風雲排檔

藏在商廈高層卻充滿市井烟火氣, 菜品各有特色。 小食: 炸饅頭 ($58)打卡一流, 外皮炸得均勻, 帶着輕微的金黃焦色, 咬開後內層柔軟鬆軟, 口感外脆內軟, 搭配的煉奶甜度適中, 奶香濃郁, 中和了饅頭的油膩感, 作為開胃小食或飯後甜點都很合適。招牌脆皮BB鴿 ($58)性價比超高, 外皮烤得極為酥脆, 咬下時「咔察」作響, 焦香四溢, 內裡的鴿肉嫩而多汁, 調味鹹香適度, 香料的香氣滲透進肉質, 連貼近骨頭的肉都很入味。 主食: 酸菜魚 (2人份 $168)分量十足, 足夠兩人分享, 魚片切片均勻且薄滑, 入口軟嫩無刺, 湯底酸辣平衡, 酸味來自新鮮酸菜, 爽脆解膩, 辣度溫和不燒胃, 喝起來鮮香夠味。古法藥膳土雞煲 ($128)湯頭是最大亮點, 藥膳香氣濃郁但不刺鼻, 融合了當歸、党參等食材的溫和藥香, 喝起來醇厚回甘, 土雞肉質緊實不柴, 經長時間炖煮後軟爛入味, 輕輕一抿就能脫骨, 營養又暖身。…Read More

同班老友突然好掛住舊式大排檔風味，今次專登去咗瓊華中心10樓嘅「風雲排檔」，雖然係商場樓上舖，但裝修古色古香格局，坐得舒服又夠闊落，仲有陣陣懷舊香港情調🇭🇰🌟必食菜式逐個數：🍍菠蘿咕嚕肉 - 外脆內嫩酸甜平衡！咕嚕肉炸粉薄薄一層，咬落啖啖肉，配新鮮菠蘿超開胃🐤古法藥膳土雞煲 - 養生之選！當歸、桂圓、杞子、北芪、黨參熬出金黃湯底，雞肉嫩滑得嚟仲索盡藥材精華，飲完成個身暖笠笠☀️🍤黃金蝦仁炒飯 - 鑊氣十足！每粒飯都裹滿咸蛋黃，蝦仁爽彈大隻，忍唔住食咗三大碗🐷京都豬扒 - 秘製醬汁係靈魂！豬扒厚度適中，外層香脆內裡Juicy，酸甜醬汁令人食唔停口🐦招牌脆皮BB鴿 - 乳鴿醃得超入味，皮脆如玻璃紙，肉質鮮嫩多汁，必點！…Read More

荔枝蝦球荔枝蝦球擺設得好靚，蝦球掛喺樹上，外型真係好似荔枝，蝦球外面炸得好脆。古法藥膳土雞煲雞煲啱啱送到枱上，已經聞到藥膳味，佢嘅藥膳湯底幾好飲，入面嘅雞肉嫩滑，無骨，好食同方便。瑤柱蛋白菜粒炒飯飯炒得幾乾爽，但唔會太乾，有瑤柱同埋蛋白，唔錯。避風塘鮮魷我好鍾意食鮮魷，特登叫咗避風塘鮮魷，廚師用咗勁大量嘅炸蒜同埋辣椒，炒得香口。招牌脆皮BB鴿乳鴿個皮好脆，肉質幾嫩滑，唔會太鹹。炸饅頭我囡最鍾意食炸饅頭，佢哋嘅炸饅頭個面唔會炸得好硬，炸得薄薄一層，點埋煉奶一齊食，好食。風雲排檔入面嘅裝修幾靚，座位好闊落，坐得好舒服，係幾好既選擇。…Read More

《麻辣排檔》由主打川菜轉營至加推港式菜色，菜色款式不繼增多。最近，仲有新出嘅雞煲「古法藥膳土雞煲」。作為《麻辣排檔》頭號 Fans 嘅我，第一時間就衝左嚟試。今餐食左:✨️古法藥膳土雞煲食用程序:連煲上枱，店員會先把一半切件嘅雞肉放進湯內煮熟，待你食完，再把另一半雞肉放埋湯內。當你食完雞肉後，就可飲埋 d 湯。~~~~~~~~~~~~~~~~~~雞肉非常鮮嫩，藥材味湯底很濃郁。當中藥材有枸杞、當歸和紅策等，材料十足，飲落暖胃順口。✨️荔枝蝦球招牌菜色，6粒蝦球掛在裝飾樹上。食時，逐粒逐粒摘下來吃，真係好過癮。✨️風沙力椒鹽蝦鮮蝦夠Q彈，加上多樣調味料，十分惹味。✨️魚香茄子即叫即做，滾熱辣上枱，味道重。✨️菠蘿冰多粒菠蘿在杯裡，杯形獨特，打咭一流。📍旺角 瓊華中心10樓…Read More

