這間「豊勝手井」和朋友吃過幾次丼飯，丼飯已經冇得彈，估唔到手握壽司一樣有水準👍🏻 豊盛壽司盛合🍣 豊勝盛合12件壽司，有拖羅，牡丹蝦，穴子，帶子，吞拿魚蓉等，件件新鮮，厚薄均勻。 穴子壽司長過隻碟好多，外層輕輕讓火槍燒過煙燻味令穴子更升層次。拖羅更加唔使講入口即化，油脂滿滿。帶子軟軟有彈性鮮甜，吞拿魚蓉還加上小蔥花芝麻很惹味，總括來説一個盛合能滿足到我不同口味。 薄燒牛肉沙律🥗 薄燒牛肉燒得三成熟左右，油脂分布均勻紅潤鮮明，又不會狂飆血，軟熟牛味濃！ 完熟白桃梳打🍹 白桃味足又有氣泡，完美配搭！

Happy Friday約朋友仔去「燒肉臻」燒高質牛慰勞一下自己😆這間位於尖沙咀的燒肉臻，地點就腳，服務殷勤，又多個同朋友聚腳的地方😎 番茄蒜子沙律🍅 原隻蕃茄上碟，首先顏色已經好吸引，一啖放入口中勁爆番茄汁，加少許的蒜蓉混在一起吃帶出蕃茄的鮮甜味。 燒日式魚乾🐠 全塊魚乾燒後剪一條條方便進食，出奇地一點也不會乾柴。 日本和牛肉眼🥩 差不多同塊面一樣大的和牛肉眼扒，先讓眼睛享受，肉眼雪花平均，肉質軟柔牛味濃郁，牛魔王必點👍🏻 日本和牛三角胸小排🍴 和牛三角入口即化，肉汁豐腴，脂香香氣在口腔内久久未散 燒鰻魚🔥 鰻魚肉質膠質豐富，魚皮燒得脆口，配上秘製鰻魚汁一絕了。 雞胸軟骨🐥（兩串） 同平時的雞軟骨口感完全不同，幾得意非常爽脆，又燒得香口，如果唔鍾意食油膩可以試吓呢個

真係好掛住韓國，思鄉病又發作，一於約朋友去韓國街食韓國燒肉😋 這間喜來稀燒肉店位於尖沙咀地點方便唔再講，位與位之間比較疏落食得舒適，最正係烤爐圍邊的芝士蛋可以加完再加，服務員亦殷勤為食客服務，真的抵讚喎！ 牛頸脊🥩 高質牛頸脊味道真的零舍不同，放在烤爐每邊10多秒已經足夠，油脂分布平均，一啖放在口中柔軟無比，牛香滿滿肉汁豐腴，無限滿足 濟州五花肉🥓 特登揀冇醃過的五花肉，想食到原汁原味，五花肉不是很肥膩，肥膏脂肪比例略少，如果怕肥嘅女仔就啱晒啦👍🏻 水冷麵🥢 冰鎮水冷麵真的透心涼，水冷麵煙煙韌韌，滑滑彈彈，湯汁酸酸味味真的非常醒神，吃了燒烤食品配上這個水冷麵真的一絕😋

好開心終於能同好友一起飯聚，這間位於灣仔莊士敦道電車路的「露面手工拌麵料理」地點方便，現在舖頭人流不算太多， 很多外賣電話，相信手工麵現場食是完全兩回事😁 口水雞$58 這碟口水雞有驚喜，雞質滑溜，椒香辣味慢慢滲出，後勁的微辣很醒胃。 芥香麻醬雞絲粉皮$42 芥香的味道真的很少，反而我覺得麻醬香濃，粉皮較為爽脆，混在麻醬汁很稠密掛在每根粉皮上再夾上青瓜絲立時感到清新解膩。 老壇酸菜湯小雲吞$42 湯底好濃郁酸酸味味夠鮮甜，小雲吞一口一啖，很出色！ 鎮店蟹皇拌麵 $98 當然要試一試鎮店蟹黃撈麵啦，非常簡單利落的擺盤，整碗蟹粉倒落白麵撈上，口感非常豐富滿足，吃到有粒粒蟹膏和少許蟹肉，再加上少許醋，完全把蟹粉鮮味吊出來，個人喜歡再濃稠一點就更加完美。 滑溜溜香芋鮮奶$28 鮮奶底是沒有甜味的，加上滑溜溜的香芋蓉調在一起，變得絲滑。好鍾意香芋蓉溶化在鮮奶攪拌中一起飲。

