雲家小鍋米線 (328廣場)

營業中

休息中

大概七點，雲家小鍋米線排隊的人龍已經絡繹不絕，人氣好高 豬紅、羅白和豬耳酸辣米線 $56香氣四溢，揀左bb辣，湯底酸辣味適中，令人開胃。米線口感滑順，令人食指大動。蘿蔔係必點的，清甜又冇渣，好食‼️豬耳的口感脆嫩，豬紅鮮嫩, 辣味和酸味的平衡恰到好處，仲有大量韭菜，芽菜增加口感，讓人回味。涼拌米線唔想食熱辣辣嘅湯米線，就點了一碗涼拌嘅，有花生肉碎，榨菜，咸菜，小小辣好開胃。 涼拌墨魚$46大大碟！涼拌墨魚的墨魚絲鮮嫩彈牙，調味恰到好處，清爽不膩。蒜泥白肉 $42爆多蒜泥！白肉的肉質鮮美，蒜泥的香氣濃郁，每一口都帶來滿滿的滿足感。 熱辣辣米線配冰凍豆漿，無得頂喇！

晚飯時間去到都要排一陣隊先入到餐廳，証明係荃灣米線地圖都有佢一定既位置👍🏻🔸蘿蔔豬紅小鍋米線（+$8凍檸茶）湯底冇好味精感覺，蘿蔔好甜，無根，削得很好。豬紅爽滑，切成細細塊的正方式咁，很「的骰」。麵底大大碗，份量足，除左米線仲有好多佐料，芽菜，酸菜，韮菜，肉碎等。🔸豬大腸小鍋紅薯粉（+$8凍奶茶）鹵水豬大腸軟而不韌無騷味，跟酸辣紅薯粉，是絕配。薯粉口感Q彈煙韌，酸同辣可根據個人口味落單時調節。凍奶茶茶底濃郁，而且滑溜😊🔸涼拌墨魚頭墨魚頭爽口彈牙，混合著醬汁一齊食風味十足！ 蒜香味特濃，黑醋同豉油比例岩岩好，加埋少少辣椒碎非常惹味。🔸秘製豬頸肉外層焦香，內層嫰口彈牙，切成稍窄的條狀，蘸上甜酸醬，容易嘴嚼又不失口感😋

雖然這間雲家小鍋米線地方不大, 但人流真係好多,去到大概3:30, 都仍然全場滿座本身個日有D肚餓,諗住貪心D叫多二款小食,吃得豐富點知變成大胃王挑戰…..~雲家米線 (唔辣)超足料勁大碗. 送餐時候比佢碗野驚訝左(腐竹、冬菇、雞絲、雞翼、魚春卷、螺旋草、台灣腸仔配料芽菜、韭菜、酸菜、芫荽蔥…….)明副其實真材實料, 料多過麵魚春卷夠彈牙 腐竹吸晒湯底精華米線夠爽滑煙韌, 每一口都伴隨手撕雞絲~雞絲螺旋草小鍋米線+豬軟骨 (酸辣+小小辣)有5種辣度(大,中,小,小小,BB,唔辣) 3種湯底(麻辣,麻酸辣,酸辣)炸醬酸菜份量好多，小小酸辣酸辣,都幾野味, 感覺下次可以叫小辣螺旋草--口感和外貌似足海帶，但營養價值比較高，配上米線都幾好食豬軟骨口感好腍,炆得好足時間,浸得好入味~醬拌皮蛋溏心皮蛋，甘香滑潤，加上秘製蒜蓉醬汁超惹味~涼拌雲耳同樣蒜蓉醬汁涼拌, 配上爽口雲耳, 有種清爽感覺~凍檸茶~柑桔蜜 📍雲家小鍋米線(328廣場)荃灣沙咀道328號328廣場地下G01號舖

我哋嗌咗一個小鍋米線配腩肉（$41）、肥牛小鍋米線（$46）、涼拌墨魚頭（$46）同埋秘製豬頸肉（$47）咁首先講咗我哋兩個嘅米線先啦我就揀咗要酸辣（微辣）🤔🤔（覺得呢個辣度幾啱啱好）兩者都唔會搶左大家嘅味道之後肥牛食落去唔會覺得好乾😝😝而且份量都算幾多嘅我嗰朋友就揀咗要小辣（其實都覺得真係幾惹味嘅）不過我嚟講有啲太辣😂😂腩肉食落去亦都唔會太過肥膩咁之後就講埋嗰兩款小食啦墨魚頭食落去真心幾彈牙😋😋食落去辣辣地就更加入味鍾意食辣嘅人一定要試吓呢個🌶️🌶️跟住我真係幾鍾意呢個豬頸肉因為佢食落去真係幾爽口👍👍唔會好乾之餘又有嚼勁份量都比我想像中多

