風雲排檔

營業中

休息中

之前在網上面看到很多人來這間風雲主題餐廳吃飯，影出嚟啲相好靚📸，我又唔執輸要嚟影。一入到餐廳便睇到一個好大嘅涼亭🏯，背後有一幅山水畫。坐喺涼亭裏面食飯，就好似返咗去古代咁樣，好正✨。🍞 炸饅頭 $58炸饅頭擺喺一艘古船上🚢，底部用乾冰製造出煙霧繚繞嘅效果，真係好啱打卡！饅頭外皮酥脆，內裡鬆軟，配埋煉奶食，簡直係一絕😍。🍤 荔枝蝦球 $78另一打卡之選！蝦球做成荔枝形狀🍑，掛喺樹上，真係好有創意🌳。賣相精緻之餘，味道都唔錯👍。蝦球可以配着特製醬汁食，汁的味道像酸辣醬，但係冇辣反而多一點甜🍭，清新開胃有驚喜🎉。🍗 黃金雞中翼 $78雞中翼被鹹蛋黃碎完整包圍🥚，外層炸至金黃色，口感酥脆無比，每一口都充滿鹹香嘅味道😋。🌭 金牌炸大腸 $88炸大腸底下鋪咗新鮮菠蘿🍍，上面撒咗芫荽，配埋甜醬，味道豐富，唔會膩👌。🦪 鑊氣豉椒炒蜆 $108炒蜆鑊氣十足🔥，豉椒味濃郁，蜆肉新鮮肥美，絕對係下飯之選🍚。💰 總計: $451, 2位用餐（已包含10%服務費）🧾。

同朋友係呢間野食飯慶祝我生日 落單5分鐘 啲餸基本上黎齊曬 速度黎講真係一流 食物質素真係讚唔落口 叫左個水煮牛 同朋友都覺冇咩味 得辣油味 好似一啲鹽都冇落過🤣所以問侍應拎豉油 個侍應竟然話唔肯定有冇豉油😂😂最終都有攞咗一碟仔俾我哋 加返少少味 個粟米又係不得了 點解可以將粟米整到咁Q鹹又唔好食 好難做到架喎 係咪水煮牛啲鹽落曬落呢度？ total叫咗六樣餸 最好食嘅竟然係最遲嚟到嘅蒜蓉炒菜心😂個個爭住食菜 係香港食野 都唔奢求要咩好嘅服務態度㗎啦 唔知係太多人應付唔黎定點 舉住隻手 啲侍應睇到扮睇唔到 最經典係 有個後生女侍應睇到我舉住隻手 竟然反左下白眼扮睇唔到 繼續做自己嘢👌🏻😏個樣西到冇得再西 睇黎真係好攰🥹 ig上嘅推介真係不可信😂😂😂🤣🤣🤣

仲以為揾到間坐得幾舒服嘅大排檔, 點知🚁🚁🚁位置係方便嘅 喺正旺角市中心, 冷氣都好足 開到好似唔駛錢咁, 會越坐越凍食得大排檔都係想食小炒, 一坐低朋友就叫咗個避風塘鮮魷 另外叫咗個招牌荔枝蝦球同一大壺水蜜桃水果茶個避風塘鮮魷完全唔得, 無鑊氣而且仲濕濕哋...  啲魷魚都係無味, 完全淨係食啲調味荔枝蝦球幾好食, 不愧係招牌 如果要黎食真係唔叫唔得水果茶都好味的, 個水蜜桃味好出, 唔會覺得糖水味好重, 佢個壺出水速度都ok 唔會滴滴仔咁等到天荒地老後來再叫咗個瑤柱蛋白菜粒炒飯, 瑤柱極少就預咗, 而且濕濕哋不過叫做ok  (tbh如果呢個都可以難食真係才能黎)孜然炒羊肉好食,  孜然味都夠, 而且洋蔥好淋咕嚕生炒骨, except有啲會有骨之外食唔出同咕嚕肉有咩分別, 啲肉ok geh 但洋蔥好硬好生另外樓面應該唔係好夠人, 好多時叫加茶都會好耐無人理你

