馬六

營業中

休息中

好日唔行下呢度附近，今日揀左係度食個下午茶舖面係ok 的以為好食，睇左都有4X like, 點知中咗伏😞😞😞😞兩個人叫左：星加坡喇沙摻摻古方咖哩雞飯參東蘇東 （小吃）熱拉茶凍拉茶首先門口個哥仔係十萬個唔願意既樣來落單好似我阻住佢甘食評：星加坡喇沙摻摻 - 好淡，好普通古方咖哩雞飯 - 雞係炸的，非我想像但唔緊要，個咖哩汁同雞肯定係分開煮的，兩樣野熱度爭好遠，汁只係微溫，雞係熱辣辣的，雞有雞味，咖哩係自己個味，叫自己做古法我反白眼參東蘇東 （小吃）- 汁同尤魚又係分開煮的熱拉茶 - 冇茶味，但呢樣已係全餐算最好的，但同出面的拉茶都係完全冇得比凍拉茶 - 呢杯最垃圾，完全冇茶味的，奶水甘，浪費金錢相內見到我地係食晒甘濟，但絕對唔係好食先食晒，只係我地兩人都唔想晒野晒錢，而且下畫4:30先食午餐所以好肚餓下次不會再來了🙈🙈

7pm order delivery外賣 , 倒瀉咗個湯同送少一個巴東牛肉飯。打去餐廳， 個男人態度勁差。話唔關佢事，叫我哋自己打去外賣平台。 個男人話你哋成日話送漏嘢， 我話唔關我事，你哋都唔信㗎啦 。又話， 而家好忙，再送番畀你都九點幾㗎啦，你哋自己打去外賣平台啦 。 其實我都係問清楚啫，使唔使咁惡呀。

其實都食過好幾次馬六，之前同屋企人食都係西灣河分店。疫情已經快一年，由於好掛住新加坡及馬拉美食，所以自己一個人係土瓜環店食足兩日lunch set。第一日食檳城老鼠粉set $68，第二日食海南雞飯set $65。首先，老鼠粉真係第一次食，其實望落去似狗仔粉，瀨粉。不過本人覺得口感麻麻，食落口夠乾身，咬開左覺得個口好”粉”，好一粒粒粉團既感覺。而且無咩味道。老鼠粉配左炒肉粒，不過比較多肥肉粒，我反而鍾意佢既配菜，炸魚仔好香口，菜脯又好入味，帶返老鼠粉有返味。另外海南雞飯就普普通通，雞油飯尚香口，但較濕。三個醬汁中，我反而覺得紅汁少辣中帶甜酸，好開胃。另外醬油就無特別，薑油就好重麻油味但無薑味。兩次都叫左南洋白咖啡，我叫左少甜就剛剛好，唔食得甜既記住少甜，如果唔係會後悔lol。

星期六日都有茶餐食而且雖然話輕量！不過份量都多環境算企理新加坡喇沙摻摻（$48茶餐）～份量都唔算少味道辣辣地酸酸地都幾好雖然唔算平！但都值尼個價巴生肉骨茶配雞油飯（$48茶餐）～肉骨唔肥但唔熱！雞油飯都算香

白胡椒肉骨茶好正宗 好重胡椒味好似喺新加坡食嗰啲咁啲肉有啲林有啲就吾係好林海南雞飯 啲雞又冇骨又滑 油飯都好食分量又夠多呢排外賣成日都叫佢見同事次次都叫佢個喇沙 下次一定要試吓先

平時自己一個人食午餐 真係唔知食咩好 又想坐得舒服今日就見到馬六，佢裝潢悅目的餐廳， 一個女仔食都可以 ，主要係食新加坡食品的馬六。小食叫左馬拉盞通菜， 通菜幾嫩幾新鮮wo， 馬拉盞味道比較濃郁。 我叫了摻掺，即係米粉同油麵各一半，正宗嘅喇沙都係咁食法，好香的味道，咖喱 with 椰奶配合得好，冇味精，飲曬成碗湯都吾覺得漏。即叫即做。配料方面，有魚蛋、魚片la，芽菜同溏心蛋r、豆卜，而且是「摻摻」，油麵和米線混合，惹味十足牙！！！。

