餃掂手工餃子雲吞專門店

營業中

休息中

呢間餃子店成功令我短時間內再二訪，皆因d湯餃同煎餃真心包得足料，又香又抵食！呢度招牌餃子一定要嗌個龍鳳松茸雙灼餃，會跟埋一個叫狀元九鼎湯（寓意好好！）。龍鳳松茸顧名思意係有兩款松露（黑&白），食落其實兩款個味係好似，兩款都好香，肉汁又夠晒多，真心出色。都有興趣下次試埋煎松茸餃！另一款叫左香煎軟心芝士餃，煎左嘅芝士餃子寧願香噴噴架，入面仲有好多粟米tim!好味到勁快就比我地清晒🤓然後仲有嗌左個菜同龍鳳松茸蛋，呢度嘅松茸香，配所有野都好好食！野飲有豆漿同檸檬薏米水。

行街經過呢間餃子店時，俾佢哋個店名吸引住望多兩眼，再睇睇店外玻璃貼上嘅餐牌，就咁入去幫襯咗。 所以話改名嘅嘢真係幾重要。叫咗碗大嘅《元貝豬肉湯餃》， 湯餃嘅湯會用佢哋店嘅招牌＂狀元九鼎湯＂上。 又係一個聽起來好勁嘅湯，但其實即係粉葛煲鯪魚湯。一碗有十大隻水餃，每隻水餃睇見都係脹卜卜。 飲咗啖湯覺得個湯比較淡， 有點兒失望。 至於主角水餃， 餡料調味唔會過濃，食得到元貝，豬肉嘅鮮味， 餃子皮厚薄適中，一碗真材實料，幾好食嘅水餃。最後，買多份生餃《野生松茸素餃》返家自己煮。

香港有好多餃子店，我相信呢間開到連鎖，一定有佢好食嘅地方，所以嚟咗試試！🌽 粟米餃子湯麵（$57）今次嗌咗餃子麵，一碗有6隻，再加埋麵嘅份量都唔少😋 不過，嗌餃子麵同淨湯餃嘅最大分別就係湯底唔同，淨湯餃可以飲埋佢嘅湯，但餃子麵就無咗🥲 餃子方面，每隻都薄到見到入面嘅餡料，唔怕食落好厚皮，而且真係有粟米香！幼麵都好食，配埋餃子好夾，同埋幼身食落無咁滯，而且可能湯底帶啲酸味，所以好快就食晒～ 呢間唔使排太耐隊嘅話都值得encore！

因為返工地址喺附近，所以外賣都叫過幾次覺得好好食。之後同同事傾好咗返工時間終於可以抽時間出嚟堂食覺得堂食嘅煎餃會更加好食我同我朋友叫咗兩份餃子，一共17隻舖頭人流唔算多都有空位，12:21落單，等到12:41都未有於是我就問店員係煮緊定係落漏咗單，我已經等咗20分鐘店員話冇可能20分鐘都未有，之後我叫佢睇吓張單後來佢就望一望張單好大聲咁樣同廚房講:「16號嗰張枱整好未，人哋要食，」廚房唔知講咗啲乜嘢，佢就回覆:「啲肉唔使整咁熟，人哋吹緊。」之後我聽到好唔舒服，點解豬肉餃子唔需要全熟？而家我食嘅係粟米豬肉餃子唔係粟米豬肉沙門市餃子喎隨即我就去收銀枱同佢講我要埋單，未上嘅菜幫我取消佢話廚房嗰邊即將做好，叫我等一等我就企咗喺收銀處要埋單冇人理我最後我放低咗$30，俾咗$28薏米水嘅錢，自行離開嘢食好食都冇用，態度真係好差點解一間舖頭？可以當住客人面前講出俾客人既豬肉唔需要煮太熟

