餃掂手工餃子雲吞專門店

營業中

休息中

疫情下實在太耐冇出去食野今晚想食下街外野禁堂食嘅情況下 只可以買外賣收工經過餃掂 之前食過2次 質素都非常好決定買煎餃子返屋企食落完order等左一陣就攞得即叫即整 攞到嘅時候仲係熱辣辣嘅叫左壽喜燒牛肉餃$75對於肉食獸黎講 每餐有肉係必須的外皮煎得香脆食落去啖啖都係肉裡面仲加左洋蔥 提高左香味而且仲好juicy 一啲都唔會乾 like!至尊松茸豬肉餃配狀元九鼎湯$119呢款每次黎都會叫餃子松茸味香濃 狀元九鼎湯係粉葛鯪魚湯飲落甜得黎好滋潤另外見小食都好抵食，叫左2款麻辣松花皮蛋$25身為皮蛋既忠實fans 呢款皮蛋完全冇得輸大大件皮蛋 麻辣度剛剛好 屋企人唔食辣都食到野味酸辣雲耳$25雲耳非常爽口 呢個較皮蛋辣少少最後飲埋自家製山渣雪梨水$28超級大樽飲落清甜解渴非常滿足既一餐！餃掂真係可以不斷encore！

連續打左幾日邊爐，今晚心血來潮想食餃子，一諗起就係諗起餃掂。呢間手工餃子專門店都幾出名，之前係灣仔返工，都經常去食。不過晏晝食飯時間唔多，經常都係叫湯餃，因為煎餃即叫即煎，都等得比較耐。今晚就叫外賣返屋企慢慢嘆，所以一定必點煎餃，慢慢等都唔怕。呢度最出名就係松茸餃，所以我必點龍鳳松茸雙煎餃。龍鳳松茸雙煎餃餃子分別有白松茸同黑松茸。整個餡料令到裏面的豬肉有非常香濃的松露香味，感覺清新。黑松露都用上好多，在餃子皮下都見到黑色的松茸透出黎。餃子皮薄餡多，豬肉餡調味得啱啱好，松茸味同豬肉的鮮甜做得平衡！有部份煎餃更煎雙面，更加香脆可口！壽喜燒牛肉餃餡料用上新鮮牛肉製成，有牛香！壽喜燒汁味道濃郁，所以整到餃子不用任何醬汁已經很好食！餃子帶有蔥粒，洋蔥等，所以多點爽脆的口感。壽喜燒味道讓人回想日式餃子的感覺。元貝豬肉餃配狀元九鼎湯元貝豬肉餃比較清甜，餡料亦見到一絲絲的元貝。餃子皮好滑，湯餃更配上他們特色的狀元九鼎湯，味道好夾。豬肉餃更帶點香芹粒，好好食！四川涼麵份量都唔少，四川涼麵麵質彈牙，帶有小辣，用上蔥粒，花生粒，四川辣椒醬同醋等拌在一起，非常惹味！四川粉皮粉皮滑溜無比，味道酸酸甜甜，再配上芝

8只龍鳳松茸雙灼餃跟壯元九鼎湯，4隻白松茸灼餃、4隻黑松茸灼餃、壯元九鼎湯，白松餃子皮層口感煙韌，白松茸份量多，味道溫和、香口，黑松茸灼餃味道獨特、濃香；壯元九鼎湯，無味精，採用粉葛、順德活鯪魚、香山活鰂魚、紅蘿蔔、扁豆、赤小豆、新會陳皮、蜜棗、鮮排骨，飲落味道鮮甜。煎餃子大碗10只香煎軟心芝士餃，好足料，餃子皮層口感香脆，味道帶有焦香，內有大量芝士、粟米，芝士味道咸香，拉絲效突出，粟米味道香甜。煎餃子中碗7只雲耳椰菜豬肉餃，皮薄餡多，雲耳口感爽口，椰菜口感爽脆、多汁。大碗18只中辣重慶鮮肉雲吞，表面鋪滿芫荽，一口一只，雲吞皮層口感滑溜、薄身，豬肉肉味濃郁，食落好入味，味道多麻少辣。冷自家製山楂雪梨水，採用山楂片、雪梨、甘草、冰糖、麥芽、水製作，味道清甜帶酸，飲落好清爽。醬料，包括有四川麻辣醬、菜甫豆豉、陳醋、醬油。