土瓜灣一向都好多嘢食，今次嚟到土瓜灣道附近有幾間好光猛嘅新裝修餐廳，有一間係馬來西亞菜–馬六。我同屋企人都好鍾意食馬來西亞菜，因為夠晒濃味香口。仲要仲係下午茶時段我哋就一於試吓。啱啱好仲未夠六點，我哋仲可以叫下午茶餐，好抵食啊！我哋一人帶咗一個麵，一個多士，仲有糯米釀雞翼，同兩個沙冰添！種類真係好多元化有咸點有甜點。呢度好貼心會提供紙袋俾我哋放口罩，同埋有消毒濕紙巾俾我哋清潔。呢度嘅沙冰夠晒濃味，呢個椰子沙冰椰香好夠，冰又夠沙，大大杯超正，夏天飲一流。另外鍾意食榴槤嘅我哋，又點可以唔試吓呢個榴槤味咖央多士。烘得好香口，而且榴槤味都好重，邪惡得來又食得好滿足！喇沙係我必點嘅馬來西亞菜，好鍾意佢呢度嘅喇沙湯底，好想一啖一啖咁飲晒佢，而且啲麵條軟硬度剛剛好，吸晒啲湯汁，好濃郁啊！我地仲點左糯米釀雞翼呢個小食，出邊好少食到咁脹卜卜嘅糯米雞翼。做得好唔錯，熱辣辣。燒雞秘醬拌摻摻哇，雞嘅份量好多啊！有一個大雞髀！拌埋佢跟嘅清湯，濕濕潤潤，加埋佢本身嘅秘製醬汁，真係好夠味！今日嘅用餐體驗非常好，食得超級滿足，咁樣兩個人埋單都係160幾蚊，係超抵食嘅下午茶餐！下次一定再嚟幫襯😊👍

喺咁山旮旯地方返工，難得有朋友嚟食晏，比佢揀日本拉麵定馬來西亞餐，佢揀後者，食完好失望 😔😔以前有個黑醬油麵好好食，但改咗餐牌無咗，我哋 2 個叫咗一模一樣嘅餐，老鼠粉同凍奶茶少甜少冰，先上一杯奶茶，難道沖 2 杯有困難？ 等咗陣先嚟埋第 2 杯，好彩叫咗少甜，其實都偏甜!然後上一份老鼠粉。 。 。明明 2 個餐一齊叫架喎，點解要分 2 次上咁奇怪，仲要相差有最少 5 分鐘！個粉啲味道唔平均，有啲偏咸，有啲偏淡，而老鼠粉即係銀針粉，加上佢用砂煲上，所以比較乾身，整體唔算好食！原本一路都覺得呢間嘢好食架，但今日之後完全改觀！

友人推介這裏的食物不錯，其實之前已經來過，今日便來試試，朋友的對推介。因為疫情關係，店內提供口罩袋及消毒濕紙巾，這個安排令人非常放心，值得一讚。下午茶餐：肉骨茶湯米粉$46 ，藥材味道濃郁，肉骨帶點爽口而不靭，如果再腍一點會更好。跟餐凍白咖啡加$3，星加坡的咖啡味道，不算太苦澀，因為奶味比較重，差不多不用加糖，就已經味道不錯了。巴東牛肉伴摻摻$46 ，牛肋骨條，肉質頗腍，脂肪味道甘香，配上米粉和油麵，很有星洲特色。糯米釀雞翼兩件$26，外脆內軟的雞翼，肉汁豐富，味道帶點微辣，是一道不錯的小食。咖央多士榴槤$58，榴槤的味道香濃，配合咖央的甜味和牛油的甘香，是一個創新的嘗試。

某天下午去左土瓜灣揾朋友一齊食晏，土瓜灣好多野食，朋友話帶我去食海南雞，之後就去左馬六，等左一陣位，職員叫我地用消毒搓手機消毒雙手，職員都會响客人入座之前消毒及清潔好張台，仲好貼心甘俾左個透明膠袋俾我地放口罩同濕紙巾俾我地用，之後我地叫左一客海南雞飯，海南雞好嫰滑無雞骨啖啖肉配冬瓜雞湯同油飯，之後仲叫左燒雞穋醬拌摻摻，職員為左唔想令大雞脾俾湯浸淋所以就將摻摻既湯底另外上，雞脾大大隻，啖啖肉，燒到好香，好入味，摻摻係粗既油麵加米粉兩種麵一齊食口感特別，再叫左個蘿蔔餅加左酸甜醬都幾好味。飲品叫左手工拉茶香濃茶味大愛。白咖啡都好好飲，咖啡味濃郁又唔會好苦澀。