原來麻辣風雲旺角分店已經改左名做”風雲排檔”!新店嘅料理由川菜改為港式大排檔小炒, 價錢都相當親民😋 就算轉左型都保留唔少舊店既招排菜, 包括好啱打卡嘅炸饅頭、黃金蝦等等! ————————————————食物:❆ 炸饅頭 $58擺喺一隻船仔咁上枱, 霸氣十足! 饅頭外皮金黃酥脆，入面鬆軟香甜✨ 點埋煉奶食仲正❆ 招牌酸菜魚(2人份) $178- 中酸, 中麻, 小辣- 薯粉加底（+$30)微麻, 魚肉鮮嫩, 同酸菜混合食落更加豐富味道! 再加埋薯粉底，更加豐富層次❆ 招牌脆皮BB鴿 $58經典嘅港式燒鴿菜式! 外皮酥脆😋肉質嫩滑多汁, 風味獨特❆ 風雲小炒皇 $108上枱色彩鮮豔, 口感豐富❆ 金沙黃金蝦 $128蝦外層包著酥脆嘅金黄色粉🦐入口鮮甜多汁, 香脆可口!❆ 椒鹽九肚魚 $98魚肉鮮嫩, 外層酥脆🐟搭配獨特椒鹽調味香氣誘人❆ 蒜蓉炒萵筍 $88清淡爽口嘅萵筍而簡單炒製, 保持原汁原味🌱配上香氣十足嘅蒜蓉好清爽❆ 水蜜桃雜果茶（壺） $88清涼解渴嘅飲品, 水蜜桃嘅香甜同各種混合水果嘅鮮甜相輔相成, 清新怡人🍑————————————————整體:✦ 價格: 4.4/5✦ 味

返工唔方便吐苦水，等放工約出嚟飲酒水囉旺角間麻辣風雲轉型變咗風雲排檔，䟴䟴腳食小炒最適合不過呢度依然仲有酸菜魚，兩人份量仲係好大兜，魚肉好嫩口冇骨，好過公司啲小人講嘢有骨，湯底夠香濃，辣辣地夠晒泄憤食埋吸汁嘅豆卜同寬粉，嚐盡人間辛辣九肚魚好似之前係冇嘅，用咗好避風塘嘅手法烹調，上面嘅辣椒同炸蒜變咗九肚魚嘅避風塘咁，cover晒撩吓撩吓夾出嚟，質感滑得好似茄子，細骨都好易入口所謂蘇炸，唔係寫錯字，真係用咁紫蘇葉，連埋蠔一齊炸，炸得非常脆口，火候夠晒十足，蠔肉都變得爽脆呢度嘅啤酒大大支價錢都合理，飲ASAHI都飲咗半餐飯唔夠再嗌嘉士伯，仲有冰凍酒杯提供，夠晒細心

「麻辣風雲」改名轉做「風雲排檔」之後，加入咗唔少大排檔出名嘅菜式，例如：三杯雞、避風塘炒蟹、椒鹽九肚魚等等。仲保留咗原有嘅人氣款式，用原隻船上枱嘅炸饅頭同樹上造型嘅荔枝蝦球。今次就試吓新款嘅菜式，涼住冷氣食大排檔風味嘅菜式，真係唔錯呀😋！🐔霸皇別姬雞 $98/半隻雞肉香嫩細嫩，脂肪少可以連皮食都無負擔，雞皮有爽彈感，配上香蔥、芫荽、辣椒同豉油，令雞肉好香口入味。🔥蒜香風沙骨 $98炸到乾身酥脆感，有超多炸蒜同辣椒一齊炒，有啲似避風塘感覺，入口充滿蒜香味帶微辣。🍤金沙黃金蝦 $128每隻蝦都均勻地沾滿咸蛋黃醬，仲有粒粒蛋黃碎係上面，蝦殼脆卜卜，裏面嘅蝦肉爽彈鮮甜，食起嚟咸香味十足！🍹大大杯水蜜桃果茶 $38新鮮蘋果肉、檸檬、香水檸檬加入水蜜桃果茶，果香味十足，清新香甜，非常解膩。🧋紅豆冰 $38估唔到紅豆冰都咁大杯😆！老公話飲完都飽哂lu😂📍 風雲排檔 (旺角)旺角彌敦道628號瓊華中心10樓

