餃子屋

營業中

休息中

次次去餃子屋都係好鬼死多人，我諗個個都係貪佢啲餃子大大隻。同埋佢個湯底真係成碗餃子嘅靈魂，今次叫咗京蔥羊肉餃同埋香荽馬蹄豬肉餃，佢啲餃子真係好大隻好多料，加埋辣菜脯食真係一絕。

好鍾意食餃子🥟，試咗好多間覺得呢間嘅湯底係最正！我平時你一定會呢個粟米豬肉餃，濃郁嘅魚湯底配搭甜甜嘅粟米感覺在昇華左個鮮味，餃子每一隻都好足料大大隻，如果女仔嘅話六隻都已經好夠飽。平時兩個人嚟嘅話，會配揀埋三色煎餃，煎餃好香口脆邊，而且有三隻味唔會好單調，我最鍾意係其中嗰隻芝士味，一入口好濃郁嘅芝士味。而且煎餃都會額外送一碗🐟湯既。雖然每次過嚟都要排隊，入邊座位都比較迫，今次都排咗半個鐘以上，但係都覺得值得嘅✌🏻

除非你好多時間 唔係都唔好嚟食 之前試過一次堂食 嗰時lunch time好多人 等咗20分鐘先入得 入面啲人已經食緊 以為好快有得食 點知都係要等 lunch time嘛ok fine 餃子淨係得個大字 冇話特別好食 偏甜 唔係個個會鍾意食跟住之後有日我未有車 所以買外賣攝時間 嗰陣11點冇乜人 唔洗排隊 以為好快有 dllm等咗成20分鐘。。 中途催過下但店員冇禮貌回覆 無論有幾多人都好 等嘅時間一樣 *煎餃要等 double時間😉又唔係好食 唔值得等咁耐

好耐冇喺荃灣消費, 諗唔到食乜, 睇返之前keep咗嘅資料, 即管試吓呢間出名嘅餃子店. 星期日一個人下晝四點幾嚟到, 好彩即刻有位唔使排隊. 如果係兩位, 當時情況都要排15分鐘以上. 未嚟過嘅朋友記得要喺門口攞飛排隊, 門口排隊係冇隊型, 好容易企錯呀姐以為你買外賣. 冇辦法小店經營, 自己要主動啲睇清楚.由於唔算好肚餓, 坐低睇完餐牌, 就叫咗出邊比較少見嘅京蔥羊肉水餃（走湯）再加左兩個小食：涼拌萵筍同皮蛋豆腐京蔥羊肉水餃（走湯）水餃皮中規中矩唔厚，京蔥羊肉份量好好，最緊要係有咬口，唔係用攪拌機搞到爛晒嗰種。羊肉唔算騷，啱啱好。水餃size每粒都算大，千祈唔好貪心一個人叫12粒！涼拌萵筍同皮蛋豆腐唔知點解呢兩個小食嘅味道係一模一樣！ 估計係廚房用同一個汁整！ 餐牌上仲有涼拌木耳、手拍青瓜…估計都係用同一個汁撈。如果諗住叫小食就唔好嗌呢四款，因為上到嚟四碟係一樣味嘅😆小店裏面有見到8位姐姐返工，如果工作分配得好啲，相信小店生意可以再好啲！

呢間餃子店真係幾時去都係咁多人店鋪唔算大 所以去親都見到周圍都係拎咗飛等緊位嘅人要推薦一下啲湯揀咗 魚膠准山煲豬骨 真係好入味餃子每隻都好足料唔少人都有外賣生餃返屋企煮價錢亦都好抵🫶🏻

今日出開荃灣行街就搵到呢間距離地鐵站都係5分鐘左右既餃子小店，見佢網上評台都幾有口碑，所以我都黎潮聖下。鋪頭唔算大，午飯時間黎到都要等位，不過都好快可以入坐，鋪頭獨沽一味賣餃子同幾款小食，餃子可以揀老火湯配或者係煎餃子，餃子總共有十幾款可以揀。我地叫左一款湯餃一款煎餃黎試韭菜豬肉餃 6隻 $38一上枱果下都小小驚訝，咁大粒餃子既！餃子皮唔算太厚，但餡料絕對唔馬虎，咬落啖啖肉，仲要有肉汁，非常滿足風味3拼（粟米/香菇木耳雞肉/三色椒）$58煎餃煎到2邊金黃，即叫即煎，入口脆卜卜而且同湯餃一樣咁大隻（仲大隻過我包紙巾），枱面上會有辣醬/菜脯可以自由配搭

