馬六

營業中

休息中

星期六同朋友去荃灣行街，雖然荃灣有好多小店，但因為想坐得舒服啲又唔使咁迫，就入咗商場揀餐廳。咁啱見到馬六做緊下午茶餐，一見到個斑蘭咖吔多士個圖，就決定要食呢間😂斑蘭咖吔多士：斑蘭味既烘底多士，中間夾住好厚一層既咖吔醬同一塊厚牛油，可以話落足料，唯一美中不足係牛油太硬，如果係半溶狀態嘅話會更加好味。巴生肉骨茶湯米粉：肉骨茶帶有藥材味又有微微回甘，排骨肉質腴嫩，不過唔知係咪煮完米粉再倒落湯度溝稀左，令到個湯底好似冇咁濃。馬來燒雞配油飯： 燒雞個皮好脆，肉質厚實，本身個餐係配油飯，都可以揀返配白飯。桔仔話梅水：每杯都有一粒桔仔同一粒話梅，酸酸甜甜，清爽又解膩。食緊個陣見到隔離兩枱都有叫海南雞飯餐，見到啲雞都好靚，下次有機會一定要試吓。

黎到呢邊 其實都唔算係多餐廳可以揀 不過經過馬六見到有位唔駛等就入去食啦，最後呢個lunch係點左海南雞飯配香茅橙茶 跟餐加3蚊。海南雞飯，叫做可以接受。海南雞唔算話肥既，肉質口感ok啦，但未至於話好滑，不過不失啦。油飯味道正常，沒有特別。個湯普普通通，不過係唔同食店食海南雞會出現唔同料既湯，呢個湯味道正常，飲落又唔係好油，但對於我又未至於係吸引。香茅橙茶即係算橙汁既味道吧。環境方面，如果坐卡位就會比較舒服同唔會太迫。>>>總結＜＜＜呢餐味道算係正常啦，唔算吸引，不過不失啦。

每況愈下、啲雞越嚟越差😂、唔知俾啲乜嘢部位皮都唔多一塊、然後問左個男侍應點解啲雞冇皮、侍應態度好差、只係回應一句：不同部位囉！😂然後就行開左，想問多他一句都唔噠、以後都唔會再去幫襯！杯奶茶都係越嚟越差、像茶包沖出來嘅、沒點茶味😂

用網上外賣平台叫了一份價值$85的蟹肉咖喱外賣，份量之少，應該連3歲小孩都不夠吃。嘗試透過網上外賣平台安排退款，但是被拒絕。香港充斥住一班劣根性嘅壞商家，難怪大家都選擇北上消費。

在公司附近光顧了兩三次 ，説實話食物一般般，可以接受，因為近所以也會再來光顧。今天兩老出來下午茶，我二點五十進去，就坐下等兩老邊看看下午茶的menu ，等到兩老三點來到，坐下後……那個🤬🤬年輕的男侍應🤬🤬就説，你們不能點下午茶，我們算入坐的，你進來時間只能點午餐！🤬🤬午餐我是食過了，無能為力，所以我離開，兩老坐下就可以下午茶😰🙄🙄瞎眼😲😲差那幾分鐘，兩老想跟我一齊食只好和我一起走，兩老行動又不好，看他們又要起來跟我離開，真覺得要那麼計較嗎？我出門再進來好嗎？你爆塲嗎？要來覇位嗎？希望貴公司的態度能一直保持下去現在還有這種服務態度？

