餃掂手工餃子雲吞專門店

營業中

休息中

首嘗麻辣鮮肉餃 有驚喜～～～難得一日黑色暴雨 可以WFH早d收工 所以收工就同大舊出去灣仔嗰邊 食我最鍾意食嘅餃子做晚餐 之後再順道去sogo濕平😛～～～睇完餐牌之後我哋叫咗四川涼麵 龍鳳松茸餃 粟米豬肉 麻辣豬肉餃同蜜餞雞翼 另外再叫啲姐姐攞咗醃蘿蔔俾我哋食 姐姐話今日黑雨冇新鮮貨 得返啲琴晚嘅醃蘿蔔 問我地介唔介意 我地話唔介意 不得不說呢度嘅姐姐真係好好人 其實佢哋可以唔使話我知 而且本來我以為啲醃蘿蔔全部都係可以擺好耐嘅 聽完佢講先知 原來佢哋嘅醃蘿蔔都係日日新鮮工廠送過黎～～～蜜餞雞翼香香甜甜無太鹹 雞肉嫩滑 非常滋味 我同大舊一人2.5隻 剛剛好☺️ 四川涼麵就冰凍爽口 姐姐麻醬比得好大方 正中我哋兩個愛醬之人嘅下懷 而涼麵嘅辣汁可以叫佢哋預先比定 你都可以喺枱面嘅辣醬嗰度自己加 多辣小辣自行調校 整體非常開胃消暑～～～餃子方面 龍鳳松茸餃 粟米豬肉 麻辣豬肉餃 三款餃子各有千秋 龍鳳松茸非常有特色黑松露香氣濃郁 香港冇咩地方食到呢個味道 加落狀元九鼎湯裏面食 更加係非常濕潤 帶少少花生香 令人不自覺一隻接着一隻好快就吃過清光～～～而粟米豬肉就新鮮爽甜 粟米份量好多 而且粟

來到餃掂就當然要食特色的松茸餃子～龍鳳松茸煎雙餃龍鳳松茸即是黑松露餃和白松露餃～煎餃煎得非常之香，外皮香脆而且皮薄餡靚！黑松露餃一咬開都很濃烈的黑松露味，還有肉的肉汁，非常惹味～ 白松露的味道也不弱，比黑松露淡一些，更能食出煎到焦香的味道，非常香口粟米豬肉餃麵加底想不到加底是加了一整個麵！湯底都很清，不會油，粟米豬肉餃非常鮮甜，而且非常足料！上湯松茸時蔬，菜心新鮮有咬口～蜜棧雞翼（大）雞翼都已經炆好腍，非常容易脫骨，而且已經充滿蜜棧的甜品，甜但不會唔渴或膩～幾好食！自家製山楂雪梨水好清甜，大大支～抵飲豆漿香濃豆味，幾滑～每樣試下都幾抵食，難怪餐廳這麼多人～

松茸猪肉饺不怎么好吃，腻；煎韭菜猪肉饺倒是不错，韭菜味很正，料足。凉面不好吃，建议加点醋，葱姜水，让口感更清爽一点，麻酱用的是日式拌沙拉的麻酱，太奇怪了。。。下次想吃饺子，我会选择八方云集或者北方饺子源或者山东饺子馆。

ғᴏᴏᴅɪᴇ ᴛɪᴍᴇ 今次食咗餃掂手工餃子雲吞專門店係灣仔lunch time想搵啲平靚正既選擇，佢都係唔錯既選擇😆粟米豬肉餃(7粒)($43) 粟米餃味道唔錯，不過不失，但係亮點位係粒粒都好飽滿同大粒🥳佢啲餡料好多，係咬左一啖調轉都唔會跌啲粟米出嚟😆粟米仲可以增加口感同甜甜哋🥰配既係狀元九鼎湯，清清地，冇咩特別🤣