因為朋友太鐘意食餃子，餃掂喱間餃子店我都食左幾次啦，今次去左灣仔分店。至尊松茸豬肉餃呢款餃子絕對係亮點，松茸嘅香氣配合豬肉，味道非常濃郁。餃子皮薄而彈牙，餡料豐富。大白菜豬肉餃喱款餃子就比較適合喜歡清淡口味嘅朋友，大白菜味道同豬肉就一定夾，好食。雲耳椰菜豬肉餃雲耳嘅脆脆口感為呢道餃子增添咗特別嘅層次，椰菜嘅香甜味道令整體味道更均衡，一啖接一啖咁食唔停。蜂蜜檸檬薏米蜂蜜嘅甜味同檸檬嘅酸味結合消暑又解渴，薏米仲增添咗口感。豆漿豆漿搭配餃子好合適，都推薦大家叫豆漿飲。

呢間舖頭真係好差，啲侍應又冇禮貌，行入去一陣味，又唔會俾碟你哋，得個核突豉油碟喺度。唔係親戚話想去呢間野到食真係唔會留意有啲咁嘅舖啲座位又窄，燈光又暗，餐具又污糟，枱面黐立立。嗰位親戚叫一個阿嬸落單，發現佢態度黑口黑面好似撩交嗌咁。鋪面冇乜嘢顧客但等咗十幾分鐘啲侍應都唔攞杯水過嚟。我出去攞水嘅時候佢就喝令我返埋位，我就好唔客氣話返佢轉頭「坐咗咁耐你唔俾水我地咪以為喺呢度好似其他餐廳咁要顧客自己斟水，我依家問返你點解重唔快啲攞水俾我哋？答我啦」咁佢先至好晦氣話「得啦依家比水你囉」我見到親戚嗰碗水餃賣相真係差，我睇啲湯底覺得唔慌好食得去邊。問佢好唔好食佢就話一般啦，老婆叫嗰啲煎餃非常燶，啲皮又硬，食落去冇乜嘢味道。重差過我喺屋企自己煎嗰啲雪藏餃子。總之我就唔會再去呢間舖頭

灣仔修頓球場斜對面地舖簡潔門面但內有驚喜全店以木制裝修及木桌椅落地大玻璃睇到入邊座滿晒人晚市時間要排隊必定有過人之處坐落唔逼仲夠光猛 唔會感覺太老舊枱面仲有好多特色醬汁味道過人特別係菜脯豆豉醬及四川麻辣醬按自已口味調配特別過癮龍鳳松茸煎餃 大份$147/12隻黑白松茸各味道6隻 一上台勁濃黑松露油香兩邊煎至金黃焦脆 中間飽滿膨脹餡料鮮嫩多汁 咬落去湯汁噴晒出嚟唔想辣親咀咀一定要由邊開始食雖然價格稍高但味道的確高斑值得一試雲耳椰菜豬肉湯餃 配狀元九鼎湯 $46豬肉餡滑嫩不膩 雲耳爽脆椰菜軟滑夠甜肉既份量比起坊間餃子更為飽滿湯底清而微甜 唔會過多調味帶偏餃子味道湯餃相比煎餃唔使沾醬油都好夠味雖然7隻好似不多但尺寸偏大反而夠飽黃金皮蛋 $30比起平時既皮蛋小食更為特別鴨蛋既咸蛋黃加上透明既蛋皮無論香氣或入口都有驚喜半溶既咸蛋黃加上微辣醬汁幾頂癮蜂蜜檸檬薏米水 $20大粒又飽滿既薏米好有咬口蜂蜜檸檬酸酸甜甜開胃又下火

店員服務態度很差， 堂食點餐叫幾次都唔想理，但當時用餐是下午5點，客人唔多，最後 有人甚至要行出去佢度落單先理你。店舖廣告推薦湯水靚， 叫了一個湯和麵試，湯溝水完全無味， 麵太多味精， 食完叫店員比杯水， 點知店員用好差的態度話每人限1杯水， 然後就走左去， 我去過其他分店都絕對無話每人限1杯水，個職員連加水都懶

