更多
2017-02-12
177 瀏覽
得知係酒店入面竟然有間韓國嘢食,梗係要去試吓啦。一如其他韓式餐廳,都有提供幾款唔同既前菜。首先點左個五花腩。店員好細心問我地想自己燒定係廚房幫我地燒埋,為咗唔好令啲衫吸晒浸油煙味,所以我哋揀咗廚房幫我地燒埋。不過呢個唔係一個好嘅選擇,因為啲肉嚟到有啲鞋口,有啲過咗火喉。所以燒肉唔係咁吸引。另外點左個韓式炒粉絲,粉絲嘅軟硬度適中,帶點爽口彈牙,加埋少少配料,少少麻油香味,好好味。最後嚟咗個傳統石頭拌飯,上枱嘅時候仲係熱辣辣,加埋上面有隻半熟蛋,可以比客人自己撈埋落去,落埋甜辣醬,簡單又好味。
張貼