霸王山莊

營業中

休息中

我黎呢度已經食過幾次野,上次我就覺得呢間野個侍應既態度唔係咁好,所以都無衝動再想黎,但前日舊同學聚舊,已訂在呢度食飯,所以無辦法都要黎,但係今次黎到都唔見左上次個侍應,仲有好多新面孔,反而今次呢D新面孔既服務態度比上次那個女侍應好得多,雖然未至於個個笑臉迎人,但就好有禮貌,還推介我們吃了什麼麼香菜豬骨,正確名就唔係好記得,都幾好食,都算唔錯,其它野都仲保持到水準,但唯一一個我唔係咁鍾意既地方係唔開大個冷氣,令我食得好辛苦,一路食一路出汗,我仲見到有D人用佢地檯上面既咭黎撥涼,真係唔知點解出面成三十幾度都唔開大個冷氣,因為我上次黎都唔係咁架,所以佢地應該係開細左,見到佢地有D員工仲做到出汗,所以如果要我再黎幫襯,就一定要有足夠既冷氣我先至會考慮再黎

約左位好耐冇見既朋友出黎食飯地點係tst但係冇咩地方想去見呢度d食評好似都唔錯決定黎呢度開餐同waiter講2位之後有另一位安排坐位同其他人好close 想要傾計既話呢個地方唔適合揀左好耐決定叫個二人餐有醉雞霸王炒飯小籠包金華火腿津白宮保蝦仁醉雞用個壺上~ 幾特別酒味好濃雞味欠奉霸王炒飯~ 都ok 炒得乾身唔太差小籠包~ 全晚最好食皮薄多汁味鮮好好味金華火腿津白~ 食左津白冇咩味好淡...宮保蝦仁~ 冇咩點食唔評分waiter反應比較慢....食完d碟放係度都冇人收..叫先識黎收但係overall都ok既下次都會再黎既但係只為小籠包

很少中菜餐廳能奪取我屋企人的芳心, 這是其中之一. 我們最喜歡食她的兩大招牌菜-- 小籠包及醉雞, 每次都點. 由於我們是常客, 有些職員已認得我們, 因此, 每次都和我們打招呼及服務得好好. 惟一要投訴的係有時真的太多人等位, 要等較長時間才可入座.

5月份剛剛有朋友生日, 於是一行十人去了尖沙咀霸王山莊試吓, 我們叫了一個千多元既套餐。味道ok, 服務尚可, 不過地方細D!!

昨日又黎食晚餐, 星期三, 人不少但沒有週六日咁擠擁, 點了餐牌上的招牌菜, 店員亦有推介新的香草菜, 與朋友談天說地, 偶爾亦有人主動加茶及收碟, 埋單時約9點, 仍然有很多人, 可能因為世界盃向半夜先播.

去過霸王山莊好多次，但因為菜式多，味道好，價錢合理，所以我都介紹過好多人食。七月一日晚，第一次同男朋友去食。我一坐底，諗住飲水，點知竟然有三份一個杯口上個度有蜘蛛網！咁當然去搵人換左佢啦！跟住一個女侍應望左一陣，佢的表情話我知佢唔覺得有蜘蛛網lor。and then佢好殷勤咁換左隻比我，但又無比茶我喎！咁都算啦…可能佢唔記得啫…跟住我男友發現佢隻碗有粒乾左的飯，又叫左同一個女侍應換。女侍應的反應係：「唉…d洗碗既人點做野ga？」佢換完之後的再同我地講左幾次：「洗唔洗幫你地換過哂所有既碗呀？或者同你地洗過哂？」起初我地都覺得佢好好服務，點知佢後來仲話：「其實你地係咪有潔癖呢？幫你地洗洗啦！」wa! 莫講話我地唔係有潔癖啦！見到杯上有蜘蛛網、碗內有粒乾飯，正常都會出聲吧！個位姐姐係咪第一日返工呀？咁樣講野？食物方面ok啦！小龍包我次次都會叫，因為我覺得係我so far食過最好的。排骨拉面一般啦。霸王生煎包不錯，但太細。

是日麵食係「山莊特色涼麵」：用佢咱家「黑金剛」麵既雞絲麻醬冷麵。D 麵真係好煙靭...仲要係夾極都唔開o個隻；麵本身好淡，建議先用盬水煮會比較好。一提麻醬：好粗花生粒，有口勁。午餐跟既點心係翡翠餃，查實脆肉瓜加蛋：都係清淡菜色，但勝在無裂皮，配搭得唔錯。一入座既時候，D 侍應用盡千方百計推說叫我唔好坐我想坐o個個位（側門第一個位）...原來係後面o個檯係佢地大老闆傾緊生意。唔怪得服務分果然爆燈，仲附送「商業機密」。

昨日中午很熱, 與友人經過這裡, 很想找一個有充足冷氣的地方, 便入了此店.試了她的小菜餐, 有很多款選擇, 小菜十分有鍋氣, 好好食, 亦很飽. 地方亦很企理, 不是一般中菜餐廳裝飾; 服務員亦好有耐性解釋她們提供的套餐.值得再試!

又係聽人講話好好食, 試過之後-____-真係無樣得gaa, 救命仲要迫到死, 竟然要搭王家沙好過佢好多!

