食神麗宮

我同朋友去食飯，一入到去就覺得環境好舒服，裝修有格調，坐低之後侍應仲好細心咁介紹菜式，服務態度一流，真係令人覺得好warm。首先講吓個上湯波士頓龍蝦伊麵，真係不得了！龍蝦肉鮮甜彈牙，湯底濃郁得嚟又唔會太鹹，伊麵煮得啱啱好，吸晒啲湯汁，每一啖都係享受。我同朋友都食到舔舔脷，直頭想encore多份！再嚟就係咕嚕肉，外皮炸得金黃酥脆，咬落去仲聽到「咔嚓」聲，入面嘅肉質好嫩滑，啲汁酸甜適中，完全唔會覺得膩。我平時唔係好鍾意食咕嚕肉，但呢度嘅真係令我改觀，食到停唔到口！仲有蜜椒金薯牛柳粒，呢個菜真係驚喜！牛柳粒煮得啱啱好，入口即化，金薯外脆內軟，蜜椒嘅香味同甜味完美結合，好開胃。最後要讚吓啲員工，真係好細心又有禮貌。仲不時過嚟問我哋覺得啲嘢食點樣，服務真係無得彈！成個用餐體驗好愉快，食得開心又舒服。食神麗宮無論係食物質素定係服務都好唔錯，絕對值得再嚟！…查看更多

食神麗宮金菰粉絲牛仔肉煲金菰粉絲牛仔肉煲非常受歡迎，上菜時仍然帶有熱騰騰嘅動感，沙嗲香氣撲鼻，令人垂涎欲滴。牛仔肉肉質鮮嫩，經過慢火煮制後更入味。金菰嘅清香彈牙同粉絲嘅滑潤帶嚟滋味飽肚感，搭配濃郁嘅湯底，令人一口接一口，無法自拔。特別嘅係，佢當中加入菠蘿粒，為熱辣辣嘅牛仔肉煲帶出清甜嘅感覺。脆皮一品燒雞今晚點咗半隻脆皮一品燒雞，燒雞外皮金黃酥脆，咬開唔會皮肉分離，令人食指大動。雞肉鮮嫩多汁，味道微鹹但唔會太油膩，恰到好處咁提升咗整體嘅風味。特別係雞髀位，上碟後極速清晒。金絲脆蝦球金絲脆蝦球擺盤吸引，放上六隻特色匙羹，上面再加上蛋絲，非常有氣勢。蝦球金黃色嘅外皮酥脆可口，裡面嘅蝦肉鮮美彈牙。每一口都可以感受到蝦肉嘅鮮甜。以金絲脆蝦球作為開胃小菜亦非常適合。紅豆紫米露最後餐廳免費請我哋食紅豆紫米露，暖笠笠嘅，同時清新可口，甜度適中。紫米嘅香氣同紅豆嘅細膩，令人特別回味。…查看更多

好友邀約晚膳，選址西營盤「食神麗宮」，餐廳主打傳統粵菜同時令小炒。特醬燒乳鴿：乳鴿下單時可要求原隻上或一開 4。鴿皮炸得很香脆，鴿肉嫩滑帶汁，入口外酥內嫩，連骨都有滷水香，食得相當滋味。 金絲脆蝦球：初頭仲以為係用鹹蛋黃做嘅金沙蝦球，原來頂層嘅蛋絲係將雞蛋黃加鹽，再以慢火溫油炸成，蝦球大大隻，質感爽彈，入口啖啖蝦肉。食神叉燒拼腩仔：叉燒肥瘦適中，肉質鬆化，入口帶玫瑰露香。腩仔外皮燒到脆卜卜，肉嫩又多汁，入口肥膏香、肉軟熟，完全無豬臊味。椒絲腐乳唐生菜：腐乳嘅份量下得啱啱好，唐生菜新鮮爽脆，食落咸香可口，正宗香港味道。飯後仲有甜品贈送，每人一碗芝麻糊，入口香濃順滑，甜而不膩，好味。…查看更多

住喺港島區嘅朋友約食飯，我跟着OpenRice嘅指示嚟到呢間餐廳，原來係一間酒店入面嘅中菜餐廳！食物選擇都幾多，而且有好多好吸引嘅套餐同優惠，就連完整一大個冬瓜盅都有！雖然只係得兩個人，但係都好想好想叫依個冬瓜盅！見到隔籬枱都係兩個人，都叫咗！食多啲冬瓜，去濕啊😄😄最啱香港春天潮濕嘅天氣！冬瓜肉清甜，湯亦都好清甜，好飲又好食！蜜椒金薯牛柳粒呢個菜式好有鑊氣，有少少黑椒味，又有少少甜味，薯仔外脆内軟超好食！牛柳粒嘅份量亦好多，一啖一粒，惹味！食神皇帝炒飯因為想要啲澱粉質，睇睇餐牌，就比呢個炒飯嘅名吸引，好有氣勢！原來佢嘅賣相都好強勁，係一條鯉魚，仲有一大堆口感脆卜卜嘅蟹籽，成個飯口感層次非常豐富，非常有趣👍🏼👍🏼呢個地方有少少懷舊特色，坐得舒服，如果簡單聚會想舒舒服服食餐飯，都係幾唔錯嘅選擇！…查看更多

前排去咗西營盤附近同朋友聚會，突然間有啲想食中式茶樓，無意中發覺呢一間餐廳個名好霸氣「食神麗宮」，有別於連鎖店，因為店裏面有好多獎牌，同埋原來店主同周星馳有拍過食神！-食神醬燒乳鴿🕊️可以單叫一隻都得！乳鴿皮脆肉嫩，醬汁的甜味與鹹味平衡得恰到好處-蜜椒金薯牛柳粒🐮通常出邊食啲牛柳粒有時會好韌，但係依度完全唔會！而且佢嘅薯仔整得啱啱好。係我近期食過最好食嘅金薯牛柳粒-金絲脆蝦球🦐擺盤展現了廚師的用心，外層的金絲包裹著蝦球，增加了視覺的吸引力。略嫌有少少油，不過蝦球都幾大隻。-濃湯砂鍋雞煲翅🫕砂鍋不算太大，但湯底非常濃郁！翅一睇就知係上等嘢！好味嘅程度令到我成碗清光…查看更多