餃子屋

營業中

休息中

多次幫襯，好多人每次都要排成個鐘才能入座，要去最好揀下午三四點嘅時間他們的水餃份量好足，粒粒大大粒，可選六隻和八隻份量，我食六隻再飲埋碗湯已經好飽，飲湯是必須的，他們的湯底是用花膠豬骨湯，湯底好濃郁，沒加味精真材實料，飲完嘴唇黏黏的好有膠質最喜歡就是雲耳椰菜豬肉餃、粟米香菇豬肉餃（超好食）、咖喱薯仔豬肉餃也不錯，感覺完全像食緊咖喱薯仔感覺好得意！每碗水餃都會配搭小碟自製麻辣菜脯粒，好野味！

好鍾意食餃子，聽聞荃灣既餃子屋係好得。餐廳位置係一個唔起眼既商場但電梯上一層就對到門口正一正，會見到好多人排緊隊堂食或等緊外賣。我地叫左芝士豬肉煎餃同咖哩薯仔豬肉煎餃。餃子真係即叫即煎，大大舊好多料，好好味。餃子唔乾身好juicy，咬落口仲會爆d汁出黎。餃子全部煎到好金黃，果然明不虛傳。我地無叫湯餃但聽到隔離枱話煎餃好味過湯餃😆加左碗米線$12都幾大碗但建議大家盡量食餃子唔好叫米線🤣。會再回頭

黑名單店舖之一好耐無出荃灣，好耐都未試過傳說中嘅餃子屋，所以專登叫一份8隻煎餃外賣。本身都知道要排好耐，所以預留左三四個字等。俾咗錢攞咗號碼牌後，就去附近買飲品。去咗買飲品返嚟，大概10分鐘。當時唔係好多人排隊，所以就問吓整好未。佢就話整緊。咁我都預計到嘅，所以就等多兩個字。過左10分鐘，點知我嘅餃子都未出嚟🤨，所以我就問多次，佢話就得。之後再等多5分鐘，我話冇可能咁耐，問佢有冇整到😒。點知原來整都未整，我嗰時好嬲😡😡🤬，話整唔到嘅話就退款，阿姐毫不猶豫問我幾錢，之後退款俾我，唔好意思都冇講。坦白講，我幾年前食過佢嘅餃子，係好食嘅，不過同太子嗰啲餃子舖差唔多，反而太子嘅仲好食，服務態度又比較好。總結：漏單，但係相比之下，服務態度惡劣更致命，幾好食都咪搞，極不推薦。浪費時間，等了差唔多半小時先話無。我不如去太子食。

難得休息又早，諗住12點前去無死掛！今次仲食你唔到！？點知未夠12點到，已經有人喺門口等！嚇死😨好彩只係等外賣… 店內12點後就開始坐滿，門口仲越來越多人等外賣…入到去叫咗等食，都等咗接近廿分鐘😰 可見外賣都幾多單！叫咗菠菜馬蹄餃，糾結咗好耐食湯定食煎….見隔離個煎餃極度香脆…但又好想試下佢個老火湯…結果都係叫咗湯六隻大大隻，阿姐話淨一隻…好怕食完都未有，佢咁多單…好彩食完前都上咗比我先飲啖湯，真係好好飲！雖然而家越嚟越多類似嘅餃子店，都試唔少…餐牌大同小異都係標榜無味精靚湯。 但有唔少已經越做越差，因為湯越來越稀同淡味…而餃子屋人氣咁勁，食客每日都爆滿，但湯味依然非常濃厚！一啖已飲出有魚，淮山，同粉葛味，唔洗撩湯渣已經飲到味道！好鮮好甜 餃子同樣大大隻，但餃子就有啲包唔實，好彩肉都唔錯，唔會散開晒。餃子皮亦係餃子靈魂，相比入面啲料，餃子皮更重要個人就鍾意食手功皮，雖然厚但食落有種親密感同多一份咬口呢度雖唔係手功皮，但皮好滑！而且厚薄適中，唔會話有啲位咬落特別厚…可能亦因為佢個餃子無摺… 呢樣真係又愛又恨…餃子無咗摺，又好似差緊啲…但好多舖頭都會因為皮太厚，摺口位咬落一堆皮，影響咗…呢

