雲南風味過橋小鍋米綫

營業中

休息中

今日同男朋友去食麻辣米線2個都係叫左小麻辣我要左牛展, 同埋水餃男朋友要左炸醬墨丸嗯~~好好食呀好耐冇食過咁合我口味既麻辣湯底但我下次會再試中麻辣間野唔好既地方就係d 位太迫不過深水步果到間間都差唔多, 都係迫呢一間如果10分滿分都有8 分架下一次我會再黎食!

來過這裡好多好多次，次次都好多人到爆!這裡的黃鱔好出名，我喜歡食黃鱔+ 炸醬+ 腐皮/ 魚旦。但個人覺得炸醬比較咸，但都係好好味。黃鱔和炸醬是比較味濃的餸，但閣下就算冇點以上2樣野都好，呢度的湯底本身都好味濃下，次次食完都飲好多杯茶。3 餸 $26，仲好似會再加價，size 和譚仔差天共地... 不過又唔可以咁比ge ! 都係值得一食的米線店~!必食心水: 黃鱔, 炸醬, 炸豬扒, 魚旦

一家三口又黎食米線。要了炸醬雞肉魚旦。蠻大碗呢！有好多粒魚旦，有成5、6粒，而且係彈彈魚旦，又唔腥，好食！雞肉預jor係白灼，但唔係好鞋喎，又夠淋，份量好多，食極都仲有，很好。炸醬用全瘦肉，很難得的；不過就幾咸，食到最後成碗湯都勁咸。米線亦要一讚，軟硬得宜，而且略帶煙韌。還有碟芥蘭，份量不少，且用鹼水灼過，所以夠淋，o岩晒我！

年三十晚,因為一早己經同家人食左團年飯,所以今晚得我同老公二個,都唔知食咩好,唸起好耐無食這間米線,於是決定同老公喺哩度團年,我地大約八點鐘到,因為就收爐好多野都賣晒!例如氣煱雞,炸雞亦,炸豬扒,黃膳等,我叫了酸辣豬膶雞肉腩肉米線,老公叫了過橋米線,其實Ｄ份量都唔算少,Ｄ餸都好多,二個米線都好味,不過Ｄ味精真係好似多左Ｄwor!

炸醬小鍋米線> 個人都幾鐘意,個湯好夠味不過唔食得咸既人就唔好試啦酸辣小鍋米線> 都ok架, 不過我都係鐘意炸醬多d黃鱔小鍋米線> 一個字! 正! 黃鱔夠彈牙入味氣鍋雞> 水準極唔穩定, 有時太咸有時太淡, 有時好多肉, 有時只係得d頭頭尾尾, 不過d木耳都幾好食, 價錢略貴, 都值既

好耐冇食LU,讀書時成日食,但見到有啲劣評真係唔開心,唔通真咁差,搵日真係要去食

今天到深水埗附近做training，午餐就到呢到攪掂與同事都叫了炸醬豬潤腩肉米線..等了5分鐘就上菜.. 先飲一啖湯，因為有豬潤炸醬的關係，個湯會更重味，但係不失鮮雞湯底味。印象中，佢的炸醬係好咸，但係今次去，味道剛好;而豬潤亦唔會太老，夠彈牙;而腩肉是亦ok，不過不失.. 因為只係得2個人，所以無叫氣鍋雞，下次帶個大食d的朋友再黎試過

