馬六

營業中

休息中

呢間餐廳喺屋企附近，所以成日放工唔想煮飯都會過去食。雖然土瓜灣都美食林立，但係呢一間馬來西亞菜就依然係我哋既最愛之一！最喜歡佢啲喇沙同咖喱，好正宗好惹味！雞絲豬頸肉清雞湯米🍜今次就試吓新嘢，估唔到又有驚喜喎！呢個係用好多雞骨牛仔嘅清湯，所以雖然睇落普通但係飲落勁重雞味，而且雞絲同豬頸肉都好新鮮！米粉又係軟綿綿，雖然口味相對偏淡，但係就好適合我！雞絲雞肉串咖喱麵🍜朋友就食返最出名嘅咖喱麵，個咖喱汁好濃香好惹味，而且亦都會有一浸淡淡的椰汁味，成個Tong好有層次，食到停唔到口！值得一提嘅係佢上面嗰串雞肉串，鮮嫩多汁，實屬點睛之筆！蛋黃咖央薄餅炸彈🫓呢個都係第一次食，但係蛋黃咖央呢個Compilation又出奇地match，加上有少許煉奶喺上面點綴，甜甜的！薄餅就煙煙韌韌，同上面嗰張好夾！個人覺得呢間餐廳嘅味道都幾正宗，而且裝修整潔光猛，坐得有好舒服，如果大家想食馬來西亞嘢建議大家一試！

海南雞喇沙摻摻 （$72）喇沙湯底唔錯，幾香炸紅蔥頭嘅味道。原來摻摻係油麵加米粉。兩種完全唔一樣嘅麵擺埋一齊有啲搞笑，如果可以唔使兩溝就好。海南雞唔可以另上，唯有上咗之後問佢攞個碗分返開佢哋。雞肉其實一般般，唔算滑，份量亦都唔算多，感覺上俾海南雞飯嘅份量少。午餐包一杯熱飲。我揀咗桂圓紅棗茶。同我想像中唔一樣，我以為係甜嘅桂圓紅棗茶，但係你杯飲品除咗紅棗乾，杞子，桂圓，仲有幾粒菊花同玫瑰花，感覺成杯嘢高級晒，突然間變咗桂圓紅棗花茶。你杯飲品飲落冇額外加糖，飲囉剩係得紅棗桂圓嘅少少甜，我幾鍾意。朋友話杯美祿就麻麻哋，因為飲落除咗甜味之外冇咩美祿嘅味道。

今日行開土瓜灣，見到之前都食過嘅馬六換咗餐牌，一於入去試下！參峇大蝦牛角包（$42）新品之一，牛角包中間夾住爽脆青瓜同蝦，塗滿馬來風味sambal醬，又辣又鮮如果個包再熱啲應該更酥軟更正！娘惹黃金條（$36）用咗厚多士沾滿香濃牛油、蒜香製成特式娘惹多士，香酥惹味，岩曬我呢啲重口味人士！參峇醬烤雞脾乾拌油麵 配 紫菜湯（$66）sambal辣椒醬鹹香十足，烤雞髀外面烤得幾脆，入面仍然嫩滑有汁，麵有嚼勁，配上花生、小魚乾、炸雲呑、青瓜等配料，如果鍾意食濕少少嘅拌麵可以加紫菜湯。蝦湯娃娃菜（$36）用咗秘製蝦湯泡浸娃娃菜，非常香濃，娃娃菜又唔會太軟身！飲品就揀咗凍手工拉茶（+$6）同凍桔仔話梅水（+6）兩款味道都唔算太甜，後者超足料！服務都值得一讚，大部分店員都好客氣，其中經理仲好好傾，推薦咗好多新菜式！

今日接阿女放學🎒佢話想食喇沙，即刻諗起馬六，因為之前粉嶺都食過，唔錯又抵食，OpenRice見到土瓜灣都有分店，即刻行過去。Lunch時間去到都多人，啱啱有張枱埋單，我哋就唔使等位🙊 14:00開始下午茶，連嘢飲又可以追加小食，所以好抵食。我揀咗馬六無骨海南雞飯，阿女就揀雞絲雞肉串老街咖喱麵，追加左娘惹蟹肉酥盒，古仔路芒果冰同埋凍椰汁斑蘭冰。海南雞份量正常，肉質非常軟腍，雞皮同肉都好容易分開，啱晒我呢啲唔食皮嘅人😆阿女話麵份量好多，配料又好多，佢係食唔晒架。第一次食呢個蟹肉酥盒，餡料好多，四粒我哋都食唔晒，食剩一粒😮‍💨同上次食嘅一樣，食物質素同價錢都👌🏻應該都會keep住再食🙊

