雲南風味過橋小鍋米綫

營業中

休息中

小學時期，因為要到這區學野，所以經常來開餐。但小學過後都無黎食過。因此今日特來回味！三個人，所以叫咗個氣鍋雞，同每人一碗米線。我要了雞肉、豬潤、腩肉米線。米線質地幾好，唔會好淋，有咬口，唔會一pat野；豬潤好爽口，唔會鞋；雞肉嫩滑，好味；腩肉就無咁好，無味，又"un"。湯底勝在夠清，又夠熱！氣鍋雞：有好多雞同超多雲耳，D雞好好味，因為好嫩多肉又有雞味，抵讚！雲耳"soc"晒雞味，好香！不過環境做真係迫到暈，千祈咪周身動，如果唔係好容易會釀成意外。正如之前D食評所講"食幾啖就會被人撞一撞"！

尋晚去松記之前唔知食咩好，SO去左附近O既雲南風味，一去到唔駛等位但9點幾都好多人，之後食左個炸醬雞肉腩肉米線，好味不過唔鐘意食大大條O既韮菜同腩肉始終都係冇咩味。

多年前友人帶過我去食過橋米線...今日另一友人又帶我去,我入到店內先記得!今次專登黎食氣鍋雞.我說我不愛田七的味道...原來這個沒有田七的...雞的味道很好,幾滑,好香胡椒味...木耳也太多了吧,食極都有...放棄了.另試左米線.米線質地一般(譚仔既米線口感好得多),仲有幾條未熟透...肉醬好咸...魚旦一般...整體一般...見有炸雞翼,炸朱扒,及大大碟油菜,樣子好吸引....因怕食唔哂所以冇叫...

氣鍋雞暗藏一堆雲耳豬腩肉甜湯小鍋米線炸豬排搭陪酥炸雞翼--------------~$58 氣鍋雞~$25 豬腩肉甜湯小鍋米線~$10 炸豬排~$10 酥炸雞翼--------------

深水埔有2間米線至愛, 一是譚仔記, 另一是這間. 風味不同, 位置環境亦不同, 某程度上, 譚仔記是湯底和土匪雞翼取勝, 另一間是整體感覺較不俗. 前兩日和傻鬼去吃了全餐的雲南米線, 米線份量一飯碗整, 不算太多. 菜式是易熟的食品, 生菜, 火腿, 魚片等.. 變相不太好吃, 另外加碟白菜, 最喜歡飯後一杯茶, 但也討厭這裡永遠較濟迫, 兩個人最後僅是剛飽, 份量實在不太多, 相信下次還是自己點二菜好食的, 仲會考慮點炸雞翼.

地方狹窄，侍應黑口黑面，毫無服務可言。集以上所有原素於一身，仍能人山人海，相信此食店的食物水準都會有番咁上下。事先聲明，我對米線一向都冇咩好感。只是有求於人，而朋友又想食米線，我才去湊一湊熱鬧。我叫了火腿雞肉豬潤米線，而朋友則點了豬扒米線。先講材料，火腿有好多片，而且幾厚身，算唔錯；豬潤也幾好，雞肉雖夠"淋"，但口感總是差點點。米線?我覺得和一般街外的米線舖差不多，無甚特別。環境實在太差，食兩啖就會被人撞一撞，吃也吃得不暢快。

尋日放學同男友去食,炸醬+魚蛋+腩肉$25(他)雞肉$21(我)秘製雞翼$6.5炸醬,魚蛋,腩肉都好一般,雞肉就夠林又唔鞋但冇雞味,唔似食緊雞肉,係咪為左整林d肉而落得太多梳打粉??米線好林,我最憎食林既米線...要讚既係湯幾清,食完唔口渴。秘製雞翼幾大隻,開頭以為個味道係秘製,點知原來係個炸漿,唔覺係咩秘製,因為呢種炸漿係炸鮮奶球同炸魷魚鬚度出現過,非常脆非常熱氣,炸到咁實好食格。唔係突別好食,應該唔會再幫襯了。暫時個人認為餸+米線+湯都做得好既係深水步既新昌隆。

先旨聲明,雲南風味乃筆者主要飯堂之一,該店阿姐曾經笑我日日嚟食都唔厭.倘食評內有過份吹捧之處,敬請原諒~~叫得做飯堂,最基本兩樣野,第一當然係味道要好,第二就係要健康(畢竟無乜人會揀"老麥"做飯堂,除非你想拍"不瘦降之謎").先講健康,雲南風味的湯底永遠給你一個好清但係又好有雞味的感覺,而且配料係魚蛋,腐皮,無皮雞肉,火腿等,你叫一個魚蛋雞肉米線,加一碟生菜全走.蛋白質,殿粉質,維他命樣樣有齊兼低脂肪,簡單得嚟又健康.當然,你唔怕肥同膽固醇的話絕對可以要豬膶腩肉黃蟮米線,油菜唔走油的話味道仲會好好多.自己抉擇啦.至於味道方面,筆者常常帶朋友嚟呢度食,偶爾都會有一兩個唔喜歡呢度,經我細心觀察之後,我認為1)不喜歡雞湯者會不喜歡此店.2)要有很多選擇,鍾意一碗麵入面有八個餸者會不喜歡此店.正如之前所講,呢度啲米線最好味係個湯,一啖入口你會發覺這裡的湯底與別不同,很甜很有雞味.唔好計較佢有無加味精.筆者認為人加味精,佢加味精,加得比別人好食就係功夫.再者,筆者根本就唔覺得佢地湯底有很多"師傅".通常我食完碗米線之後連湯都唔會剩,亦唔見得會好口渴.真係覺得有味精的話行1分鐘過松記嘆埋個靚甜品,