這間店剛開店超多人排隊，所以一直都無機會試剛好經過灣仔影燈飾，所以就試試看出名松茸餃子，那就點了一份至尊松茸豬肉餃子，跟狀元9鼎湯另外點了一份莞茜豬肉餃子湯上首先莞茜餃子，莞茜香口搭上豬肉更發輝出味道，食落去清爽鮮香，但又不會勁重莞茜味，兩者配搭非常好，如果唔太食莞茜應該都接受到松茸餃子比較清淡，所以也配上了松茸醬，松茸醬味道有點似XO醬，但又無XO醬咁濃，不過點了醬也沒有什麼驚喜。。。。兩種餃子都無點醬汁試過，還是莞茜比較優勝餃子皮都算不錯，肉質都ok9鼎湯，就是一個沒有味精，但只有粉葛味既清湯😂麻辣松花皮蛋，D皮蛋比其它店食到既靚些，但味道沒咩特別全店本人最欣賞就係那個醬汁，係唔洗錢點既汁😅，菜脯豆豉醬，因為其它店有這種醬都麻麻地，但這個醬真係👍👍，咁緊係唔係超正，但都ok因為本人唔多食豆豉同菜脯，因為太重口味，而且醃製品，都有分優劣，所以這醬👍👍總結，好彩當初無排隊，否則食完XYZ😂

呢排長期幫襯呢間餃子🥟店因為好多口味選擇真係食極都唔會厭次次叫take away煎餃店員都超細心會幫個盒剪個開口梳氣我呢d重口味人當然食重口味餃分別係園西煎餃同埋韭菜煎餃皮薄餡靚，菜同肉既比例好平均又唔會用好多見豬肉撈黃金皮蛋～～唔算好辣，係出面少用既黃金皮蛋辣湯小雲吞麵，可以簡要咩辣度同幾多粒雲吞D雲吞細細粒一喺一口剛剛好松茸時蔬，條條都好甜好腍，仲有幾片松茸同杞子雞翼，分三隻同五隻，鍾意偏甜味既人會好鍾意食檸檬薏米水係我每次必點，好溝潤又唔會好甜

灣仔莊士敦道有好多平民又不失美味嘅嘢食，呢間餃掂係香港好多分店，灣仔呢間今次都係第一次食。宜家晚市只有外賣，我就買左呢啲番屋企食。龍鳳松茸雙煎餃 $86，一開蓋已經聞到超強烈嘅松露味，真係不得了！食落都依然重味，味道同傳統餃子豬肉餡都好夾。至尊松茸豬肉湯餃 $73，呢款只有松茸，食落爽口，原來松茸係有好高營養價值架。四川涼皮 $32，點左少辣不過都係幾辣，主要係用辣椒加少量醋撈起，口感就係好軟身嘅薯粉。黃金原味皮蛋$28，個黃仲係流心架！野味酸辣雲耳$25，呢個夠酸，我鍾意！秒速清光。豆漿 $15，係支裝豆漿倒出黎嘅，味道正正常常，無過甜。總體非常好，番到屋企都質素依然。注意外賣每件食物加$1。

雖然唔可以堂食，但係晚餐都係要食嘢。今次選擇咗屋企樓下嘅餃子店外賣自取。呢間都算係新式餃子店中較為老字號，問過好多人原來都有食過！松茸豬肉煎餃配狀元九鼎湯，呢款餃比較特別，定咗一盒有8隻，其他都可以揀7隻或10隻。煎餃雖然外賣，但食落都依然香脆，松茸餃仲可以配埋秘製醬一齊食，味道更昇華！湯水係老火湯，清甜解膩！飲完成碗都唔會覺得口渴。大白菜湯餃，7隻都只係$43，白菜同豬肉嘅比例調配得好好。雲耳椰菜拼芫茜湯餃，雲耳椰菜餃爽口，芫荽餃重口味，芫荽愛好者必食！牛肉壽喜燒煎餃，好有新意，牛肉甜甜地，應該有落少少馬蹄，食落口感唔錯。

灣仔收完工，同fd過來呢邊食晚餐。.🌸龍鳳松茸雙煎餃 $86 （8隻）黑白松茸各有四隻，味道一樣濃郁香醇。建議揀煎餃，會比較香口，好入味。可以唔洗蘸其他配料。.🌸元貝豬肉餃 湯 $62 （10隻）呢度嘅餃子特色係大粒。元貝+豬肉，超足料，兩啖先食得曬。湯好好飲，鹹淡適中。豬肉餃可蘸醬油 辣椒🌶️or 醋食，會比較入味。.🌸蜜餞雞翼 $32 （5隻）甜甜地嘅蜜棗味。雞翼好入味，好淋。.🌸上湯松茸時蔬 $32時蔬上面有幾片松茸～.🌸山楂雪梨水 熱 $20 🌸蜂蜜檸檬薏米 熱 $20

