雲家小鍋米線 (328廣場)

營業中

休息中

雲家小鍋米線確實是世一米線，無論任何時段門外都是排長龍，總是吸引到一班愛吃米線的人。雖然店舖不大，坐得有少少迫，但碗米線和小吃都非常好吃👍🏻👍🏻‼️推介‼️小鍋米線，湯底有酸辣、麻辣和麻酸辣，留意返湯底辣才有豬肉碎，沒有辣就沒有豬肉碎。小編鍾情於酸辣湯底小辣，酸辣適中。⭐️魚肉春卷 ＄9口感彈牙煙靭，裡面有少少蔬菜粒。⭐️豬頸肉 $18切片豬頸肉，厚薄適中，口感爽脆有彈性，肉味濃郁。⭐️豬軟骨 ＄10煮得入味，肉質又淋。麻辣金錢肚 ＄47雖然麻辣味不重，但口感爽口鮮嫩。⭐️蒜泥白肉 ＄40蒜泥控的你應該超愛吃😋上面鋪滿蒜泥，一口蒜泥，一口白肉，滿满都是蒜泥味，非常惹味。凍檸茶

荃灣最出名既米線「雲家」，黎到荃灣一定會去朝聖，聽聞呢到既米線真係出色，日日都會有條長龍出現！🐷豬頸肉小窩米線 $50（酸辣/麻辣/麻酸辣）配料有芽菜、酸菜、韮菜、蔥，芫茜🌿湯底望就知已經濃郁，烤豬頸肉烤至微微焦香，肉質係偏爽口彈牙，米線煮透至淋身，索哂湯底既濃味😋🩸小窩紅薯粉配豬紅 $45（酸辣/麻辣/麻酸辣）配料有芽菜、酸菜、韮菜、蔥，芫茜🌿🌶️可辣可唔辣，辣就有豬肉碎，唔辣就無豬肉碎「雲家」採用的是粗身既紅薯粉，紅薯粉煮至晶瑩通透，代表比較煙靭的，每條粉都掛住湯汁😋豬紅炆到好入味，連埋湯底食好好味😚😚🦑涼拌墨魚頭 $47眾所週知，呢個小食係必食的，墨魚頭係最爽口彈牙，而且係夠入面，由一啲少少既辣同香蒜！去雲家必食！📍 雲家小鍋米線 (328廣場) (荃灣)🗺️ 荃灣沙咀道328號328廣場地下G01號舖

去荃灣又心思思想去食米線，今次搵左間雲家小鍋米線😍店內長期滿座，門外都有好多人排隊😛今次我地都揀左小鍋紅薯粉、其他餸、小食一份同埋飲品。佢地個紅薯粉係有辣有豬肉碎，無辣就無豬肉碎😆🍜唔辣小鍋紅薯粉($36)+腩肉($11)+螺旋草($9)+豬頸肉($18)份量都好大碗，啲料都好多🤣紅薯粉好煙韌，腩肉對我黎講比較辣左啲🥲但鍾意好辣既朋友仔就好過癮😂螺旋草好滑好爽口，豬頸肉好有口感同多汁🤣🍜麻酸辣小鍋紅薯粉($36)+腩肉($11)+豬軟骨($11)+紫菜($7)好夠辣，腩肉索哂啲辣汁更加過癮😍豬軟骨夠哂淋索哂啲汁幾入味☹️紫菜入口即融，都好多營養價值。🐙涼拌墨魚頭墨魚頭好嫩熟同彈牙，味道鮮美，加埋辣辣地幾開胃雲家小鍋米線 (328廣場) (荃灣)📍荃灣沙咀道328號328廣場地下G01號舖

大熱人氣雲家小鍋米線咁多年都係咁多人排隊！想食真係要預早少少過黎排隊諗定就岩岩好🤣涼拌墨魚頭份量十分多！蒜粒多到瀉咁濟🤣夾埋爽彈飽滿墨魚頭一齊食好提升味道～小鍋米線同樣好大碗，米線爽口彈牙有好多辣度可以揀，唔太食得辣可以揀BB辣，基本上唔辣咁但又可以過下口癮！炸醬超級多，用左秘制香料醃好惹味🤩豬頸肉微微焦脆😌入口嫩滑。魚肉春卷又係勁大條，魚肉彈牙👍🏼涼伴紅薯粉我都好推介！甜甜酸酸醬汁撈埋食好開胃，勁多花生，仲有海量螺旋草🥳食極都食唔完，好滿足！💯📍 雲家小鍋米線 (328廣場) (荃灣)荃灣沙咀道328號328廣場地下G01號舖

