首爾家韓國料理

營業中

休息中

今晚好朋友帶我到銅鑼灣首爾家韓國料理食DINNER =]佢位於銅鑼灣邊寧頓街隆堡柏寧頓酒店1樓 ，入到去店內座位擺設都幾舒適～一坐低，職員先送上6 款 Side Dishes ，最中意就係芽菜、泡菜～ 食韓國餐，點都叫肉，今次點左特級牛肋骨～牛肋骨味道濃郁，而且肉質鮮嫩，入口充滿肉汁，燒得唔錯！ 另外，點左個牛尾湯～呢鍋牛尾湯起碼有4-5件牛尾，牛尾湯味道略淡；不過可以中和岩岩食既濃味牛肋骨！ 另外我地點左個煎餃子~餃子份量都幾多，共有8隻，餃子皮薄陷靚，煎得好有火喉，而且唔算太油，可以一試。 另外，點左個醃豬皮～第一次食醃豬皮，竟然一試愛上！超爽、又甜，有少少黏黏地，好特別的口感 =]

喺酒店嘅位置雖然比較隱蔽但係熟悉銅鑼灣嘅人應該會好方便。店內座位擺設舒適，有韓國家庭式小店嘅風格。傳統嘅格局令到人感覺舒服。我哋係落單之後店員就拎左前菜，其中一啲不得不讚就係佢嘅薯仔，呢個薯仔真係非常非常非常好食，我瘋狂咁將佢放入口，除咗係因為我鍾意食薯仔呢我就佢嘅調味真係好好。好鍾意佢五花腩既擺盆，影相夠靚。五花腩嘅顏色非常粉嫩亦都有足夠嘅份量，經過烤一烤五花腩既肉變得有點兒金黃色，之後就可以食。有少少脆口口嘅五花腩真係送飯一流。肥肉嘅部份亦都爽脆，黎到首爾家必點。另外叫左牛肋骨肉，佢地醬汁有點微甜，另外亦都肉質鬆軟。不過燒嘅時候需要留意火候，我哋好唔小心咁小燶左幾舊。因為醬汁已滲入肉層內面，所以除咗香氣另外都多汁嫩滑。另外同朋友每人點了一個拌飯同水冷麵。朋友嘅飯味道十足而且有好多配菜， 一點也不吝嗇。而家諗返起都好想整返碗黎食。水冷麵令到胃口大增，而且凍既野可以中和下頭先食嘅燒烤，感覺好似冇咁熱氣。所以每一次食韓燒，我都鍾意點一客水冷麵。

最近有朋友生日, 他們選了在這裡用餐, 我也是第一次來. 打開menu就是跟平常的韓國餐廳沒有太大分別, 也是有幾種牛肉牛肋骨選擇, 也有豬肉魷魚之類的, 當然也少不了韓國辣湯人蔘雞湯這類的, 也有韓國海鮮班戟壽司等等.每當我們的肉來到的時候, 侍應們總會很熱心的幫我們燒, 再過幾分鐘會過來看看燒好了沒有. 但不知道他們是不是太忙有時放下去, 我們也自顧自的聊天沒注意到他們放了一些肉在爐上, 但是最後沒有過來把我們的肉翻一翻, 最後有一些燒焦了. 醃肉的味道還可以, 海鮮班戟也不錯, 韓國辣湯辣度適中, 人參雞湯朋友說味道比較淡. 最後我們點了一個豬肉鍋, 這個豬肉鍋的調味料好像太重, 有個朋友吃完後喝了一整壺茶很誇張. 整體上來說還算可以