啱啱試完一間馬來 cuisine 嘅餐廳，心情仲掛住佢嗰陣香味🥘！先嚟海南雞飯，講真，雞皮滑到出晒界，各位！雞肉咬落鮮嫩，帶小小彈性，三醬配搭得咁好，我食到停唔到口。個雞油飯香氣四溢，每粒飯都夾帶住雞油，食落又香又滋味。轉戰喇沙米線😋，介紹下，湯底辣勁啱啱好，辣得來唔會覆蓋晒其他味。米線彈牙得嚟又嗌湯，啲配料新鮮得嚟份量足，尤其係流心蛋，吸晒啲辣湯，爽！小食部分，咸蛋黄魚皮真係大勝！外脆內軟嘅口感夾埋咸蛋味，真係「一試難忘」！臨走前仲忍唔住多叫咗份，原因簡單，真材實料！娘惹蘿蔔餅呢款，外皮脆卜卜，入口即化，得個字—正！蘿蔔嘅甜味好自然，唔過分油膩，層次分明手工感十足。今次試嘅新鮮同口感層出不窮，我打包票，呢間餐廳肯定會再見我！馬來美食，知味定會返嚟！🍛🍤👍🏻

馬六在香港都有幾間分店，今次我哋去左土瓜灣分店😉食物質素都OK ，未至於超好食，不過都唔算太差☺️都算過得去…咖央多士略嫌唔夠脆口，醬比得太少，牛油得半塊，不過好多地方都係得半塊😅叻沙都正常質素，都可以😝個熏鴨其實就係鴨胸，單係食鴨胸係ok嘅，配飯怪怪地😝另外牛肉椰漿飯就比較難食，唔推薦🥵整體都可以接受，要求唔算太高都可以話過得去合格😉#黃怪獸 #黃怪獸覓食 #黃怪獸自家製 #香港美食 #香港好去處 #香港 #食 #食譜 #食飯 #自己整 #食飯啦 #yum #yumyum #yummy #hk #hkfoodie #hkfood #foodie #foodiehk #foodporn #hk90s #想要更多真實食評搜尋ig黃怪獸覓食 #love #followback #instagramers #tweegram #photooftheday #20likes #amazing #土瓜灣美食

午餐黎到食呢間馬六，午餐既選擇都幾多，可以加購小食，算係ok抵食。 1️⃣海鮮大蝦喇沙摻摻（$78） 喇沙湯底有椰香味，不過可以再濃郁啲。大蝦係切左開遍既，比較細同埋薄。配料仲有啲魚蛋、魚片、芽菜、豆卜。  2⃣️招牌蝦麵（$78） 蝦麵湯底幾濃厚👍有蝦、豬頸肉、五香卷、櫻花蝦，配上油麵，感覺都幾正宗。  3⃣️馬六無骨海南雞飯（$72） 海南雞雞肉幾滑，配上三款唔同既醬汁，幾好食。另外仲有配個紫菜湯，不過紫菜湯偏鹹。  4⃣️正宗巴生肉骨茶配油香飯（$75） 肉骨茶個人覺得藥材味可以再濃啲，不過都已經唔錯。另外佢仲有一小碟油炸鬼🤩可以浸落肉骨茶到食😋  5⃣️參峇醬烤雞脾配油香飯（$68） 個雞脾都幾大隻😳另外個醬汁醃味好夠，好香好正～仲有蝦片配。  6⃣️街頭雞肉串燒（午餐+$26） 個串燒既醬好惹味！雞肉好入味好正！  7⃣️斑蘭咖吔多士（$28） 斑蘭同咖吔味道都冇乜，主要係食到入面塊厚牛油。另外個多士烘得唔夠脆。  8⃣️斑蘭椰汁冰（午餐+$12） 夏天飲翻杯沙冰真係一流！椰汁味好清涼解渴。 

今日經外賣平台叫咗招牌蝦麵，海南雞飯拼喇沙，咖央多士，凍奶茶蝦麵食食吓發現入邊有曱甴，極度嘔心，舖頭衛生程度好有問題，冇晒胃口，其他食物都即刻唔敢食一方面聯絡咗外賣平台等緊佢哋email問我哋攞相同埋其他資料，另一方面打咗去餐廳講返個情況，點知餐廳職員態度毫無歉意，由頭到尾一句唔好意思都冇，仲話你已經聯絡咗外賣平台，所以呢度已經check唔到你張單，唔知你係咪真係有叫過外賣，有咩你留返同外賣平台傾啦佢啲嘢食以前食過係OK，但係咁嘅衛生程度同埋服務態度，真係唔會再有下次，而家淨係希望唔會肚痛

