雲南風味過橋小鍋米綫

營業中

休息中

尋晚同阿爸阿媽去試咗位於shamshuipo的雲南風味，去到門口人多到不得了，以為要等起碼半個鐘，點知唔夠十分鐘就可以入坐呢間插針都插唔入ge風味小館．三個人叫咗一個汽鍋雞($58)，甜湯腐皮米線(兩味$25)，黃鱔米線($23)，炸醬米線($21)同一碟腐乳唐生菜($11)．全部嘢都份數十足，唔算油膩．米線大大碗，米線多用料足，尤其黃鱔米線，辣辣哋好開胃又野味，唯一ge唔夠好就係裡面啲豬皮好似多過黃鱔．我估兩個女仔可以share一碗．汽鍋雞好大鍋，原盅燉，裡面有鮮雞同雲耳．雞肉好滑滑，下面塞滿雲耳．已經好努力咁食，不過雲耳食極都有，雞都食唔哂．個鍋比較干身，裡面無汁無湯水～～用嚟送飯一流．個唐生菜份數一般，夠三個人食．腐乳醬好好味，都幾辣，大大pat淋在菜面,好吸引啊!所有嘢味道都好濃，一般人會覺得夠味，不過食開清淡ge人會認為咸咗啲．雖然係咁，間嘢無限數提供普洱茶比顧客，可以去油膩，有啲似飲中茶．可惜ge係,食店的環境真係麻麻，唔只細，啲阿阻阿哥拎住食物同污糟碗碟行出行入．咁迫的地方，食客好容易’中招’......終於都明白點解咁快有位坐，個環境咁樣，食完嘢想坐多陣都唔得啦，仲唔雞

外賣無加錢,一樣係$23,廢事堂食,態度欠佳.一打開個蓋,好小黃膳咋,不過有d豬皮絲扮黃膳囉.其實都好食,因為野味嘛,但其實好重味精囉.

呢間鋪之前已經有朋友叫我去試吓。今日要去長沙灣攞相，因利乘便，決定行去碰運氣。店內人頭湧湧，好不容易先至揾到個位。坐下後睇睇牆上餐牌，主要有二拼及三拼米線，配料眾多如腩肉、肉醬、雞柳、豬潤、甚至連黃蟮都有，其他有如雲南氣鍋雞可供order，心想呢間小店真係唔嘢小。見牆上寫着有酥炸雞翼等小食，馬上叫一客食住先。之後再叫了腩肉、豬潤及肉醬三拼米線。雞翼先來，炸粉很厚，size很大，一咬下去，感覺有少許肉汁，醃嘅味道錯。只係賣HK$6.5，抵食。跟着米線來到，成個湯碗咁大，D料多到瀉。先飲啖湯，味道頗鮮；再食一口米線，稍嫌唔夠煙韌，應該係來貨質素有問題；豬潤本身質素幾好，不過淥得過熟，有點苦；腩肉夠大塊，口感OK；肉醬味濃有水準，如果可稍辣就perfect la...食得興起，再叫多一件炸豬扒送麵，size亦夠大，跟雞翼唔同，炸粉不厚，頗香口，肉質亦頗嫰。埋單三十零蚊，試問去邊度揾?

同老婆去黃金買野順便食午餐,雖然黃金果頭有譚仔記, 但老婆指定要呢度,冇法, 因為的確係好食.三"食送"米線$25, 兩"食送"就$23, 油菜$11.湯底鮮甜,"食送"的份量不少而且新鮮, 豬潤,魚蛋,雞肉都不錯, 主角米線爽口彈牙,配料亦不少有腐皮同韮菜. 油菜也不容錯過,$11的價錢聽落好像貴了點,但份量同味道都物有所值.係就係坐得迫o的,但次次黎都冇失望,希望保持水準.

炸醬撈埋酸辣一齊食,冇想像中咁好味,不過都還可以la,$25大大碗,仲有埋茶飲tim.

早年斷斷續續,在長沙灣住左八年,也許當時年紀小,飲食範圍,除左美居老麥,天悅food court,仲有眾不知名茶記.但求有野落肚,食到你飽就算.邊管得咁多.早前經長沙灣原住民帶領下,來到營盤街的雲南風味,品嘗A級質素的黃鱔米線.長年咁多人,長年要坐得逼,長年要搭檯,食完比壓力逼你走,唔好阻住我做生意.黃鱔微辣,好惹味,連帶附體的豬皮,完全索晒日月精華.米線彈牙,爽口.完全係我心目中的米線.雖然四圍的環境不時給予壓力,為左碗黃鱔米線,一樣在所不計.如果唔係呢位朋友,相信會繼續迷失長沙灣,多謝你Michelle.