很久沒有出動去老友屋企附近荃灣海壩街的＂韓正屋＂十分掛念那麼親民價錢，分量又十足，味道地道啱晒我們相思之苦😋 柚子蜜🍹 絕不吝嗇柚子蜜果皮，甜絲絲大大杯透心涼，味道教得啱啱好👍🏻 石頭雜錦牛肉飯🥄套餐$195 石頭鍋飯熱氣騰騰，撈上韓式辣汁蛋汁很惹味，分量十足大胃王亦足夠 前菜（菠菜，蓮藕）🥗 其實每樣前菜都很出色，我們選擇了菠菜和蓮藕，菠菜柔嫩，蓮藕爽口BB辣，非常醒胃😋 韓式煎海鮮蔥餅🍴 海鮮煎蔥餅很香口，薄薄的一層，點少少韓式辣醬更加突顯味道 炆牛肋骨煲🥘 不得了這個炆牛肋骨煲，牛肋骨炆得肉汁豐腴，牛肉嫩滑牛筋煙韌不會鬆散，牛骨湯味濃郁，紅蘿蔔白蘿蔔吸盡牛肉精華，沒有花巧的配菜但盡顯用了很多時間熬製😋👏🏻👏🏻 真的要多多支持小店🎉

這間＂滬點＂在電車站旁交通方便就腳，又多一間上海滬菜聚餐不錯的選擇😋 酸辣湯$76 材料相當豐富，酸辣平均非常醒胃。 招牌小籠包$48 皮薄湯汁多，鮮肉新鮮香氣四溢，吃完一籠馬上再encore 👍🏻 招牌熗海蜇頭$98 海蜇頭厚肉爽脆，微微酸酸辣，味道調教得剛剛好，絕不霸道🤗 馬蘭頭百頁卷$62 很多上海舖已沒有製作這道精緻功夫菜， 馬蘭頭再多一點麻油攪拌應該更加出色 金腿江邊四季豆$78 四季豆夠鑊氣，加了金華火腿更加鮮味，下飯一流😋 雪裡蓮藕炒年糕$86 年糕軟熟煙韌有彈性，加上爽口蓮藕配搭在一起，咬出不同的層次，又唔肥膩，越食越唔夠喉😝 杏汁高力$52 即叫即炸，來到鬆軟熱辣辣，獨特杏汁的清香甜而不膩，很獨特👍🏻

期待已久再一次可以跟朋友聚餐😋朋友仔介紹公司附近＂咪走雞＂味道唔錯值得一試😋 一入門口職員馬上量體溫，又有酒精搓手液，卡位之間還有高甲板，食得幾安心👍🏻 火焰麻辣雞煲🔥（四人） BB辣 太耐冇食雞煲所以起晒癮，我們叫了BB辣都好惹味，職員會在我們面前點火，回憶馬上回來🤣雞煲裏的雞全部是雞脾肉非常嫰滑啖啖肉，芫荽洋蔥香氣四溢，吃到差不多還會加上奶白的湯底，絕不會溝淡 炸響鈴 大大條的炸響鈴即叫即炸，放唔放湯都一樣咁好味 虎蝦🦐（六隻） 大大隻虎蝦，鮮甜彈牙 脆鯇腩 脆鯇腩腩厚切肥美，滾幾耐都是那麼脆口油潤 紅薯粉 紅薯粉滾得耐少少也不怕，它吸取晒湯底的鮮味， 煙煙韌韌但又滑溜，最後食碗紅薯粉都幾飽肚😬 唐生菜🥬 唐生菜新鮮，放湯數秒碧綠爽脆 檸檬七喜🥤 麻辣雞煲配鹹檸七一絕👏🏻

