首爾家韓國料理

營業中

休息中

上星期講過好耐無食韓國菜為食朋友都好熱情的推介各方好食的韓國菜這日還帶了我去銅鑼灣隆堡柏寧頓酒店一樓的『首爾家』食韓國料理雖然位於酒店內，但是地方不太大，也無豪華的裝潢，而很有傳統韓國小店的風味一坐下就棒上六小碟的韓式前菜除了有常見的泡菜、芽菜、魚仔，也有較少見的翠肉瓜、炆薯仔和通粉沙律其實午市時間，有抵食的午市套餐供應但是為食的朋友仔想食燒肉，就由她發辦點菜 ...點了一客五花肉 HK$128 和純味特級牛肋骨 HK$138五花肉的脂肪分佈平均，一層肥一層瘦；厚度又啱啱好，不會太薄烤至外面焦脆後，再加點辣泡菜和辣醬一起食，就不會咁油膩喇 !!!牛肋骨有純味和醃了兩款任揀，但是我們都鍾意原汁原味，所以揀了純味一份有兩條牛肋骨，原條牛肋骨放在烤盤上烤至半熟，再用剪刀剪成小件，烤多陣就食得烤好的牛肋肉肉汁滿滿，再點少少醬汁，食起來很滿足紫菜牛肉包飯 HK$68最後，來一個冰凍的甜品既可降溫亦可解油膩 ~~名字好特別的 ... 回憶的紅豆冰 HK$28(中)好彩無貪心點份大的，因為中的已經好夠份量呢 !!!成座雪山咁的紅豆冰 ... 真的好吸睛 ~~外層鋪滿黃豆粉和脆卜卜的粟米片，最上面有一

今天我的BBF生日，最後應了她想吃韓國菜的要求下，選擇了這間餐廳。這裡位置比想像中多，環境亦比想像中寬闊，我們被帶到最入的梳化位置，坐位挺舒適的，有著屬於我們的個人空間，可以舒服地暢談。這裡菜色選擇多，每張桌子都有鐡爐，可以來個韓式BBQ，我們都不想吃得太熱氣，便選了一些傳統的韓國菜，最後選了牛肋骨湯，豆腐雜菜鍋，壽司卷和炒年糕拉麵。下了單不久後，侍應便端來六小碟前菜，是真的很細碟的前菜，但味道是不錯的，其他最深刻的反而不是泡菜，而是薯仔，甜甜的味道，十分滋味，幸好是前菜可refill，如不夠喉可再添，但亦要適可而止呢。滿足了一點口慾後，主菜陸續登場，先來的是牛肋骨湯，並附有白飯一碗。牛肋骨煲得很清甜，牛助骨肉亦煮得腍身，肉味濃，值得一讚是湯頭不會油膩，不用配飯只喝湯亦來得過癮，不錯! 牛助骨份量偏少，有點吝嗇。然後是豆腐雜菜鍋，滿缸紅以為辣味十足，其實不算太辣，吃不到辣的朋友亦可以吃。鍋內的餡料是健康的，但味道比牛助骨湯更濃，醬料掩蓋了本身蔬菜的清甜，但配飯吃則剛剛好，一試亦無防。再來的是壽司卷，其賣相不算太討好，味道亦普通，沒有過人之處，餡料不算豐富，可以不試。最後是炒年糕拉麵，最

是日, 與好友去睇美女與野獸係睇戲前朋友就帶我去一間抵食又好味既韓國料理店到食好野而首爾家既裝潢令人覺得有家既感覺坐低不久 先來6小碟前菜泡菜、海帶、芽菜、薯仔等韓式炒粉絲份量大大碟入邊有牛 ，蔬菜及蛋絲粉絲唔係炒得好油膩味道亦啱啱好相當不錯韓式炸雞配沙律每件都係小嘅雞鎚炸雞炸得外脆內嫩滑而且仲好juicy 再配上薯仔生果沙律內裏有好多蘋果及菠蘿如果食得肥膩嘅話食一啖沙律可中和返油膩感覺燘牛肋骨呢一個大力推介牛肋骨內有紅棗、蘿蔔、紅蘿蔔呢幾款野已經令到個湯底好甜牛肋骨燘到超級腍而且係非常入味非常好食韓國菜嚟講 呢度算係又抵食、份量多、味道又好嘅一間值得在來encore 

炆牛肋骨🐮 $128呢個炆牛肋骨不得不推介比大家🤗😍一上檯熱辣辣🔥記住要趁熱食啊😚牛肋骨雖然大大舊 但係都炆到好林好林🤤🤤個湯甜甜地入哂去牛肋到 好juicy 好開胃😋😝🤤唔好睇少d蘿蔔配料 好甜一樣入哂味😁😜

