霸王山莊

營業中

休息中

雖然是第三次到霸王山莊，但我還是覺得值得再次光顧的。二人晚餐到霸王山莊可以有很多選擇，因為這兒的菜都是細細碟的，兩個人可以吃四款食物，嘗試不同味道。今回我們點了：小籠包、三鮮湯年糕、糖酷魚塊和金蒜乾貝炒飯。首三個菜是值得推介。小籠包用料新鮮，一啖就可以放入口，又不會太熱而燙到咀。三鮮湯年糕用了沙碢雲吞雞的湯底，很鮮味。糖酷魚塊外表像咕嚕肉，但味道完全不會腥。晚飯的茶是香片，芥是牙菜。這兒另收茶、芥及加一。

星期日一早去了此店吃晚飯, 因為聽講好多人. 去到六點幾, 不用等位就入座, 以為貨不對版; 點知一到7點, 回頭一望, 突然有好多人等位, 排哂隊, 都幾誇張.我和女朋友一齊, 吃了:手撕雞小籠包素餃小棠菜霸王炒飯東坡肉味道真的不錯, 我們都比平時吃得更多, 而且有很多選擇, 女友已想過兩日再試. 這是少有我們兩人都同時喜歡私餐廳.good!!

睇OPENRICE好似有好多笑面就搵日去試一試啦,果日食左野,所以叫左少少野陪人食,首先小籠包唔可以話佢難食,但係又唔係好食,好普通,普通到冇咩印象,紅油抄手,我第一次食呢樣野,唔知佢應該係咩味道,但叫得紅油,我諗係辣呱,點知...係甜的..而且甜到好怪,唔似係鹹點應有的甜味,定紅油抄手原本就係咁,只係我孤陋寡聞呢?仲有唔記得D咩了,總之都係普普通通咁啦,但係價錢就唔平囉,以呢個價錢可以食到更加好的,當然就冇佢咁靚環境啦

片皮鴨- 算ok, 但鴨肉太鞋兼冇味五式拚盤-醉雞轉彎- 因為拚盤，酒同雞分開上，唔得-素鵝- 太燶-蔥油海焎皮- 幾香-雞絲粉皮- 粗粒花生醬...-烤夫- 冇乜特別鍋鎉豆付- 豆付好大舊, 上漿同火喉都唔錯，但醬汁係豉油+紅糖，味道太淡小籠包- 皮薄, 但肉味怪

長洲之旅之後，到尖沙咀吃晚飯。選了砂鍋雲吞雞、賽螃蟹、三鮮炒年糕、小籠包、榨菜炒(牛？！豬？！)配义子燒餅。雲吞雞湯較重味精、味道還可以。不知為何賽螃蟹的碗底有很多水，所以叫了部長問清楚。部長說應是師傅失了手，所以換過一碟給我們。雖然之後那碟也好不了多少，但服務態度可嘉。三鮮炒年糕沒有吃，所以不能給評語。义子燒餅挺惹味，有咬口，不錯。最讚的是那小籠包，皮薄得連內裡湯汁也清晰可見。但用筷子夾下去時也不會爆破，而且湯汁挺甜。兩個字，好吃！

記得幾個月前去過食野,我本身都好中意食中菜...個經理D服務好好,同埋佢介紹D野食樣樣都好味道,價錢又唔貴,正!只係衰在坐得唔係太舒服~

開業初期, 到來試過晚市, 不合格. 所以以後都無去過. 但由於現在係附近返工, 加上同事推介, 所以久不久也吃這裡的午市.通常只係吃香菇炆雞麵加小籠包. 兩者水準相當高. 冬菇炆得十分入味, 又厚肉, 口感一流. 炆雞好入味, 有時都嫩嫩地, 再加上湯, 好好味. 小籠包, 不用說, 這裡的招牌貨, 皮薄, 肉汁多. 所以現在也只會在午市才幫襯.

好友生日一班人為她補足而搞的一飯局.醉雞–我食的那舊肉算嫩, 但酒味可再濃些.黃金四季豆–炒得乾身唔油, ok的.百頁火腿浸小棠菜–清清地, 火腿質素普通, 唔太咸香.小籠包–皮算薄但又不易穿, 汁多但唔夠鮮香, 偏清唔油.蝦多士–很厚, 但偏油膩, 蝦味不足, 蝦與多士接觸面有些霉.松子魚–汁ok, 唔太酸, 魚炸得也脆口.黃金蒜炒飯–料無乜, 但炒得過得去吧!冬菇荀片炒年糕–醬唔夠濃, 都是一解想吃煙韌食物之癮.反而愛吃餐前小吃–辣椰菜, 醃青瓜蘿蔔和涼伴秀珍菇粉皮.

媽咪本身鍾意食小籠包,仲成日同我講呢度d小籠包好味,我就對小籠包麻麻,不過媽咪節想哣下佢開心,就同佢黎食啦其實之前都同媽咪食左餐,都幾飽,但媽咪想食,就當宵夜啦兩客小籠包,其實我想話叫一客就算,但媽咪話驚佢食晒我無得食,所以叫兩客小籠包~皮薄多汁唔易穿,果然好味之不過我仲飽緊,只食左兩隻,其餘媽咪食,見佢食得津津有味,見到媽咪開心,我都好開心

Friday 行過見唔多人等咪試吓啦! 叫咗霸王燒雞$150, 又貴又無雞味,得個鹹字.小龐包ok la, D 肉好油膩.雲吞雞入口好味, 食咗2 碗.点知之後勁口渴, 味精作怪.四季豆, 好細碟but 幾好味.重叫咗炒年糕and 甜品.埋單AA , 每人要$140. D food 麻麻, place and service 好一般. Price 有D 貴啊!