荃灣出名多好嘢食，呢間位於沙咀道，主打多款米線，配料可按自己喜好選擇，湯底有辣有唔辣。晚上到訪大排長龍，需要喺出面等候一段時間，果然有名氣😂 小提示：等緊嘅時候可以諗定陣間叫咩，唔使入到去先慢慢揀。除咗米線之外，呢度都有淨雲吞，六大粒，粒粒飽滿，味道清淡，食完都幾飽，值得一試。配料有好多選擇，而且每個份量驚人，千祈唔好睇小佢... 例如豬軟骨咁都有成四五大塊，啖啖肉，反而軟骨偏少、魚肉春捲三大條，爽口彈牙，魚味突出，真材實料，性價比高。菜嘅話可以單點或加餸，有冬菇、雲兒、蘿蔔、芥蘭、韭菜、芽菜等。冬菇超級無敵大粒，而且好鮮甜，一定要叫、另外蘿蔔都好唔錯，完全無渣，吸飽湯汁，好好味道。小食都有好多款，出面比較少見。青瓜同海藻正常發揮，醬拌皮蛋就真係要食，唔會特別死鹹，適合配主食。

相信大家對呢一間米線都唔陌生😎經常都係社交平台見到佢嘅出現，亦都係米線關注組極力推薦嘅其中一間米線🥳已經係第N次嚟食，依然覺得好好食🥰可惜只有新界有分店，住九龍或者港島嘅都要長征先食到😭.🐙涼拌墨魚頭 $42份量超級多，叫咗小食嘅話基本上可以叫少一至兩款米線餸🤣勁重蒜蓉味，再加上墨魚頭好新鮮好夠凍，食落超級過癮同埋惹味🥳.🐷豬頸肉小窩米線 $49豬頸肉同墨魚頭都係呢一度嘅必食🥇豬頸肉除咗可以直接當係米線送餸之外，亦都可以當小食咁叫😋少少油脂味，加上索曬湯汁，係好唔錯的！另外都好推薦豬扒，以為得幾舊浸落個湯到，點知一大件仲要分湯上😳超級抵食！.🍽味道: 4/5🏙環境: 4/5‍👨🏼‍🍳服務: 4/5💧衛生: 4/5💰價錢: 4/5

今日去到荃灣附近做野，就諗住去附近食飯 、好似有一段時間都冇食過米線、見到有一間小窩米線就諗住食吓個回憶！位置都比較寬闊，唔會覺得好迫、再加上呢度嘅小菜都充足、最平埋單，五十零蚊到都已經可以食到好飽！飲品亦都唔算好貴，跟餐價錢合理！ 。今次我叫咗：肥牛小窩米線酸辣、肥牛好足料！食落去都滑嫩，而配菜有芽菜，酸菜韭菜蔥芫荽仲有：酸辣、麻辣、麻辣酸、味道選擇！小食方面，叫咗手帕涼拌雲耳、台式烤小香腸！份量超多，超抵食！飲品叫咗檸檬七喜！咁熱嘅天氣一定要飲吓涼快嘅飲品🍸雲家小鍋米線荃灣沙咀道328號地舖