想食韓國燒肉做晚餐，行過，即管一試。唔試唔知，一試即後悔莫及。牛肋骨一條，只有六小塊，索價138。性價比超低。沒有牛味，只有淡淡雪藏味。要評論佢，我會形容佢係唔。新。鮮！另一碟牛舌，味道則尚可，始終沒什麼高低可言。另一頂心的是前菜！！脆肉瓜、通心粉沙律都當係韓式前菜？？此刻，我在想：商品說明條例是否合用於這種情況，存心欺騙了我的韓國熱！！！！如果十個差係滿分，我比夠九個。如果比我再揀，我選擇捱肚餓！

今晚同朋友同拒仔仔去韓燒，因為仔仔最中二。今次試左間好傳統既韓國人主理既餐廳，位於銅鑼灣一間酒店1樓，環境清靜舒適，私隱度又高，因為每張枱都有屏風隔開。甘樣一來，如果三五知己可以盡情吹水，一家大細又吾使驚小朋友騷擾到其他人。一入到鋪頭，服務員全操韓文，連人客都有吾少講韓文，睇來好地道韓國餐廳。岩坐低，服務員既熱情遞上餐牌同餐前心食。泡菜、芽菜必有是常識吧！另有海帶，蒟蒻之類，食完仲可以添食。海帶酸酸甜甜，小朋友勁中二，仔仔自己一個食左2碟。到正餐，分別點左純味特級牛肋骨以及醃左牛肋骨，另外一碟大蝦，新鮮蔬菜籃。由於燒烤需時，於是大家點左人參雞湯同韓式炒粉絲食住等。雞湯火候十足，燉到雞肉同米已經開始融化，而且冇味精，飲完冇口乾感覺，香濃人參味，滋補一流。去到韓國餐廳點可以吾叫人參雞湯補一補。韓式粉絲加入椰菜，紅蘿蔔絲，冬菇，四季豆以及牛肉，感覺健康吾油膩。食完粉絲，飲完雞湯，牛肋骨燒好，首先試左純味，牛味好濃郁，即使吾加任何配料都甘正，最特別除可以用生菜包住食，仲可以用沙津菜，即刻成件事高級左。試完純味再試下醃左牛肋骨，反而覺得調味料搶去牛肋骨既香味，相比之下，純味更吸引，原汁原味呈現韓

月頭嘅時候去咗韓國，翻到嚟都仲有啲旅行後遺症，成日心郁郁想食韓國野。忍唔住，竟然搵到由韓國人開嘅料理鋪頭！店家裝飾好有舊式韓屋感覺，而且卡位同卡位之間都會間住，比較有私隱。有二人餐，四人餐等，我地比較過見餐同散叫價錢差唔多，就決定散叫。一坐低會先上前菜，有好多種。而且連較傳統嘅款式都有，最中意泡菜同甜番薯。純味特級牛肋骨牛肋骨一整條過分量都夠四個人食。店員會主動幫忙燒埋，會幫手剪開牛肋骨。原味牛肋骨可以食到牛嘅原汁原味，牛肉質幾嫩。牛味都幾濃，不過就偏瘦咗小小，燒完帶點焦香好食！韓式泡菜餅泡菜餅非常推介，味道好正宗！泡菜餅好大份又厚身，用咗大量嘅泡菜嚟整，每一啖都食到泡菜係中間。唔會太辣，帶小小酸。而且煎得好香口，又唔會太油。炒辣芝士年糕拉面食韓國野又點小得芝芝芝士呢！呢個炒年糕拉面上就全部都係芝士呀，勁邪惡！拉面炒得有咬口，帶啲煙韌感。年糕同拉面吸哂啲汁勁入味，加上芝士中和咗啲辣，唔會令到得個辣字。好有置身韓國嘅感覺，見到有韓國人幫襯。而且全店由韓國人主理，有傳統正宗嘅味道。

原來有間傳統韓國菜館在酒店內，似乎韓國人開的，唔係朋友帶來都唔知。今晚全部韓劇中的美食，石頭飯、炆牛肋骨、辣炒年糕、炸醬麵樣樣齊。石頭飯非常夠熱，不停冒煙，天氣凍食最正，揀了牛肉味，配菜好多，材料豐富的美味大鍋飯。炒年糕顏色很好騙到人，其實辣中帶甜，甜味解了辣，未夠刺激，年糕煙韌，愈來愈有風味。炆牛肋骨極肥美，汁偏甜，叫了碗白餅非常夾，好好味。炸醬麵似中國麵，韓國醬都係偏甜，麵夠哂軟腍似上海的燴麵。

