其實係慶祝MAMA👸🏻 Birthday 🎂 🥳🥳
不過佢唔肯出鏡，就唯有我出鏡la～🤣😂

哩間餐廳叫firebird 它的主打菜果然好有睇頭🤩 大火燒雞打卡影相好靚😆 不過我最鍾意的係佢的炸三文魚壽司卷!!! 口感同味道都有水準 非常鍾意佢炸咗之後外皮非常脆 但入面熱辣辣 仲散發仲三文魚的香味！
特色飲品:櫻花沙冰特飲 上面嘅沙冰山丘非常之吸睛👀✨ 然後一路飲一路溶🤣🤣 我哋講笑咁話 好抵!! 有得無限添飲🤣🤣 另外嗌咗玉子燒 炸軟殼蟹 同埋蟹子蟹肉烏冬 全部都好食 日式料理的中上水平 所以對佢印象唔錯 下次可以回頭 再試吓其他野😚😋

Wish You A MaMaDay 💖✨ 
📍 銅鑼灣駱克道491-499號京都商業中心10樓

呢間環境非常之有特色的餐廳，我實在太鍾意啦～
上到去七彩繽紛的擺設同埋室內設計 令人心情即刻提升左 而且整體食物質素水平比我想像中高好多 性價比👍🏻👍🏻如果識廣東話嘅話 仲會發現佢餐牌嘅食物名 改得好搞笑🤣
最值得讚就係佢個龍蝦湯 價錢唔貴，但係真材實料 鮮味十足 非常濃郁，裏面仲有小龍蝦肉
佢個蟹籽蟹肉蟹膏意粉🍝 都好唔錯 又係好足料～我下次去都會encore😋
吉列牛就唔算好特別 不過不失叫做幾抵食～
炸雞翼配honey mustard sauce 就不用懷疑 haha 要試！

【 觀塘🎏 響 居酒屋 】@hkhibiki
📍觀塘鴻圖道90號6樓

有和服體驗👘 又有美食的🍣  日本居酒屋✨🏮🎎

| 晚市 |  * 尊貴日式居酒屋M5和牛料理二人晚餐 ($998)  非常之豐富  前菜有枝豆，同埋雞泡魚乾
刺身有原條鮮魚切片 再加3款時令刺身
壽司拼盤都好值得讚 拖羅好新鮮
左口魚邊超過之後油香而不膩
串燒拼盤的牛舌 特別推介 肉味濃郁質感爽口彈牙
主菜就有澳洲M5和牛 同埋牛肉炒麵
最後蜆湯同埋甜品都唔錯
滿載而歸

* 清酒機任飲都係($188)2位

🔥Chill and Grill 📍西環加多近街57號地舖  今次嚟到港島區，藍色線最邊邊嘅堅尼地城搵食！ 點解特登揀到嚟呢度？ 因為有班靚靚朋友推薦 話哩到地方較大，仲要係Pet friendly 好岩聚餐打卡😍  一入到去，果然係一個好舒服寬敞嘅環境 仲要樓底好高完全冇壓迫感非常適合週末同朋友傾偈食飯  難得見面，我哋揀咗好多食又好味打卡又正嘅dishes!!  前菜有 兩個都係酸酸甜甜好開胃嘅 泰式醃油甘魚 同埋牛肉他他 我好欣賞牛肉他他下面嗰塊餅非常鬆脆 聽講係佢哋店舖自家製!! 現場，仲見到有師傅搓緊麵粉! 非常之有特色！  然後就係影出嚟，超級震撼的 五個人都食唔晒嘅 prime斧頭扒!! 唔好以為大份煮出嚟會冇咁好食 肉質竟然keep到鮮嫩多汁! 抵讚，而且唔係好貴～  然後pasta方面西班牙飯同埋黃金蟹黃意粉 🍝 都好香 係比較有特色嘅～  最後個tiramisu甜品都好有驚喜 香濃嘅咖啡，加上微甜嘅蛋糕 好夾好味道 好滿足呀💖 

趁初三赤口，大家都留喺屋企🤣
又等我盡吓Foodie嘅責任😝
介紹下唔錯 性價比高 值得一試的隱世餐廳先😋

呢間餐廳嘅鵝肝包包 同埋龍蝦湯 都好香
仲有Parma Ham Pizza都好出色🤤
實惠超值💖 個春雞肉嫩又多汁～
有機會再試埋佢個signature甜品😍😍 
📍Villa Villa  北角 錦屏街後街25A號東發大廈地下31號舖