✨ 由之前麻辣風雲川式菜式搖身一變做左大排檔 😆🥢🍽️  鑊氣豉椒炒蜆 $108係我去大排檔必叫的食物！ 就係要食個鑊氣 ❤︎, 份量不算太多，勝在店家處理蜆處理得乾净，沒有食到沙🐟️ 招牌酸菜魚 (2人份) $148 + $30 (薯粉)有2人份同4人份選擇，酸辣度都可以按照自己喜好同店員溝通。2人份來說，份量很足夠，鱸魚入口口感嫩滑，個人就偏好酸，所以湯底就很開胃！仲有好多配菜，例如豆卜, 菌類 等；我地都加了$30 薯粉做底，薯粉口感彈牙，完全吸收了湯底的味道，酸酸的。

話說小編都幾鍾意食麻辣風雲， 一直都有留意佢哋嘅動態。咁啱見到旺角分店轉型做大排檔 @fengwanrestaurant ，就心郁郁想嚟試吓啦。 其實麻辣風雲嘅招牌菜式一樣有保留到，佢哋嘅分別主要係加多左唔同嘅菜式，部份嘅菜式更加係一啲大排檔見到嘅小菜。
荔枝蝦球 $78呢個真係每次都係必點，造型參考左荔枝樹本人～盆底嘅位置加入咗乾冰，形成一種仙氣感，非常適合打卡。一粒粒嘅荔枝掛咗喺樹枝上面，等待食客摘佢落嚟。 蝦球嘅外皮呈鮮紅色，表面有荔枝紋，凹凹凸凸。咬落去外脆卜卜脆，入面嘅蝦肉彈牙，有淡淡嘅蝦味。味道：8.3/10炸饅頭 $58呢個嘅造型更加奇特，參考左三國演義諸葛亮草船借箭嘅故事。用船嚟做器皿，諸葛孔明就企喺船頭位置，出面掛住麻辣風雲嘅旗幟，饅頭就放喺船身，模仿故事入面嘅草堆，非常之有創意。當然饅頭味道都唔差，外皮薄脆，入面饅頭唔會乾硬，非常鬆軟，點埋煉奶真係好正。味道：8.2/10招牌酸菜魚 $178先飲一啖湯，首先沖出嚟嘅係酸菜嘅味道，然後到麻香，再到辣味。整體酸麻味比較突出，辣味溫和，唔會過份刺激，都幾C服，但魚味就比較薄弱。佢嘅配料主要得酸菜、魚、蓮藕、金菇等等，都幾豐

人均消費：$200推薦指數：⭐️⭐️⭐️⭐️⭐️近排睇咗先知 原來麻辣風雲改咗做風雲排檔 除咗本身幾好食既酸菜魚🐟 竟然連大排檔嘢都撈埋 就同屋企人上去試吓佢咩料先🤣1）避風塘鮮魷🦑 $118見到賣相非常吸引😍，表面鋪滿咗炸蒜，好有避風塘嘅感覺。鮮魷好新鮮，非常之爽脆。每一啖可以將炸蒜連埋鮮魷一齊食，鹹鹹香香，而且帶少少辣，非常之好食。😋2）黃金蝦仁炒飯🍚🦐 $88聽到黃金就知係落咗鹹蛋黃嚟炒😝，成個飯炒到金黃色咁，每粒飯都粒粒分明，夠晒乾爽。蝦嘅份量絕對唔少，而且size都幾大隻。鹹蛋黃同飯好夾，我本身都好鍾意食鹹蛋黃，呢個炒飯✅✅✅3）香辣雞煲🐔$88因為屋企人唔食得辣，所以專登嗌咗小辣🥵。雞煲嘅賣相好正。雞件大大件，食落唔會好鞋同韌，少少麻麻辣辣咁，令我會keep住想食落去^_^4）蔥爆羊肉🐑 $88呢個餸估唔到咁出色，羊肉嘅份量好多，同京蔥一齊爆炒，令到成個餸好惹味。蔥同埋羊肉都吸晒啲醬汁，攞嚟送飯簡直一流！😋5）炸饅頭🍞成件事好有儀式感，成架船咁上菜，底下有乾冰🧊噴晒啲煙出嚟，好有玩味～😆 炸饅頭做到外脆內軟，隔離有煉奶可以俾你點，最好食就係成個饅頭點滿晒煉奶，嗰種味道真係超jeng!