十年前倒,試過這裹的氣窩雞,真的很出色,有所謂十年人事，何況食物！但見食評仍然稱讚，就遠走一趟吧！可惜．．．．雞已變了平時飯店食倒的北菇蒸雞，好重味精，無藥材味，連我最愛０既雲耳都一股ｕｐ味，又唔入味ｔｉｍ！雞同雲耳似是分開煮好再放落個窩道，仲有，我食得出Ｄ雞有Ｄ是番煮，有Ｄ是新煮的，當時是中午十二點幾，你仲明唔明我講ｍｕｄ呀！好失望之餘，見倒佢寫住咩秘制雞翼，豬扒，又好比多次機會佢，外賣返屋企，趁仲熱辣辣，中途偷食了小小，好奇，兩者味道皆不好，但個豬表扒又炸到外脆內ｊｕｉｃｙ，肉質仲好有彈性ｔｉｍ，都唔知寫佢好食定唔好食！

試過譚仔多次, 經朋友介紹話這間都正咪又去食下.款式就無咁多選擇, 不過d食品都係好味道.我就叫左酸辣炸醬, 朋友就要左豬潤雞肉.比較欣賞佢地既炸醬同豬潤.下次試埋其他食物再報導.朋友話佢地汽鍋雞先出名...真係要試下啦.不過地方細, 預要同人搭"台".

米線好大碗，汽窩雞的雲耳好入味，裡面有好多雞雞，兩個人食一碗米線一窩雞已經好飽喇!!

went there last night with some frends after visiting ppl... the shop is small.. but is full of ppl , we arrive there at 9:00 pm .. but is still full of ppl .. we order some noddles.. and the portion is Huge... wow.. we should share, coz\' we can\'t have other different things.. Heard that ppl say the \"chicken soup\" is good also.. overall, this restaurant is ok .. and portion is big and not expensive... worth to try !

呢度唔理幾時都係咁多人既, 入到去一定要搭臺,但唔緊要, 因為我覺得呢度既米線好好食我最鍾意食佢既炸醬同魚蛋, 炸醬少少辣又帶點香, 魚蛋彈牙好味, 而且米線都係爽口彈牙, 好正~我以前成日聽人講話深水步，荃灣...'譚仔''四川''雲桂村'好味...試過之後同雲南風味比, 我又一d都唔覺佢地正喎, 佢地d味都係一味得個"濃"字。另外個老闆好nice的, 佢成日會留意住d客人食野, 一路笑咪咪, 記得有一次, 個時仲讀緊書, 我唔食韮皇的, 佢見到就笑笑口同得講: 唔食第時可以叫走青, 咁就唔會浪費食物。不過食得多, 而家我都食韮皇喇

呢間店大大話話都十幾廿年,早幾日經過食碗云南米線, 水準不錯但材料就少d... $38

星期六去老深行街, 老公話好耐無去食,咪又去, 下午3點都full 曬.我叫酸辣炸醬豬潤米線, 老公叫酸辣炸醬腩肉米線, 水準一樣無退步.正不過好多人鍾情既炸雞翼, 我就唔鐘意, 太厚粉.而氣鍋雞就是我老公至愛, 好肥但又好滑, d雲耳入曬味,好正.但我一直疑惑, 雲南氣鍋雞唔係湯來的嗎?那才是正宗.

睇完雜誌介紹中午又咁o岩黎開呢頭一於黎試下我叫左個黃鱔米線而朋友仔就要左個炸醬雞肉米線由落單到上菜都唔駛五分鐘雖然唔似其他米線舖咁有其他既配菜但貨真價實料同米線絕對無俾少你黃鱔同豬皮一齊炒併落有濃郁雞味既湯底度初初食左一啖覺得鹹左d但撈埋落個湯底同米線一齊食就o岩o岩好而且因為湯夠熱令到d黃鱔都暖番d米線索左湯底有好濃既雞味不愧如雜誌咁講係用左大量雞骨,豬骨同雲腿骨不停咁煲成既靚湯底雖然我唔係食過好多間米線舖但味道我個人認為係最好食既一間朋友既炸醬亦好香亦好夠味雞肉睇落好似會鞋口但點知食落仲好滑而且似乎係手撕既味道都唔錯d阿姐好有禮貌多謝前多謝後不過至唔好係佢只賣罐裝汽水無茶餐廳既飲品搞到我食完要出去買不過佢檯檯都擺左中式茶樓咁既茶壼俾你自己倒茶飲題外話:原來都好多人係因為睇完雜誌黎食架食食下聽到阿姐o係電話度教人點樣o係沙田黎不過專登黎食都抵呀一黎好味道二黎好少地方有黃鱔做配料

見食評同"飲食男女"寫到呢度咁好,去完"劉森記"後便行過黎一試,7點零點已十分多人;舖頭面積不太,位與位之間亦相當接近,叫左個炸醬酸辣米線$23,size 不及"四川麻辣米線"般大,酸辣不算太辣,味道尚可!炸醬則好普通!只有咸味,欠缺甜及辣味;米線方面亦談不上滑!想食正米線既朋友不如行多2步去"四川麻辣米線"啦!