雲家小鍋米線 (328廣場)

營業中

休息中

每逢放工時候/假日行過呢間米線舖都會大排長龍，亦喺米線關注組廣受好評🤩！呢日Happy Friday就去睇吓有咩好食🥢！✨小鍋米線 唔辣 雞絲 雲耳 蘿蔔米線本身已經有芽菜、酸菜、芫茜、蔥、韮菜再加咗3個餸～蘿蔔好大舊，而且清甜無渣！雞絲分量都好多，食極都有🫶✨小鍋米線 酸辣 肥牛 螺旋草嗌辣嘅話米線會有埋豬肉碎，更加惹味！螺旋草唔算好常見，所以唔使諗即嗌👍！米線軟硬適中，配上酸辣湯底真心正🙌🏻✨涼拌墨魚嘴墨魚嘴爽口彈牙，加上蒜粒更加香口～✨腩汁通菜

荃灣的雲家小鍋米線就像是一趟辛香又麻辣的美食之旅！這家餐廳不僅僅是米線，更像是一個香辣樂園，讓你的味蕾狂歡不已。首先，他們的魚肉春卷螺旋草麻辣小辣米線絕對是我的最愛！那股麻辣的湯底讓人上癮，再加上豐富的魚肉春卷，簡直就是一碗滿滿的幸福。不僅如此，他們的涼拌墨魚頭也是一絕！清涼的口感配上微微的酸辣，讓人一口接一口停不下來。還有他們的豬頸肉台灣腸麻酸辣bb辣米線，每一口都是驚喜，豬頸肉的鮮嫩與腸麻的風味完美融合，辣度剛剛好，讓人欲罷不能。最後，他們的飲品也值得一提，左咸檸七和凍檸茶清爽又開胃，完美搭配了辛辣的美食。總的來說，雲家小鍋米線絕對是荃灣的一顆瑰寶，無論是想要一頓香辣美食的人還是想要放鬆心情的人，都能在這裡找到滿足。推薦給所有愛好辛香料的食客！

#為食gavin美食推介 米線控點可以錯過長期係米線排行榜既「雲家小鍋米線」🍜佢地既米線份量大、價錢好親民同埋湯底好味🤤無時無刻都見到好多人排隊食架😆早排同Gavin BB行完街，心血來潮去買份外賣返屋企食😙我order左兩碗米線～返到屋企打開…完全以份量取勝🎊滿滿既餸菜Gavin都哇左聲😂豬頸肉係好出名❗️口感彈牙爽嫩又有咬口(堂食既話記得單點一份，包你有驚喜🌟)，肥牛唔會好鞋口、蘿蔔大大件又煮得好淋，米線吸哂餸菜既湯汁好入味啊😚而且份量多，岩哂胃口大既男士😂小食方面我叫左一份炸雞中翼，平時堂食啲汁會分開左，外賣就會淋上雞翼上面，外皮炸得脆而唔會油膩，肉質又嫩滑，建議堂食應該會更加好味🤤由於店內位置唔算闊落，但就算選擇外賣都方便😆店鋪經常座無虛席，無論堂食定等外賣既都好多人，希望可以繼續保持好好既質素❤️@noodlepotcome

荃灣人氣米線店「雲家小鍋米線」米線關注組推薦及OpenRice 得獎熱店每碗米線即點即製，足料大大碗店內座位不多，建議避開繁忙時間以免排隊✾ 小鍋米線（酸辣） $32墨魚丸$9 ｜腩肉$11 ｜豬扒$16酸辣湯底酸中帶點微辣，米線爽口滑溜腩肉份量多，瘦肉偏多且入味豬扒另外碟上，入口鬆軟富肉香 ✾ 小鍋米線（麻酸辣） $32蘿蔔$7 ｜螺旋草$9 ｜雞絲$9麻酸辣湯底濃郁惹味，帶微微麻感爽滑螺旋草和雞絲吸滿湯汁蘿蔔大大件，軟腍清甜無渣✾ 炸魚卷 $23魚卷炸得金黃酥脆，入口「咔嚓」魚肉餡很足，飽滿彈牙✾ 秘製豬頸肉 $48豬頸肉份量滿滿，表面微微焦脆入口嫩彈帶油脂香，沾點甜辣醬更滋味✾ 凍菊花蜜 $12清甜滋潤，解渴消滯✾ 凍檸檬七喜 $16

