $48，摻摻是油麵同米粉混合而成，所以有煙韌和淋兩種口感，喇沙湯好濃郁，咖哩同魚湯完全完美般結合，又濃又香，整碗摻摻都散有獨特的馬拉味道 另外加了一個小食-南洋咖央多士，可選蛋黃/斑蘭/榴槤，而我們叫了斑蘭味，多士夾著班蘭咖央醬同牛油，完美組合，好好味左：馬來手工拉茶；右：馬來手工芝士拉茶馬來手工拉茶-比港式奶茶更滑，茶底與別不同，多了一點馬拉感覺，飲落好順喉馬來手工芝士拉茶-比馬來手工拉茶濃厚，有一陣芝士香味，飲落帶點咸味，味道同口感也很特別

行街揾野食，見到呢間要排隊，又有5間分店，梗係滿心歡喜入黎食啦～ 期望價好高，兩個人叫咗兩個飯麵、兩個小食同兩杯飲品，不過。。。。最後伏咗。。。個餐牌的確幾吸引，好多選擇，食物既賣相都唔錯，見到其他客人飲芒果冰，真係有半個芒果掛o係杯邊馬六無骨海南雞飯拼巴生肉骨茶：食物上枱，好開心，先飲一啖肉骨茶。。。點解陣藥材味咁淡既？肉骨茶唔係應該有好重當歸味嗎？。。。咁可能係想就番香港人口味卦。。。再試下個海南雞。。。有少少雞腥味，啲雞肉夠嫩滑但就無味，唔講你都唔知自己食緊雞。。。個油飯呢，還可以啦～起碼有啲油香，但飯煮得淋咗啲參峇芥蘭：一食落口，個醬係肉醬意粉果個味，酸酸地，同啲芥蘭唔係好夾新加坡喇沙參參：點解要叫呢個名呢？完成唔明，anyway，照食；個湯底得甜味同辣味，係呀，係一食就覺既甜味呀，麻麻地囉，又辣又甜但唔香囉；然後啲蝦一食就知係平價貨，無咩味囉；隻半熟蛋太熟，個心唔流囉；魚蛋得一舊粉，又係無咩魚味囉，總之，成碗野好流囉。。。烤蔥餅：又油又唔蘇化，靱既，咬咗兩啖無食了馬來手工拉茶：全餐最難食呢樣！個茶應該係用茶包沖既，而唔係煲既，因為啲茶味好淡！完全係用茶包茶沖完加煉奶！咩鬼手

土瓜灣開咗馬六依間娘惹菜，完全可以用性價比高來形容。叫咗個喇沙摻摻，同埋海南雞飯摻摻即係油麵溝米粉，最緊要梗係個湯底，個湯底好夠味，油麵同米粉吸晒啲味好正。蝦都算彈牙，仲有豆卜、魚蛋。另外叫咗個海南雞飯，雞都算滑。油不過不失。另外叫咗個炸饅頭配斑蘭醬，平時配煉奶，依家賠返兩張有新鮮感味道又唔差。用來做甜品都真係唔錯。總括而言，成間餐廳環境舒適，性價比高，如果日日嚟食都冇問題，簡直可以當係飯堂。^*

在屋企附近找餐食晚飯，見到呢間新店... 之間係大大間既越式餐廳，近來一分為二，左邊新加坡菜，右邊繼續越菜~我肥妹就最鍾意試新野，就試下先食物：先黎個咖央多士，老公點了班蘭口味...多士脆身，裡面除了班蘭醬，仲夾住半塊牛油~嘩~ 好邪惡呀....味道不錯，如果可以熱D就更好了....唔知係咪我地坐正風口位，好快吹凍左...我點了新加坡喇沙摻摻~開頭都唔知咩係摻摻，黎到就知喇~!原來摻摻係油麵加米粉，(上網查下，摻摻 意指什麼都有)混合粗幼爽淋口感，幾得意喎~湯底椰味重，而且仲幾辣， (我就不嬲唔食得辣)老公就話辣味幾夠幾鍾恴配料都自算幾夠，大蝦、魚片、魚蛋、豆卜、蜆肉、蛋~老公點巴東牛肉飯，我試左幾啖，搶左黎食，食落唔辣，個醬汁仲幾惹味，配飯好夾。肉量都幾夠，仲配沙津菜減下油膩，不錯~環境：店不大，但裝修幾靚，坐卡位坐得舒服...想唔到keep住有客入黎食，都幾旺場... 服務：整體友善，有效率

公司附近新開的馬拉菜，所以專登來一試！ 原本想別喇沙麵，但見到別人的海南雞飯很吸引，所以我都點了無骨海南雞飯！ 這個餐上桌很吸睛，餐具很雅緻，無骨海南雞切得小小地，很容易吃！飯粒也是有雞湯煮過得👍🏻👍🏻👍🏻價錢$68，也不便宜

呢間馬六係土瓜灣新開左無幾耐，一直都想搵機會試一試。今次就諗住食一食佢既海南雞。大約1點去到都唔算好多人，唔洗等位都已經入得。之前有同事介紹過佢既海南雞好食，都以就叫左喇沙海南雞麵，一次滿足曬2個願望。佢既喇沙味道偏重同咸，食完都幾口渴。不過海南雞都算滑既，而且隻蛋半熟有少少流心，裝修風格係行懷舊路線。價錢方面，講真係土瓜灣差唔多70蚊一個lunch，真係唔算好平，不過環境同食物都可以一試既，但未必會再食啦。