我向來係一個餃子控, 平時諗唔到食咩既時候, 一定會去食餃子。今日就去試呢間位於灣仔既餃子店。黃金原味皮蛋 $28 - 味道同普通皮蛋有少少唔同, 黃金皮蛋有一種獨特既香味, 配上麻辣既醬汁同食, 別有一番風味。四川涼麵 (小辣) $30- 麵質略帶點爽口同彈牙, 配上麻辣醬汁同食, 惹味十足, 食到停唔到口。芫茜豬肉煎餃 (10隻) $63 - 餃子粒粒飽滿, 即叫即煎, 底部仲煎到卜卜脆, 一咬開就聞到誘人既芫茜香氣, 豬肉爽口彈牙之餘, 仲肉汁豐富到差唔多滿瀉, 大推! 大白菜豬肉湯餃 跟狀元九鼎湯 (10隻) $54- 淨係食香口既煎餃又點會夠, 當然要食埋清淡既湯餃先夠滿足。湯底用上多款新鮮食材淆制而成, 包括粉葛, 鯪魚, 扁豆, 赤小豆等等, 全部都係去濕既材料, 特別適合夏天飲用, 而且無味精夠哂健康。餃子皮厚薄適中, 一咬開D肉汁勁juicy, 白菜同豬肉餡既比例剛剛好, 而且味道調得剛剛好, 唔錯。餃掂手工餃子雲吞專門店 灣仔莊士敦道44號地下港鐵灣仔站B2出口, 步行約4分鐘

第四次幫襯依間招牌餃子店啦🥰今次第一次嚟到灣仔分店，環境寬闊又舒服💯 感覺很不錯！每次黎到都一定必叫龍鳳松茸雙灼餃🥟 係餐廳既招牌！分別有白松露同黑松露餃👅 再點左元貝豬肉餃同雲耳椰菜豬肉餃🥰 除咗餃子，其實仲有其他選擇架！好開心試到餐廳新推出嘅四川涼皮😛 再加一個四川涼麵！真係好豐富😆餃子好食就必定㗎啦！真係大隻又足料！好高性價比💯 龍鳳松茸餃有好濃郁嘅松露味👍 鍾意松露嘅朋友🤓絕對試得過！元貝豬肉餃裏面嘅元貝都好豐富👅 雲耳椰菜豬肉餃爽口又口感豐富😆 佢嘅餃子真係冇得頂！而且好飽肚😊鍾意食餃子嘅朋友一定要試依一間👍 到新推出嘅四川涼皮😛 口感有啲煙韌，份量慷慨！微微麻麻辣辣嘅感覺，開胃又好食🥰 四川涼麵就好夠飽肚👍 麵條偏硬身，點一啲麻醬，好好食😋 整體好滿意！下次再幫襯🥰

5月28日下午，我和三位同事到餃掂灣仔分店吃午餐。午餐時段客人很多。我們要在外面排隊等候座位。等了大約15分鐘。我點了野生松茸素餃。掙扎了一會要點燙餃子或是煎的。最後都是煎餃子招手成功。兩款餃子的價錢不一樣。亦有數量選擇。燙餃子7隻是$48、10隻是$60。煎餃子7隻則是$55、10隻是$65。7隻怎能滿足我，我當然要選10隻。（其實我想要燙餃子和煎餃子各7隻，哈哈！但只是吃餃子便花費超過$100，有點不捨。）餃子煎得很好。我喜歡焦香的餃子皮。香脆可口。卻不會過份焦黑。雖然是煎，油份卻不多。吃完後，嘴巴沒有油光光的感覺。松茸味道香濃。綠葉菜的清新也沒有被掩蓋。餃子皮不厚。外脆內軟滑的口感不錯。這餐廳是一位素食筆友推界。很久以前。終於都來光顧。現在還有新推出的大滿貫素餃。內餡是菇菌、菜苗和瓜類等。下次再光顧可以吃這個。自家制山楂雪梨水。另有蜂蜜檸檬薏米水。同樣是杯裝$21，瓶裝$28。大家都要瓶裝，覺得比較划算。而且，喝不完可以帶走。這飲品以山楂片、雪梨、甘草、冰糖、麥芽和水等製作。我期望山楂味會比較突出。事實卻不是。正常是山楂和雪梨味都不是淡。我卻未能在這杯飲品中嚐到各自的酸和甜的味道