威靈頓街有另一間餃子店，覺得依間餃子走家庭式路線，比較健康，餃子包得飽滿，材料新鮮，味道唔太搶，即做唔會差得去邊，食什麼都是新鮮的好！星期日中午去，遠遠望見有員工包餃子，要幾多客人，上菜快，大部份人唔會留太之，枱之間有膠板隔住。試過枱上面的醬汁，皆自製，味道唔錯。兩個人三款，純食餃子作午餐。至尊松茸豬肉灼餃，組合特別，效果唔錯，配備黑白松露醬，成功提升。狀元湯老火湯，好。龍鳯松茸雙煎餃及壽喜燒牛肉餃，前者松露味道出，同様特別。牛肉餃子裏邊有洋蔥，都夾。價錢合理。

在灣仔，吃水餃的地方選擇都算多，而其中之一的就是這間水餃店，這間店主打湯餃，而當中的狀元九鼎湯更是其招牌。其實之前我已經嚐過，湯的味道如粉葛湯，味道不俗，但唔算太突出，配水餃總覺得有點奇怪， 所以那天我和同事就嘗試其另一款招牌，就是松茸素餃，亦點了莞茜豬肉煎餃和上海淨麵。 松茸素餃比較特別，很少水餃店有這款水餃，而且感覺很養生和健康，亦適合茹素的朋友，松茸是世界上最珍貴的天然野生食用菌，極之稀有，小妹我唔奢望用平民價錢能夠食到真正的野生松茸，相反類近的姬松茸價錢較低， 而且同樣具有豐富的營養價值， 一般都用姬松茸替代，果然口感有點像姬松茸的味道，並帶有一點點黑松露的味道，味道很好。莞茜豬肉煎餃，煎餃煎得不會太燶，但煎餃內沒有湯汁，豬肉餡新鮮美味，莞茜的香突出了豬肉的鮮味，口感比以韮菜或白菜作配料更勝一籌。上海淨麵有很香的莞茜味和開胃的醋味，可惜個人其實並不喜歡吃醋，但感覺還可以接受，如果可以選擇免落醋的上海淨麵會更好。至於價錢方面，如果以水餃麵而言，價錢合理，但如果只點水餃或煎餃則略為偏貴，如果真的想試煎餃或湯餃，可配淨麵，或直接點水餃麵，感覺較為划算。題外話：南陽把餃子叫做「扁食」，

🇭🇰餃掂手工餃子雲吞專門店·呢間我已經食過好多次架啦 佢第一次食好似無好特別咁 但係過一排你又會有啲掛住佢 佢啲餃子真係幾飽滿😌我覺得佢普通啲餃子好味啲 我之前試過佢個松茸餃 貴啲但係我覺得反而無咁好食🤣·雙拼餃子 7隻$47 10隻$58我自己最鍾意就係佢個雲耳椰菜餃 口感同味道都好好🤤🤤白菜都好味 佢個白菜係真係索曬汁 一咬有爆汁既效果😏韭菜同粟米就平時食開個個味啦 不過佢啲粟米一時時 唔係次次食都甜🌽😂·惹味唐芹拌豆筋$32蜜餞雞翼(3隻)$24佢個豆筋幾好食 嗰調味辣得黎好惹味 勁開胃 不過個雞翼就麻麻地 佢個調味甜甜得唔錯既 但係唔知係咪煮得耐左 佢啲肉食落有少少梅🤭·#rbyeat#rby港式#rby灣仔 #rby銅鑼灣 #rby中環 #rby西環 #rby太子·📍灣仔莊士敦道44號地下📍銅鑼灣景隆街19號地舖📍中環威靈頓街55號地下📍西環士美非路12號文光閣地下C號舖📍太子荔枝角道1號嘉業大廈地下E號舖📍太子界限街30號地下

