馬六

營業中

休息中

有一晚，收工一刻突然有股強力嘅慾望好想食肉骨茶！！於是即刻search邊度有平靚正既餐廳！馬六喺香港都算係連鎖經營餐廳，主打馬來西亞新加坡菜。這店裝修平實光鮮， 雖然不大，但坐得尚算舒適，而且價格非常友好，性價比高。今次叫左2個套餐仲有幾樣小食，套餐包一份主菜，一款小食，一杯野飲，我地加$8轉左特飲😉肉骨茶配油飯 （$92）+ 咸蛋炸魚皮落單嘅時候完全估唔到跟餐嘅肉骨茶係咁大份，我哋仲驚唔夠食，所以加咗16蚊要多一小碗😂傻豬左tim. 呢度主打既係新加坡肉骨茶，藥材味比較淡但帶有胡椒香，辣味較重。豆卜索晒d湯好好味，排骨夠淋有肉香，最surprise係有一整舊燉到軟綿綿既蒜頭！好正！油飯都香既，但略嫌淋左小小。咸蛋炸魚皮個蛋黃醬稀左小小，但魚皮多薄脆，加返分啦！巴東牛肉配椰漿飯 （$92）+咖哩角巴東牛肉係印尼名菜，煮得非常惹味，牛肉質感有咬口， 醬汁偏微辣但好香，送飯一流。最中意佢既椰漿飯加左斑蘭去煮，所以帶有陣陣清香味，但睇得岀應該係有落到香精，不過唔緊要啦，好食就得，綠色既飯都好吸晴👀但同雞飯一樣，都係淋左小小。btw, 個溏心蛋好食。咖喱角用左酥皮去包，唔會死實實，好酥脆，咖哩

平時極少到土瓜灣，今天難得有機會到訪這區，朋友特意推介我一試這家馬來西亞菜。巴生肉骨茶湯米粉 湯頭的藥材味不算濃，對我來說剛剛好。裏面有杞子和蒜頭等的湯料蹤影。湯裏還有冬菇、豆卜和腐竹，可以吸湯汁。兩塊豬排骨經輕輕一咬便骨肉分離，脂肪油香。它的米粉質感很特別，有別於平時一般我們認知的米粉，這款米粉半透明很有咬口。這碗米粉真的挺值得推介。套餐以外再追加了一碟馬來街頭雞肉串。雞串裹上了充滿香茅味的醬汁，顏色雖深但味道不鹹。建議可和伴碟的青瓜一起吃，減輕油膩感。跟餐的熱香茅橙茶。杯裏有兩片香橙，喝到的主要是柑橘甜甜的味道，香茅味不算刺激。整體而言，以下午茶的份量而言算多呢，性價比挺高。

在附近返工，馬六唔係第一次食，剛開業既時候其實唔錯，但是之後越做越差。今日中午叫左一個海南雞飯，雞是果種岩岩在雪櫃拎出來有陣雪味既凍雞，呢個唔是重點因為佢係咁已經有一段時間，令人覺得可難以接受既是個飯，面頭個D油飯雖然無味但都叫做暖暖地，食左一半碗底既飯竟然是又乾又硬，而且是個果種放得太耐無晒水份既乾硬(唔是飯焦果種)！餐廳既裝修服務都唔錯(除左卡座座椅太矮)，但是一間餐廳最重要都是食物既質量，馬六沙田我都有食，明顯比土瓜灣店好太多，應該唔會再去土瓜灣呢間食。

當年第一次食叻沙呢樣食物係係新加坡，一試就愛上左，不過依家又無得去旅行，成日都心思思想食返叻沙嘅味道今次係第一次試食馬六嘅叻沙，價錢算可以接受，賣相都唔錯湯底味道一般，無個種一食令人好想繼續一口接一口食嘅感覺海鮮食落都唔係咁新鮮，口感有少少怪，食完都幾失望，本身仲諗住解一解個叻沙癮，而家解唔到之餘仲無曬癮職員服務okay嘅，不過食物質素唔得，唔會再試呢間好想快啲再去新加坡食返當年嘅味道呀!!!!!