未到月尾已經糧尾💸要慳啲使， 呢個88蚊晚市套餐又幾抵食喎， 一個價錢配一個主食，一個小食同埋一杯嘢飲 😝🌟🤭🐔招牌海南雞飯: 先飲幾啖雞湯暖胃， 然後食埋個無骨海南雞飯， 肉質滑嫩嫩， 最正係點黑豉油餸飯😋。🐂巴東牛肉摎摎: 牛肉超重椰漿味， 離遠都聞到椰漿飄香， 摎摎即係mixed noodles 嘅意思😚, 幾款麵撈埋一齊口感幾得意。~~~~~~~~😋味道: 7/10📸賣相: 7/10🛋️環境：8/10💁‍♂️服務: 7/10💎性價比: 9/10💲人均：$80⏪回頭率：80%~~~~~📍馬六土瓜灣土瓜灣道307號潮樓地下D舖~~~~~

中午同屋企人去食馬來西亞菜，見呢間馬六嘅菜式好多，就一於同媽咪去試一試。無骨海南雞飯拼白胡椒肉骨茶（$85）海南雞肉質滑嫩，雖然我食嘅係胸位，但一啲都唔會“鞋”，沾埋啲酸辣醬食落好惹味，而油飯有淡淡油香但唔會過油，感覺幾健康。另外，肉骨茶嘅白胡椒椒味好濃，飲完成身暖笠笠。略嫌排骨肉質太林太鬆，唔夠有口感。新加坡魚片喇沙摻摻（$59）喇沙湯底好香濃，顏色紅紅地又夾雜些奶白椰漿，好香的椰味，飲落仲有少少辣。米粉加油麵嘅配搭，入口都幾特別，幾有口感，魚片都幾有彈性。牛油咖央多士（$18）多士有四塊，外層焙至金黃色，入面一邊牛油另一邊咖央，一咬落去牛油滿口而溢，仲好香嘅班蘭味添。芝士拉茶（+$4）拉茶好香好滑，入口仲有啖啖芝士味。

工作外勤，離食晏時間都有段距離，經過同事話試吓，11:30就入座，店內只有2枱客人。可能離食晏時間都有一段距離，食客比較少，都坐得相當舒服。餐牌內選擇都算係咁，有撈麵、肉骨茶同喇沙摻摻。肉骨茶有巴生肉骨茶同白胡椒肉骨茶兩款選擇。是日我點咗魚蛋喇沙摻摻，湯汁香濃，椰汁花生味道恰到好處，冇話太特別。跟餐叫咗熱檸茶，相當有驚喜因為裡面有一粒原顆青檸，成杯檸茶幽香晒。同事就點咗海南雞飯拼巴生肉骨茶，我試咗一啖湯，個人認為味道比較淡，藥材味都唔多特出。雞我就冇試，目測肉質都算嫩。跟油飯，

馬六係土瓜灣原來有分店。我真係而家先知，仲要原來每日行返工嘅時候都有經過。馬六嘅下午茶好抵食，趁婆婆出咗嚟土瓜灣，帶佢去一齊試吓。叫左新加坡喇沙摻摻，老街魚丸魚條湯金邊粉，沙巴燒雞蔥油拌麵。飲品有兩杯加錢叫咗特飲，鮮柚子沙冰同鮮椰青。新加坡喇沙摻摻，呢個係好好好濃的喇沙湯底，顏色紅紅地又夾雜些奶白椰漿，好香的椰味。而第一次食「摻摻」，原來係米粉加油麵，都幾特別。老街魚丸魚條湯金邊粉，呢個係點俾唔可以食辣既家姐。鍾意食濃味嘅我就覺得淡味咗少少，不過俾小朋友食就最啱，家姐食咗差唔多三份二碗添。沙巴燒雞蔥油拌麵，好香，大大隻燒雞肶，個皮燒到脆一脆，入面唔算Juicy，但都唔會太乾,不過不失啦~柚子冰，加$8真係抵。最上面仲有唔少柚子果肉，食完咁多美食，飲番杯沙冰真係超完美享受。椰青好新鮮，婆婆形容椰青水好鮮甜，家姐仲不斷搶食椰青肉。

今天放假，自己一個人就在定附近找東西吃，看到這家好像是新開的，便走了進去，原來是吃新加坡肉骨茶，是我喜歡我東西啊!!!!!!!!!!!!!!!!!!!!!!!!!在新加坡吃的肉骨茶都是胡椒味比較重的，跟這一家的口感非常之相似， 十分正宗!!!!!!!!!!!!!!!!!!!!!而且非常專業的附上了黑醬油，蒜蓉和辣椒，另外還有油炸鬼呢，配上一碗大大的飯，真是非常滿足！!!!!!!!!!!!!!!!!!!!