今日去咗間叫“餃掂”嘅餐廳，呢間餐廳外觀普普通通，就係一間好街坊嘅食肆，唔會好搶眼，但勝在易搵。入到去，環境算乾淨企理，裝修走嘅係簡約路線，牆上掛住啲青花瓷碟做裝飾，有啲中式風味。我叫咗碗元貝豬肉餃（中碗），要$51蚊，講真，價錢喺一般嘅餃子鋪嚟講，算係偏貴。餃子上嚟時，賣相唔錯，個湯底呈金黃色，好似落咗唔少香料，餃子皮算薄，咬落去，元貝同豬肉嘅味道混合得唔錯，鮮味十足。同平時喺日本餐廳食嘅餃子相比，呢度嘅餃子更有中式嘅濃郁風味，日本餃子好多時會更注重個皮嘅口感同清淡嘅味道。不過呢間餐廳都有小缺點，好似個辣椒油，雖然聞落好香，但食落辣度唔夠，有啲唔過癮。同之前去過嘅一間北方餃子館相比，呢度嘅餃子品種冇咁多，選擇略顯單一。其實，餃子呢樣嘢，對我哋香港人嚟講，真係好有親切感。細個嗰陣，屋企人過年過節都會包餃子，一家人圍埋一齊包，有講有笑。出街食餃子，就好似搵返嗰種家嘅味道，雖然呢間“天下第一餃”唔算十全十美，但都算勾起我好多童年回憶，希望佢哋可以再改進下，做得更好啦。

環境超細枱太迫，服務態度差，所以外賣，等外賣會給服務員罵阻住，又冇地方給人等外賣，門口等的話服務員又不會拿出來！已經等得耐又要漏單，勁差！外賣回去又不好食，灣仔店下次不會再去！

日本龍鳳蛋配黑白松露醬呢個日本龍鳳蛋真係好有創意，蛋黃滑溜，配上黑白松露醬，味道好豐富，松露嘅香氣令整道菜更加高級🩷每一口都令人想再食多一口，真係唔錯！😳龍鳳松茸煎餃呢個龍鳳松茸煎餃外脆內軟，松茸嘅香味好濃，餃子皮薄透，咬落去有種滿足感🙂‍↕️搭配醬油，味道更加升華，係一個好開胃嘅小食！🙌🏻🙌🏻雲耳椰菜豬肉餃雲耳椰菜豬肉餃帶有一點清新的口感，雲耳嘅脆口同豬肉嘅鮮味相輔相成，椰菜更添爽口感👍🏻👍🏻蜂蜜檸檬薏米水呢杯蜂蜜檸檬薏米水真係消暑又健康，酸酸甜甜☺️整體嚟講，呢幾道菜式都好有特色，味道搭配得宜，值得一試！👏🏻👏🏻

餃掂個名改得好，就係因為呢個名吸引我去試吓呢間餃子專門店。平日lunch hour餐廳座無虛席，仲有唔少人等緊外賣添。餐廳主打手工餃子同雲吞，全部嘅餡料都係自家製，每日新鮮包，重點係款式都唔少，每款都有湯餃同煎餃揀。🥟 至尊松茸豬肉餃 （煎餃）餐廳推介嘅味道之一，首先餃子嘅皮真係好薄，餡料超級豐富，每一啖都食到松茸嘅味道，豬肉都醃得好入味。餃子煎到金黃色，個皮好脆，鍾意食松茸嘅朋友一定要試吓！🥟 大白菜豬肉餃 （湯餃）湯餃跟狀元九鼎湯，要讚吓個湯，真係一啲味精都冇，飲得出煲得好入味，而且仲可以提升免疫力，同養顏保健添😍白菜同豬肉都係我鍾意食嘅餡料，mix埋一齊口感好豐富，一啖湯一啖餃子，一份10隻絕對夠飽肚。🍽️ 麻辣松花皮蛋皮蛋配上自家製嘅麻辣汁，冇得頂！🧃 蜂蜜檸檬薏米水酸酸甜甜得嚟非常解渴，又健康。餃掂手工餃子雲吞專門店 📍灣仔莊士敦道44號地舖