之前睇過食評見幾吸引又見冇乜負皮就襯今年生日嚟呢度試一試佢我哋叫左四樣野，估唔到有驚喜①荔枝蝦球呢個啱晒打卡🤣，估唔到蝦球整到好似荔枝咁掛晒喺個盆栽上面，個醬甜甜地幾開胃好味②鑊氣豉椒炒蜆炒蜆好惹味，真係有鑊氣，只係略嫌辣咗少少，越食越辣③招牌酸菜魚（2人份）叫左少麻，少酸啲魚肉幾好食，又多配菜食，配菜有菇、萵筍、寬粉、蓮藕片④蒜蓉炒萵筍呢碟餸不得了，一擺出嚟就好香，熱食時最正另外，仲叫左兩杯大大杯飲品，似係裝啤酒嘅杯大大杯 檸檬茶 同 大大杯 蜜桃雜果茶兩杯飲品味道OK，不過不失，但係蜜桃雜果茶嘅雜果⋯⋯其實係得兩舊蘋果就有啲失望⋯⋯今次經openrice訂位有88折，好抵食睇嚟好快又會嚟試過其他菜式了

最近去咗間好夯嘅麻辣風雲，真係食到好開心！佢哋嘅人氣炸饅頭，用麻辣風雲船做裝飾，真係吸睛到不得了，啱晒打卡！炸饅頭外脆內軟，咬落去口感超級棒跟住，我點咗個羊腩煲，啲羊肉真係靚，肥瘦分明，食落去超滿足。煲入面仲有好多配料，譬如冬菇、馬蹄同埋唔同嘅蔬菜，整體口感好豐富，肉香同清新嘅蔬菜味道相輔相成，真係好正！最後加埋佢哋嘅奶油津白，呢道菜真係意外驚喜！奶油滑滑嘅，加埋津白嘅脆口，味道搭得剛剛好。總括來講，麻辣風雲真係一個唔可以錯過嘅地方！無論係同朋友聚餐定係自己嚟，食完一定會想再返嚟！

中秋節同家人食飯, 大家不好辣, 現在轉身為大排檔, 所以試一試 食物 : 招牌酸魚(2人份) $148 ~ 2人份都夠食, 姐姐幫手叫咗廚房少酸少麻少辣, 魚肉好滑, 味道唔錯 金沙黃金蝦 $128 ~ 蝦肉都彈牙, 都幾大隻, 但金沙唔夠, 差少少 黃金蘇炸脆蠔餅 $98 ~ 蠔肉都幾多, 但粉漿偏厚偏硬, 食落唔夠脆口, 而且偏油, 不推介 招牌三杯雞 $88 ~ 味道正常, 但雞肉偏少得幾塊, 唔夠喉 炸饅頭 $58 ~ 這條船是店舖招牌, 但當日很失望, 饅頭不夠脆, 顏色好深, 應該翻炸過, 失望 茘枝蝦球 $78 ~ 蝦球只得6粒, 味道唔錯, 擺盤有心思, 掛在樹上好特別, 還有乾冰, 打卡一流 飲品 : 雜果賓治, 大大杯檸檬茶, 大大杯水蜜桃雜果茶 $38/杯 ~ 全部都真是大大杯, 唔係講少 環境 : 裝修是之前麻辣風雲的, 應該沒有改動, 有打卡位, 同家人坐卡位, 比較舒服 服務 : 職員有禮貌 價錢 : HK$825 (包加一服務費)