二次到訪呢間米線關注組推介嘅雲家米線，今次差唔多夜晚9點到，所以終於唔駛排隊⭐涼拌墨魚頭同上次食嘅水準一樣，墨魚頭好爽口彈牙，面頭鋪滿調咗味嘅熟蒜蓉，所以食落好香口，而份量都多，兩個人share一碟小食啱啱好我同朋友每人叫咗一碗3餸米線同餐飲⭐魚肉春卷、肥牛、生菜小鍋米線（麻酸辣）⭐豬軟骨、冬菇、生菜小鍋米線（麻酸辣）⭐凍檸茶呢度嘅小鍋米線有好多配料：芽菜、酸菜、韭菜、芫茜、蔥、炸醬，辣度都有好多選擇，不過由於我唔記得上次食咗咩辣，所以今次我都係穩陣啲叫BB辣，而朋友就揀小辣。我本身唔太食得辣，但我覺得小辣都易接受，所以下次可以挑戰中辣。味道方面，湯底幾夠酸，少少麻，我幾鍾意。至於餸菜，我推薦魚肉春卷、豬軟骨同冬菇，魚肉春卷食落有啲似墨魚滑，除咗好有鮮味，仲好彈牙而且索到啲湯。豬軟骨醃得好淋好入味，冬菇就超大粒同炆到充滿蠔油味。呢餐人均大約$90，價錢合理，呢間的確係我食過嘅米線頭五位之一

每逢放工時候/假日行過呢間米線舖都會大排長龍，亦喺米線關注組廣受好評🤩！呢日Happy Friday就去睇吓有咩好食🥢！✨小鍋米線 唔辣 雞絲 雲耳 蘿蔔米線本身已經有芽菜、酸菜、芫茜、蔥、韮菜再加咗3個餸～蘿蔔好大舊，而且清甜無渣！雞絲分量都好多，食極都有🫶✨小鍋米線 酸辣 肥牛 螺旋草嗌辣嘅話米線會有埋豬肉碎，更加惹味！螺旋草唔算好常見，所以唔使諗即嗌👍！米線軟硬適中，配上酸辣湯底真心正🙌🏻✨涼拌墨魚嘴墨魚嘴爽口彈牙，加上蒜粒更加香口～✨腩汁通菜

荃灣的雲家小鍋米線就像是一趟辛香又麻辣的美食之旅！這家餐廳不僅僅是米線，更像是一個香辣樂園，讓你的味蕾狂歡不已。首先，他們的魚肉春卷螺旋草麻辣小辣米線絕對是我的最愛！那股麻辣的湯底讓人上癮，再加上豐富的魚肉春卷，簡直就是一碗滿滿的幸福。不僅如此，他們的涼拌墨魚頭也是一絕！清涼的口感配上微微的酸辣，讓人一口接一口停不下來。還有他們的豬頸肉台灣腸麻酸辣bb辣米線，每一口都是驚喜，豬頸肉的鮮嫩與腸麻的風味完美融合，辣度剛剛好，讓人欲罷不能。最後，他們的飲品也值得一提，左咸檸七和凍檸茶清爽又開胃，完美搭配了辛辣的美食。總的來說，雲家小鍋米線絕對是荃灣的一顆瑰寶，無論是想要一頓香辣美食的人還是想要放鬆心情的人，都能在這裡找到滿足。推薦給所有愛好辛香料的食客！

#為食gavin美食推介 米線控點可以錯過長期係米線排行榜既「雲家小鍋米線」🍜佢地既米線份量大、價錢好親民同埋湯底好味🤤無時無刻都見到好多人排隊食架😆早排同Gavin BB行完街，心血來潮去買份外賣返屋企食😙我order左兩碗米線～返到屋企打開…完全以份量取勝🎊滿滿既餸菜Gavin都哇左聲😂豬頸肉係好出名❗️口感彈牙爽嫩又有咬口(堂食既話記得單點一份，包你有驚喜🌟)，肥牛唔會好鞋口、蘿蔔大大件又煮得好淋，米線吸哂餸菜既湯汁好入味啊😚而且份量多，岩哂胃口大既男士😂小食方面我叫左一份炸雞中翼，平時堂食啲汁會分開左，外賣就會淋上雞翼上面，外皮炸得脆而唔會油膩，肉質又嫩滑，建議堂食應該會更加好味🤤由於店內位置唔算闊落，但就算選擇外賣都方便😆店鋪經常座無虛席，無論堂食定等外賣既都好多人，希望可以繼續保持好好既質素❤️@noodlepotcome