XxxxxxxxxxxxxxxxxxxxxxxxxxxxxxxX

又係放工同朋友食好嘢嘅時間😆 都係喺港島區嘅我哋 揀咗呢間天后嘅黑木亭 呢間我已經食過佢尖沙咀同埋元朗嘅分店㗎喇 我覺得非常之唔錯所以今次就試埋天后分店  我覺得值得咁樣周圍去佢哋唔同分店食嘅原因係佢哋餐牌悶得好快，同埋每間分店都有少少佢自己嘅獨有特色食物😋  今次我哋就嗌咗大大條嘅鐵板活鰻魚 同埋A5宮崎和牛😍 兩樣都好正好值得推介!!  而且唔少得，每次必點佢哋主題嘅熊熊嘢飲 靚靚 ！打卡😆

每日返工咁攰  最開心就係放工 可以同朋友出去食吓嘢傾吓偈 呢間金鶴拉麵都係一個唔錯嘅選擇 其實佢哋有好多間分店，我哋今次就去咗北角～  環境就係一間日式拉麵店設計 有吧枱亦都有普通座位 因為今日真係太肚餓啦，我哋嗌咗個超級抵食嘅日式咖喱吉列豬扒+炸雞飯！！ 好大份都只係$108!! 朋友就嗌咗辛辣豬骨湯拉麵 再加咗一份餃子，同埋一份煎釀雞翼😛😋 全部嘅食物質素都屬於中高水平 價錢又唔貴 性價比好高～ 見到朋友咁高興，食完嘢 我哋決定開支啤酒邊飲邊暢談 真係好開心😝😛

呢間餐廳我係同屋企人嚟食 因為佢哋都幾鍾意食中菜 火鍋  呢間餐廳主打就係食雞煲 魚煲 所以決定帶佢哋嚟試吓 屋企人又真係成餐飯都喺度讚喎
我哋三個人叫咗兩個煲 一個係胡椒豬肚雞 另一個係招牌酸菜桂花魚 (因為嗰日龍躉已經賣晒，如果唔係我哋嘗試吓酸菜龍躉煲！肯定係因為太受歡迎啦)
我哋都一致大讚嗰度嘅酸菜魚 湯汁真係烹調得好好食好惹味呀😍 我本人用嗰個汁撈咗一大碗飯食 屋企人甚至要求打包淨底嘅湯底 返屋企煮麵食😂😂 可見 我哋有幾鍾意食嗰個酸菜魚煲  另外胡椒豬肚雞煲入面嘅雞，比起平時嘅冰鮮雞有雞味 而且嫩滑多汁 嫩度啱啱好😋 都好好食 食完靜咗嘅湯底可以拎嚟打邊爐，我哋仲嗌埋烏冬 大滿足!!

中環 隱世西式餐廳 環境超靚適合約會打卡
仲有得嗌all you can eat!! 無限量青口任食😍😝
哩間餐廳 環境布局都係精心設計過的 昏暗嘅燈光 寧靜嘅環境 令人可以有一次好舒適嘅約會 除咗四房口味嘅青口可以任食之外 我哋仲嗌咗兩個壽司卷 入邊傾住計 一邊食 咁樣份量 就啱啱好啦  任食青口方面我最鍾意就係椰奶嗰一款 喺呢間餐廳食任食青口，我有個小貼士 就係每種口味，叫佢上半份😂 因為可能為咗配合返外國人胃口 每1份嘅份量都幾大份 每樣都係本分嘅話呢 就可以試多幾種唔同口味啦!!😝😛😋

📍北角英皇道376-380號美麗閣地舖
發現咗間，超級適合日常，自己一個人唔知食乜好嘅時候 平靚正，簡單快捷方便咁解決一餐的 平民餐廳😍😍 呢間炯記 真係好啱放工 無約人食飯屋企又冇煮飯嘅日子去！ 嘢食大份夾抵食 價錢相宜，選擇又多 味道更加唔差  我最鍾意佢哋嘅手撕雞！ 半隻都只係$68炸!! 而鵝油撈麵就係佢哋嘅招牌 鵝油拌落面到食香得來唔會太膩 幾正  佢哋嘅燒味類食物 全部都唔差 叉燒肥瘦得宜 我幾鍾意食海蜇燻蹄😋 例牌一個都係$80咋