正宗大排檔風味，抵食又滿足！前幾日同朋友想食返啲正宗香港大排檔嘅味道，就揀咗去旺角嘅風雲排檔試試。呢間大排檔雖然唔係好豪華，但氣氛好有香港街頭feel，啲枱同凳有啲舊舊地古法藥膳土雞煲 
呢個雞煲真係全晚嘅亮點！一上枱已經聞到濃濃嘅藥膳香，杞子、紅棗、當歸等湯料好足，湯底飲落好香甜，帶點藥材嘅味道但唔會太濃，啱晒我哋呢啲唔慣飲濃藥味嘅人。雞肉好嫩滑，唔係嗰啲柴柴嘅貨色，食得出係新鮮土雞吸晒湯汁，超入味！一煲份量都幾夠，三四個人分都無問題。風雲小炒皇 
呢碟小炒皇真是一個字：正！有蝦仁、腰果、魷魚、青椒同雜菜，炒得乾身又香口，每樣材料都好新鮮，蝦仁彈牙，魷魚爽口，腰果仲有陣脆香。調味啱啱好，唔會太咸，食到尾都唔覺得滯。呢碟真係下飯神器！菠蘿咕嚕肉 
咕嚕肉係我嘅心頭好，呢度嘅版本真係無令我失望！菠蘿好juicy，酸酸甜甜好開胃，豬肉炸得外脆內嫩，醬汁酸甜平衡，唔會太膩或者太甜。連我嗰個平時唔鍾意食咕嚕肉嘅朋友都話好食，仲搶咗幾舊添！炸饅頭 
甜品就嗌咗炸饅頭，外面炸到金黃香脆，內裏軟軟地，點啲煉奶食真係一流！份量有五件，啱晒我哋幾個分。唯一小投訴係有啲油膩，如果可以再乾身啲就完美…Read More

原來不知不覺間已經差唔多成年冇過嚟食啦！🌶️呢間位於瓊華10樓嘅川菜餐廳，主打酸菜魚，同多款充滿港式風味的大排檔小炒 。🐓古法藥膳土雞煲養生必點啊！一上枱個湯底已經聞到好大浸藥材味！連隔籬枱都聞到😆，再配上滑嫩的雞肉去煮，嗰啖湯真係正到呢！充滿當歸味！滋補之選啊！🍖菠蘿咕嚕肉好耐冇食咕嚕肉，外面嗰層炸到好香脆，可惜肉質口感偏韌。如果軟身少少就好啦。🦑惹味椒鹽魷魚鬚去到邊都鍾意點魷魚鬚食！呢度嘅魷魚鬚特別惹味，炸到外脆內軟🤩，椒鹽味都落得剛剛好！唔會太鹹，但係又唔會太淡。🥬上湯時蔬（菜心）甜品🍮：紅糖脆炸糍粑真係超鍾意食呢個甜品，即點即炸新鮮熱辣辣，紅糖同埋黃豆粉係分開嘅，可以自行控制份量沾嚟食。…Read More

今日午餐到旺角覓食，嚟到呢間位於瓊華中心既風雲排檔食個午餐。店剛開舖就到，所以冇乜人，店員帶我坐在角落位，掃碼睇下個餐牌有咩啱食，就發覺佢地午餐有雞煲，最後決定點咗個香辣雞煲，要大辣。不一會個雞煲就送上，食落味道唔錯，但d雞有d怪怪地，有大部份比較細舊既雞係炸過既，似係用辣子雞嚟煮呢個雞煲，得幾舊大既就比較正常，除咗雞之外其他配菜都正常。[米饭]口味：🥚🥚[薄荷]环境：🥚🥚🥚🥚[服务铃]服务：🥚🥚🥚[糖果]性价比：🥚🥚…Read More

風雲排檔轉型做港式大排檔食物款式充滿地道風味✨風雲小炒皇 $118去親大排檔我都好中意食小炒王材料炒得乾身有鑊氣魷魚煙韌彈牙韭菜花爽脆連埋青椒洋蔥同腰果層次分明，口感豐富✨古法藥膳土雞煲 $128一上枱已經聞到好香藥材味湯底清澈但味道濃郁有種暖胃嘅感覺雞肉好嫩滑啖啖肉吸收晒湯汁精華食完有好滋補嘅感覺😂✨椒鹽豬扒 $58呢個係午市套餐但份量好大方外層炸得金黃酥脆豬扒肉質厚實好軟腍送飯一流✨避風塘鮮蝦 $118蒜香味濃郁蝦殼炸到好薄脆可以連殼一齊食惹味到想配埋啤酒飲✨龍鳳檸樂 $38冇飲到啤酒唯有飲檸樂一樣咁爽～👛人均消費 ~$250(連加一服務費)⏱冇限時…Read More