首先,我要講,我都係由十年前起係呢家我地叫"米線舖"既常客,果時同2-3個老友,一去果頭買野/做面,就一定要係呢度食,無論係叫一客過橋share,定係叫個汽鍋雞,都好ENJOY.今日探完母親,因為見到米線舖咁多劣評,就想專程去食一次,然後上來呢度幫佢平反.經過大慶燒味店,買左乳豬,一路想:"下,返家整個出前一丁加乳豬好正喎!"不過已經行到,就想:一定要去食下,然後幫佢平反至得."咁就入去啦,一入,嘩,以前7-8點一定座無虛席,要等,OR有人企門外等位,乜而家咁多位,而且仲好疏.我一坐就要左個"過橋".因佢係最好食既,而且係最經典既米線食法,將D生菜及肉倒入好熱好滾既湯中食.有位比較細粒既阿姐將一碟餸及一碗冇湯既淨米線取來,我睇左睇,發現碟餸比我食開少左好多,得三片生菜及幾片火腿,幾片腩肉,我有D比人昆既感覺,我就叫拎來個阿姐來,問:阿姐,乜少左咁多既. 我預左佢可能話:乜都貴左呀,係咁架啦,生意難做.....點知佢好大聲咁話(真係好大聲,好似罵人果D聲線):碟碟都係咁架啦!你想幾大呀? 我話:我以前食果時冇咁少野既.佢更大聲話:咩呀?你幾耐來食過呀?呢D公司規矩,我照做咋喎!你想點呀而

見到呢間我自細食到大嘅米線店咁多劣評忍唔住要俾一啲提示給想試呢間店的食客1.) 第一次來最好不要試酸辣,炸醬,黃蟮同套餐呢幾樣配料本身味極重,完全蓋過湯底味道而雲南風味正好係一間靠湯底食糊嘅店鋪所以上述幾項配料,留待試過其原味覺得ok,下次才再試吧2.) 雲南風味嘅雞肉,豬膶,腩肉都屬於白烚可能佢哋真係對自己嘅湯底好自信其中尤其以豬膶呢樣配料,可以不試因為真係比其他店舖煮得老3.) 氣鍋雞其實幾好味,但就不用試貴價版那個因為味道一模一樣.至於有朋友話成鍋都係骨我諗係唔好彩居多,而且所謂骨應該是指雞背之類,更可以證明他們是用全雞(應該是鮮雞因為無雪味)4.) 炸雞翼粉太厚,試吓炸豬扒,有少少乾但醃料不俗油菜盡量唔好叫走油走蠔油,否則差好遠本人認為就算是油菜(可能是油嘅關係)雲南風味整出嚟都係同其他店有少少分別,比較好食

我記得深水埗有間米線好似好出名. 今日就同男朋友出來找.我記得係M記附近, 有見咁多人.就入去食..食之前都好有期望. 但D餸的選擇不多. 連我想食既豬腸都沒有. 不過算啦. 好味就得.又見個牌寫住XX雞亦. 又叫啦..原來只係普通的炸雞亦..味道普通. 跟住碗面來. D炸醬唔得. 腩肉唔得. 個湯好咸. 今日特別上來呢度找下我有冇去錯地方..又冇錯喎..我以後以後都唔會再幫襯衫!!! 差差差~~~~~~

於幾年前好友極力推介下第一次嚟食,一入門口,地方好細,坐得好逼,冇乜好印象可言,但經試味後,一個字”正”,尤其是汽鍋雞,佢個米線都做得唔錯,唔會太淋,真係好介紹喎…之後經常都會帶D未食過既朋友嚟食,每一次都有讚冇彈...由於有個朋友聽我講了很多次,她也想試一下,帶著老公去幫襯,回來的評語居然是負面的,她說只覺得那個汽鍋雞是搭頭搭尾,骨多過乜,我很奇怪,為何會這樣?我做”介紹人”這麼久也從未失過手,此事令我耿耿於懷…由於近年改了活動地區,少來了,有少許掛念…Eman話早排電台有節目介紹過,不如我地又去食吓,不知為何這次的汽鍋雞和之前吃的分別很大,米線的size細碗左,口感也比之前的差了,我終於明白朋友的意思了…記得曾幾何時,我還替它向它的同行賣了”廣告”呢,那時經常幫襯一家米線店,味道不錯,但總覺得米線淋了點,口感不足,當時由於已和那些人稔熟了,便告知此處的米線做得不錯,叫他們有空過來試一下…昨晚出開此區,心想不如去食多次,或者上次咁”橋”je,八時左右到達,和之前一樣…好旺,例牌叫了汽鍋雞和一碗米線兩個人share,由於上次經驗,落單時特別吩咐不要那麼多骨,終於等到上菜喇,她連蓋子也不