荃灣出名多米線店，而雲家就係其中一間長龍店，仲因為太多人，喺元朗開咗分店～▪️螺旋草豬頸肉小鍋米線 (麻酸辣)啲餸份量好多，淨係食餸都夠飽，細食嘅最好叫少米😂 螺旋草口感爽脆，而且索晒個湯，好入味。豬頸肉厚度啱啱好，好有咬口。另外以前得麻辣/酸辣揀，依家有埋麻酸辣，湯底濃郁得嚟，唔會過鹹▪️腩肉豬軟骨豬扒小鍋米線 （麻辣)腩肉肥瘦適中，帶少少辣。豬軟骨好軟腍，充滿骨膠原感。豬扒好香口，同埋佢係分開另上，咁就唔會浸到唔脆▪️涼拌墨魚頭份量都幾多，而且好大粒，食落彈牙，配埋啲蒜茸，好惹味▪️蒜泥白肉白肉肥瘦均勻，面頭鋪滿蒜泥，超級重口味，但唔會好油膩雲家小鍋米線📍荃灣沙咀道328號328廣場地下G01號舖📍元朗馬田路20-30B號安寧大廈地下2號舖

黎到荃灣揀雲南米線的話，雲家小鍋米線一定係榜首之列。雲家的湯底可以話係穩定之鬼，每次你去食都唔會需要擔心今日係咪重手左定係辣左，因為佢真係好穩定。湯底味道都算香濃，但唔會過鹹，所以你飲落去時會覺得舒服。不過黎親雲家，最有特色一定係小食! 而我最推介就係涼伴墨魚頭，份量係超多不特止，最重要係墨魚頭Size夠大，同埋墨魚肉質新鮮，所以食落去會爽彈，加上撈埋超多的蔥蒜同埋香醋溝埋的醬汁，非常惹味，甚至乎好食的程度有少少喧賓奪主的感覺! 另外炸雞翼同埋涼伴皮蛋都值得推介，所以黎雲家食的貼士係唔需要叫咁多餸，反而主打叫小食。

雲家小鍋米線，係荃灣嘅一間熱門米線店，米線關注組都有介紹過。牛腩小鍋米線：我試咗佢嘅牛腩小鍋米線，仲加咗蘿蔔。啲蘿蔔清甜，同牛腩一齊煮，味道更濃郁。食落去，牛腩滑嫩多汁，令人滿足。特別係佢嘅湯底，酸酸辣辣，唔會太鹹，食完唔會覺得好口渴，啱啱好。自選小鍋米線：我加咗雞絲、蘿蔔同豬大腸。雞絲份量十足，鮮嫩美味，同蘿蔔一齊煮，更添清甜。豬大腸煮得啱啱夠腍。如果想試下啲唔同，佢嘅秘製豬頸肉好適合，搭配佢哋嘅秘製醬，燒得岩岩好，令味道更豐富，一啖一口都停唔住。如果你食得太辣，凍檸茶係一個好好嘅選擇。唔單止解辣，仲幫你消化。呢間餐廳嘅特色係大碗夾抵食，份量豐富，性價比非常高。仲有多種辣度可以揀，BB辣到大辣，適合唔同辣度口味嘅食客。不過要留意，因為呢度嘅美食太吸引人，好多人都會排隊，所以最好提早嚟食，唔洗等太長時間。

我地間唔中都會去荃灣食米線 因為荃灣係米線既集中地～ 呢間係我地間唔時都會回訪既米線餐廳 因為呢間既米線湯底濃郁而不膩😚 而且餸既份量都比到足 十分抵食！另外我地仲叫左兩個小食，包括涼拌墨魚頭、麻辣金錢肚、米線叫左螺旋草豬潤麻酸辣米線、魚腐腐竹豬紅麻辣米線、野飲叫左咸檸七和熱菜蜜。涼拌墨魚頭。新鮮墨魚頭， 口感爽脆彈牙同搭配左豐富的蒜蓉調味料製作而成。另外如果覺得膩可以點一點隔離既醋 令客人可以有多一種口味揀～另外，仲叫左麻辣金錢肚。肚片既嫩滑口感同麻辣既風味。辣度唔係好辣😎螺旋草豬潤麻酸辣米線，口味揀左「bb辣」。呢碗米線搭配左咁多餸 但各自都唔會搶左大家既風味🤓每一啖都充滿左濃郁的麻酸辣既味道，令人胃口大開😝另外，魚腐腐竹豬紅麻辣米線和咸檸七。魚腐和腐竹的組合非常夾。食完飲一杯咸檸七，非常清爽消暑。

