霸王山莊

營業中

休息中

見食評0甘多笑臉，以為好掂，點知大失所望。早一日前訂位，訂左5位。去到時，個知客竟然卑張10人台我地坐。完全唔掂，最怕好似同0的invisible friends食飯。如果我無訂台就話0者，加下我地早一日訂都安排唔到合適既台，我就覺得無服務可言。我0地走番落門口同知客講張台太大，我地要求張合適0的既。知客話無灑位，除非我地等人地埋單。我地見到張卡位剛剛埋單，我地話可以轉卡位。知客話5個人坐會好逼架，但我地覺得ok，因為家姐同姐夫有事要做，來到只系食個quick lunch 就走，所以我地覺得可以接受。當我地同知客講卡位都ok時，知客就轉呔話，果張台卑人訂0左，所以如果要坐細台，就響度等其他台埋單(拒系用好負氣既語氣來講呢番話既)。超激氣!!! 因為唔想家姐來到時仲等緊位，所以我地死死地氣坐番響張10 人台度。超興!!!!!絕對無下次，亦唔建議去，服務奇差

成日都食樟茶鴨,今次試下香酥鴨...嘩,一試之下,好得呀! 個鴨炸得夠脆,好鬆化. 個包夾著食,點0左d淮盬,嘩,太咸. 仲食0左小lung包,真係...幾好食! 個包大小剛好,皮薄,湯汁都幾多...一客四粒,兩個人食剛好.個三鮮炒年糕hihi1031話唔好食,因為個味唔夠濃,但係我就覺得幾好,因為清清地.ps: d waiter 反應好快,service幾好.

見咁多人讚就諗住試下啦...醉雞: 滑就幾滑, 不過酒太重手啦... 苦肴肉: 好salty...賽磅蟹: 唔滑! d醋味唔夾小籠包: 唔夠熱, 皮厚擔擔麵: d湯好"希"紅豆沙(送): 真係糖水喎... 好似飲緊高濃度糖+水...唔recommand大家去~ staff無禮貌! 加上勁careless (唔想話佢地專登), 總之記得check單啦!

剛過去的星期六(15-SEP)，我女朋友返完6個鐘學後，就同佢食佢最喜歡的上海菜，而今次就係去霸王山莊(京川滬菜)。我訂左位8點，去到等了1-2分鐘就有位。見女朋友又叫肚餓，我地就叫左四碟餸菜。三式併盤(烤夫、牛展、棒棒雞粉皮)，窩貼鳳尾蝦，黃金四季豆和韭菜花煎餅。先來個併盤，烤夫唔夠正宗的好味，只有甜味，缺少左一d藥味；棒棒雞應該有少少辣，但一點也沒有，但就落足花生醬(仲要係粗粒個隻)，好"傑"，本人喜歡"水"d；牛展就中等，味道可以。再來一碟煎餅，好夠熱，但亦好油，食入口唔夠韭菜味。之後到就到鳳尾蝦，這道餸菜值得一讚，我預計會好油，但食入口一點油的感覺都沒有(誇張左d，但真係好少油)，好香口，入面o的蝦膠好好味，不錯，可推介，美中不足係有d"黑"點(女朋友同我都懷疑d油用過太多次所以有"黑"點)。最後一碟係黃金四季豆，好香蛋黃味，真係要食到舔碟低。講到價錢就唔平，2個人要305蚊，e個價可以去到其他好出名的上海店(南翔、小南國)食得飽飽。佢仲要每碟餸菜都無伴碟。

噚晚係我第一次去食, 雖然之前係經過過好多次, 但同行ge朋友都冇興趣, 今次我個妹提出, 梗係唔會say no 啦.未去已經係想食醉雞同小籠飽, 其他都係填肚, 但係一上枱就不得了.- 紅油抄手, 個賣相同出面ge已經好唔同, 放入口就知係高一班.- 醉雞, 睇題目已經知係好得啦, 佢ge酒味好重, 啲雞亦都好滑.- 小籠飽, 又真係皮薄ge, 但汁就小咗啲囉.(都係翡翠拉麵好食啲).- 咩咩黃金蝦, 啲蝦過熟, 但啲咸蛋黃真係好香.- 金華火腿津白, 普通啦.- 乜鬼炒飯, 如果炒飯嚟講佢唔夠乾, 但對一個成日胃痛ge我嚟講, 就啱啱好, 但味道都係一般.- 高力豆沙, 真係有啲失望, 外層ge蛋白嘢太實啦, 可以soft啲會好啲.- 雷沙湯丸, 我不嬲都係冇興趣, 不便評語.但服務就真係要改善啦,啲灰衫人(類似部長ge物體)睇到你想落單都唔會過嚟, 係都要等啲黑衫人(即係待應)過嚟, 但到咗埋單就飛奔過嚟(真係有人見$開眼呀!!)今時今日咁ge服務態度係唔得架!

