食神麗宮

營業中

休息中

我同朋友去食飯，一入到去就覺得環境好舒服，裝修有格調，坐低之後侍應仲好細心咁介紹菜式，服務態度一流，真係令人覺得好warm。首先講吓個上湯波士頓龍蝦伊麵，真係不得了！龍蝦肉鮮甜彈牙，湯底濃郁得嚟又唔會太鹹，伊麵煮得啱啱好，吸晒啲湯汁，每一啖都係享受。我同朋友都食到舔舔脷，直頭想encore多份！再嚟就係咕嚕肉，外皮炸得金黃酥脆，咬落去仲聽到「咔嚓」聲，入面嘅肉質好嫩滑，啲汁酸甜適中，完全唔會覺得膩。我平時唔係好鍾意食咕嚕肉，但呢度嘅真係令我改觀，食到停唔到口！仲有蜜椒金薯牛柳粒，呢個菜真係驚喜！牛柳粒煮得啱啱好，入口即化，金薯外脆內軟，蜜椒嘅香味同甜味完美結合，好開胃。最後要讚吓啲員工，真係好細心又有禮貌。仲不時過嚟問我哋覺得啲嘢食點樣，服務真係無得彈！成個用餐體驗好愉快，食得開心又舒服。食神麗宮無論係食物質素定係服務都好唔錯，絕對值得再嚟！