平時去都係食湯餃，今日有人陪去，咁就每人叫咗一碗湯餃，同時未試過煎鉸，咁咪叫多6隻煎餃試吓，平時見人煎餃係會跟碗細湯，點知阿姐冇比我哋，咁咪問店員阿姐個煎餃係咪有碗細湯跟，點知阿姐答得勁攪笑，佢話👉🏻見你哋都已經有叫湯餃，驚我哋食唔晒，所以冇比你哋！我即時O咗咀，錢又唔見佢哋會收少，而我又冇話唔要個湯，食物錢就我比足，但個店員就自把自為，唔比個湯我，呢個店員真係大Q晒，仲幫個食客話埋事！真係離晒譜😡😡😡！店面開始多番啲人流，d店員就亂咁嚟！

終於等到喇！第一次食叫左三拼同四拼，可以試多幾款味，好有驚喜！餃子皮煙Un 有口感仲食到小麥味，全部口味都好足料，有好多粟米 菇 紫菜 木耳 增加口感 ，仲食到陣陣玫瑰酒香，不論味度同口感都好豐富，個湯好濃稠，一人食8隻都唔會好漏。

仲記得第一次食餃子屋嘅湯餃時，有種驚為天人嘅誇張感覺，因為真係好好食！特別個魚膠淮山豬骨湯底好出色！雖然唔係住個區，但都食左不下10次，大部份時間都係揀傳統餃子，例如韭菜豬肉餃、雲耳白菜豬肉餃。而煎餃都食過芝士豬肉，味道濃郁。😋

餃子屋位於荃昌商場，商場人流不算旺，但唯獨是這間舖無論什麼時候都企滿人，總是很多人在等位入去堂食，亦有不少人等外賣。這小店的舖位不算很大，座位比較迫，環境不算很舒服。但是，它最吸引食客的一定是食物的質素。餃子是其中一樣我最愛吃的食物，吃過這間店的餃子都不用再吃其他的了。餃子屋的餃子有多種餡料可供選擇，而且價錢合理，$38-$52，可選6/8隻，如果想試多幾隻味，還可以選擇雙拼，不用加錢。食客可以選擇湯餃或煎餃，隻隻都拳頭咁大，加$8仲可以加淮山麵，包你食到飽飽。而且餃子和湯底用料絕不馬虎，用料十足。湯底是魚膠淮山煲豬骨湯， 好彩仲會有粟米和紅蘿蔔湯料，味道濃郁，超級好飲。今次叫了雲耳白菜豬肉拼菠菜馬蹄豬肉湯餃，和粟米香菇豬肉拼京蔥羊肉煎餃，加淮山麵，配特製香辣菜脯，十分美味。餃子屋的餃子絕對值得一試，而且令人一試回味！🥟😋

今日同女朋友終於出下街食飯，專登走左黎荃灣食餃子。叫左2碗湯餃，1個煎餃，1個涼拌萵筍。餃子味道都還可以，味道偏淡，好大隻。湯都清甜，聲稱冇味精，不過應該唔係完全冇。問題就出係個筍度啦，涼拌萵筍係口水汁。味道好插，完全冇曬萵筍味。不過都唔係重點 食完餃子返屋，返咗屋企就同女朋友開始出現肚屙情況。回想番應該淨係得萵筍有一齊食過，懷疑呢個萵筍放左好耐，攪到出事。絕對冇下次。大家都醒目唔好挑戰啲涼拌野😭

成日經過這間餃子店，見店舖細小又坐得幾迫，但都超多人排隊，好奇心驅使我都試試。店舖餃子款式非常多，有分煎餃和湯餃，跟配魚膠淮山豬骨湯或重慶湯底。我今次選擇了粟米香菇豬肉煎餃，配魚膠淮山豬骨湯。一碟六隻煎餃超大隻！外層非常香脆，裏面餡料超多，肉都醃得入味，超多汁。魚膠淮山豬骨湯我加了上海麵底（$8），豬骨湯底真材實料，味道非常濃郁，而且好有膠質仲有吸收了湯精華的紅蘿蔔，麵條亦都非常入味。