「麻辣風雲」好多人都應該聽過或者食過，原來旺角瓊華分店有大搞作！轉型做咗『風雲排擋』，除左會繼續保留部份招牌川菜外，仲多咗好多款港式小炒，有好多菜式選擇，可謂眼花撩亂，而且價錢更親民。1️⃣ 香辣鴛鴦雞煲（田雞＋雞） $98呢個係新菜式，可自行選擇不同辣度同麻度，任君選擇，份量亦十足，雞同田雞都非常入味，唔會鞋口🤤2️⃣ 招牌水煮魚(2人份） $148水煮魚係川菜不可或缺的，亦係此店嘅招牌菜之一🌶️麻辣味香濃，同時又保持到魚肉嘅鮮嫩，連配料都有好多款，包括豆腐卜、香菇、蓮藕、萵筍，兩個人食非常足夠。3️⃣ 薑蒽蠔 $108生蠔🦪大大隻，隻隻都肥美多汁，用薑蔥炒香後，唔會太乾身，仲可以保持到個鮮味，非常惹味😋4️⃣ 蒜蓉炒萵筍 $88其他小菜比較濃味，就叫返個簡單嘅蒜蓉炒萵筍，萵筍本身好爽脆，用蒜蓉簡單爆炒，保持住個香氣，食落好清爽。5️⃣ 啤酒 食辣野配返杯啤酒🍻真係一流，我地叫咗藍妹同黑啤兩溝，正👍🏻#foodie_couple_hk_sm816

同個好朋友去搵食。呢啲天氣又係食辣嘢啦，咁啱喺旺角我就醒起去食麻辣風雲。上到去發現點解舖頭轉咗名，原來係麻辣風雲，而家轉咗餐牌變成排檔模式，不過價錢食品更加啱我哋食。好彩我最鍾意食嘅酸菜魚依然都有。朋友第一次嚟食都覺得酸菜魚又大份味道夠晒濃郁。而且魚片夠晒滑溜，我仲好聰明咁加咗薯粉係入邊，一邊食而薯粉吸晒啲湯汁，一流啊。第二次encore嘅一定係炸饅頭，淨係貪佢隻船，上菜時都夠晒好睇啦！不過炸饅頭唔係度度都好食，一定要炸到乾身，但係又唔朔油呢。呢度就做到啦。今次叫咗大排檔必食產品，惹味椒鹽魷魚鬚，估唔到上菜嘅時候見到全部鋪滿咗炸蒜，食落去柔軟好新鮮彈牙，而且炸蒜超多去到最尾我將佢撈埋落啲魚片嗰度變身另一種食法。好似避風塘嘅食法一個酸菜魚有兩款做法真係好正。最尾一定要讚吓大大杯水蜜桃雜果茶，真係好大杯，而且味道唔錯。今餐又係飲飽食醉嘅一餐，同朋友聚餐係最開心嘅。

聽朋友仔講，旺角嘅麻辣風雲轉型做大排檔😍 除咗平時經典必食嘅酸菜魚同埋炸饅頭之外，仲可以食到多款港式地道撚手小菜😘 即刻去食餐勁嘅🤤 餐廳裝修依舊充滿中國古典美❤️ 雅緻嘅裝橫加上柔和嘅燈光，寬闊嘅座位坐得好舒服👍 門口更特設涼亭打卡位，影相勁靚靚🫶 今次叫咗大排檔嘅經典🌟🌟🌟 惹味椒鹽魷魚鬚😋😋😋 魷魚鬚即叫即炸，離遠已經聞到勁香嘅酥炸味🤤 超級邪惡😈 食落外層卜卜脆，內裡魷魚彈牙煙韌，嚼感十足🫶 椒鹽嘅加持令魷魚鬚名副其實嘅惹味又可口👍 超級正❤️ 避風塘鮮蝦炒公仔麵超夠鑊氣🌟 焦香四溢✅ 唔會過肥過油好抵讚👍 鮮蝦足足有五大隻勁足本🤭 炒公仔麵軟硬度恰到好處，食落辣香十足，超刺激好棒棒❤️ 鮮蝦肥美厚肉，食落鮮美無比🌟 真係食唔停口❣️ 當然唔少得好睇又好食嘅荔枝蝦球同埋炸饅頭🤭❤️ 無論係荔枝蝦球嘅大樹，還是炸饅頭嘅孔明船，都照舊非常有氣勢🤩 壯觀又華麗，好睇又好食😚 最後點少得黎返壺菊花蜜😚 清熱又解辣，配香口炸野非常理想✅