果日係銅鑼灣行左成日,肚餓到就快暈,同朋友又想搵間好坐的餐廳食埋晚飯抖一陣,一致決定要去食韓國野,上網睇睇我地附近就有間韓國餐廳首爾家.佢係係酒店入面1/F, 酒店入邊會有韓國餐廳真係好小見, 所以就決定左食佢啦!上到去環境唔錯,有分有燒烤和沒燒烤台,我地緊係選有燒烤的啦!首先上左8道前菜,味道不錯,爽軟咸甜樣樣有, 最最最鐘意既就係甜薯仔同魚仔 食呢2樣野都令我諗返起去韓國食韓牛既感覺, 好有風味,再者就係韓國泡菜…今次係首爾家食既泡菜好岩香港人胃口, 唔會苦澀, 又唔太辣, 味道剛剛好!到左上菜既時間啦 首先黎既就係要我地自己燒既五花肉同埋牛肋骨(醃過既), 我同朋友立即就把成條牛肋骨 $138放去爐度燒, 個爐火喉十足, 燒幾燒就已經開始熟, 但係又唔會燶低, 燒出黎既肉好食, 牛肉入邊都好鬆軟 醃汁甜甜地而且輕煎後牛油帶出的牛香味絕對令人驚喜, 真係好似我係首爾食過既韓牛, 十分回味!五花肉一定係韓燒必食既肉啦~黎到見到份五花肉都好大份 $128 係絕對抵食, 肉質都好新鮮, 食落口又唔算太肥…再點DD韓式辣醬同麻油增加五花肉本身既鮮味, 而且食落口肉地唔會好硬, 都唔錯..朋

走在邊寧頓街，依稀記得隆堡柏寧頓酒店的位置。坐電梯上餐廳嘅入口比較隱蔽，稍一不留神就會錯過咗。餐廳喺酒店一樓嘅位置，電梯門打開，見到小小嘅擺設同埋餐牌；睇一下餐牌，價錢合理，選擇良多，決定試一下作為食肉獸，最關心梗係睇下有咩肉可以燒！心大心細睇咗一輪，決定要醃嘅牛肋骨，五花肉，牛尾湯同埋炒粉絲。落左單之後，侍應就拎左六小碟前菜同埋醬汁黎，牛肋骨同五花肉亦好快上枱，一瞬間成枱就擺滿左嘢食啦講番啲前菜，韓式甜薯仔（好似叫 감자 조림）真係好好味，薯仔粉粉的，而甜味滲透整粒薯仔，味道偏甜但十分開胃；而涼拌芽菜同埋紫菜都好清新醒胃！睇吓今晚嘅主角：醃牛肋骨顏色比較深，脂肪紋理分佈平均，牛肋骨沒有切件，長長的一大塊。五花肉層次分明，顏色粉嫩，厚度適中，而且份量非常慷慨我哋自己燒左一陣，就有侍應過嚟幫我地剪同埋燒牛肋骨。侍應手勢純熟，而且掌握嘅生熟程度啱啱好。牛肋骨味道濃郁，略帶甜味（唔知係咪用咗梨汁去醃呢），肉質鬆軟，入口充滿肉汁，食到我地舔舔脷老公話送飯一流！五花肉脂肪豐富，一放落個爐度燒已經滋滋響，不過件五花肉有返咁上下厚度，都要燒一陣先食得。五花肉真係有5層，豬皮口感QQ，肥肉嘅部份燒得爽

每次食韓國料理都好期待佢d餐前小食，呢度有6款咁多～ 有泡菜、豆芽、脆玉瓜+菇、通粉、小魚同薯仔，我地食晒～ 哈哈，因為好好味燒醃牛肋骨 $138我地懶的自己燒，所以叫佢幫我地燒好再上菜好香！油脂分佈好平均，牛味好濃，鐵板熱辣辣上，正！必食！燜牛肋骨 $128超級好味！！！ 一上枱已經好香牛肉湯味～～牛肉燜到好冧好入味，牛肉半肥瘦，口感好好。紅蘿蔔同白蘿蔔一樣燜到好入味！ 如果唔係叫咗年糕拉麵的話，會好想要碗白飯！d汁實在太好味～韓式炸雞(醃）+沙律 $148炸雞d醬剛剛好 （平時有d醬太濃/太甜/太鹹），d雞仲好脆，裡面都依然 juicy沙律裡面有好多青瓜同蘋果，清新味道可以中和其他嘢食o既濃味炒辣芝士年糕拉麵 $88比起其他菜式，呢個比較普通。如果熱d會好d，d芝士做唔到半溶狀態。韓式麥芽發酵米茶 $20飯後送o既生果