少出荃灣呢邊食嘢見佢嘅小食都比較少有 咁遠嚟到我一定試多幾款啦🍽️涼拌墨魚頭 ($47)份量好多 拌得夠均勻 墨魚頭好爽 出面真係少有份量味道對得住價錢🍽️麻辣魚皮 ($47)都係分量好多 麻椒嚟拌嘅魚皮都係咁好味嘅份量味道都係對得住價錢🍽️炸雞中翼4隻 ($32)雞翼炸完都仲好大隻 👦🏻食咗3隻 🍽️油菜 ($16)呢個唔係有咩特別 純粹係我哋習慣餐餐有菜不過份量都算多 先16蚊 我覺得比起好多粉面檔嘅都平少少同多少少🥘小鍋米線 麻辣小辣 ($61）豬軟骨 豬紅 腐竹🥘小鍋米線 唔辣 ($68)豬大腸 金錢肚 金菇2碗米線我哋都叫咗3個餸 每個餸份量都好多豬大腸唔會有臭味 豬軟骨好腍好大嚿🥤凍檸茶少冰 ($8)x2呢個少冰論其實我都可以寫到千字文🤣好多時候去餐廳點少冰 一係一樣咁多冰 一係少DD冰唔滿上呢度嘅少冰係滿杯上 比常溫凍少少平時嗌開少少少少冰嘅人應該會明白🥹不愧米線關注組激讚嘅足料米線👍🏻聽講係家族經營 每份米線由老闆親力親為 出品質素穩定 份量較大非常足料 食完都唔會口渴佢嘅秘制炸醬更係每日花4小時將油份完全炒乾所以招牌炸醬香而不膩 可惜我食完先知 唯有下次再試佢嘅招牌炸醬啦

同女朋友試吓依間米線，排隊排咗一陣，叫咗xx卷同豬軟骨薯粉，另一碗牛腩米線，另外一個小食豬頸肉講真，啲牛腩同豬軟骨，一樣顏色，只係搵啲滷水浸熟，但係好韌，唔好食嘅，完全冇誠意，我都好少去食米線，但係真係唔好食，去到腩肉話賣晒，墨魚都賣晒，啲味道湯底有少少似雲貴乜嗰啲，你哋可以試吓，我諗同我評價都應該一樣環境就普普通通囉，比較迫，其實香港有好多唔同嘅米線，我都係覺得大公司嗰啲叫做大眾化啲，有時依啲湯底會太濃我又唔係咁啱，每個人口味都唔同，不過食完就即刻要去廁所，但係又冇肚痛嘅，我就唔會去食多一次🤦🏻

真係好想佢開多D 分店每次都要特登入黎荃灣食米線佢既米線同湯底真係無敵咁好味豬扒小窩米線 酸辣小辣豬扒好大大件好淋軟有滷水好入味一啲都唔會韌酸辣小辣啱啱好夠酸同辣岩晒唔鍾意麻辣既朋友金錢肚米線 麻酸辣微辣金錢肚依然滷得入味入口爽彈貴一貴都要叫黎食份量都好多少少麻少少酸湯底仲有好多肉燥涼拌墨魚頭濃郁既蒜泥味墨魚新鮮爽口搭配上蒜蓉同埋辣汁真係惹味十足麻辣魚皮好爽口彈牙晚魚皮好重花椒味麻辣爽脆鍾意食麻既唔可以錯過

本人係好鍾意食米線 所以呢間講到世界級米線 就試吓先 今日係五一 但係都要等四個位 等大約10至15分鐘 等緊嘅同時睇緊餐牌 覺得同石蔭嗰間個樣好似差唔多 心諗大鑊．．中伏？ 😈不過可能都好食嘅 所以照試 豬頸肉嚟到 你唔好想像係泰式嗰啲豬頸肉 🙂皮邊脆嘅肉都係爽嘅，但係冇乜特別好食 本身想食埋腩肉但係賣晒 終於揀咗牛腩換咗個麻酸辣（中辣）等咗一陣牛腩米線終於到，但一上枱 我已經知道係叫做牛𦟌米線 係已經石化咗嘅厚切牛𦟌🗿😱 Oh my GOD 平時食嘢都叫快，但好少只有一舊嘢起碼要掉30下 都未完要夾硬再吞😱😱😱 另外都有試豬軟骨 ❌呢個豬軟骨係有浸豬臭味唔太建議食，如果有人話豬軟骨值得推介嘅千祈唔好睇嗰個人嘅食評🤣🤣🤣🤣 呢杯凍檸茶就比較清新嘅凍檸茶總結最可取嘅地方就係米線 都叫做啱啱好 最值得食嘅係個米線 湯底其實就係雲桂X 食完之後都唔覺得好頸渴都OK嘅 試過就算唔會再食第二次‼️