荃灣人氣米線店「雲家小鍋米線」米線關注組推薦及OpenRice 得獎熱店每碗米線即點即製，足料大大碗店內座位不多，建議避開繁忙時間以免排隊✾ 小鍋米線（酸辣） $32墨魚丸$9 ｜腩肉$11 ｜豬扒$16酸辣湯底酸中帶點微辣，米線爽口滑溜腩肉份量多，瘦肉偏多且入味豬扒另外碟上，入口鬆軟富肉香 ✾ 小鍋米線（麻酸辣） $32蘿蔔$7 ｜螺旋草$9 ｜雞絲$9麻酸辣湯底濃郁惹味，帶微微麻感爽滑螺旋草和雞絲吸滿湯汁蘿蔔大大件，軟腍清甜無渣✾ 炸魚卷 $23魚卷炸得金黃酥脆，入口「咔嚓」魚肉餡很足，飽滿彈牙✾ 秘製豬頸肉 $48豬頸肉份量滿滿，表面微微焦脆入口嫩彈帶油脂香，沾點甜辣醬更滋味✾ 凍菊花蜜 $12清甜滋潤，解渴消滯✾ 凍檸檬七喜 $16

少出荃灣呢邊食嘢見佢嘅小食都比較少有 咁遠嚟到我一定試多幾款啦🍽️涼拌墨魚頭 ($47)份量好多 拌得夠均勻 墨魚頭好爽 出面真係少有份量味道對得住價錢🍽️麻辣魚皮 ($47)都係分量好多 麻椒嚟拌嘅魚皮都係咁好味嘅份量味道都係對得住價錢🍽️炸雞中翼4隻 ($32)雞翼炸完都仲好大隻 👦🏻食咗3隻 🍽️油菜 ($16)呢個唔係有咩特別 純粹係我哋習慣餐餐有菜不過份量都算多 先16蚊 我覺得比起好多粉面檔嘅都平少少同多少少🥘小鍋米線 麻辣小辣 ($61）豬軟骨 豬紅 腐竹🥘小鍋米線 唔辣 ($68)豬大腸 金錢肚 金菇2碗米線我哋都叫咗3個餸 每個餸份量都好多豬大腸唔會有臭味 豬軟骨好腍好大嚿🥤凍檸茶少冰 ($8)x2呢個少冰論其實我都可以寫到千字文🤣好多時候去餐廳點少冰 一係一樣咁多冰 一係少DD冰唔滿上呢度嘅少冰係滿杯上 比常溫凍少少平時嗌開少少少少冰嘅人應該會明白🥹不愧米線關注組激讚嘅足料米線👍🏻聽講係家族經營 每份米線由老闆親力親為 出品質素穩定 份量較大非常足料 食完都唔會口渴佢嘅秘制炸醬更係每日花4小時將油份完全炒乾所以招牌炸醬香而不膩 可惜我食完先知 唯有下次再試佢嘅招牌炸醬啦

同女朋友試吓依間米線，排隊排咗一陣，叫咗xx卷同豬軟骨薯粉，另一碗牛腩米線，另外一個小食豬頸肉講真，啲牛腩同豬軟骨，一樣顏色，只係搵啲滷水浸熟，但係好韌，唔好食嘅，完全冇誠意，我都好少去食米線，但係真係唔好食，去到腩肉話賣晒，墨魚都賣晒，啲味道湯底有少少似雲貴乜嗰啲，你哋可以試吓，我諗同我評價都應該一樣環境就普普通通囉，比較迫，其實香港有好多唔同嘅米線，我都係覺得大公司嗰啲叫做大眾化啲，有時依啲湯底會太濃我又唔係咁啱，每個人口味都唔同，不過食完就即刻要去廁所，但係又冇肚痛嘅，我就唔會去食多一次🤦🏻

真係好想佢開多D 分店每次都要特登入黎荃灣食米線佢既米線同湯底真係無敵咁好味豬扒小窩米線 酸辣小辣豬扒好大大件好淋軟有滷水好入味一啲都唔會韌酸辣小辣啱啱好夠酸同辣岩晒唔鍾意麻辣既朋友金錢肚米線 麻酸辣微辣金錢肚依然滷得入味入口爽彈貴一貴都要叫黎食份量都好多少少麻少少酸湯底仲有好多肉燥涼拌墨魚頭濃郁既蒜泥味墨魚新鮮爽口搭配上蒜蓉同埋辣汁真係惹味十足麻辣魚皮好爽口彈牙晚魚皮好重花椒味麻辣爽脆鍾意食麻既唔可以錯過