「首爾家」，位於銅鑼灣隆堡柏寧頓酒店1樓，這間首爾家除了有韓式燒烤之外，還有一些韓式料理如炆牛肋骨、牛尾湯、韓式炒年糕和各式各樣韓式小食，而且質量高味道出色。八式泡菜 - 八式泡菜各有特色，我最愛海帶，酸酸地非常開胃而泡菜也做得出色，非常爽脆不太辣味道適中醃LA牛肋肉 - 醃LA牛肋肉，肉質嫩滑脂肪與肉的比例相當好，不會太肥也不會太瘦厚度適中容易燒烤而且牛味很重，質量好！五花肉 - 五花肉真的一絕👍🏻皮脂肪肉一層一層的，看見已經食指大動，燒烤之後皮爽脆，脂肪因為燒的時候把油份迫了出來，只剩下一層好像筋膜的東西十分煙韌，豬味香濃😋傳統石頭拌飯(豬肉) -材料豐富十足，加上太陽蛋汁攪拌和飯一起吃，真的好食到停唔到口牛尾湯 -熱辣辣牛味超濃，加上少許胡椒粉將牛湯更加提升，牛尾份量十足，牛尾又嫰又有咬口很多膠質。還配上白飯，真的非常飽飽青檸檬汽水 - 味道清新而且十分大杯，真的非常抵飲十分滿足👍🏻

韓國野真係食極都唔厭！今日同朋友約左係銅鑼灣食飯，最黎又係揀左食韓國野。食韓國野我都冇話特別去實某一間，因為我鍾意周圍試，今日我地就搵左係隆堡柏寧頓酒店既韓國餐廳，呢到雖然唔算超級大，但環境都唔錯，感覺走High Class 格調，另外呢到所有員工都真係不折不扣既韓國人，當然有兩個啊豬媽係識講廣東話既，所以都放心同埋都對呢間有期望。 紫菜蔬菜包飯 $68先黎係8碟小菜同埋紫菜蔬菜包飯，無錯，跟足傳統8碟唔同既小菜齊晒，當中我最愛食既泡菜都醃得唔錯，另外醃海帶都好好味，酸酸地好開胃。至於個紫菜蔬菜包飯都幾好味，平時係出面不時食到紫菜蔬菜包飯既紫菜係淋既，好彩呢到係脆既，真係加唔少分，同埋雖然我地叫呢個係冇肉既，但佢有酸蘿蔔係入面，食落勁開胃同有口感。韓式泡菜餅 $88呢個泡菜餅都幾大份，而且泡菜同麵粉比例都算係50:50, 所以都啖啖泡菜架，而且小小辣好香口，不過有可能佢都比較厚身，煎得未夠邊，煎耐少少會再香脆啲！人蔘雞湯   $158呢個人蔘雞湯飲落真係有淡淡既蔘味，另外都見到佢有加紅棗同其他湯料，啖湯都幾好味，而且唔係好多油，另外有半隻雞係入面，雞肉煲都好淋，應該話連骨都淋，而且食落

今日突然想食韓燒，又係上開飯搵餐廳的時間。見有間上樓的韓燒舖，食評又唔錯，最後決定是同朋友去呢間，7:30去到未有位，見到都有好多客人食緊，結果落返樓行個圈，8:00再上去就有位了，上面唔係好大，每張枱都有個長方形的燒板，方便客人自己燒。落晒order, 侍應會拎6碟細細碟的前菜過嚟先，簡單講吓果6樣野，大概係泡菜、甜蕃薯、芽菜仔、通心粉(沙律味)、雜菜、魚仔乾。醃牛肋骨(醃) $138Marinated Bone Beef Rib今晚的主角係醃牛肋骨，如果味道可以再濃d會好食d，口感淋身，份量都ok, 我同朋友每人大概4片左右。牛脷 $108OX Tongue每次去食韓燒必叫的牛脷，睇落新鮮，份量算多，有10塊或以上，但口感有d靭，沾醬食會比較好。人蔘雞湯 $158Ginseng chicken soup夠熱，有成半隻雞喺個鍋入面，但只有淡淡的人蔘味。雞內包裹住糯米飯、紅棗等等。加埋湯一齊食又幾好，雞肉就唔會太乾身。紫菜蔬菜包飯 $68Vegetable Kimbap飽肚，食落口感幾爽口，有薯仔沙律配埋，薯仔唔會太硬身。