想吃地道的韓國料理常會想到尖沙咀，但朋友介紹一家在銅鑼灣的傳統韓國料理也很不錯，於是去一試。原來餐廳位於酒店2樓位置，不算難找。店內座位擺設舒適有私密度較高的屏風相隔，裝潢有傳統韓國家庭式小店風格。韓國料理例牌菜，點餐後店員就把前各種前菜端上，有泡菜、甜蕃薯、芽菜仔、通心粉(沙律味)、雜菜、魚仔乾、蒟篛等。《人蔘雞湯 $158》雞湯非常鮮味，喝完之後不覺得口乾，雞骨頭已煲得溶化了一樣，一咬即碎，可以把骨頭也吃掉，雞還釀了米飯在裡面，增加嚼感及飽肚感，做法非常傳統。《水冷麵 $88》有醋和芥辣醬另上，淡淡的冷面加上醋汁變得酸酸的令人胃口大增，涼涼的麵沒有膩感，可以中和燒烤的味道。《炆牛肋骨 $128》好香的牛肉湯味，份量不少，很濃郁，牛肉燜得好嫩好軟，而且是半肥瘦，醬汁還可以用來沾牛肉卷，超配的。《紫菜牛肉卷 $68》做得好完整不會散開，配菜和牛肉份量剛好，飯的軟硬度剛好，吃完都不會覺得好飽，加上炆牛肋骨的汁，更棒。《辣炒年糕 $78》比較適合香港的口味，沒有傳統地道的辣，帶甜比較多，沒有很濃，年糕軟嫩而有咬勁，很不錯。還點了雞肉和牛肉來個燒烤：《燒雞肉 $108》醃過的雞肉燒的時候已經

唔知點解每隔一段時間，都想食韓燒今次朋友揀左位於隆堡柏寧酒店一樓- 首爾家八道前菜好豐富，有薯仔、魚仔、泡菜、海藻⋯⋯泡菜爽脆惹味，海藻略帶酸味，十分開胃,忍不住叫侍應姐姐加多一碟可以免費添加2碟牛肋骨，微微煎香兩面，唔靭，有牛味，用新鮮蔬菜包住吃，美味可口因為韓燒而喜愛吃五花腩肉，一層肥肉一層肉，好邪惡，但是，燒完後，肥肉變成透明，好爽脆豬皮煙煙靱靭，有囗感鮮牛肉鍋麵，牛肉新鮮幼滑，份量唔細，又多配菜，麵質既爽又滑溜，好好食

想起了已經好耐冇食過韓國燒肉 係Openrice見到呢間店在C.W.B.排行榜都比較高 立即來此店品嚐美食 餐廳設在酒店內 又可以吃到平價的韓國餐 經已好滿足門口擺設令你覺得身在韓國因為店內有韓國人作招呼 生怕顧客不懂得溝通 枱上有張紙教顧客讀一些較簡單的字眼前菜：薯仔 紅蘿蔔 魚仔 泡菜 芽菜 通心粉醃牛肋骨（醃）$138肉質嫩口 燒一分鐘不用已經熟了有少少的根位 味道也夠惹味燒完一次後鍋會有污漬 職員教導我們用紅蘿蔔可以掃走黑色的污漬 滿特別的豬頸肉 $128肉比較厚 要燒長時間 首先燒大約3分鐘 再用膠剪剪開成一條條慢燒 大約10分鐘冰鮮味太重 也許沒有醃過 味道怪怪的人蔘雞湯 $158石鍋上枱時還是滾的 非常適合喜歡熱湯的人 入邊真材實料 有人蔘 有一隻雞 米 紅棗湯很甜 雞肉還很鮮嫩青檸檬汽水 $28清新的青檸味 食完比較油膩的東西 好適合用來消滯 非常好飲

最近經常想食韓式炸雞，今日到銅鑼灣找到呢間樓上鋪，除左炸雞還有傳統菜式。大廈地下有水牌，不難找呀！餐牌有燒肉類，小食，湯類，飯類等等。當然唔少得韓式必備餐前小碟，共六碟。先食純味特級牛肋骨，兩大條，店員教導可一整條燒，燒完先剪開食，旁邊還有洋蔥，牛肉肉汁滲出，好鮮甜，有醃料醬味，配菜有菇同紅蘿蔔，洋蔥燒至剛熟好清甜多汁，建議可夾牛塊一齊食更惹味。另外有牛排骨湯，好大鍋，鹽胡椒粉樽另上，可給客自己調味，咸淡自由選擇，落少許鹽帶出湯的清甜味道，牛排骨淋身多肉，底部仲有啲粉絲。再點了芝士拉麵年糕，年糕辛辣煙韌，芝士漿住拉麵,配搭新穎，一次過滿足三個願望，好飽肚。再叫醬汁醃製炸雞，蜜汁黏住面層，咬下蜜糖味出，帶少少芝麻香味，埋單每人$265，價錢不算太貴呀，其實今餐3個人食都得，結果我地都食唔晒打包了！