今日我要為大家介紹一家位於荃灣的米線店，名為雲家。這家店以豐富多樣的米線而聞名，其中包括小鍋紅薯粉、腩肉、豬軟骨和豬扒米線。讓我們一起來品嚐這些美食吧！首先，讓我們來品嚐雲家的招牌菜之一 - 小鍋紅薯粉。這道菜以紅薯粉為主要材料，配以鮮嫩的豬肉、新鮮蔬菜和香料炒製而成。紅薯粉的口感軟綿，搭配豬肉的鮮美，每一口都帶來濃郁的風味。這道菜的獨特之處在於烹調方式，使得紅薯粉更加入味，讓人回味無窮。接下來是腩肉和豬軟骨。雲家的腩肉煮得剛剛好，肉質軟嫩多汁，入口即化。配以香氣四溢的醬汁，每一口都讓人垂涎欲滴。豬軟骨則是另一道令人驚艷的美食，搭配特製的醬料，十分開胃。最後是豬扒米線，這道菜結合了豬肉扒和米線的美味。豬扒經過煎至金黃色，外脆內嫩，搭配滑嫩的米線，口感豐富多樣。配以獨特的湯底和香料，這道菜絕對能滿足你對美食的渴望。總的來說，雲家的米線給人留下了深刻的印象。無論是小鍋紅薯粉、腩肉、豬軟骨還是豬扒米線，每一道菜都散發著獨特的風味和口感。如果你想品嚐米線，雲家絕對是一個值得一試的好地方。

一如既往，雲家米線的特色就是料多實在，三餸米線餸菜把整碗堆滿，真慷慨。由於飯點時間，小店幾乎坐滿米線客🤣所以決定點外賣在附近荃灣公園街邊晚飯。雖然外賣，但食物沒有變得軟爛，依然「好靚仔」。🍝熱拌米線（花生、榨菜、鹹菜、肉碎）無湯米線口感煙韌，每條米線都上了醬油色，很誘人。👍🏻雞翼夠大隻，滷得入味。👍🏻牛腩好多舊架，腩位軟而不爛。💪花生不夠香脆，小小美中不足。🍜小窩米線（芽菜、酸菜、韭菜、蔥、芫荽）外賣無另分開湯，半小時後打開湯水被吸掉半碗，但感覺米線口感影響不太大。👍🏻湯底濃郁夠酸。特別點讚👍🏻麻辣金錢肚大推，有咬口😊麻辣味過癮。👌腩肉較軟爛，但份量很多唷。🔪手拍青瓜新鮮即拍，香濃蒜蓉、辣椒和醋汁味。建議稍放句鐘，待青瓜更入味可口。🧄🐷蒜泥白肉蒜泥滿滿，肥肉蒜油香味撲鼻。有白飯的話應該能吃兩大碗🤤🤤🤤

經過荃灣聖方濟中學對面咁多人排哂隊，冇執輸👀先，原來是一間(雲家小鍋米線)店舖聞到陣陣香味，門口餐牌價錢大衆化，適逢個肚又雷雷聲，就趁熱鬧排吓隊，排咗四五枱就入座好lucky，雖然店舖細細地，但勝在井井有條，店員好快落單，也好快上菜👍👍❣️牛腩小鍋米🌶️配料:牛腩、芽菜、酸菜、韮菜、蔥、芫茜湯底酸酸地帶微辣還帶點肉碎，令小鍋米更豐盛👍👍牛腩肉質軟綿，充滿濃郁的牛肉味道，配上'滑嘟嘟'的米線十分可口❣️雲家米線🌶️招牌名一定必選，配料極豐富💥腐竹'索'滿濃郁嘅湯底味💥冬菇味濃，口感爽滑💥雞絲'越越香'，帶鹹鮮雞味💥鹵水雞翼十分嫩滑💥外層腐皮卷着魚春卷幾好味，入口有口感💥螺旋草的味道好似昆布咁，口感爽脆💥腸仔甜甜地都幾彈牙加上芽菜、酸菜、韮菜、蔥、芫茜好惹味😋😋❣️凉拌墨魚份量十足，勁爽口彈牙，食到耳仔郁，淆入'雲家'秘製醬汁，蒜蓉的香味加上酸酸甜甜味道，開胃又好食 ❣️炸雞中翼，外皮金黃酥脆，內裡肉質鮮嫩多汁👍👍