食過很多次馬六，每一次都食得非常滿足。看著馬六的餐牌令人眼花撩亂，總是拿不定主意，因為每一樣都非常吸引，想食海南雞，想食喇沙，又想食肉骨茶!這次選了無骨海南雞喇沙米線!海南雞配喇沙米線還是第一次食！海南雞非常嫩滑，沾著濃郁微辣的喇沙不止無減其風味，反而令海南雞味道更有層次。配菜有糖心蛋，豆腐卜及菜，豆卜索了喇沙汁，非常惹味。米線軟硬剛好，份量很多，食得非常滿足。飲品點了話梅青檸，酸酸甜甜，十分開胃，值得一讚！

I always drop by here for a quick meal as I love their indonesian/malaysian noodles. This time I ordered their prawn noodle and was not disappointed. The soup base was so yummy i finished the whole bowl. The noodles were a nice yellowish colour and was still quite chewy. They were also very generous with their shrimp portions. They also used lots of garlic and shallots which made the soup base very rich in flavour. The deep colour of the soup also showed it had been boiled for a long time.

土瓜環一帶我唔熟，所以經過時就因為餐廳夠光同望落卡位好舒服所以就入黎坐低。呢度d service好好，每個店員都好有禮貌，仲會同你傾下閒傾同介紹食物。我地叫咗個蘿蔔糕、巴東牛肉飯同個蝦麵。蘿蔔糕煎得好香口，口感唔錯，夠濃味。個巴東牛肉軟身同入味，飯加埋塊印尼蝦餅好match。另外個飯綠色好靚，用黎打卡一流！媽咪麵嘅湯底好濃郁，我覺得唔錯，大大隻蝦加埋豆腐卜都入哂味！啲面嘅軟硬度都係啱啱好，唔會過分淋。下次經過都會再入嚟試埋其他嘢。

放工加完班超級攰，所以食個簡單晚飯就返屋企休息。勞累咗一日，揀咗間坐得舒舒服服既餐廳食野。點咗無骨海南雞飯拼新加坡喇沙（$88），再跟餐加$12飲馬來香茅蜜。可能因為又攰又餓，個飯一嚟到覺得特別香😂冇骨既海南雞食落好方便，雞肉中間層啫喱有厚度，食落口感嫩滑，每次食都鍾意點甜黑醬油嚟食。至於雞油飯都幾香軟油潤，唔錯。新加坡喇沙份量比想像中豐富，喇沙充滿椰香，再帶點微辣，非常惹味！飲品揀咗馬來香茅蜜，香茅味清新，再加上蜜糖，係簡單天然既味道。

馬六係一間新加坡菜、馬來西亞菜，東南亞風味嘅連鎖餐廳。佢啲套餐有一樣嘢好，就係啲主菜可以雙拼咁，例如，今次叫左：L13 馬六無骨海南雞飯拼新加坡喇沙 $85一次過滿足曬又想試海南雞飯，又想試垃喇沙。雖然雙拼咗，份量都唔少。碗喇沙都有齊蛋、蝦、豆卜同魚片，稱得上係足料。配咗桔仔話梅水，正宗馬來西亞味道。

巴東牛肉椰漿飯牛肉好惹味～ 係牛腩黎，煮得好軟腍，而且仲好入㗎👍🏻帶點微微辣～送飯一流😝海南雞飯海南雞已經去咗骨，最啱懶人食，啖啖肉夠晒滿足😝雞肉夠嫩滑，味道亦都啱啱好，就算唔點汁都得～而個油飯都正，煮得粒粒分明，好香👍🏻跟餐仲有小食～ 蘿蔔餅呢個好好味😋蘿蔔切成一條條絲，再加入紅蘿蔔絲、洋蔥等材料一齊炸～ 外面嗰層卜卜脆，入面就軟軟地～蘿蔔味道仲好出，超級推介一定要試‼️班蘭糕一碟有兩件，整成係葉子嘅形狀，造型方面好有心思～ 食落質感好似大菜糕，係爽口質感😝凍馬來手工拉茶叫咗少甜～拉茶比一般港式奶茶淡少少，但係就會多咗一種特別嘅香味，個人都幾鍾意😋凍美祿哥斯拉美祿再加咗朱古力穀物早餐脆脆波波～ 馬六 (土瓜灣)土瓜灣土瓜灣道307號潮樓地下D舖

