餃子屋

營業中

休息中

平日已經好早6點半未到，都要排隊等然後坐底order 完又要再等，至少等左15分鐘聽隔離台order 似乎煎餃又再等耐d由我拎飛到有野食，等左40分鐘咖哩薯仔豬肉餃d餃真係好好好大舊，皮都幾滑又有少少韌性，厚度適中呢個味幾特別，咖哩味好濃郁，好似食炸咖哩包既味，但都幾辣入面仲有d 菜，薯仔存在感好低，為左薯仔食既話就算喇粟米香菇豬肉餃呢個好食！佢餡料都有濃厚調味，但又唔會過咸香菇唔係碎到一細粒一細粒，仲食到好出既香菇加埋粟米爽爽地口感好好另外+$8加左米線米線就冇乜特別，個湯好清甜，就咁飲都唔錯，不過配米線就清左少少一睇連續幾個post 都劣評，特別係態度劣但係我今日體驗還好喎，阿姐們就一定唔係賓至如歸既服務架喇，普通正正常常，又冇特別惡好想再去試下煎餃，但又唔想再等🥲

D呀姐態度極差！十問九唔應！已經係夜晚8:30，門口完全無人等位，又唔見有人企喺到，都要等30分鐘先有得拎外賣！仲要d外賣擺晒係枱又唔會叫號，咁呀姐你俾個號碼牌我做咩？仲要唔俾醬料我，叫我自己行去水吧拎！？！食餃子點解會唔俾醬？！隔離個女人都投訴話頭先買個外賣5碗餃子麵點解得一個醬！？個呀姐話「咁俾返你囉！」就算幾好食下次都唔會再食！D呀姐態度長期唔休做咁款！好似我欠佢咁！一定無下次！唔明點解長期咁多人食！甜記好食過佢啦！

每個餃子巨大，咬起來感覺整個餃子很硬。裡面的餡不像煮的像炒的，香菇木耳雞肉餃子，特別多生薑🫚，又辣，整個餡又鹹，還放了很多豉油超級紅色就像紅燒雞肉切碎用餃子皮包起來，整道菜像任何紅燒雞肉唯獨和餃子沒有關係菠菜餃子好油。。怎麼能把清淡的食物做的這麼重口味又鹹又油 比炒菜還油我吃過東北餃子 日本餃子 韓國餃子 尼泊爾餃子都是餃子，你想像中水煮or煎餃淡淡的鹹味 有肉和菜的鮮味。但是這家的「餃子」和餃子沒有任何關係吃了一個 全都拎走了 為了不會浪費

終於有機會黎出名大粒好食既餃子屋，當日係平日夜晚6點已經座無虛席咁滯，得番兩張細枱。叫左三式煎餃（$60），由落單到上菜等左30分鐘。煎餃有幾隻煎到燶哂，近乎炸好油膩。紫菜煎餃個肉餡色水好深、係醬油/調味落得太重手嗰隻味，唔好食。香辣個味好普通。得芝士煎餃味道ok，個肉餡個味道相對正常，肉同芝士比例落得剛剛好，食到芝士半溶唔錯。菜脯都係好普通既味道，而個老火湯係幾濃。整體味道一般，服務質素都唔得，店員就咁企喺度，見到客都唔會招呼入座，想落單都等左一陣，另外一路食都聽到有人怨出錯單。

見好多人排隊 所以試下 等咗好耐 見skip咗我飛 咪去問下 態度極差 「等等啦」 「咁你想點呀」 「人哋先呀嘛」 明明人哋排正喺我後面問佢攞籌😂 個收銀係唔服輸 死要串 打橫嚟講 係欺善怕惡嘅 有個男人問一問佢 佢都冇咁差態度 可能見我後生好恰掛 收錢就收得快😂 同埋比錯餃 問我 「咁你食唔食呀 」大佬而我錯定你錯😂 做錯嘢仲惡過人 你態度好啲我都體諒你多客 忙會出錯 成個香港大把食餃子 唔好花錢買難受 味道正正常常 係大粒囉 要等好耐 冇咩咁特別 唔會再食 垃圾

食過兩次除左大件夾抵食之外，無其他正面評價皮好厚，餡唔靚，得個咸字三式煎餃3隻味食落味道差唔多，無乜分別，因為咸辣菜甫都唔覺得好食不過真係好多人食，做到無停手咁但我唔會再食🤭