對上一次食首爾家印度係唔差嫁，覺得食材上同服務上都幾好，今次再光顧卻令我有點失望。無論食物質素、環境嘅抽油煙系統、服務態度都比之前差左好多需要好大嘅改進空間🙈係米轉左手呀？點解會變成甘嘅？食物淡而無味一樣⋯難道我味覺出問題？甘又唔係wo < 佢地個石鍋韓式拌飯又咸得死人甘🙈 諗住個甜點雪糕紅豆鯛魚會好d啦～ 原來個樣可愛可嫁成功呃like但唔好食～ 雪糕極水快溶、鯛魚起干內裡紅豆少到無一樣=一= 我都唔知自己食緊乜？比較出式係個傳統韓式牛尾湯！跟足傳統方法烹煮，有大量嘅洋蔥、白蘿蔔 紅棗～ 再以牛尾一併煮～ 飲完個人好最笠笠👍🏻 服務方便，唔知道係咪人手唔夠定係服務員完全聽唔明廣東話或英文，多次點單都可以冇咗件事或者只係要求要一杯誰應左你可以帶最後一杯無送上。最後連叫埋單～ 都竟然可以收咗錢後15分鐘以上才找回餘額🙈

早前去過呢間酒店既一間餐廳，無意中發現有呢間首爾家韓國料理，所以打算黎試下既。呢間酒店有個好處，就係可以用table map，咁樣返返下工book檯都唔怕俾人知啦。餐廳位於隆堡柏寧頓酒店，環境唔錯，不過不竟餐廳有燒烤食，所以點都會有陣燒烤味既。點菜之後，店員們就為我地送上8款前菜啦。前菜共有八款，有昆布啦，泡菜啦，薯仔啦等等，我最愛既當然係泡菜，辣度適中，令我地越食越開胃。韓式煎餃子: 一份餃子共有8隻，配有餃子汁，不過我都係覺得唔點汁仲好味。餃子皮薄陷靚，煎得好有火喉，一D都唔油，值得一讚。辣炒年榚: 年榚口感唔錯，唔會太硬亦都唔會太軟，仲加左少少菜一齊去炒，不過個汁唔夠辣，可以再整得辣少少。韓式部隊鍋: 上菜時仲係熱辣辣既部隊鍋，真係好大煲，裡面有拉麵啦，年榚啦，腸仔，午餐肉同埋菜，湯底帶微辣，都幾好味，不過可以再辣少少，至於年榚方面，係用年榚片既，所以都唔怕同時叫辣炒年榚:，因為係完全唔同既。食完野之後，店員就為我地送上2片橙，食完D濃味既野食返D生果，可以消滯，認真貼心。食咁多野最後埋單都只係四百幾蚊，咁既食物質素同服務，真係唔錯架啦。

得知係酒店入面竟然有間韓國嘢食，梗係要去試吓啦。一如其他韓式餐廳，都有提供幾款唔同既前菜。首先點左個五花腩。店員好細心問我地想自己燒定係廚房幫我地燒埋，為咗唔好令啲衫吸晒浸油煙味，所以我哋揀咗廚房幫我地燒埋。不過呢個唔係一個好嘅選擇，因為啲肉嚟到有啲鞋口，有啲過咗火喉。所以燒肉唔係咁吸引。另外點左個韓式炒粉絲，粉絲嘅軟硬度適中，帶點爽口彈牙，加埋少少配料，少少麻油香味，好好味。最後嚟咗個傳統石頭拌飯，上枱嘅時候仲係熱辣辣，加埋上面有隻半熟蛋，可以比客人自己撈埋落去，落埋甜辣醬，簡單又好味。