好耐以前有個親戚同佢d朋友(3個台灣靚女)由台灣來香港自由行,叫我車佢地去觀光,咁我就去尖沙咁車佢地去食午餐啦,又唸唔到去邊度食又行錯路去左深水步,咁就見到呢間野,我就叫佢地入去食啦,因為我之前果晚飲大左,無胃口食,咁我就留在車訓一陣,佢地食完出返黎就同我講,好介紹好正very good咁,我緊係好似好熟咁話係幾正嫁.= =v經過果次之後我就對呢間野唸唸不忘,等我有機會就去試下,可以搞到果幾條台灣妹咁賞識,咁有一次就3點幾經過就決定入去試下咩料啦,一入去唔多人,坐低記得好似叫左腩肉,雞肉,酸辣米線,黎到都幾大碗,一試個湯好夠味,d米線都入埋味,辣椒油好香又夠辣,我真係未試過d米線係咁好食,25蚊埋單,從此我就鐘意左米線同台灣妹啦,

2007年8月29日。雲南風味米線。米線我成日食，這裏也不是第一次，但因為太耐了，已經沒印象。今天路過，吃了酸辣魚蛋米線我真得有點失望，這樣的水準，這樣的價錢，這樣的份量只屬正常，有很多地方都可以做到，有什麼特別？最難吃是魚蛋，好腥喎。最莫名其妙是酸辣是不辣的，鹹酸菜太鹹了，應該改叫咸酸米線。最失望是竟然一片腐皮都沒有，早知道無，餐牌為什麼沒有腐皮選？？配菜也只有蔥和菜和少許肉碎，亦是一般貨式。这要24元，怎樣大大碗抵吃？

真係可以話山長水遠咁慕名而來，因為個個都話好好味，所以決定專登黎試下。身為香港人既我，對九龍ｄ路完全唔識，所以黎之前就睇過地圖，確定位置，出發!由中環放工就坐地鐡去到深水步，再行左十五分鐘，終於都到啦！入到去見到真係幾多人，當然要同人share張枱啦，都冇所謂啦，最緊要好食!我地兩個人，叫左個汽鍋雞$60, 炸醬豬潤魚蛋米線$26！個雞熱辣辣，食落有小小辣，好多雲耳係底，味道只屬一般，完全唔覺得有咩特別喎，呢ｄ味道，好多地方都食到！講返米線，除左我食過一間係銅鑼灣超難食既米線之外，呢間係第二間我覺得好難食既米線，真係好失望，ｄ魚蛋太淋，全無彈口可言，豬潤鞋到真係唔想吞，我只係食左幾片，真係頂唔順，炸醬有小小辣但係唔覺得有咩好食，點解係必食之選????一定唔會再去，我覺得並不是那些食評講得那麼好食!!!

昨晚和11歲的小女孩往此食店，迺滿人，我們被安排坐在路口位，對小女孩來說是很危險，熱水照頭傾，當我請求伙記安排其他較安全位置時，有位短髮"鬼鬼地" 女伙記竟說"你唔坐呢度，起身啦，俾個位人地", 語氣極冷淡．我知道，店內位子少，他們也話知你幫唔幫襯，多我一個唔多，少一個唔少，但係佢地伙記態度好有問題．最後我地冇食到，即刻走，食餐飯之痳，唔使委屈自己．而且，佢地近排改用細左既碗，同埋D 酸辣稀左好多，黎緊我都唔會再去．老板，香港地而家有好多又好味服務態度又好既米線，再唔檢討..... , WELL !