雲南風味過橋小鍋米綫

營業中

休息中

💜我叫咗三餸，湯底夠味，但係質地比較輕係太黏稠，份量足。但我見對面食緊套餐過橋米線份量大很多，都係貴$10 ，而且叫套餐嘅話佢係一碗湯一碗麵一碗餸三兜分開上菜，感覺份量更加大更加有特色。👎🏾現金cash only 有些不便

呢間嘢本身間中都會去下，因為味道係唔錯。亦都介紹咗好多屋企人同朋友去食。但今日特登由荔枝角行到過去，全間嘢紅A膠櫈要搭枱坐得逼夾已經唔在講，一坐低就問食乜，問咗兩三次。我坐都未坐定，你問乜鬼嘢啫！好啦，落單叫咗碗炸醬雞肉腩肉米線，本身好肚餓，所以好期待。一上到黎，夾起一舊腩肉，全舊都係肥肉！！！拎第二舊睇，九成都係肥肉，第三舊都係九成肥肉，第四舊100%肥肉！另外兩舊係正常嘅五花腩。因為嗰四舊肥肉真係完全食唔到，所以叫咗阿姐過嚟問吓可唔可以換俾我。正常係醒目嘅即刻入廚房求其煮熟4舊腩肉就換俾我啦！點知嗰個阿姐話：係咁㗎喎，你落單嗰陣又唔講，你要講明係要瘦腩肉呀嘛，如果唔係就係咁樣隨機抽㗎喇！我係咁啤住佢，擺明好唔接受佢呢個答案！但係佢完全冇愧疚咁樣行開咗！喂大佬，阿姐你知唔知咩叫腩肉啊？你嗰幾舊係叫做肥肉，唔係叫做腩肉啊！你自己叫腩肉，會唔會expect全舊都係肥肉呀？聽完佢咁樣解釋真係火都嚟，但係好地地食餐飯，真係唔想搲爛塊面同佢喺度嘈！同埋個阿姐俾得啲咁嘅答案，好明顯我都已經唔係第一個啦。講多都嘥氣跟住我拎咗隻匙羹，將嗰4舊超級肥根本食唔到嘅腩肉排晒喺度！全餐飯根本背脊骨落，好似俾

黃鱔米線 + 炸雞翼*Time : Oct 2023, Lunch*Price : $42 + 16 -HKD *Place : 雲南風味過橋小鍋米綫*Review : 好幾年前吃過外賣，今次路經試試堂食。- 黃鱔米線 ： 配菜有黃鱔，豬皮等，小小的麻辣味，平常人絕對應付得到，黃鱔連皮煮，十分入味，也有鱔的爽脆口感，整體份量算是大碗，一定吃的飽整體不錯的，不過黃鱔份量比幾年前有一點點縮水，但口味保持到，每檯都有中國茶，去一點油膩，當日已是接近下午茶時間，仍然滿坐

平日收工之後唔知食咩，又唔想駛咁多錢咁就會過來食米線兩個人點個雞湯米線套餐（💰56）、炸豬扒（💰16）、蠔油菜心（💰18），一共先💰90蚊，營養健康，好過食麥當勞啦。雞湯米線套餐——雞湯好鮮味，有小小胡椒味。套餐有雞肉、豬肉、芽菜、生菜等等，湯好飲，米線都好好食。蠔油菜心——煮得夠數，入口鮮甜。炸豬扒——真係超值，平過碟菜。好香口。仲有自助茶水添嘎。呢間鋪真係好受歡迎，好多人幫襯。😄所以基本都要搭臺。

早幾年食過兩味小鍋米線…最近經過嚟試吓都幾出名嘅黃鱔小鍋米線-黃鱔小鍋米線（$42）米線一嚟到就試吓個湯先…湯底好重胡椒味然後撈勻配料，湯底就變得非常濃郁，點知越食就越鹹-配料都幾多，因為除咗黃鱔外，仲有好多一條條嘅豬皮，應該係想扮吓黃鱔😂 豬皮好索汁，即係好鹹-黃鱔大概有5-6條，肉質比較實淨-醬汁睇落好辣，但唔算好辣，鹹會勁過辣，食到尾因為唔想哂野，幾經辛苦先勉強食淨小小，真係好好好好好鹹，番到屋企隊咗成樽水如果下次食…都係食番其他款