..今日諗住同男朋友的媽媽預祝mum mum day...聽朋友講呢間野幾好食....上呢到睇網友們的食評好似幾好咁....星期三下就我就即刻打去book位...仲有個姐姐話ok... 冇問題....點知今日去到.....個門口小姐話『今日冇姓x既小姐book位bor...』我咪講電話號碼囉....點知....『冇呢個電話號碼bor』.....真係想即埸爆佢粗......佢仲要問我有冇book左隔離間『xx餐廳』...仲夠膽叫我去隔離問下囉...不過又真係好想試下佢有咩咁好.....男友媽媽又係到....\"/. 即刻扮收火啦....如果各位網友要book位....記得問清楚佢有冇book到呀!!!!d野食... 都ok啦...我鍾意個『宋x魚x』... ^e^"不過因為唔順氣... 食得麻麻地開心...今次5個送, 1個湯, 1個炒飯, 1個甜品4個人= HK$48X

自從無係尖沙咀做野,己經無再黎過,但今日我又再被調返尖沙咀,呢度係以前經常黎食晏既地方,d野食都幾好食,所以一星期總會黎三.四天,今天我第一天調回到尖沙咀返工,所以舊同事即時請我黎呢度食晏,真係開心,但今天黎到呢度,好像和以往不同,因為每次我黎親都很多人,有時都要等五至十分鐘先至有位,但今日好似好平靜似的,我們一行八人一去到已即時有位,但感覺好像不及以往般熱鬧.今天我除了吃我平時愛吃的麵和小籠包外還點選了菜牌內的東西,因為不用我付錢,所以特別興奮,點了醉雞,黃金蝦,四季豆,仲有個宮保雞丁,但當食物一到,我就覺得和以往的有點不同,因呢幾樣野我以前都係呢度食過,除在醉雞有個盅出黎之外,其它個look好唔妥,真係唔知點形容,黃金蝦個樣真係一d都唔吸引,以往金黃色,但今次就屎黃色,四季豆就好濕,一d都唔乾身,宮保雞丁都係好濕,全部野食落去都唔比以前差,至於醉雞唔知係咪比其它食物影響下,都覺得唔夠滑,小籠包已經無什麼驚喜了,因為以往吃得太多了,只能說一句還能保持到吧,至於服務方面可能比以前靜了關係,侍應比以前反應好了很多,一叫即到,還都幾有禮貌,總括而言,呢度食物真係比前差了,希望他們能有回以往

食ｏ左ｏ甘多餐外國野，係時候支持下國產貨但中國菜實在多不勝數，因此就ｏ黎個大匯集　－　京﹑川﹑滬ｏ剌ｄｉｓｈｅｓ　ｉｎｃｌｕｄｅ：香酥鴨咬ｏ左一口後，我ｏ地異口同聲ｏ甘ｍｍｍｍｍｍｍ　ｏ左出ｏ黎簡直係ｍａｎｎａ　ｆｒｏｍ　ｈｅａｖｅｎ！超級香，超級脆，入口即浴！配埋ｄ包中和番就ｏ吾會太油太膩　－　恰到好處　恰到好處軟殼蟹炒年糕可能前一味菜實在太美味，比較之下，炒年糕好似稍為遜色軟殼蟹味道似天婦羅，ｎｏ　ｓｕｒｐｒｉｓｅ炒年糕就好味好多入味，彈牙又夠鑊氣香椰果仁煎芋餅（係甜品ｏ黎ｇａ）又係好香脆，又係入口即溶ｄ芋泥ｏ吾太甜，配上灑ｏ係上面ｏ既沙糖同花生碎就ｏ岩ｏ岩好外貌又討好，掂！高力豆沙睇ｍｅｎｕ幅相以為係硬板板，點知個樣原來ｏ甘可愛，成個ｐｕｆｆｏ甘食落仲好ｓｏｆｔ，內面ｏ既蛋白ｒｅｓｅｍｂｌｅｓ蛋撻餡，再加埋ｄ紅豆沙好　ｓｗｅｅｔ　ｓｗｅｅｔ　ｏ牙！我ｏ地成場顧著食，埋單果陣出面已經排曬長龍，真係旺o尼不過ｄ　ｓｅｒｖｉｃｅ　又ｏ吾係話特別好，ｏ吾明點解可以攞到優質服務標誌，連ｂｒｏ都話ｄ　ｗａｉｔｅｒｓ　好似木頭人

宵夜時段的套餐很抵食，才$40左右，麵+甜點/包點。黑金剛有咬勁，小籠包梢油膩，高力豆沙不太甜，整體水準不錯!

呢度d 價錢算貴，但物有所值!樣樣都好好味! 諗起都想食!我食過佢，而又覺得好味的有:-紅油抄手!!!!好味在於點完d 辣味豉油之後! d 辣味絕不普通!好惹味!花雕醉雞!!!!D 花雕酒真係要講講，香到震!入口之後，D花雕味o係個口入面，香住咁散出黎!真正食到醉雞的味道!!!!!有機會去到的話，一定要試試!