第一次食呢間， 因為依度啲人個個都話好食， 可能自己食過太子豐順餃子和搞掂餃子， 呢一間真係麻麻， 皮太厚， 所以大嚿，肉唔太新鮮， 叫了三隻款嘅餃子， 味道竟然差唔多， 唯一覺得佢個湯底叫唔錯， 如果大家食過太子嗰兩間， 你哋就唔會覺得呢間好食

呢間餃子店我講到朋友都以為我食過好多次😂！！ 因為我今次只係第二次到訪！！ 但係佢個湯同餃子實在好食到我好想好想再去食！！但係因為實在太遠！！ 唔可以成日食🥲🥲 嗰日做節要去荃灣親戚既屋企，所以一定一定要黎食！！我地已經專登避開食飯時間...兩點幾先到諗住冇咁多人... 一黎到真係嚇親... 唔知要等到幾點先有得食呢😂😂 好彩有姐姐問有冇人坐出面，我地即刻舉手，只係等左幾個字就有得食喇！原來出面係食店後既冷巷！環境麻麻，不過反而空氣流通過入面！是但啦！總之有得食啦！我地叫左四拼湯餃同埋粟米三色椒豬肉煎餃。四拼湯餃應該等左10分鐘就有得食喇！粒粒都超大粒！！個湯依然係咁香甜濃郁😋😋超肚餓既我地即刻大啖大啖飲左d湯先！！ 餃子餡好多汁！味道剛好，唔會太咸！我地差唔多食晒個湯餃，個煎餃都未到... 問一問姐姐，佢話煎餃排晒隊，係要等嫁喇🥲最後落單前後差唔多半個鐘先送到！如果真係好肚餓唔等得，大家要慎重考慮😂 我就係煎餃配上海麵(+HKD $8)。6粒煎餃。煎得好香口！！ 粟米配三色椒呢個配搭好似冇乜地方有！味道好有驚喜！！ 有三色椒既香甜豐富左成個餡既味道！！由於D餃子實在太大粒，我叫左個上

荃灣呢間餃子屋無論咩時候去都係咁多人排隊，就係因為呢到嘅食物份份都大件夾抵食～除咗湯底同埋餃子都好優秀之外，呢到堂食仲會提供一小碟自家製菜圃，自家製菜圃無論係用來撈煎餃定係湯餃，都係咁惹味啊～雲耳白菜豬肉湯餃 (8隻)💰HK$46每隻餃子都大大粒，白菜同埋豬肉個比例啱啱好，再加上雲耳令到成個餃子嘅口感更加豐富！再飲埋呢到主打嘅無味精足料老火湯湯底，真係每次都會見到有埋湯料，次次都會忍唔住飲晒成碗湯～皮蛋豆腐💰HK$28都係大大碟，涼拌汁再加肉鬆、皮蛋同埋豆腐，撈埋一齊食，整體味道都唔錯，幾惹味～

餃子屋係我暫時香港餃子店嘅榜首☺️☺️☺️繁忙時間去點都要等位，但去留好快，所以唔洗等好耐；但有心理預備係坐得有d逼😬<韭菜豬肉湯餃> $42/6隻 $48/8隻<蒜芯豬肉湯餃> $42/6隻 $48/8隻<京蔥羊肉煎餃> $50/6隻 $60/8隻<芝士豬肉煎餃> $48/6隻 $56/8隻佢提供湯餃同煎餃，餃子選擇好多，有傳統、有新式。餃子屋賣點1️⃣: 無味精鮮甜魚湯湯餃湯底(煎餃堂食都附送湯)係無味精嘅魚膠淮山煲豬骨老火湯，奶白色，飲落係好濃嘅魚湯，鮮甜滋補，同餃子好夾。飲得出店家好用心去整湯底👍。一啖餃子，一啖湯，正👍，冬天食，加倍嘅正👍👍餃子屋賣點2️⃣: 餃子極大隻足料每隻餃子熱辣辣上，都係非常非常非常大隻足料，餡料調味都剛剛好，好多汁好juciy🤤；餃皮厚度適中，唔會好厚，亦唔會薄到好易散。因為好大隻，餃子size係平常嘅一倍，女士通常食6隻就夠😅；但都睇個人喜好，我有朋友係不喜歡餃子屋嘅餃子太大🤢，不能一口食完，佢形容像肉餅……(我不同意呀😤)餃子屋賣點3️⃣: 特製辣菜脯另送特製辣菜脯，同餃子一齊食，菜脯惹味好食，又不會