今日難得早放，想同朋友仔試吓新加坡菜，咁啱search到呢一間就過嚟試一試啦！馬六巴生肉骨茶鍋🍲呢個肉骨茶淨係睇相都知道好足料，裏面有成粒大蒜，啲湯燉到好濃好入味，肉骨茶裏面嘅肉呢係用排骨，咬落去軟琳琳，應該真係燉咗好耐，最欣賞嘅係佢裏面嘅豆腐卜同腐竹，索曬啲湯汁！最特別係佢會額外贈送油炸鬼，油炸鬼浸落去啲湯度幾秒然後擺落口，既有湯嘅味道，同時又不失油炸鬼本身嘅爽脆，好盞鬼！南洋咖也斑斕多士🥪呢個係好地道嘅星加坡食法，佢會附送一疊溫泉蛋，然後用多士點蛋漿食。先來品嚐一下多士，咬落去多士皮好鬆脆，裏面咖也唔會太甜，斑斕味都幾香。輕輕用多士點上一啲蛋汁，食落去再多一層蛋香味，層次感豐富啦！呢間餐廳其實都開咗好多分店，如果大家想試嘅話其實都好容易可以reach到。整體嘅裝修風格現代簡潔乾淨，座位好闊落，啲燈用足編織帶有些許嘅南洋風味，如果大家想食星加坡菜都推薦大家呢一間可以一試！

溫泉蛋配班蘭多士 $36完美嘅配搭，超甜嘅班蘭醬多士配上淡淡的蛋味，味道中和左，變得好食同易入口，有兩個溫泉蛋，可以每件嘅多士都能沾滿滿滿嘅嘅溫泉蛋漿😁海南雞飯 $72海南雞肉質好嫩滑，有三款醬汁調味，配埋飯一齊食，味道good👍燒雞配雞油飯 $63燒雞皮脆肉嫩，口感唔錯。雞油飯好香，配埋燒雞扒好夾凍桔仔話梅水 $12話梅水潤喉，味道亦都好唔錯， 凍熱飲都推薦凍美綠 $12好耐無飲過美綠，唔係間間餐廳有得揀，打開menu見到有得揀，即刻揀左佢

今日去土瓜灣處理完事情，已經差唔多2:30了，於是看看那裏有抵食的下午茶🤪在偉恆昌附近潮樓地下有間星馬菜的餐廳「馬六」好自然就入去坐低了…店舖裝修帶點馬來特色，坐位也算寬躺😊大蝦雞串吉羅咖喱麵，咖喱湯汁香濃，蝦鮮甜，雞串燒好味，糖心蛋正，還有豆卜也很入味😊海南雞飯拼巴生肉骨茶，加$10轉脾，啖啖肉🫠巴生肉骨茶湯汁濃縮，而藥材味淡化，不錯🤗下午茶可以追加$16香脆惹味的蘿蔔餅和$28 參峇啦啦（即是蜆肉）好惹味巧巧吃🤤凍桔仔話梅水，酸酸甜甜巧醒胃🤪

係依頭返工，行都過試試，間鋪唔算多人，坐得都幾鬆動，坐低望望個餐牌，d野普遍都6，70蚊，lunch黎講都算中高價，見d相又唔錯咁，就叫左個巴東牛肉椰漿飯加白咖啡。落左單唔洗5分鐘就送到個黎，快到唔知洗唔洗煮咁。望下個賣相其實都ok,不過唔知點解個飯綠色，試左啖又唔覺有椰漿味，其實都普通飯冇咩分別，試下個牛肉，都算正常，但唔多入味，隻蛋整得唔錯，半流心咁，試埋個白咖啡，比較甜，似人地3合1即沖個d咁。整體唔係話難食，但70蚊1個lunch可以有緊好選擇

同朋友行街係土瓜環經過‘’馬六‘’馬來西亞餐廳，嘩！佢有好多分店架！我同朋友都認為食海南雞飯最中意食馬來西亞風味架！因為啲雞肉嫩滑❤️嘩😁見到餐牌緊係食下午茶餐啦🤭抵食呀，仲包飲品又可以加小食添，海南雞飯+22蚊up grade飲椰青，小食叫班蘭多士，個海南雞飯幾大碟，d雞幾靚打咬落去啲雞肉汁好多又滑，最正係乜嘢呀😋佢地嘅黑豉油呀點落啲飯到至正，雞油飯好好味呀！班蘭多士脆卜卜好正呀😍塊牛油真係超邪惡啊🤭🤭真係好好味囉💯睇下椰青幾多肉飲落去真係超清甜，夏天飲椰青簡直喺消暑首選，仲可以食埋佢啲椰子肉添‘’正‘’👍👍仲叫咗d小食，參峇啦啦同雞肉大蝦串，參峇啦啦係咩呢？👍👍Yeah原來係炒蜆，喺小食所以細細碟，但係好惹味架仲辣辣地酸酸甜甜咁幾得意😁嗰啲蜆肉都好大粒架😋😋雞肉串雞肉軟淋淋好Juicy而大蝦串d肉好彈牙架，好抵食呀👍👍凍薄荷桔仔梳打🍹，薄荷涼透心呀！馬六 土瓜灣土瓜灣道307號潮樓地下D舖