到weekend夜晚都比較懶…搞完小朋友食飯，反而自己個餐仲未諗到食咩，又唔想出街唯有嗌外賣，見馬六嘅選擇幾啱胃口就試吓。之前試過其他分店，知道性價比極高，而且小食選擇好多，啱晒我呢啲眼闊肚窄嘅人😂😂無骨海南雞飯配新加坡喇沙：因為係app order 所以$110，但係堂食應該平啲。又有飯又有面，好正！個雞唔算好有雞味，但係佢啲飯同埋3款汁配搭一齊，叫做過到海南雞飯嘅口癮！喇沙唔算好出色，奶味太重。參峇醬深海魚發配油香飯：返屋企氣炸返個魚塊，勁正！雖然都係急凍（咁嘅價錢，冇咩要求啦）佢配埋啲魚仔花生口感層次非常豐富！新加坡鹹蛋炸魚皮：非常出色！炸得好薄脆，又唔會太油膩！必試推介！斑蘭咖吔多士：返屋企焗返熱食，個麵包係脆嘅，但係個咖吔就麻麻地，無咩斑蘭味…參峇古法雞翼尖：個皮好爽彈，味道辣辣地夾得幾好👍🏻

話說上星期哥哥仲未放假，我帶咗弟弟去行街食嘢😅弟弟爆響口之後，哥哥好唔開心☹️今日要岀土瓜灣，醒起呢到有😏😏😏為免岀現唔公平，今日都係食呢個集團嘅嘢🤣🤣🤣食物今次係哥哥嗌，都好似嗌得多咗😅所以食唔晒就打包拎走，咪做大嘥鬼鴨胸喇沙參參(輕量) $53哥哥拎住個menu 係咁指🤣佢話想食喇沙，豬仔唔知可以只係叫油麵😅結果啲米粉我食晒呢個咖沙唔係好辣，7歲小朋友都食到炸雲吞超級脆脆💕啲涵超彈牙！好mini🤣口大一野食晒桔仔話梅水超潤喉！💕必嗌呢個有個小插曲🤫隔離枱有個叔叔話飲過呢到柚子蜜好好飲，然後落單哥哥話呢到冇柚子蜜🤗叔叔就開始形容，好彩講得岀有話梅🤣佢仲想多蜜不過我覺得已經岩岩好，再甜啲要開2杯飲烤串燒雞咖哩飯 (輕量）🤣塊蝦餅…同我個仔塊面咁大我原本以為咖哩係另上，原來我記錯咗..呢個咖哩好香濃！少少辣。烤雞串好香口4歲弟弟都食到咖吔奶祿超多美祿醬🤗包包脆脆仲食到邪惡嘅牛油🧈同咖吔嘅味美祿恐龍🦖咸蛋黃魚皮呢個不得了！你哋睇吓啲咸蛋黃漿😱😱😱佢真係超多咸蛋黃😃仲要暖暖地重點係，佢每塊都勁大件其他好貼心嘅經理哥哥，係落完單之後就主動拎咗杯水同碗俾我(事源係因為我叫咗杯🦖俾自己，熱飲俾佢，點

呢排想食馬來西亞野，當然去馬六啦，keep住有水準，今次見佢有二人套餐，天氣又有少少凍，就叫咗個肉骨茶二人套餐，都只係$168 ，包括肉骨茶，雞肉大蝦串燒，蝦湯娃娃菜，雞油香飯兩碗同兩杯飲品。飲品要左杯椰汁涼粉同埋一杯熱桔仔紅茶。最後仲加埋個新加坡鹹蛋黃魚皮。首先一定要但下一個新加坡鹹蛋黃魚皮，呢樣嘢係我第一次叫，但係真心應該係成個餐牌最好食嘅一樣嘢，超級鬆脆，加埋啲鹹蛋黃，真係會忍唔住不停咁食！另外都想稱讚一下，就係呢間嘅肉骨茶嘅蒜蓉會分開咁上，咁啱我朋友又係唔鍾意放蒜蓉入啲湯度，但係我又偏偏好鐘意好多蒜蓉，呢個餐廳咁嘅做法，就我哋兩個人都可以好好享受！