📍餃子屋 (荃灣)荃灣西樓角路202-216荃昌商場1樓58號舖平時同朋友去通常都係食9菜或者芹菜，一直好想試羊肉，但唔係人人都中意，所以今次自己去食😆，照舊配返魚膠淮山湯同辣菜圃，依然出色好味😋😋🔹京蔥羊肉餃-煎食入口就有好大陣羊既味道😋好正🤤🔹香茜馬蹄豬肉餃-煎好多香茜，馬蹄爽口，肉汁一咬就漏出黎，好味👍🏻總結：試過幾款餃子🥟款款都各有特式，下次繼續再試埋其他款式😋推薦指數：🌟🌟 🌟🌟 🌟（5🌟最高）

餃子屋今日想食得清淡D 所以簡左又平又好食既餃子今次叫左豬肉湯餃 湯底好鮮甜 仲會有舊新鮮粟米呢間餃子好足料 啖啖豬肉皮唔會太薄 唔錯但有時會好多人排 所以要預小小時間排隊食

[ 餃子屋 ]近年香港冒起好多間餃子店，今次介紹呢間幾乎每個月都幫襯一次🙈🙈 餐牌有多款傳統或風味餃子，可選擇湯餃或煎餃，個人最常叫以下三款湯餃✿ 傳統四併🥬(韭菜,白菜,椰菜,芹菜各2隻)$48煎餃✿ 粟米香菇豬肉餃🌽6隻$44 / 8隻$52✿ 紫菜豬肉餃 6隻$44 / 8隻$52Order完餃子店員會送一小碟香辣菜脯🌶，咸味嘅菜脯帶辣而麻，配餃子&湯麵食絕配👍🏻餃子即點即煮，上枱時熱辣辣🔥每隻餃子都好大粒，相當足料，而煎餃外皮煎至金黃色，脆而香口。湯餃&煎餃咬開會爆出餡料&湯汁🤤 唔夠喉可添加麵底(上海麵/米線/淮山麵)，淮山麵麵條幼身爽口，平時其他麵店較少見🙈無論叫湯餃/煎餃都可以試到佢個標榜無味精嘅魚膠淮山煲豬骨湯底🍲湯頭係足料老火湯底，熬至濃郁嘅乳白色，邊食餃子邊飲湯，幾乎飲哂😝總結🫦餃子即點即煮，午市/晚市通常都爆場，想食嘅話要預留時間等位。舖頭逢星期二休息，唔好摸門釘喇🫣✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿餃子屋地址：荃灣西樓角路186-200號荃昌中心昌安大廈1樓48,49,58 & 59號鋪電話：39565475✿✿✿✿✿✿✿✿✿✿✿✿✿✿✿✿✿✿

餐廳地方不算寬躺，位於街坊商場，餐牌上價錢相對低，不介意等位、食得急的話，不妨試一試這間餃子屋！（閑日放工時間等咗半個鐘）⏱上網見到有YouTuber介紹荃灣不同的餃子店，立即到訪試一試！🥇(推薦 no.1）眾多好評的三色椒餃子出面好少見到有依個味道，而且三色椒一定會有一浸奇怪嘅腥味，但係餐廳整嘅三色椒肉餡離奇地好食，其實肉餡入面三色椒比例又唔係好多，但係加埋一齊個配合就好好食😋🥉(推薦 no.3）韭菜餃子如果唔怕韭菜陣味，一定會愛上呢個韭菜餃，好濃味，啖啖韭菜，超滿足！🥈(推薦 no.2 ）椰菜餃子好少食咁多菜嘅餃子，而且椰菜餃子我心目中應該係比較清淡唔會有咩味道，但這個椰菜餃子有驚喜。椰菜明顯有出過水，肉餡好爽口，椰菜同肉嘅比例剛剛好，咬落去都唔會覺得好似食緊草咁。相比起湯餃，煎餃吃上去有點油膩，女生的話吃五六個便會飽到停手了！特別的是，冇諗過老闆娘都會另上一碗魚膠豬骨湯比你！🍲咁就可以食到香口嘅煎餃，又唔會錯過佢有家的味道嘅老火湯（實測冇味精）！雖然韭菜餃、粟米餃，都係比較大眾常見嘅味道，但吃得出這間餐廳的肉有精心調味製作過，肉餡有口感冇雪藏味, 菜很爽口，成個餃子有鮮味又有口感