呢間餃子店已經食過好幾次，次次都好多人排隊！但最近疫情嚴重咗，lunch hour都冇乜人排隊，等咗大概10-15分鐘就入得😆我同男朋友每人嗌咗6隻煎餃+1碗麵+1枝豆漿+(仲會送一碗湯)，兩個人食已經好夠飽～而我地兩個都只覺得佢嘅煎餃比湯餃好食🤣(可能我地都鐘意食煎炸熱氣嘢～想特別推介11號紫菜豬肉煎餃🥟✨✔️皮薄+脆口！✔️食得出有紫菜嘅香味，好特別！✔️好Juicy！！食每一啖都有汁！‼️一定要記得配埋佢嘅香辣菜脯！！加埋一齊食甜甜地辣辣地，食起上嚟都冇咁油膩‼️

本來想到附近睇跌打，到來才食閉門羹，肚子餓了，見此店小小，卻高朋滿座，試一下無妨。最後點了個傳統四拼。首先湯底係ok嘅，有件粟米甘荀，話有花膠煲，當然食就食唔到，個湯都唔見得有花膠煲過嘅質感同味道，但豬骨就落得足嘅。四款餃子，老實講都係調好咗個肉餡，再加其他料落去，所以其實唔洗揀呢個雜錦架啦。肉餡都算調得好，唔鞋有汁，皮薄餡足，整體都算高分。菜甫要問先俾，一茶匙咁多，稍見孤寒。整體而言，性價比算高，當然唔好坐又無服務架啦，難怪咁多人外賣。

專程到荃灣為左品嚐聞名已久的餃子店, 一去到已經見到門口排滿人等位, 等了最少二十分鐘後先有位. 湯餃同煎餃各有特式, 所以叫哂兩種食法試下分別. 湯餃白菜豬肉併紫菜豬肉餃, 水餃大大舊頗有份量, 咬落去肉汁鮮甜, 白菜同紫菜味都好食, 配埋魚膠湯底夠濃好好飲. 煎餃就栗米豬肉併菠菜豬肉餃, 餃子皮煎得都好香口, 如果鍾意食有咬口的栗林豬肉餃會係不錯的選擇, 叫煎餃同樣會附上魚膠例湯一碗, 所以唔會食到口乾. 我覺得因為餃子皮相對較厚, 湯餃更能食到餃子餡的味道而咬落又會軟身啲, 所以我比較喜歡湯餃.

🔖餃子專門店🥟呢間餃子店真係任何時間都排緊隊😅平日8點幾去食都等左兩張枱。大大隻既餃子依家周街都係，呢間都係大大隻唔例外🤩如果叫湯餃湯底係老火湯，見好多人都係成碗飲哂！都真係幾好味！佢d香新菜脯好好食，勁香口，辣辣地，細細粒咁食好過癮。🍽芝士豬肉煎餃 $40/6隻熱辣辣煎起，一上枱都唔敢食住😅 咁大隻餃黎講佢既皮其實係好薄，仲煎得好脆！一咬落去好多肉汁！！淡淡既芝士香味加上啖啖肉，好juicy!! 入面仲有d椰菜，增加左口感！煎餃黎講略嫌多左少少油。🍽粟米香菇豬肉湯餃 $50/8隻粟米香菇豬肉3樣材料都好足料，又係隻隻咁大！始終湯餃無落油，食多幾隻都無咁膩🤣💡呢間係我暫時最鐘意既餃子🥟😆😋食物：️8.5/10🤵🏽‍♂️服務：8/10🍴環境：7/10💰人均消費：$50🤩性價比：9/10

🍴荃灣餃子屋次次經開都有好多人圍住等，不論等位定第外賣🥟 週末午膳時間等位大概15-20分鐘左右。餃子出名大粒同足料，而且湯底係老火湯，魚膠淮山豬骨湯。飲落鮮甜，魚膠味突出。叫咗兩款餃子，都係湯餃。🍽香茜馬蹄豬肉餃咬落去充滿芫茜，芫茜控一定要試下，馬蹄好麥口，令餃子口咸豐富。🍽粟米香菇豬肉餃個人認為呢個口味比香茜馬蹄豬肉餃好食，比起芫茜，呢隻餃淡味啲，易入口。加上特製辣菜脯，令餃子變得惹味。PS. 我地今次係叫左8粒湯餃，食到第6粒已經有飽肚感了，食埋第8粒簡直飽到上心口🤣所以6粒係剛剛好。