這是同區第二間新加玻菜館, 講到新加玻菜我印像最深是肉骨茶同海南雞飯想不到呢度就有個肉骨茶併海南雞飯餐海南雞飯配的醬汁都齊, 雞同個油飯不算很出色, 普普通通啦肉骨茶是白肉骨茶用料很足, 很有豬肉味 ,但個人比較鐘意藥材味重果款這個餐份量多, 一個人食會很飽另外又點了個巴東牛肉飯, 味道唔錯, 份量大同另一間比, 味道我比較鍾情另一間, 但呢間就坐得舒適很多

經過土瓜灣，發現開左間新餐廳，店入面裝修好有風格，乾淨企理，環境舒適。我地係兩點幾去食，仲可以叫一個午餐同下午茶。因為友人好肚餓又想食湯粉，所以揀左非輕量級份量嘅午餐。叫左老街冬菇雞絲湯金邊粉，用懷舊公雞碗上菜，有好香嘅冬菇絲及黃油雞絲，湯底配上鮮雞湯，有好濃嘅雞味，令人想一飲再飲，別有一番風味！我就揀左下午茶餐，見到有好靚嘅紫藍色飯，原來係沙巴燒雞配碟豆花椰醬飯。一上枱原來都幾大份，有花生及小魚乾作伴菜，仲有好大隻雞脾呀🤤 一咬開滿滿嘅肉汁，雞肉有陣陣嘅香料味，鮮嫩多汁，配上煙韌嘅紫藍色椰醬飯，有視覺同味覺嘅享受，超級滿足！我地仲叫左一份小食，獅城蝦春卷，春卷好脆口，入面配上蝦膠粉絲，但蝦味唔算好濃。餐飲方面，我叫左古仔路椰青沙冰，原個椰青上枱好吸睛，有淡淡嘅椰青味，而朋友就叫左杯桔仔檸檬茶，解渴一流。呢間幾有質素，份量又大份，價錢唔太貴，幾抵食，下次黎開附近會再幫襯。

去呢間店舖要坐巴士就近坐地鐵就要行半個鐵新加坡魚片喇沙摻摻 $56有半隻溫泉蛋、很多，魚條、魚蛋、豆卜，微辣，可以接受的辣度馬六小食拼盤(娘惹小食) $118有咖哩角、單骨雞翼、蝦春捲和，雞肉串燒，這是新加坡地道美食，將甜酸，辛香，微辣等，多種風味滙合，口味濃郁口感厚重，咖哩角的酥皮鬆化，餡料是薯蓉和肉碎，有香的咖哩味但不辣，好吃千絲蝦卷炸到金黃香脆，入面有原隻蝦，白芍芥蘭，因我不能食太辣，服務員很細心地把醬分開上

去到土瓜灣誤打誤撞搵到呢間馬來西亞餐廳。果然冇期望真係唔會有失望，食物擺盤方面係幾驚豔嘅。.沙巴燒雞配蝶豆花椰醬飯——顏色反差嚇我一跳，開始時冇認真閱讀餐牌，後來先知原來係蝶豆花。老實講雞脾個size再加咁大pat飯，一個成年男人表示食唔哂。雞脾皮脆肉夠厚，咬開又會滴汁。對於馬來風味食物，感覺比較麻甩，平日放lunch應該係唔錯嘅選擇。.下次出job 放lunch都一定會嚟呢間食。要食得夠飽先有力開工。

路過土瓜灣的「馬六」，心血來潮想飲碗肉骨茶。«馬六無骨海南雞飯拼白胡椒肉骨茶$88»無骨海南雞最啱像我這樣的懶人，啖啖肉，不用吐骨，雞肉嫩滑，雞皮薄沒有肥膏，所以我連雞皮都食埋。醬汁有蒜蓉、甜酸醬和黑醬油三款。色香味俱全。白胡椒肉骨茶湯底足料味濃，骨排很腍，湯裡的蒜頭都好吃。«冬菇雞絲湯金邊粉$56»除了有冬菇、雞絲、還有豆卜，湯底清甜«手工糯米釀雞翼(三件)$52»這是很花心機製造的食物，雞翼要去骨後再釀糯米在內，糯米軟諗諗的，加埋雞肉很好吃。

最近土瓜灣分別開了多間新餐廳, 其中一間是愛吃的喇沙, 不過好幾次都夾不到時間, 終於今日可以趁上堂前走來一試餐牌簡潔清晰, 而且選擇不少, 愛吃喇沙的我, 看得花多眼亂下午茶時段更直到六點, 還可以加小食但還是眼闊肚窄, 明明是小食的馬拉盞通菜, 卻如其他餐廳正價的那麼大碟, 卻只是加$22, 超值菜夠鮮嫩這裡的喇沙是摻摻, 即正統的新加坡食法, 混合油麵與米粉的吃法喇沙味香, 而拌菜的蛋另加上香料, 拌著湯底一起吃, 就特別滋味