上星期六同d舊同學鈙舊,佢地係度訂左枱 ,訂左七點半鐘,我地一行六人到達門口時已人山人海簡真多人到不得了,去到我仲以為訂左枱 一定有枱 ,點知原來都要等,但朋友話佢打電話去黎䒷 時,已經同佢講左黎到都可能要等,安排優先入座,有無咁旺呀......等左十五分鐘左右我地終於可以入座,但門口d人多到我地根本都入唔到去,幾經辛苦先至行到入去,我地坐左一陣各人己經看個菜譜都唔知點d乜野食,到後黎有個看上去應該係經理的人走來向我們推介六位套餐,話幾扺食,横掂我地都無話乜特別想食,於是由班長話事,決定信經理推介,點了個六人餐,坐左一陣己經有野食黎,上菜時間都幾快,不到一會兒所有食物都黎齊,開頭我們都驚六人餐未必夠食,點知黎齊野後,我地各人都覺得真係幾抵食,因為我們仲有野食剩,食物整体上都幾好,味道唔錯,服務方面都幾滿意,但佢地好似好唔夠人手,我地只見到幾個員工,可能繁忙關係,看見到經理都行得很快,滿頭汗似的在工作.其他員工都工作得很急很忙,所以我們都無特別多要求,起碼佢地見到我們開左茶壼蓋都好快就同我地加返茶,收碟,可能真係太忙關係除左經理外,很難找到一位有笑容的員工,令人覺得佢地態度未夠親切,但係

開業時試過晚市, 食物嘛嘛, 服務一般, 印象不大好.今次破例再來一次吧!樟茶鴨跟飽, 賣相, 味道都唔錯. 估唔到個半煎炸的, 不錯! 小籠飽一向都不俗. 好味! 但炒年糕, 淡出個鳥來….oh no!

食物一般,多數偏甜偏油, not my taste.服務環境都完全唔得, 餐廳地下又濕又污穢, 好似茶餐廳. 餐廳內好噪, 全完無nice dinner feel.

本人與朋友共8 人上星期到此店點了一個8人套餐。各人一致識同只有小籠包可以一試, 其他菜只可以用一個字來形容........ 甜!!! 炒飯另計, 因炒飯是完全無味....

星期日到此店為朋友慶祝生日。由於我們有大約十人，故要求轉圓桌，方便交談，可惜換來的是「你見唔到有人坐緊咩？」算了，坐下點菜吧。我們點了套餐，另加幾碟小菜，上了數碟，其餘幾碟卻遲遲未上，味道一般，尤其甜品煎芋餅，沒有味道可言。有朋友生日，當然會切蛋糕。我們一早把蛋糕給侍應放在雪櫃，他指切餅費要$50，後來請他上蛋糕時，有位女侍應竟然把蛋糕拿來，大聲的問我們是否那個蛋糕。朋友見到也算了，她竟然之後才告訴我們沒蠟燭，然後把蛋糕拿回去。第二次再來的時候，蠟燭竟然仍未有點著，在我們面前放在桌上才點，簡直有腦。最憤怒的可是臨走前的一刻。侍應在放下茶壺時不小心倒了一些熱水在我們一位朋友身上，卻沒有道歉，反而即時走開，完全沒有處理。後來經過多次催逼後，他們才拿來冰塊，連小學生也懂得處理的意外也不懂得處理。經理還為我們送上毛巾，請我的朋友包著冰，我們拒絕，只著他取來膠袋。我們看著經理手上的毛巾，後來滴出藍色的水(那條毛巾是藍色的，很明顯是脫色毛巾，幸好沒有用)。然後便推說那天是那位侍應第一天上班，請我們原諒她，卻連一聲道歉也沒有，看她的工作表現亦不像是第一天上班，完全無法接受。

食物OK , 服務態度OK , 係....烏龍D囉~~話說有人叫左埋單, 但等左好耐都無有單來, 再問之下, 個侍應好誠實咁話, 仲未埋, 咁個侍應立即去埋單, 不用10秒便有單~好搞笑羅~~

一行6人，求其搵個地方晚飯，見又唔駛等位，就入去試下。入到去唔會覺得好迫。食左小籠包, 霸王炒飯, 東坡肉, 醉雞, 糖酷魚塊, 雞絲粉皮。total 叫咁多野食，每樣都有水準，我尤其愛炒飯，炒得夠乾身，飯唔太硬，我無吃到醉雞(本人怕酒味)，但朋友們都話好吃。服務方面亦滿意。埋單每人$80, 真係好抵，會再去。

叫左小籠飽-OK好味的!清炒河蝦仁-大大粒，多肉，但無咩蝦味，貴呀!軟殼蟹炒年糕-無味無道，輸左馬？醉雞-味道無錯!^_^可以去的，但唔好叫軟殼蟹年糕!!

大夥兒同我補祝生日的地方... 佢地話事啦，我都無所謂。一行12 人，埋單每人都要$120，都唔可以話平喎，因為通常多人都會平d 架嘛~d 野普普通通啦，如果真係咁正我會好記得囉。個海蜇唔錯同埋個小龍包.........7點幾去... 爆到xyz... 好彩有訂位我個friend... 不過個度好嘈，上菜又慢... 個washroom 勉強d 啦...最驚喜的係幫我切蛋糕，仲幫我地用佢地公司的即影即有camera 影左1張相... =.=" 不過佢應該去練下先... 細到睇唔到d 人樣............ 影晒成張做乜呀?????????可以再去，但唔係一定要囉.............

二人入去，獲分派非常窄，非常嘈的位置。小籠包香口，皮薄多汁，一口咬下去不會膩，想再吃。雞絲粉皮拌涼麵，完全唔掂，麻醬完全是惠康買的罐裝粗粒花生醬，麵好滑，但欠了個好醬，都是不合格。麼麼鴨胸肉，全晚我的至愛，若果你喜歡濃濃的酒包在薄皮到，不是片皮鴨，不肉點醬已非常可口。湯年糕，幾好，年糕軟軟滑滑，湯底比較普通，但都幾鮮甜。整體算不錯，卻不是道道菜都好吃，事前做足功課便會穩陣得多。