雲家小鍋米線 (安寧大廈)

營業中

休息中

以前經某些媒體介紹過，得知此店的荃灣分店，一直都未有機會試，但今次見到佢開到嚟元朗，咁就一於試試係咪咁好食。今日去到只得一枱人食緊，但門外不斷有外賣客，看來生意不錯，不知是否聞風而來幫襯。我一入店，只得一名樓面幫客人落外賣，明顯人手不足，要等一段時間先有人幫我落到單，再加上目測到廚房只有一人煮米線，我足足等左幾個字先食到，如果堂食真係要有心理準備要等好耐。今次就叫左小鍋米線，麻辣小辣，但個湯我唔覺得麻亦唔太辣，可能要叫中辣先真正覺得辣同麻。餸就揀左腩肉、豬大腸。腩肉入味唔靭，豬大腸係切成條狀，彈牙有咬口，不會過淋，冇異味，兩樣餸都唔錯。而飲品凍奶茶都ok，茶、奶、糖比例都適中，飲落舒服唔澀。整體來講唔錯的，但仍需要改善，不過都有下次。