去到「風雲排檔」，第一眼就俾佢哋新出嘅「古法藥膳土雞煲」吸引住😋 啲湯滾起嚟藥材香好濃，帶住枸杞、紅棗嗰陣清甜味，雞肉煲得啱啱好，唔韌仲有肉香，每啖都係暖笠笠，好啱天氣涼嘅時候食😆 小食都幾有驚喜✅ 炸饅頭炸到外脆內軟，加啲煉奶簡直停唔到口🥰 紅糖脆炸糍粑就甜而唔膩，外面香脆，入面煙煙韌韌，沾上紅糖漿，爆香又甜美，好過癮😋 荔枝蝦球都唔錯，蝦肉彈牙，配上荔枝清甜，好特別😘 仲有懷舊鮮奶卷，口感又滑又清爽，食到後面正好用嚟解一解膩👍 飲品方面，揀菊花蜜或者洛神花茶都會用古式酒壺送上🤩 菊花蜜甜甜哋，飲落清清地幾舒服✅ 洛神花茶就微酸醒神，鮮紅誘人，最啱配炸物一齊食，唔會覺得滯😎 …Read More

旺角餐廳美食林立，當中亦有唔同嘅特色餐廳小店。今次黎到呢間主打川菜同時又帶有港式大排檔風味嘅餐廳𓌉◯𓇋 酸菜魚(2人份) $168 - 魚肉份量都唔少，而且肉質爽滑，唔會一夾就散，酸菜味道都唔錯，其他配料例如萵筍、金菇、寬粉條都有齊，整體非常唔錯𓌉◯𓇋 麻辣鴨血 $48 - 鴨血質地唔錯，但辣得黎麻不足𓌉◯𓇋 鮑魚雞煲 $168 - 鮑魚大大隻而且好彈牙，雞煲香辣風味十足，亦唔會太咸𓌉◯𓇋 避風塘四季豆 $88 - 四季豆炒得夠乾身，夾埋避風塘式炸蒜一齊食，非常惹味，辣度都適中𓌉◯𓇋 酸辣土豆絲 $88 - 土豆絲好爽口，不過個酸辣就做得一般𓌉◯𓇋 炸饅頭 $58 - 首先出場造型已經好搶眼，饅頭炸得外脆內軟，加埋練奶就算本身食到飽飽地都仲可以啪多兩個𓌉◯𓇋 黑糖脆炸糍粑 $58 - 糍粑外面炸得脆脆，入面就好軟糯，點上黑糖之後味道更佳…Read More

今天滿心期待地嘗試了一家四川菜餐廳，結果整體體驗非常令人失望。點了三道招牌菜，每一道都或多或少存在問題，實在不吐不快。首先，酸菜魚的味道完全不正宗。湯底缺乏鮮香和層次感，酸菜既不夠酸也不夠爽脆，魚肉處理得有些鬆散，整體口感與正宗川味相差甚遠，彷彿在喝一碗平淡的酸湯。其次，孜然炒羊肉幾乎全是洋蔥，羊肉少得可憐！孜然香氣不足，羊肉嚼勁也一般，整體味道被洋蔥的辛辣味掩蓋，感覺更像是一盤炒洋蔥而不是羊肉料理。最後，三杯雞煲的味道非常奇怪。醬汁過於甜膩，掩蓋了九層塔和薑蒜的香氣，雞肉口感也偏乾，缺乏應有的嫩滑和濃郁風味，與傳統三杯雞的醇厚味道完全不符。服務方面也比較一般，店員態度冷淡，整體氛圍讓人感覺不夠熱情，最後付款埋單時才被告知只收現金。總之，這次用餐體驗遠低於預期，無論是菜品口味還是服務都還有很大的提升空間。不會推薦給朋友，短期內也不會再光顧了。…Read More