附近返工有時唔知食乜都會優先諗起呢度 一來價錢優惠，二來味道不錯，三來份量十足～對細食嘅我來講，可以食2餐～簡直係糧尾恩物😂😂😂豬扒必食，浸落啲湯度好好味～😚😚

由於環境擠逼，附近人頭湧湧都不好意思室內拍照😂還有，來這邊吃，一定！一定！不能介意「搭枱」（拼桌）不用等很久的，所有食客都是吃完就走，不會多逗留的～黃鱔雞肉炸醬米線$52 汽水$8這邊的米線不提供辣度選擇（平常吃小辣的朋友都能吃）首先我喜歡湯底的味道，很濃但不會太油吃到尾聲都不會變淡足料、黃膳配豬皮都很入味炸醬是偏咸那種（譚家是偏甜的）雖然小店環境不怎麼樣，也算是別有風味的有位疑似是老闆娘的人特別惡😂絕對是久不久還是會想過來回味的米線🍜！fyi 🚙 泊車可泊在旁邊的新住宅the campton

今日去深水埗買電話卡，所以順便係附近尋找世一米線，咁嗰度聽講有小弟想試好耐的黃鱔米線，由於唔係周圍有，襯有時間就去試一下<雲南風味過橋小鍋米綫>。咁入到去係一個好傳統嘅格局，應該都有返咁上下歷史。望落每一枱基本都係叫黃膳麻辣米線。另外我見每人都有叫裏似一個尖窩嘅嘢，後來先知係呢度名菜汽鍋雞。由於食量唔算大，我哋就叫咗一碗黃鱔麻辣米線同埋汽鍋雞。首先講吓黃鱔米線，本身湯底比較淡，撈埋黃鱔嘅醬料之後味道就啱啱好，而個醬料有少少平時食開雲南米線嘅肉醬一樣。黃鱔嘅肉都比較厚身同埋入味，所以都幾好食。麻辣味唔算重，就唔係平時雲南小鍋米線的味道，所以無得直接比較。整體黎講其實味道都唔錯，同埋其他米線店食唔到黃膳的配搭，所以都值得一試，但未算係好驚艷。反而汽鍋雞就有驚喜，首先個份量比較多，另外雞肉餣得好入味但唔會「霉」，份量又夠多，係值得推介。另外就係有大量嘅雲耳，煲的過中索晒雞汁精華。但因為今次係尋找世一嘅米線，所以我又要繼續踏上尋找之路了。

呢間屹立不倒嘅老店，其招牌嘅黃鱔米線，真係食極唔厭，欣賞它配有點辣嘅豬皮，份量十足。今次和媽媽到來，她指定要吃田七氣鍋雞，環顧每張枱，只要係二人以上嘅顧客，一定有會叫一鍋！講真一個人真係冇可能食得晒，就算我哋兩個人分享，再加碗黃鱔米線，已經非常足夠！星期六的晚上到來，要在門口等了10多分鐘，而且座無虛席，環境頗擠迫，不過都預咗。服務態度一般，因為實在太忙了，會有點想催逼，你快快食完讓出座位給下一枱客的感覺，來這裏吃，只是吃一點回憶的味道，不能要求服務吧！

有個好肥嘅女人，我估係老闆娘，啲態度差到不得了！！叫咗過橋米線，酸辣要加六蚊咪加囉，食咗一啖，已經覺得個湯底唔對路，哇…勁難食！況且好聲好氣同佢落單，仲要受佢氣！？嗰段時間又唔算忙，請我都唔會再去食