尋日晚餐落去叫外賣, 見門口好多人排隊, 無論係等外賣定係堂食, 其實呢間已經去過10幾次, 次次都好多人。今次叫咗豬紅蘿蔔米線酸辣同埋魚肉春卷豬腩米線小辣, 米線嘅特定配料有好多肉碎, 湯底都好濃味, 個米線份量唔係太多，所以每次都唔會食淨, 如果可以加底就更好, 蘿蔔非常之甜同好淋, 仲要有三大嚿, 都算不錯。魚肉春卷係每次必嗌嘅, 唔係度度都有。佢人手都算多等咗10分鐘已經出餐, 凍飲都係加$10, 正正常常, 因為住附近所以都好常幫襯, 有啲人仲特登揸車去買, 呢間真係可以做經常飯堂。👍🏻

小鍋米線有多款配料選擇，份量十足，湯底唔會太咸，我叫左雞絲,吸晒湯既精華，再加埋腩肉鹹甜鹹甜，推薦👍🏽涼拌墨魚頭份量多到有座墨魚頭小山丘,爽口彈牙，蒜味足，酸酸辣辣，好開胃秘製豬頸肉好有驚喜,食落好香口，肉質彈牙一D都唔硬，妹妹食左半碟,配埋個泰式辣醬，味道更上層樓,一定要叫！！

荃灣米線店競爭激烈，當中👧🏻就幾鍾意以下介紹嘅呢一間米線店 - 雲家，湯底濃味得嚟又唔會太油膩，餸同小食嘅款式亦相當多。難怪平日未夠六點已經差唔多坐爆全場！🌟豬頸肉小窩米線（麻酸辣BB辣）+螺旋藻豬軟骨👧🏻就叫咗一碗三餸米線，麻辣湯底嘅酸味比較明顯，略帶甜味唔算太鹹，米線來混入不少酸菜粒。可能係叫BB辣嘅關係，麻辣所帶來嘅麻痹感覺就相對溫和。米線煮得有咬口，而且份量頗多。至於餸菜方面，豬頸肉要比呢個價錢，份量都交得幾足，大約有五至六塊，厚切，肥瘦兼備又爽口。豬軟骨嘅軟骨煮得好腍，入口即溶。螺旋藻嘅份量多得誇張，好似佔咗半碗米線份量，吸收盡湯底精華幾掛味。🌟豬扒小窩米線（酸辣BB辣）+牛腩豬軟骨骨豬大腸至於👦🏻就叫嘅米線，豬扒肉咖喱粉嚟醃，相當入味，唔太多脂肪，可惜比較乾身。五香牛腩即使係瘦肉位亦炆得非常腍。豬大腸都洗得幾乾淨，冇咩臊味。🌟涼拌墨魚頭雲加其中一個必點小食就係涼拌墨魚頭。用咗大量蒜頭🧄嚟拌墨魚頭，墨魚頭爽口彈牙，係一個令人食過不停嘅小食！🌟菊花蜜

舊時荃灣返工日食米線，都算係回頭多次的餐廳，米線份量超多，辛辣度/酸辛辣度可自己選擇，每鍋米線的配料都很多😀係荃灣都頗有名氣，店舖細細去親堂食的話，都要排隊～ 餓得濟今次就揀咗外賣豬頸肉小鍋米線🍜豬肉一咬即淋，米線吸哂肉汁，鮮味十足，再加多樣芽菜、酸菜、韭菜、蔥、芫荽等配料肥牛小鍋米線🍜外賣都拎咗一段時間，米線愈淋感覺愈好食，配料又多多，加埋墨魚頭春卷等小食～ 超級好味*惹味小食*🥟原來小食咁有睇頭涼拌墨魚頭👍 (蒜味加D 辛辣，好食彈牙爽口）炸春卷（5件）👍 (炸春卷炸到另類金黃色，值得一推）台式烤小腸👍炸雞中翼👍