追開po嘅朋友可能會發現小編係重口味愛好者🤣而小編其中一樣至愛就係酸菜魚！依間餐廳早排喺IG老是長出現，小編食過一次之後返尋味，早排又去咗食~真係要推推佢。前菜 $9/位一入座無耐就會有侍應上中華沙律同辣菜脯各1小兜🤤小編試過銅鑼灣同荃灣2間分店嘅前菜，個人感覺2間嘅中華沙律嘅味有唔同🤣前者就麻辣味重啲，後者就酸味重啲~菜脯食落就似BB辣，爽口開胃。酸菜魚 $268 + 薯粉 $30第一次食嗰陣俾個碗嘅size驚艷到！小編辣度揀咗小辣，食完都唔覺得特別辣，所以唔食得辣嘅都可能可以試試佢。魚片就好入味，起哂骨，份量都好足😍湯底都唔係好油，無咁驚食完會guilty~配菜方面有芽菜、豆卜、萵筍、芫茜同辣椒花椒。另外，薯粉迷嘅小編都額外加咗薯粉底，薯粉係寬版，所以都食得好過癮。秘製麻辣炒薯粉 $88依個無得揀辣度，本身都有啲驚會唔會好辣，但原來都係同上面酸菜魚小辣辣度差唔多🤩望落色水好夠，鑊氣十足，啲香料都爆得好香，但食落就唔係好夠味，可能係酸菜魚太惹味🤭炸饅頭 $58小編第一次食嘅時候無嗌到，但喺銅鑼灣分店就見到其他食客嗰啲有放乾冰，充滿仙氣🤣但第二次喺荃灣分店試嘅時候就無乾冰喇~但個盤都已經夠哂靚！炸饅頭黑糖味好重，外面又炸得好脆，加埋煉奶嘅層次又好豐富，如果驚食唔飽都推薦加。洛神花茶 $48咁大個女第一次見到飲品係一埕咁上！食完重口嘢食飲返啲洛神花茶可以清新消濟吓~雖然望落好似好細埕，但2個人飲都好似飲極都有咁🤣龍鳳檸樂 $38個名好霸氣，個杯都好特別，不過就同平時飲嘅檸樂差唔多，就唔特別介紹了🤪…Read More

Walk in到餐廳。只有幾張枱有客人。但入門口時，:(近乎沒有服務/招呼。食物偏向超級鹹，份量都偏小。到結帳時，居然話只收現金（聲稱部碌卡機壞咗）。感覺不太好。唯一優點係冇人幫襯，可以坐耐啲。…Read More

本人與家人同行共兩位於6月16日（一）下午17:16分即日訂座並於18:00左右到達餐廳用膳我們是第一台到達的客人分別落單點了五款菜式酸菜魚（2人份量）黃金蝦豉椒炒蜆欖菜肉碎炒飯奶油津白首先酸菜魚味道過酸，灑上面的菊花片水份乾枯顏色暗淡。魚片異常地嫩滑，但並沒有任何魚的味道。配料蓮藕之顏色亦非常之白，明顯是預製菜。第二道是黃金蝦，味道正常。但是蝦肉霉爛且蝦頭有臭味。不知道是雪藏蝦還是死蝦，上菜時溫度不足。第三是豉椒炒蜆，蜆肉係經滾水白烚後再配以醬料翻炒。本人明白這是正常的做法但是蜆肉並沒有和醬汁混合顯得非常之無味，味道亦都一般醬汁過於濃稠，並且沒有蒜香味。第四，整餐飯唯一係新鮮製作的欖菜肉碎炒飯粒粒分明味道亦都尚可屬於正常水平的一道菜。最後奶油津白，感覺上係用白汁意粉的醬汁直接蓋上菜上，味道非常奇怪。並且醬汁上並沒有任何金華火腿。總結整餐用膳並不太愉快，只有炒飯一項屬於正常水平。而且餐廳說明當天不接受任何信用卡之收現金於結帳前並沒有預先說明，非常不便。本人與家人大約於晚上八時離開餐廳，當時亦僅僅只有四台客人。夜晚上本人與家人分別因肚痛腹泄肚痾痾嘔數次熱導致無法進睡，懷疑食物中毒。所以診症後會補保留追究權利。並不建議大家光顧此餐廳。…Read More

🌶️ 麻辣排檔之前一直喜愛麻辣風雲，覺得非常好吃，原本打算再來一趟。沒想到它已經改名為「風雲排檔」。新店保留了舊店的風格，但加入了更多香港小炒，價格還是很實惠，但這次的用餐經歷讓我失望，不會再光顧了。🦑 **避風塘炒鮮魷 $108** 份量偏少，也沒有那種避風塘的香味，味道非常一般。🐟 **酸菜魚 $148**（額外加$30薯粉） 酸菜魚的味道和以前一樣，不過侍應告訴我們薯粉不夠兩人食，所以額外點了份。結果上來的薯粉只有圖中的份量，詢問了好一會兒，最後還是需要經理出面解決，讓人很失望！🍲 **菊花蜜** 當天免費獲得一份雞煲，但雞煲的味道並不出色，雞肉量少這次的用餐體驗真是讓人失望！…Read More