食神麗宮

營業中

休息中

前排去咗西營盤附近同朋友聚會，突然間有啲想食中式茶樓，無意中發覺呢一間餐廳個名好霸氣「食神麗宮」，有別於連鎖店，因為店裏面有好多獎牌，同埋原來店主同周星馳有拍過食神！-食神醬燒乳鴿🕊️可以單叫一隻都得！乳鴿皮脆肉嫩，醬汁的甜味與鹹味平衡得恰到好處-蜜椒金薯牛柳粒🐮通常出邊食啲牛柳粒有時會好韌，但係依度完全唔會！而且佢嘅薯仔整得啱啱好。係我近期食過最好食嘅金薯牛柳粒-金絲脆蝦球🦐擺盤展現了廚師的用心，外層的金絲包裹著蝦球，增加了視覺的吸引力。略嫌有少少油，不過蝦球都幾大隻。-濃湯砂鍋雞煲翅🫕砂鍋不算太大，但湯底非常濃郁！翅一睇就知係上等嘢！好味嘅程度令到我成碗清光