荃灣米線店林立，今次新試左呢間米線關注組關注組常客－雲家。小店供應多款地道米線，包括酸辣湯小鍋米線、重慶酸辣粉等，可以揀酸辣、麻辣或者兩樣都要既麻酸辣，湯底夠香濃但唔過於油膩。𖦹 雞絲螺旋藻生菜腐竹米線 $64同樣極大碗，米線被一整片綠色覆蓋。雞絲索滿湯汁，螺旋藻質感爽脆，加上芽菜、韮菜、蔥、芫茜以及軟滑既米線，唔辣都好滿足。𖦹 魚肉春卷腩肉螺旋藻米線 麻酸辣小辣 ＄59啲餸多到懷疑人生，淨食餸都實飽。魚肉春卷有三大條，幾彈牙；螺旋藻增加口感，腩肉則略散、薄 。麻酸辣湯底揀左小辣，唔會好搶喉，有大量配菜同肉碎令湯底層次更豐富。𖦹 手拍青瓜 ＄22青瓜入口爽脆，最欣賞佢夠多蒜茸！𖦹 鹹檸7 ＋＄11𖦹 檸檬七喜＋＄11夏日消暑良物。

雲家小鍋米線 (328廣場)荃灣沙咀道328號328廣場地下G01號舖星期日特登去食呢間隱世米線 點知勁多人排隊 仲要曬到鬼咁😵‍💫D人都堅持要等 到底有幾好食呢 鋪頭唔算好大 位同位都係坐得少少迫 結果唯有外賣食啦🙈秘製豬頸肉豬頸肉邊邊燒得焦焦 咬入口好多肉汁同有咬口 重點係唔乾🥳蒜泥白肉一打開好香呀 勁勁勁多蒜 白肉熱辣辣撈埋蒜 入口 充滿蒜既香味🤤白肉仲肥瘦剛好 呢個好好食 超重口味🌟小鍋米線(酸辣BB辣)🌟<<必有芽菜、酸菜、韮菜、芫茜>>重點好多肉碎🤭湯底好濃郁😬配料選左好多腩肉 炸醬 墨魚丸 豬軟骨全部配料都好好食 連埋酸菜 辣辣酸酸 好開胃 仲要腩肉係瘦肉 唔會太肥😋太熱啦所以我叫左 ❤️掠拌米線牛腩好淋好入味🤩米線暖暖地 入口係煙煙靭靭 勁多肉碎 係不停食都仲有肉碎係底到重點係價錢唔貴 2碗加2個小食都係220蚊左右😱

如果你喜歡吃米線，在荃灣區內有一家小店是另一個驚喜選擇。 這家店長期都需要排隊等位，原因很簡單，所有食物都是下單即煮，品質穩定，食材充足，健康少油。 而小吃也同樣以分量取勝！這次點了雲家米線，湯底要酸辣小辣，上桌時是一大碗，碗裡的米線上放滿了腐竹、冬菇、雞絲、雞翅、魚春捲、螺旋草、台灣腸仔，還有必備配料芽菜、韭菜、酸菜、香菜等食材，分量十足。 最入味就係雞絲，一絲絲吸收了濃郁湯底，入口非常美味，冬菇也十分大塊軟熟，湯底濃味但一點也不油膩。 小辣剛好帶點刺激又不會吃到流汗。 米線還有健康的螺旋草，份量很多，不只有肉，還有足夠的纖維，而米線煮得有嚼勁十分有口感。而朋友點了小鍋米線，湯底選擇麻辣小辣，再自己加配料，加了腩肉、豬扒、蘿蔔，上桌同樣是一大碗，上面放滿了煮得入味又不算太肥的腩肉，蘿蔔大塊煮得十分軟熟，入口香甜，豬扒分開盤上，大大塊的師傅已經切成件方便食用，夠細心！醬拌皮蛋，皮蛋配上醬汁，帶點酸辣，十分開胃！炸雞中翼，外皮炸得外脆不油膩，咬開內里還熱辣辣，還保持著雞翼的肉汁，正！飲品點了豆漿和一杯檸檬茶，一解酸辣的刺激！這家小店有堅持，食物質量有保證，真的要支援！

如題😩比錯餸都仲可以食，外賣俾咗大辣都有嘅，沖左幾轉熱水都仲係好辣，完全食唔到。已經幫襯過好多次，等得耐都唔緊要，但今次都真係食得好辛苦，浪費晒啲時間，失望！！