雲家小鍋米線係荃灣嘅人氣餐廳之一，食飯時間經常要排隊等候，受歡迎程度可見一斑🥰🥰😆😆😋😋🍜雲家米線🍜 (小辣) $63有齊冬菇，雞絲，魚春卷，螺旋草，台式香腸等等，配料十分豐富，份量十足，一次過可以食到餐廳多款人氣配料， 雞絲吸收湯汁，變得好惹味；螺旋草有啲似海帶，清爽口感；冬菇厚肉，醃得入味，湯底帶有甜味，飲落好滋潤舒服，而且有多款辣度可供選擇🍜涼拌米線🍜 $36配料有花生，榨菜，鹹菜等，用咗香醋作基調，酸甜開胃，十分清爽，好適合搭配手拍青瓜一齊食🦑涼拌墨魚頭🦑 $46微辣嘅蒜香味十足！個蒜蓉醬好好味，負責人話係每日新鮮製作，確保蒜香味最多程度可以保留到，墨魚頭每粒都爽口彈牙，出面相對少見嘅小食🐮麻辣金錢肚🐮 $47同樣有加蒜蓉醬，蒜蓉醬味道較濃郁，金錢肚Q肚，份量都好足🥛支裝豆漿🥛 (加配價) $8一支有500ml, 好抵飲當日嘅小食豬頸肉賣晒，呢個都係熱門小食之一，下次要返嚟食呢😘😘😊😊😆😆雲家小鍋米線地址：荃灣沙咀道328號328廣場地下G01號舖#tsuenwan#tsuenwanfood#荃灣#世一米線#人氣米線#米線關注組#小鍋米線#人氣餐廳#長龍店#雲家小鍋米線#小鍋

說起雲家米線，因為幾年前住在附近的關，自從小店剛開張已不時到訪，見證雲家由街坊小店變成現在米線關注組大獲好評的長龍名店。可惜之後因搬屋關係，最近才有機會再訪小店。我最喜歡這裏的米線即叫即煮，之前有媒體訪問過他們，知道每碗米線都是連湯連配料和辣椒用鑊爆炒，令到每碗米線更加入味。今次夜晚六時多和老公去「撐枱腳」，等了不用五分鐘已經可以入座，叫了兩碗米線和三個小食。1.牛腩小鍋米線(麻小辣)加腩肉 $46+10雲家的配料出名豐富份量又多，基本上食每啖米線都可以同時品嘗到大量炒香的肉碎、芽菜、韭菜、蔥及芫茜，加上濃郁的湯頭一起吃簡直大滿足！辣度我認為小辣已經非常夠味，而且湯底不油，吃到最後亦無油膩的感覺。腩肉屬切條狀、半肥瘦帶油脂那種，加上大大件的牛腩一起吃相當過癮！2.雲家米線(唔辣)加金錢肚 $63+15米線一上桌我真的嚇一嚇，因為餸菜及配料幾乎「淹沒」整碗米線！難得地叫清湯下湯底仍然濃郁，推介螺旋草、雞絲及金錢肚，雞絲是石蔭那間米線名店的質地，一絲絲非常吸湯，螺旋草非常有爽滑有嚼勁，金錢肚亦醃得非常入味，而且後兩者坊間不是每間米線都有。3.涼伴墨魚頭 $46絕對必叫！墨魚頭份量極多而且爽

呢間小店提供地道米線如酸辣湯小鍋米線、重慶酸辣粉等🍜另有多款小食，價錢經濟實惠😍💗肥牛小鍋米線+魚肉春卷($55)米線煮得啱啱好，順滑又索湯，今次揀咗酸辣BB辣，湯底濃而不油，酸味同辣味，配料有超多肉碎、芽菜、韭菜、酸菜、蔥🍜肥牛大大片份量多🐮；魚肉春卷彈牙，食落有粒粒爽口花枝🐟💗熱拌紅薯粉+蘿蔔+牛腩+響鈴 ($67）紅薯粉屬於粗身狀，口感滑溜煙韌😋加咗榨菜、咸菜、肉碎同花生去撈🥜，蘿蔔清甜無渣🥕；牛腩炆得軟腍入味🐮；響鈴非常索汁🫔💗蒜泥白肉 ($42)蒜泥白肉底層放上豉油，長長嘅腩肉薄片肥瘦勻稱🐖最上層就係超誇張嘅蒜泥，超重口味，入口滿滿蒜香🧄💗醬拌皮蛋 ($24)皮蛋食落Q彈，蛋黃溏心甘香，加上秘製蒜蓉醬汁超惹味🥚