下午六時多，未到晚飯時間，顧客也不少。找個位子坐下，由於是第一次來，要花點時間看看牆上的菜牌，伙計（還是老闆？）站在一旁，笑咪咪地等，不作催促，惹人好感。點了炸醬豬潤米線，配菜只有韮菜，份量不算多。豬潤的質素不錯，炸醬則集辣、甜、酸於一身，非常開胃，只略嫌肉碎稍為粗糙。加上米線爽口，正是我所好，所以三扒兩撥便吃光了整碗米線，好滿足。跟其他米線「名店」不同，這裡的伙計們都面帶笑容，工作時也頗輕鬆，不會趕頭趕命，生怕做少了半個客似的（可能未到繁忙時間吧）。作為食客的我，心情也比較愉快，吃了一頓簡單的安樂茶飯。

今天要了酸辣雞肉米線，雞肉很滑，應不是雪藏貨式。但米線太淋，開業這麼久，專賣米線的都不能保持質量，整體味道還可以，但這店子的米線水準始終不太穏定，可以吃到一碗具水準的米線可要看你的食神了。

唔明點解有咁多好評呢.....我覺得味道麻麻地咋wor....可能唔岩我口味啦......

好耐無食過,放工專程去食.我要左酸辣黃腩肉,再要多左1隻雞翼;雞翼粉實在太太太太厚,太油食了一半放棄了,米線ok比譚仔好(譚仔已經變差了,米線是淋的,味也差了很多),味道還可以,但跟黃的豬皮好食過!!!

難得有一日清閒，阿K同我去做完body check 之後，我地就前往深水步區搜刮美食。其實此區不乏地道美食，是日我地去左食雲南米線。呢間雲南米線舖嚮該區可算係幾出名，由朝到晚店舖入面都堆滿食客。由於天氣熱，冇乜胃口，所以我地剩係叫左碗雲南過橋米線同一碟腐乳通菜。碗米線好大碗，料幾足，有豬潤、腐竹、火腿、半肥瘦、碎雞肉、生菜、冬菇等。湯就比較淡左D (與一般雲南食物比較)，可能天口興，要調整濃淡度迎合口味。豬潤就有少少老，可能俾D湯灼得太耐。腐乳通菜都ok，稍嫌D菜有少少洗得唔夠乾淨，好彩冇肚痛。過橋米線一大碗三十五蚊，用料係普通野，其實利潤都幾高，不過勝在大大碗，食完個肚好有滿足感，都冇乜人會太計較喇。起碼好過“雲南桂林過橋米線”。

本人絕對係米線愛好者,近期經常出入深水埗長沙灣一帶,所以決定要食暈呢一帶的米線,先係譚仔記大路野,食慣食熟唔多講..而呢間,冇記錯好多年前食過幾次,都冇咩印象,是日叫左碗酸辣雞肉米線,一上枱就知出事了,酸菜並非我喜歡果隻味,我唔係話佢唔好食,只係味道唔岩我,我食過最對口味的酸辣米線在尖沙咀,不過因為唔識路,搵過幾次都搵唔返...講返碗米線,除左酸菜之外,其他都不錯,雞肉滑,米線唔會太淋,不過湯底冇咩味除左酸都係酸,個碗好大不過酸菜多過米線..

今日同男朋友食完合益泰特登都要黎呢到試下係咪真係咁好味,開頭行到個間鋪頭仲以為無開添..因為出面睇就比較舊,我男朋友就話似麻雀館,真係好搞笑,我就叫左炸醬黃蟮豬潤, 我男友就要左酸辣黃蟮腩肉,要左2隻雞翼.因為個侍應企係我隔離,諗都諗唔切就叫喇..雞翼同d麵一齊黎..開頭以為雞翼只係中間個部份..原來係全隻既, 一見到碟雞翼係好大碟既..因為d粉炸到咁大,$6.5一隻都ok既..因為我覺得好好味..但我男友就話出面個層好似食緊麵包咁,講下碗麵先,炸醬辣辣地,唔似人地出面個d咁..比較乾身, 黃蟮的確係夾雜左d豬皮係到,我覺得都ok既,豬潤都好味,好似食極都仲有咁,我男友就話黃蟮有d酒味,苦苦地(不過我個碗就唔覺),最大問題係d腩肉(係超級勁爆肥呀,無肉食架),唔食得勁肥既腩肉就唔好叫喇..因為好似好浪費咁(因為真係食唔落),同埋d酸辣係無咩味既,早知就唔叫腩肉同酸辣,男友話荃灣個間好味好多,不過呢個又係事實呢講..呢間應該唔會仲有第二次..就係食米線都會返荃灣食返另外一間