早幾日去土瓜灣做野，順便搭下屯馬線，真係大鄉里，咁鍾意食喇沙都係第一次食馬六，知佢開左幾間分店但係無經過，上網睇過d食評覺得又未至於要特登去食。經過時係下午茶時段，好！就試一試魚蛋喇沙，都係咖哩喇沙果類，幾重椰奶，湯好有味但唔算濃，即係無果d一粒粒既粿粒口感，個人鍾意果類多d，不過只係個人口味問題，我估都會有人鍾意好滑。我仍然係覺得好飲，你睇我影張相係連湯都飲晒就知 hahaha。可惜既佢唔係滲滲，同埋魚蛋質感太粉，扣了好多分。不過下午茶價錢就下午茶既要求，算係咁。＊唔知夜晚會唔會比好d既料。。。😏有機會再試。

朋友好喜歡食東南亞食物, 今日提議去呢間, 就跟佢黎試試!一睇餐牌, 選擇都好多, 而且都幾抵食, 睇下睇下, 兩個人都叫到成枱嘢食海南雞半隻$128略嫌貴, 最有 heart 地方係已去骨, 不過欠雞味, 感覺好似無咩味道咸蛋魚皮好脆口, 不過只係用咸蛋黃醬做出來, 帶住淡淡黃色, 唔似其他餐廳用真咸蛋黃蜆有點兒煮耐了, 經已無水份, 好乾燒蝦都有同樣問題, 變為蝦乾, 好硬!喇沙選擇都有好幾款, 不過湯底淡咗少少大致來講, 都無我預期咁好味!

今次黎到土瓜灣呢，搜尋下有咩好食食店。搵到呢間馬六的馬來西亞特色的餐廳，我都鐘意試下食馬拉菜，所以就選擇呢間馬六餐廳。一去到就可以選擇到有卡位座位，梳化位係舒適的，空間寬敞而且燈光十足。睇睇餐牌，主打都係海南雞飯配上肉骨茶和多款湯河等，選擇菜色都算多。我地就選擇左海南雞飯和馬六什錦椰漿飯。 肉骨茶給我的感覺是算濃郁的，而且海南雞分量足夠，雞飯又有適量的雞油配搭，口感還算挺好的感覺，椰漿飯配料十足，配有牛肉魷魚的配搭，分量比我想像中更多，多士麵包有鬆軟而脆口。我十分滿意的，推薦大家可以試試椰子沙冰，都好好飲。

今日lunch時間在土瓜灣，因為唔知食咩，又唔係好有胃口，所以想食o的湯類的食物，跟住見到有一間馬六無咩人就入去試下，由於個陣係十二點左右，還沒到lunch時間，所以冇咩人，我叫左個肉骨茶，估佢唔到個湯好好飲，而且不太油。排骨又勁淋。超好味成碗食哂。因為想試多幾樣野，所以叫多左個腐乳雞翼，可能因為剛剛炸出來，所以好香口出面脆入面仲係有汁流出來個種，又係大推。飲品我叫了一杯凍白咖啡，味道不錯。成個餐我食左80蚊左右，超抵食。好滿足。強力推薦

尋日傍晚去左土瓜灣 於是就search 下有d 咩好食啦，見到馬六d 評價好似都唔差就去試下。入到去唔洗等有個卡位，坐落都舒服，佢又派左個口罩紙袋同濕紙巾，係一個加分位✅叫左海南雞set dinner(配小食同野飲）。注意番佢啲海南雞的溫度係涼涼的，而飯就唔算太熱，還好而家天氣我都唔要求食熱野。雞份量的確算幾大方，食落都好食，算係滑👅。醬汁就一般般啦，特別係個蒜冇咩蒜味。飯就相對差少少🙅🏻‍♀️，我食到幾粒未煮熟的😂 湯呢就唔係特別好味咁啦😂😂小食我揀左個班蘭糕，我以為係"煙un"質地個種，點知似係啫喱質地🙈🙈🙈🙈同埋d 色素都唔知係重手左好定隻綠色真係望落就好假咁😂😂不過唔難食嘅。野飲叫左熱話梅水，還好。整體黎講cp 值一般，服務都幾快手，但下次去嘅可能性唔太大。