位於灣仔的「餃掂手工餃子雲吞專門店」是一家以手工餃子和雲吞而聞名的小店，每天新鮮自家包製，食材新鮮🤤餃子控推介龍鳳松茸雙煎餃（黑白松露）$98/8隻，煎得好香脆，啖啖濃郁黑松露和白松露的雙重美味😆雙拼湯餃: 粟米豬肉餃和芹菜豬肉餃$55/7隻，搭配狀元九鼎湯，帶來雙重口感😋爽甜好味🥟🥟這裡的狀元九鼎湯是一大亮點，無味精添加，湯頭清澈鮮美🥣上湯松茸菜心（$35）和麻辣松花皮蛋（$26）配菜都很不錯😍飲品方面，自家製山楂雪梨水（$20）和蜂蜜檸檬薏米水（$20）不僅解渴，還能清新口感!!

蜜餞雞翼用蜜餞醬汁醃製，外層帶有甜甜嘅蜜糖香，仲滲透到雞肉入面，入面嘅肉質保持嫩滑，每啖都充滿肉汁。呢個份量幾足，啱晒一班人一齊分享。🍯韭菜豬肉餃湯餃簡單但味道豐富，韭菜嘅香味同豬肉嘅鮮甜互相襯托，餡料充足，餃皮薄而彈牙，啱啱好可以包住豐滿嘅餡。湯底清甜，有啲似簡單嘅高湯，幫助提鮮又唔會搶走餃子嘅味道，每啖湯都感受到餃子帶出嚟嘅香氣，非常舒服。🥟至於香煎軟心芝士餃呢個煎餃真係不得了，煎到金黃嘅餃子外皮帶有微脆嘅口感，咬開之後會有芝士流出嚟，嗰種濃郁嘅芝士香真係令人垂涎。餡料裏面仲有少少菜嘅甜味，搭配芝士嘅鹹香，味道平衡得幾好，每一啖都令人好滿足，煎得香口之餘亦唔會太油膩。🧀壽喜燒牛肉餃湯餃呢個係比較特別嘅組合，牛肉餡入面有濃郁嘅壽喜燒醬汁味道，食落帶有啲日式風味。湯底同樣係清湯，但因為牛肉嘅醃汁，令到湯變得更加豐富有層次。餃子嘅餡料夠多，牛肉煮得嫩滑而且吸滿壽喜燒汁，每啖都充滿肉香同甜味。🍜最後試咗自家制山楂雪梨水，呢個飲品真係幾解渴。山楂嘅酸味同雪梨嘅清甜融合得好自然，飲落有種天然果香味，仲有少少去膩嘅效果，感覺好清新。🍐

都有一段時間無食過餃掂喇～ 鍾意佢哋個狀元九鼎湯，最啱依家呢啲秋涼天氣，配埋湯餃食，暖一暖。龍鳳松茸雙煎餃 (8隻) $98望過menu介紹，龍鳳松茸即係黑松茸丶白松茸，我哋揀咗煎餃，即點即煎，賣相吸引，熱辣辣，香脆可口，兩款比較，白松茸味道較濃。元貝豬肉餃 (7隻) $51有種鹹香元貝味，少少芹菜味，肉質鮮嫩，大大隻，夠飽肚黃金原味皮蛋 $30回味手拍青瓜 $26個名好貼切，青瓜夠爽脆，酸辣調味得宜，食過會覺得回味。山楂雪梨水 $20 /杯 山楂雪梨水 $28 /支舒喉清潤飲品，支裝仲方便帶返公司慢慢飲