令人一再回頭嘅龍鳳松茸餃～～～我同大舊一向都超愛食餃🥟 一個月幾乎起碼會食4-5次餃 而呢間餃掂 就係我地最常去開餃子店 ～～～我哋兩個都係好專一嘅人 每次黎都係叫幾乎一模一樣嘅嘢以下就係我哋 食左好多次之後配搭出黎嘅最美味指定組合：龍鳳松茸餃配狀元九鼎湯 +四川涼麵+粟米豬肉餃+山楂雪梨水+ 蜜餞雞翼～～～呢個冇得輸嘅配搭 份量啱啱好夠兩個人食 當中龍鳳松茸餃配狀元九鼎湯係我地一致認為最出色嘅食物 一龍🐉一鳳其實就係黑白松露 餃子皮彈牙煙韌 加上濃郁嘅內餡 仲有花生味好重嘅九鼎湯 呢個配搭係餃子行內完全無人諗到 係佢哋獨家嘅 而且味道真係搭得好好～～～除咗松茸餃之外 其他食物都好高質 四川涼麵就最啱配埋山楂雪梨水一齊食 一啖辣嘅麵 一啖解辣嘅雪梨水兩者平衡得啱啱好 食落美味又舒適～～～仲有嘅當然唔少得粟米豬肉餃同蜜餞雞翼啦 我本身就好鍾意食粟米所以呢個粟米豬肉餃都係我次次都叫嘅 而且佢哋都粟米份量俾得好多所以成粒餃好香甜 蜜餞雞翼個味就好似佢個名咁甜甜蜜蜜仲sweet過熱戀中嘅情侶啊！～～～推薦度：🔥🔥🔥🔥🔥🔥🔥🔥🔥🔥餃掂手工餃子雲吞專門店 (灣仔)灣仔莊士敦道44號地下

每次同朋友想食餃子嘅時候都會諗到餃掂，今日我哋又嚟咗灣仔分店食我嘅最愛啦！連朋友都記得我嘅至愛，就係「至尊松茸豬肉餃」(灼餃$73)，好鐘意佢濃烈嘅松茸味再有濃個好香濃嘅狀元九鼎湯，每次嚟到基本上都會叫嚟食！然後就係朋友嘅最愛，「粟米豬肉餃」(煎餃$47)，個人嚟講我最有粟米嘅食物都係普通感覺，所以都唔係話食咗好多啦，不過朋友真係好鐘意，呢個反而係佢每次嚟都要叫。到佢嘅冷盤，呢個基本上都係必叫嘅「四川涼麵」($30)，麵身偏硬，如果可以冧身多小小就會更加好，不過好彩醬料好好味，特別係啲花生味，中和返麵身太硬呢個問題。見佢都有新出多咗「四川涼皮」，呢個都會想試下！佢嘅「麻辣松花皮蛋」($25)都係我必點嘅其中一樣(哈哈好似好多必點添)，本身就好鐘意食皮蛋，每次食四川野只要有人肯share，我都會叫嚟食，而呢度嘅皮蛋麻辣得啱啱好，唔會真係太辣，好啱我呢啲怕辣但又鐘意食麻麻地嘅人。最後就叫咗呢個第一次叫嘅「蔥味酸辣雲耳」($25)，呢個對我嚟講就偏辣咗小小，雖然雲耳好好味，但太辣對我嚟講就食得小小辛苦，要真係食得辣嘅朋友先好叫呀！最後我同朋友各叫咗杯嘢食，就係「自家製雪梨水」($20)，同埋

可能附近返工嘅人真係好多 所以平日嘅中午時間去食都真係好多人 起碼要等返10幾分鐘 平時一個午餐應該都差唔多五十幾至70幾蚊 有包10隻餃子 啲煎餃都幾好食嘅 最鍾意佢個粟米餃

因為lunch食得唔夠飽，放工捉了同事陪吃，同事其實不太餓，決定吃餃子！平時午市這區人山人海，覺得是因為金鐘的上班一族也「跨區」來灣仔這邊食飯，但想不到連放工時間也這樣多人，連店外也有幾個人等外賣！不是第一次幫襯這店，同事甚至是這兒的fans，有時會用外賣app。餃子的種類多，可以選擇香煎或放湯，又可以揀七隻或十隻。雖說是餃子店，但涼拌小食也精彩，我們點了手拍青瓜，入味，青爽！四川涼皮：推介！四川式的調味，配合本身無味的粉皮，同事笑說這好像我們香港的腸粉一般，是靠醬汁來取勝的。龍鳳蛋，其實就是糖心蛋，生熟到控制得好的蛋，加了兩種不同的醬，其實不用醬汁也好吃。然後是主角餃子出場：至尊松茸豬肉餃，我們選擇了放湯吃，湯和餃子分開上，餡料甚多，真的是皮薄餡靚。然後是壽喜燒牛肉煎餃子，以日本壽喜燒醬汁醃過的牛肉來包餃子，可說是中日式的混血兒。始終都是香口食物好吃，超好味！