馬六以前係西環食過一次，印象都唔錯。今日係土瓜灣做完野就同同事去呢到食，試下係咪間間分店都咁好先。今次都係食返呢個冇⻣海南飯，又真係好得，海南雞嘅份量係好大。另外值得一讚係佢無骨嘅，同唔係好熟嘅同事食飯，都唔驚失儀態。 三款醬汁，三種口味，我最鐘意橙紅色果款醬，甜甜酸酸同凍凍地海南雞好夾，天氣熱時食就更開胃。飯唔係普通白飯，係油飯。齋睇色澤淡黃色的，就知佢唔會好油，岩哂我口味。仲有湯跟住，清清地，我好鐘意。

已經食咗依間有兩年了，之前有藍色飯(蝶豆花+椰漿)，後來無咗有d失落，依家有新嘅綠色飯(班蘭+椰漿)，當然要試吓。巴東牛肉椰漿飯外表一如以往咁靚仔，可惜質素越來越差。牛肉有點老，飯嘅椰香味亦唔夠，花生都應該炸起咗好長時間.....只有跟餐嘅拉茶同以前一樣。如果以星馬餐廳黎講會幾失望，因為一定食唔到個個味。但如果睇埋環境、價錢、叫一個飯已經食到幾樣不同嘅食物，性價比都算高，係會繼續幫襯嘅...不過唔會專登過嚟，定位會變成行開就食下嘅高級茶餐廳。

今日又嚟試吓，之前嚟食過，覺得唔錯，今日重來，都差唔多一年，一點多鐘，唔算多人，看看餐牌，好似唔見咗D款式咁，最後點咗辣椒板麵及海南雞油飯配肉骨茶，跟餐點了話梅青檸水及甘桔紅茶。板面配魚蛋湯。上台時好吸引，將所有配料攪混，原來麵都好大碗，食落去好有層次，麵質好有咬口，配料有肉醬，魚干，花生，辣椒碎等，啱我口味！反而魚蛋湯的魚蛋口感就有啲古怪！肉骨茶中排骨好出色，肉味及肉質都好食，夠稔！海南雞飯的醬更勝雞肉！飲品就麻麻，但整體經驗都好理想！推！

海南雞很不錯，有啫喱狀，duang duang的，最愛鹹蛋黃雞翼，巴東牛肉飯也不錯。每個客人都有一個口罩信封+消毒紙巾。土瓜灣最好吃的馬來西亞菜也不為過！下次還來

叫咗一碗新加坡喇沙摻摻，椰奶味香濃，辣辣地幾開胃醒神，馬拉盞炒通菜，幾惹味唔錯，辣辣地。最後叫咗杯泰式奶茶，味道正常，同喺泰國飲嘅一樣都係比較甜少少，我自己就覺得可以接受OK嘅。

冬至放半晝，朋友出嚟食 lunch 再去下場，方便搭車就去馬六食個晏。朋友夠穩陣叫咗海南雞飯，我就叫咗檳城蝦麵。呢度海南雞飯係好食，姨甥仔都鍾意，但個蝦麵就唔得，首先啲蝦一定係雪藏嘅，完全無蝦味，連點埋海南雞飯個醬都係無味嘅 😑😑豬腩片反而味道比較出，湯底還可以，幾條菜都係普普通通！記得初初開嗰時好有驚喜，但佢個餐牌改咗反而仲唔好食，唔知第時會唔會出返以前好食嘅食牝物呢？