荃灣最人氣既餃子店門口長期聚晒人　不論外賣同等位都吾少所以黎食真系要預排少少隊餐牌上面都有幾個餃子揀真系幾難揀下　可以拼餃食既佢地既餃子系我見過既最大隻餃子個餡偏向肉多菜少啲既餃子皮吾算厚既　都透到啲餡叫左啲菜餃拉　都食到好多肉肉質都幾實　有啲肉汁同啲菜夾得好好　每款餃都好吃跟住個湯底真系好癲鮮甜到吾知點講好　有大舊魚膠有個種媽子煲老花湯感覺　真系好好喝除左餃子得　個湯都好掂價錢又吾貴　吾怪不得系荃灣人既食堂

餃子屋咁出名💗唔係住荃灣既朋友都會特登走去食⭐️姐係我XDDDD 今次帶埋母親大人去食好西！！根據食過幾次既經驗8隻我係食唔曬XD今次好醒叫左6隻就岩岩好啦😌每隻餃子都勁大隻🥟 要分幾啖先食得曬好滿足～大隻得黎皮又唔厚 餡料脹卜卜🤤母親大人都話好味！！無論叫湯餃定煎餃都有湯飲🍲有兩款湯可以嗌可以揀魚膠淮山豬骨湯同重慶湯🌶我每次都係揀豬骨湯 無味精又夠濃👍🏻📍芫荽馬蹄豬肉煎餃🥟 6隻 HKD46馬蹄爽口 豬肉餡料滿曬仲有肉汁～芫荽味都算出 中意芫荽必食🌿配埋辣菜脯食 好好味(´▽｀)📍京蔥羊肉餃🥟 6隻HKD46羊肉味🐑都好濃 不過我都幾中意陣騷味～唔食羊既人應該會怕怕🤪依款做湯餃比較適合 有豬骨湯Balance返羊味✨

食過幾次，淮山湯有時鹹啲有時淡啲，所以雖然佢話冇味精但係喊啲嘅話飲完都會覺得口渴。呢度嘅一隻餃子等於人哋一隻半，食完六隻加埋麵其實都真係好飽。煎餃煎得好香口，加上天氣熱食完湯餃仲熱，所以通常都係食煎餃。淮山麵、上海麵、米線都食過，我覺得上海麵最掛湯。椰菜木耳豬肉湯餃：蔬菜成份較高，由於佢入邊有醬料，所以都唔會太清淡。粟米冬菇豬肉煎餃：味道較濃，所以其實唔使加醋都好夠味，大大粒粟米同冬菇好足料。肉量比較多。芫荽馬蹄豬肉煎餃：芫茜控要試，同之前嗰兩款餃子比呢個比較清淡，仲有馬蹄好爽口。落單時最好重複一次，有次阿姐將我煎餃變湯餃。♻️由於呢度係用即棄筷子，所以每次我都自己帶支叉嚟食。

荃灣呢間餃子屋應該好多人都認識，基乎我每次去到都要排隊。今個星期日7點左右去到，大概排左30分鐘先到我地，不過排隊都係非常值得的！只係想話比大家知，等大家有個心理準備，繁忙時間未必能夠即時入座。餃子屋的餃子出名大大舊，又足料，一碗8粒餃子已經超夠飽（足夠一個正常食量嘅男性）今次剩係叫左湯餃，另外有煎餃選擇的。湯餃個湯真係超好飲，絕對唔係味精湯，飲哂都唔會覺得口喝，而且蘿蔔好鮮甜。韭菜豬肉餃 - 韭菜好香，中意食韭菜一定好開心，雖然韭菜落左好多，但肉量亦相當足料，即使係湯餃食落都好香口。 雲耳白菜豬肉餃 - unexpected呢個係我第二款中意食嘅餃，白菜菜味天生就唔太濃味，所以特別顯肉香，而且有少少雲耳做點綴，好有咬感！ 芹菜豬肉餃 - 而我最最最鍾意食芹菜餃👍🏻👍🏻👍🏻因為實在太有個人偏見啦！芹菜就不多評論🤣點都係最好食（反芹菜派肯定想打我xd) 菠菜馬蹄豬肉餃 - 原本以為有馬蹄我會好中意，因為我中意咬落爽爽地嘅感覺。只可惜我個人麻麻地食菠菜，而且菠菜味道較濃，主導左成個餃子嘅味道。整體黎講隻隻餃子都好足料好好食😋最緊要簡岩自己平時中意食嘅菜就ok了。而且雙併價錢一樣，自己

第一次食 係食晚市 爆場 Order完都要等一段時間叫左傳統四拼煎餃 大隻芹菜既味有d重男朋友叫左湯餃(三色椒粟米餃)佢話煎餃好吃d +左$8上海麵湯底係豬骨湯個湯底有驚喜奶白色的 有豬骨味 好味可以再戰