之前試過午餐時間嚟食過，今日經過門口見到有下午茶餐牌，就試吓啦😌🌟巴生肉骨茶湯米粉 $52🌟每次食馬來西亞菜見到餐牌都例牌會叫肉骨茶，見下午茶餐牌係配米粉，第一次係配米粉而唔係油飯，味道都唔錯，米粉索曬肉骨茶湯底，好入味，米粉仲要係透明既幼米粉👍🏻🌟烤雞髀配油香飯 $68🌟烤雞髀係原隻上，都好大隻😳雞髀炸至脆香但肉質仍保持住鮮嫩👍🏻旁邊仲配咗片脆卜卜既蝦片🤤🌟參峇雞翼(2件）$36🌟味道有少少偏咸，皮脆鮮嫩，同朋友一人一隻，唔洗爭😆🌟美祿哥斯拉 $8🌟香滑既美祿，再配脆脆既朱古力波波，一啖冰凍美祿，一啖朱古力波波，正呀😄🌟熱手工拉茶🌟有得走甜既拉茶非常讚💯因為絕少地方有得走甜，最多都係少甜，呢度有得揀走甜，十分好👍🏻

呢間餐廳喺屋企附近，所以成日放工唔想煮飯都會過去食。雖然土瓜灣都美食林立，但係呢一間馬來西亞菜就依然係我哋既最愛之一！最喜歡佢啲喇沙同咖喱，好正宗好惹味！雞絲豬頸肉清雞湯米🍜今次就試吓新嘢，估唔到又有驚喜喎！呢個係用好多雞骨牛仔嘅清湯，所以雖然睇落普通但係飲落勁重雞味，而且雞絲同豬頸肉都好新鮮！米粉又係軟綿綿，雖然口味相對偏淡，但係就好適合我！雞絲雞肉串咖喱麵🍜朋友就食返最出名嘅咖喱麵，個咖喱汁好濃香好惹味，而且亦都會有一浸淡淡的椰汁味，成個Tong好有層次，食到停唔到口！值得一提嘅係佢上面嗰串雞肉串，鮮嫩多汁，實屬點睛之筆！蛋黃咖央薄餅炸彈🫓呢個都係第一次食，但係蛋黃咖央呢個Compilation又出奇地match，加上有少許煉奶喺上面點綴，甜甜的！薄餅就煙煙韌韌，同上面嗰張好夾！個人覺得呢間餐廳嘅味道都幾正宗，而且裝修整潔光猛，坐得有好舒服，如果大家想食馬來西亞嘢建議大家一試！

海南雞喇沙摻摻 （$72）喇沙湯底唔錯，幾香炸紅蔥頭嘅味道。原來摻摻係油麵加米粉。兩種完全唔一樣嘅麵擺埋一齊有啲搞笑，如果可以唔使兩溝就好。海南雞唔可以另上，唯有上咗之後問佢攞個碗分返開佢哋。雞肉其實一般般，唔算滑，份量亦都唔算多，感覺上俾海南雞飯嘅份量少。午餐包一杯熱飲。我揀咗桂圓紅棗茶。同我想像中唔一樣，我以為係甜嘅桂圓紅棗茶，但係你杯飲品除咗紅棗乾，杞子，桂圓，仲有幾粒菊花同玫瑰花，感覺成杯嘢高級晒，突然間變咗桂圓紅棗花茶。你杯飲品飲落冇額外加糖，飲囉剩係得紅棗桂圓嘅少少甜，我幾鍾意。朋友話杯美祿就麻麻哋，因為飲落除咗甜味之外冇咩美祿嘅味道。