我選擇媽媽至愛的韓國料理~首爾家食晚飯來慶她生日。 店裝修以白色為主, 簡潔舒適。 首先送上八小碟開胃韓式前菜。起動韓燒吧!點了以下食物來韓燒【烤豬肉】辣 $128 已醃了的豬肉,燒後口感有軟腍, 好入味,具有甜辣味,十分開胃惹味。 　＊　＊　＊【鮮魷魚】$108 白雪雪新鮮原條魷魚燒烤後, 口感彈牙得來鮮而不腥具鮮甜味。＊　＊　＊【牛肋骨】$138 原味紮實的牛肋骨, 燒烤出來, 四溢肉汁鮮味口感,牛味濃郁,比較有咬口。＊　＊　＊ 【牛舌】$108 厚身牛舌條,燒後口感有彈性和嚼勁。＊　＊　＊【傳統石頭豬肉拌飯】$88 熱辣辣的石頭鍋飯,豬肉,加埋大豆芽､泡菜､紅蘿蔔､荷包蛋等,而有微微的飯焦,配撈埋特製辣醬及蛋黃汁,非常好味呢!＊　＊　＊飯後甜品點了【鮮奶油雪糕鯛魚燒】$88 一碟有四條不同尺寸鯛魚燒, 剛好分到我地家人,一人一條。 新鮮製的鯛魚,口感酥脆內軟, 咬後發覺內有滿滿不太甜的紅豆蓉, 我愛沾點cream 及雪糕一齊來食, 非常滿足的甜品。

今次這店位於酒店內，但價錢中規中矩🌬凍凍哋唔食韓燒整個韓鍋暖暖身前菜有8款👍食完可叫侍應添加<鮮牛肉八爪魚鍋> 🥘$320鮮牛肉被卷成一球🐮再用八爪魚圍邊🐙旁邊有好多不同種類蔬菜🌱所有都生上即場煲熟，而湯底用上韓式高湯加入泡菜骨頭淆製，牛肉未算肉嫩，但牛味重，而八爪魚非常新鮮，夠鮮味爽口😋煲咗一陣啖湯都幾香濃，煮埋個跟餐麵好正<炆牛肋骨> 🐮$128濃郁度很高，肉已炆到嫩腍入味😏份量都唔少，個汁用嚟撈之前個麵仲正

打電話book左5位，去到個職員安排左一張4人台，仲要無講任何野，話坐個張4人台。之後問個職員，點解5人要坐4人台，佢先話個日full booking，無曬位。好心你接booking個時講一句，連一句'唔好意思'都唔講。個下真係好嬲。間野咩韓式菜都有，上至燒肉，下至普通拌飯都有。佢一開始有免費小菜，有好多款，但份量好少，少到一定唔係比5個人食，問職員有無得加，佢話加要加錢。見到呢到難得有薯仔豬骨鍋，諗住一嚐，點知中曬伏。職員一上就係呢個樣，無錯，好真實的樣子。以為佢叫鍋，應該會一路煲住，一路食，最後可以加個拉麵，好似係韓國甘。點知，就甘一鍋放住到，其實同普通湯無分別。d豬骨係一字肉骨，d肉'鞋'到連'趙'都難。個湯好'杰'，好似落左好多調味湯，得d菜乾係正常。而我不知道韓國野係甘中式，用菜乾。真係唔知自己食緊咩。叫左個飯卷，即係點整都唔會難食既野，呢到都整到好差，蔬菜唔爽脆，d飯一pat野，連一點麻油味都無，但收緊你68蚊一條。不過，間野d牛肉幾好食。最後，因為同朋友慶祝生日，買左個蛋糕上黎食。呢到要收100蚊，都算正常既。但最唔正常既係，佢真係就甘羅個蛋糕出黎，連個蠟燭都唔點，比個火