難得有個空閒既星期三🤪黎灣仔行陣街同朋友仔嘆下超正既餃子大餐啦🤤至尊松茸豬肉餃 & 元貝豬肉煎餃與別不同既肉餡味道🤤半肥瘦豬肉配合松茸既餡料🥟🐷🤤帶出啖啖濃郁松露香之餘☺️🤤配合滑嫩Juicy既半肥瘦豬肉餡更是一絕🤤🥟唔太啱松露既朋友們亦可食下元貝餃呢😆配合幼細元貝絲帶出其香氣之餘亦增添更多口感😋壽喜燒牛肉餃 vs 韭菜豬肉煎餃餃子皮都算薄身之餘🥟內裡肉餡脂肪比例均勻唔會太過肥膩😆混合韭菜及豬肉既肉質都夠滑嫩Juicy及口感🤤🥟而新品推出既壽喜燒牛肉餃😆濃郁牛香既肉餡不失壽喜燒既甜香☺️成為店內人氣大賣之一亦對值得😆堂食即叫即煎新鮮熱辣更值得☺️四川涼皮超爽口彈皮既涼皮🤤配合微辣鹹香既川香醬汁拌食甚具風味😆惹味唐芹拌豆筋豆味濃香既爽口豆筋😋配以爽口唐芹及微辣醬汁拌食果然夠哂惹味呢😆黃金原味皮蛋營造出溏心效果既皮蛋更難得一見😆🥚拌以秘制醬汁一齊食夠哂開胃😋作為開胃菜一流😋

餃子迷必試系列🥟一打開餐牌就見到有勁多款唔同口味嘅餃子可以揀 款款都勁吸引🤩🌟至尊松茸豬肉餃(灼）一上枱見到脹卜卜既餃子已經好吸引🤩咬落去係皮簿而且勁多汁 仲好香松茸味配埋清甜既老火狀元九鼎湯 呢個組合真係好正🙌🏻🌟韭菜豬肉餃(煎)煎到金黃色勁脆口🤩韭菜同豬肉嘅比例啱啱好💯煎完都唔會乾 食落都仲係鮮嫩多汁 👍🏻🌟龍鳳松茸雙灼餃松茸味又係勁香濃 有黑松露同白松露配埋鮮嫩肉質 真係無得頂🌟黃金皮蛋呢度既招牌菜之一晶凝通透嘅外表已經夠哂吸引配埋有啲流心既蛋黃 皮蛋迷必食🌟四川涼皮涼皮滑溜無比 配埋酸酸辣辣既醬汁非常惹味 岩哂夏天食😋😋

朋友趕時間，諗住快快手食個靚飯，呢間餃店快靚正👍🏻 由於真係太趕時間，所以唔係嗌咗好多嘢食🔺四川涼粉好耐冇食過呢類地道酸辣嘢，見到menu有就忍唔住嗌咗。味道都幾正宗，嗌少辣都已經辣到飛起，好彩有啲青瓜中和返，仲有好多花生喺面👍🏻👍🏻如果啲涼粉可以再爽少少就更加好😌🔺雙拼煎餃 (雲耳椰菜豬肉x 粟米豬肉）食煎餃最怕啲餃子皮會痴埋或者皮肉分離，呢間啲餃子好"結實"，唔會一夾就散，個皮煎到脆卜卜，咬落去都好足料，粟米餃一咬開就有好香嘅粟米味，好可惜啲肉係帶住少少"雪"味，冇乜肉味。不過趕時間醫飽個肚，所以最後都係清晒😋

野生松茸素煎餃，皮薄餡豐，煎得香口，出爐熱辣，入口豐沃，有七隻或十隻選擇。芫荽豬肉煎餃，一樣滋味。餃子蘸上自家製法以菜甫辣醬，超級匹配。有多款小吃，香辣雲耳，爽口新鮮、黃金皮蛋，流心香滑、甜味雞翼，醃製入味。店舖有山揸雪梨水及蜂蜜檸檬薏米水可揀，二十塊一杯。很多人買外賣，生意蠻不錯。牆上掛有大幅叫人控制情緒八式，簡單易明，邊吃邊領略，似乎頗湊效，見收銀機處貼上食霸王餐者照片，提醒員工緝兇，少少餃子，多多體驗。