睇完阿根廷對荷蘭，第二日梗係請假休息番夠本。抖足精神，"hea"足一個上晝之後，下午就搵友人去食個high tea。由於對荃灣間霸王山莊印象唔錯，亦未去過尖沙咀那間，於是就揀了這裡。兩個人食，又剛剛看見有一個二位用既套餐，好似叫上海高茶，咁就費時再傷腦筋點菜，乾脆要了這個高茶。之後再加一碟高力豆沙。二人餐來到，真的有點驚喜，是用英式下午茶架盛著食物。由於本人曾在英國讀書，對英式的afternoon tea非常著迷，因此很喜歡這個套餐。餐架有三層，第一層是冷盤，有鎮江肴肉、五香牛肉和肺片；第二層則是咸點，有春卷、蘿蔔絲酥餅及豆沙鍋餅；至於最下的一層就是桂花糕和椰汁糕。仲有兩杯飲品，我們分別要了凍檸茶和熱豆漿。下午茶來說份量都很足夠。在眾多食物中我最喜歡的是肺片，又唔會太辣，但又夠味。其餘食物都不遜色，只是那桂花糕唔太合我口味。但中肯講句，桂花糕其實幾香桂花味，亦唔太甜，只不過是我不喜歡這味道罷！食到飽一飽，埋單都只係$75，連晚飯個餐都可以慳番，確實不錯。

星期日父親節仔女帶我到此店慶祝. 本人一向愛吃京滬菜, 但還是頭一回到此. 點了小籠包, 醉雞, 桂花魚, 酸辣湯, 四季豆及豆漿等, 非常美味. 最後餐廳還安排了即影即有服務, 我們得到了一幅全家福.十分感謝小女琪琪, 小兒阿傑.

見咁多食友對霸王山莊有好嘅回應，所以我昨天同屋企人嚟咗呢度試吓，順便慶祝埋父親節。可能呢排冇乜食神，霸王山莊對我嚟講又係大失所望。環境方面，冷氣明顯唔夠，成個飯局我都”“立痴痴”，不過坐位都算係咁。總體嚟講唔得，要扣分。食物方面，我地嗌咗:1. 韮黃炒鱔糊2. 砂鍋雲吞雞3. 霸王小籠飽(鎮店之寶)4. 蝦子豆腐5. 咸肉津白6. 干貝炒飯首先啲鱔糊嘅鱔唔夠肥，可能係唔當造嘅緣故，只見廚房想用油整香啲，結果油有餘而香不足。砂鍋雲吞雞啲湯呈奶白色，以為對辦，飲落原來尚欠火喉，雞肉“鞋”之外，雲吞啲餡有一陣雪藏味，唔掂! 我對霸王小籠飽好有祈望，怎料大失所望。小籠飽啲餡唔新鮮之外，點埋醋食都好似冇乜味，認真大鑊。咸肉津白整得好老、炒飯唔夠乾身。蝦子豆腐係唯一比較滿意嘅，都係多得蝦子嘅緣故。埋單每人百四蚊，試過一次夠哂數，唔會再嚟幫襯。

同男友去左tst有d野做...之後黎左呢度食飯~佢記得我想試醉雞~hee叫左好多野食... 好似好大食咁(其實呢個係事實)醉雞真係好醉... 好重酒味... 如果酒味冇咁重就perfect啦... 佢係一盅盅咁上, 估唔到細細盅份量都幾多wor!!! 小籠包仍然好好味. 香酥鴨ok, 好大舊, d鴨肥肥地. 粉皮唔夠凍, 但味道ok. 其他樣樣都幾好.尤其炸饅頭... heehee!!!!!!男友狂睇個menu, 見佢流晒口水咁, 話下次要試下其他! 哈哈! 我都好想試埋其他野!!!服務都好好... 個個staff都好殷勤! GOOD~埋單$200幾~

今日係7年零8個月的日子。男友跟同事們試過一家好食的店,專登帶我去食。我倆酷愛小籠飽同擔擔麵,所以常去王家沙跟翡翠。點了4樣食物,後加一個甜品。* 招牌小籠飽$23 (4隻) - 湯汁鮮甜,但皮都算薄但糊口* 生煎飽$24 (4隻) - 飽皮薄兼煎得個底鬆脆,不沒有王家沙多湯* 擔擔麵$29 - 麵身彈牙,食得出係自家製的,湯底ok,但沒有翡翠的多"痳"醬* 軟殼蟹炒年糕$68 - 基本上兩樣單叫的食物放在同一隻碟上,熱的時候,軟殼蟹好好味,涼左好油* 腰果露$18 - 唔夠腰果味,好似糊仔加左dd腰果味落去,不建議埋單剛好$200元正侍應不住推介食物,見我們食完又叫我地點甜品食,好殷勤。服務態度良好。

同老友慶祝生日~ 一行九人~ 差唔多點晒佢promote 果個top 10 list. 個小籠包不錯, 幾好食. 其他菜就普普通通, 但係有一個通病, 就係唔夠熱, 熱d 應該好食好多.隻霸王雞好唔掂, 又凍又唔好味, 唔明點樣做招牌菜!