尖沙咀金巴利道街又稱＂韓國街"
如果韓癮發作可以到這條街搵間韓店止止咳😆而這間＂韓屋＂已粉紅色為主題，鋪面不大座位尚算闊落，播着輕快的歌曲令人心情輕鬆又愉快🎈

牛排骨湯+麵 $138+$20
熱辣辣的牛排骨湯，味道濃郁清香，牛排骨燉得軟綿，加了韓國麵，將麵放在湯底，每條麵條都吸濃郁的牛肉湯味，不用咀嚼已經Sir入喉嚨了😋

炒豬肉石鍋芝士拌飯$128
豬肉是用五花腩片炒，放在石鍋底香上加香，加了紅蘿蔔絲洋蔥絲芽菜撈在一起放在口中脆脆有嚼口，加上芝士有畫龍點睛的效果 😚

餃子王 $15
我們掛住飲湯和拌飯，餃子可能放久了涼了餃子皮有點硬，但餡料十足，食一隻已很飽肚

住喺砵蘭街的街坊，應該都知有這間＂鳴橋燒肉料理＂細細間幾溫馨，價錢公道，如果提早或宵夜時段價錢更優惠🎉 刺身篇： 北寄貝，帶子，甜蝦🦐 北寄貝爽口。帶子軟淋鮮甜。甜蝦鮮味。 中華沙律，蟹子沙律🥗 鍾情中華沙律的我必點的👍🏻蟹子沙律即叫即做，賣相吸引而且青瓜絲清甜爽脆很清新。 一口墨魚仔🐙多春魚🐟 燒過的墨魚仔煙煙韌韌又膠口，一口一隻有幾方便。脹卜卜的多春魚，燒多多一回消滅了😋 香草羊架，羊扒，安格斯牛肋肉，一口蒜香腸，黑椒香腸 🥩🍗🍖 羊架，羊扒嫰滑。牛肋肉條牛味濃郁。質量高，還有台式小香腸，啱晒食肉獣的朋友 日式餃子，地獄烏冬，超甜一口芋，南瓜天婦羅🥟🥠🍜 日式餃子皮脆香口。地獄烏冬原來辣椒醬是用港式辣椒醬。一口芋頭甜絲絲。南瓜天婦羅粉漿夠薄，一點也不肥膩👏🏻 最後還有雪糕糯米糍真的非常滿足

秋風起又是打邊爐的好季節😉這間位於旺角豉油街的＂一鍋堂＂幸好之前訂了位，來到樓上2樓嚇一跳，人山人海擠滿了人，由於平靚正的關係，所以那麼多人來光顧🎉 人流多用電話落單不但不用浪費紙張非常環保又沒漏單👍🏻抵讚👏🏻👏🏻 罐裝飲品選擇繁多，還有自家製的冰糖燉檸檬茶，甜味適中，入口後有少許回甘的味道。 蔬菜類有放題少見到的羽衣甘藍和學斗苖，羽衣甘藍纖維極高，不要滾太耐否則太老😊 我們選擇了鴛鴦湯底：藥膳和沙參玉竹鯊魚骨湯，藥膳湯底藥材味濃烈很足料，沙參玉竹鯊魚骨湯夠晒滋補養顏😍 自助 調味料 鹹蛋炸魚皮炸得非常鬆脆，鹹蛋黃比例剛好放湯或當小食都很美味。 每枱都會叫高過坐喺對面朋友的食物😆😆 最驚喜有厚厚的花膠，一開始就落晒啲花膠到最後花膠吸晒湯的精華，粘粘膠膠好足料。花竹蝦新鮮彈牙，鱔魚鮮甜。肥牛不夠肥，反而鮮牛肉很嫩滑。我們這班大胃王不一會就消滅掉，這間CP值高值得一試😋