好鍾意食呢間餃子🥟，食過好多次，都係咁好食😋。收工過來食 基本都滿座咁滯，但好在唔洗等。😁.黃金原味皮蛋 $28相比普通的黑色皮蛋，黃金皮蛋沒有澀口感，口感更為清淡、柔和，一口吸入嘴裡，Q彈嫩滑，裡面的溏心微微流動，十分細膩鮮美！.龍鳳松茸雙煎餃 $86 (8隻)黑白松露餃各四隻，黑松露餃子味道濃烈。白松露味道比較內斂，但同樣好好味，果然係鎮店之寶，真係進店必試。.壽喜燒牛肉煎餃 $56 (7隻)好特別嘅餃子，味道好正。Exactly就係壽喜燒嘅味道，牛肉嫩滑，餃子兩面煎至金黃，牛肉口感好細膩，好香口😋.回味手拍青瓜 $25夠香脆夠惹味，小食必點~.山楂雪梨水 $20豆漿 $15

當你食粉麵飯食到厭又要食啲飽肚野 第一時間一定係諗到餃子要食好食嘅餃子 當然要搵間專賣餃子嘅食店專心做好一樣野係最出色而我選擇黎餃掂手工餃子專門店啦打開menu 見到每一款餃子都係漲卜卜每一款都想食呢8點幾都咁多人就知幾受歡迎我同朋友叫左 至尊松茸豬肉煎餃 呢款煎餃仲會配埋狀元九鼎湯呢另外叫左芫茜豬肉湯餃四川涼皮 檸檬薏米水 黃金皮蛋薏米水好解渴 唔會太甜仲好足薏米四川涼皮 小辣 佢唔會鋪滿辣醬 辣味係由低下類似豉油嘅汁而黎反而咁更加輕盈 唔會漿住個口黃金皮蛋 好靚呢金黃色作係原味黎 蛋黃流心 食落好足皮蛋味蛋皮比啫喱多少少彈性 芫茜豬肉湯餃皮薄透到肉餡 餡料咬落去唔會實的的 有肉汁好香茜味 鍾意食茜嘅朋友一定鍾意順帶一提佢隻菜脯豆豉醬 辣辣地之餘 又有豆豉香 一定要試最後 至尊松茸豬肉餃 跟湯同醬先講個湯 味道淡淡地 飲完唔會口渴飲得出清清地赤小豆味Menu介紹 呢個湯係有用鱷魚肉煲溫腎益氣 滋潤腸道食餃子跟埋呢個湯真係好不惜本至於個松茸醬更加要點佢可以令到隻餃陣松茸味更加昇華咬開隻餃 會見到好多粟米粒咬落juicy 兩邊煎到餃皮脆口外脆內軟嘅感覺真係好正食完咁多餃係好飽嘅所以話 足

係灣仔返工已有幾個月時間，仲有吾少食店未試過，依排lunch 吾想食粉麵，我選擇左餃掂手工餃子雲吞專門店食餃子。這裡有多款不同口味的餃子可以選擇，煎餃或湯餃也可以。我想飲湯，我揀左龍鳳松茸雙灼餃配狀元九鼎湯。一次過可以試曬兩款餃子。餃子皮適中，吾會太厚身。餡料幾多，入口有松茸的味道。餃子和湯好㚒。再加一個小食，就蜜餞雞翼。雞肉幾嫩滑。外皮沾了甜甜的蜜餞，特別好味。日後食lunch，我又有多一個選擇。

今日出灣仔，感覺自己唔太想食咁多碳水化合物，所以就食餃子~最鍾意食湯餃，所以嗌咗10隻大白菜豬肉餃配狀元九鼎湯~咩係狀元九鼎湯呢？我都幾好奇~飲咗一啖，味覺笨拙嘅我淨係飲到好濃嘅粉葛味，仲有一種清新嘅薄荷感，感覺既溫和又醒神！上網查一查，原來配料有：粉葛、扁豆、赤小豆、陳皮、蜜棗、鯪魚、鰂魚、排骨同紅蘿蔔~（睇嚟陣薄荷感應該係陳皮嚟~）水餃實在可以用皮薄餡靚嚟形容~真係餃子皮一啲都唔厚唔粉，薄到我察覺唔到咁濟，令餡料好突出~出面食餃子，白菜通常都好軟好霉嘅感覺，但呢到嘅白菜，切成一小塊一小塊，好新鮮好爽脆，食落sapsap聲，完全唔係普通綠葉，而係成為咗成隻水餃一個好大嘅點綴！豬肉都好軟嫩，冇咩腥味，粉紅粉紅的，好可愛~