前兩日我的好朋友“公主”在group中問我地幾時得閒出嚟食飯，另一朋友問極都話唔得閒，誇到話要4月先得。。。今晚，心血來潮就問公主得唔得閒即晚約出嚟食！大家都響港島區返工，就去銅鑼灣食吧。 這間韓國餐廳招呼的大多是韓國人，又唔太識英文，唯有好多野都指手劃腳，但大致上都唔會無禮貌。餐牌好多都有圖，我地點左一樣燒嘢再點一啲熟嘢。 純味特級牛肩骨 ($138)有兩大片連骨，店員會主動幫手燒的。 因為我地唔鍾意太熟，所以佢放左上鐵板之後，我自己轉同返，剛剛熟之下就拎來位食。其實就有啲un. 但薄片牛都會好香， 有少許油份味，濃濃既肉汁就慢慢慘出。 豆醬雜錦湯($88)石鍋湯端上時係"Pop pop pop"咁，十分夠滾熱辣。湯重麵豉味重， 除左有豆腐，仲有金菇，翠肉瓜，蜆肉，蒜等等同配個白飯。 夠味道，唔會好淡，亦有少少海鮮味，飲完個人感到滿足。 辣炒芝士年糕拉麵($88)芝士年糕麵， 朋友話覺得辣，我就覺得甜。 佢辣到用水洗。 年糕份量唔多，夠曬有咬勁，唔會粉實實咁。個底幾多麵，夠曬飽，口味較重，上面有溶溶地既芝士，增加香味。 呢度地方係唔大，但好懂

同事話呢間係酒店一樓嘅韓國料理唔錯 還推介燜牛筋骨必食 咁啱老公係銅鑼灣囉野 就約佢去食 之前我都有做下功課係下openrice的食評作參考 見到多笑面 地址係正隆堡柏寧頓酒店1樓 都容易揾嘅 上到一樓入內 有位男伙計安排入坐 佢應該係韓國人要用英文溝通 內裡都坐無虛席 好熱鬧下 裝修帶點韓劇feel 選左兩款肉燒 五花腩 $128 同醃左嘅牛筋骨 $138 還有洋蔥同菇 份量夠嘅 燒爐細細夠兩人使用 個火調得剛好唔會燒到過左 燒到香脆再落鹽同黑椒粉 非常惹味香口牛筋骨亦不用燒太耐 剛好兩邊煎得微焦就好完美 長長要剪開一塊配埋燒洋蔥同菇 口感鬆軟又帶點咬口 唔錯 紫菜卷係韓菜最基本功 無失手都好好味真係無介紹錯 一上枱香氣撲鼻 還滾緊架 超濃濃牛味帶點甜 成碗滿白蘿蔔紅蘿蔔冬菇蛋絲 當然唔少得主角超夠味嘅牛筋骨肉 軟淋但唔係霉爛係肉質有層次 恰到好處 食飽後竟然送上生果 清下d味蕾 幾細心 仲係甜添反而小碟真無乜特別兼份量較少 價錢算合理

韓餐食極都唔厭，今晚想試新餐廳，7點去到餐廳只有一兩張枱食緊，環境舒服前菜擺得滿滿的，有酸既，有辣既，巧味又開胃食韓燒點可以唔叫牛肋骨同豬腩肉呢牛肋骨（$138）肉質鮮嫩，唔錯，如果人多就建議叫多份，唔係要搶食就唔好喇紅酒五花肉（$128）燒完香香的，層皮煙煙靱靱，食完一件再一件，停唔到口另外叫左個生菜籃（$40）夾住燒肉食，感覺清爽無咁膩，如果有得加埋酸洋蔥就perfect池了食完韓燒就換過個煲，開始煮麵喇今晚試呢個鮮牛肉鍋麵（$280），成鍋黎到先加湯，慢慢煮熟後再加麵，呢個麵實在太岩我食，麵滑滑的，菜多又有牛肉，令到個湯好鮮甜，我食左兩大碗至識收手，攪到試唔到甜品，下次一定要再試。