餃子控又出動今次嚟到荃灣搵食，梗係要搵間大家都讚架啦。今日點左：煎韭菜豬肉餃子 + 凍低糖豆漿煎韭菜豬肉餃子 x 8隻 ： 盛惠$48送辣菜脯+老火湯一碗平時好貪心，一定係一份湯餃一份煎餃咁叫好彩又係嚟睇左食評先…無各叫6隻😂今日壓後午膳時間打算唔駛等位/同人迫…結果 差唔多3點去到，仍要等位好彩等左5分鐘左右已經可以入座韭菜豬肉餃子 ：堅係大大隻，食8隻 飽到上心口係好味嘅，新鮮煎好，熱辣辣，勁多韭菜，內餡仲好多汁食第一舊冇為意，咬開爆汁，啲汁仲流到台面，部電話都遭殃了😣辣菜脯：因為唔係好食得辣…所以冇挑戰老火湯：好味，飲完冇口乾，仲有舊粟米添凍低糖豆漿 ： 盛惠$9樽裝嘢，冇咩特別（唔知有得揀白豆漿 / 黑豆漿，搞到落單時，姐姐突然問左句白定黑，搞到我窒左一窒😂）總括嚟講，餃子唔錯，有機會可以再嚟試其他口味/試吓湯餃。可能因為食客不斷，店員姐姐好忙，都做到冇晒表情了😂😂😂

老實講，真係好中意食呢間店既餃子，今日收工滿懷期待再次黎食餃子，叫左1+3 八隻湯餃，一如以往都係要等等等，等到搭台果d 餃子黎左我果碗都未到，但呢d 都預左，終於到我果晚黎左，當然要手機食先，但當夾起第一隻就發覺唔對路，細隻左好多，食曬8 隻竟然都唔覺得飽，平時8 隻係飽到上心口，食完埋單走人，睇返張相，先發覺我第一次見到8 隻餃子同時浮上面，以前大大隻係會逼爆，硬有一兩隻係底，會摷下個底睇有冇俾漏，今次餃子邊明顯多左好多，有d 失望，除左中意佢好食，就係中意佢夠大隻，食完好有滿足感，寧願佢加價都唔想細隻🥲🥲🥲🥲

來到荃灣就不得不來位於荃昌中心的既餃子屋。由中午去到夜晚都好多人排隊，可見依間餐廳受不少區內外既食客捧場。餃子屋除左常見既韭菜/菠菜豬肉餃，仲有不少特色餃子（沙茶肥牛/咖哩薯仔/香辣芝士）可以選擇！！！湯餃/煎餃都好受歡迎，仲可以加埋淮山面。今次我就簡左新出蒜芯豬肉餃，6隻煎既餃子只係40蚊。隻隻餃子都香口酥脆大大隻，再加上絕配香甜唔腥既魚膠淮山湯（入面仲有紅蘿白/粟米/豬骨），仲有香辣菜莆佐菜，啖啖都好滿足!!!

炸餃子：炸餃子外皮金黃酥脆，內餡豐富多汁，口感十分美妙。餡料使用新鮮的肉和蔬菜，味道鮮美，香氣四溢。每一口都帶來滿足感，讓人難以抗拒。炸餃子熱騰騰的時候最好吃，是一道受歡迎的小吃，值得一試。湯餃：湯餃的皮薄而富有彈性，包裹著豐富的餡料和鮮美的湯汁。餡料的調味恰到好處，吃起來鮮嫩多汁，口感細膩。湯餃的湯汁清澈透明，滋味鮮美，為整道菜增添了豐富的風味。每一口都能感受到滋味的融合，帶來舌尖上的享受。湯餃的湯底好好味，非常受歡迎。

荃灣荃昌商場出咗名多嘢食，而呢間餃子舖開咗好多年，好多街坊朋友幫襯最大特點就係餃子超級大，正常女仔食六隻已經夠飽，價錢親民！不過環境就能夠要求大多，始終都係一間小舖，冇乜裝修可言！而家阿姐服務態度都有待改善😂但唔影響我對佢嘅喜愛紫菜煎餃係我嘅最愛😍紫菜味突出，啖啖都係肉！調味啱啱好，餃子煎到香脆，仲有好多肉汁！配埋辣菜埔好惹味傳統韭菜餃亦都係我嘅最愛成個拳頭咁大嘅餃子，又係爆多餡！湯底係淮山豬骨湯飲落冇味精～不定時會出新口味，例如沙嗲金菇肥牛餃，都幾特別