【深水埗區】【雲南風味米綫】呢排缺乏深水埗區嘅 post，夾咗道歉哥過嚟陪我食嘢，之但係大家都唔係話太好胃口，所以揀極都唔啱咁。我就順便講吓以前嚟呢頭會食乜，點知原來道歉哥同呢頭都甚有淵源，真係咁啱得咁橋。講吓講吓咁，即係食咩啫。我哋同時講起呢間雲南米綫，都覺得佢幾好食，我係好多年前由隔離 team 同事帶我去食過一次，之後冇再食。咁又經過呢度，不如食呢間啦。就係咁，我就同道歉哥入去坐低咗。侍應話如果唔想諗的話，就叫過橋米線啦。的確係正中咗我嘅心扉，就要 $56 嘅「雲南過橋米綫（全套）」，唔問佢有冇半套咁鹹濕啦。佢呢度嘅雲南過橋米綫嘅湯底、米綫、配料係分開上，同過橋米綫典故嘅做法係一樣，食之前先至將配料同米綫倒落碗湯度嘅。咁佢碗湯個湯底好特別，又唔鹹又唔太辣，但係幾香濃。配料方面都幾足，有火腿、腩肉、雞肉、豬膶等，又有韮菜、蔥粒、生菜等等，啱啱好唔會太飽。雖然有免費普洱任飲，但我都係叫咗 $8 嘅罐裝「玉泉忌廉」嚟飲。道歉哥就食 $47 嘅三味小鍋米綫「炸醬腩肉魚蛋」，佢就覺得碗嘢 okay 但就係嫌佢唔夠辣。反而我就覺得唔太辣就啱我呢啲弱者食，所以話呢啲嘢真係「百貨應百客」。咁樣夾

呢間真係由細食到大，今晚簡簡單單叫咗酸辣雞肉米線，真心湯底真係好咸，肉碎勁小，有都係肥豬肉⋯⋯希望太子爺多加重視食物質素⋯⋯😞$47 一碗兩味米線，咁嘅質素，認真偏貴！

📍雲南風味過橋小鍋米綫深水埗營盤街134號元安大廈地下本人作為米線關注組嘅成員經常都會去試唔同嘅米線個人會比較喜歡麻辣米線今次呢間就係食酸辣嘅佢有太多太多款餸揀有選擇困難症嘅我永遠都會選擇叫餐廳推薦😂😋 黃鱔小鍋米線好少地方有得食黃鱔米線而且好似好多人推薦 就決定食呢個黃鱔幾滑幾脆唔鞋唔會有骨 一啲腥味泥味都冇份量都好足除左黃鱔仲有豬皮辣係甜辣 覺得唔夠辣 我另外再加咗辣油😂總結 係幾特別 好食 但唔太啱我個人口味🤣

今日老公唔舒服想食清d, 所以佢就叫左個雞肉小鍋米線，話清清地又味。而我就因好多人都推薦黃鱔小鍋米線，所以就揀左佢做我晚餐啦😜但今次冇係度堂食，就買左番屋企食。🔸雞肉小鍋米線雞肉好滑，個湯夠清甜，腐皮滑，連韮菜都好甜😙🔸黃鱔小鍋米線第一次食，原來有埋豬皮。見到個湯底嚇親，以為好辣，但原來唔太辣的🫢帶有少少甜辣既味，岩曬我🤣但幾香。豬皮個量都多，黃鱔都幾滑唔鞋口，幾鐘意，如果個量再多d就好🤪唔夠喉

天氣凍最啱就係食米線😋今次黎到呢間雲南風味過橋小鍋米綫好似都幾出名，同一般米線店感覺唔太一樣，係度食米線有種飲茶既feel😂每枱都有一壺茶比客人斟黎飲，食米線配熱茶，都係一個幾特別既體驗。而呢度最特別既一定係佢地既黃鱔米線！真係第一次見米線舖有呢款米線叫，同埋坐低見到隔離枱都好多人有嗌呢款，  1️⃣黃鱔小鍋米線（$40） 黃鱔已經去曬骨啖啖肉，食落一啲腥味泥味都冇🤩肉質係偏結實既。另外黃鱔同豬皮一齊煮，豬皮好入味，帶微微甜辣。米線份量都多，仲有啲韭菜。 2⃣️炸醬腩肉米線（$40） 炸醬唔會好濃味，辣辣地而且都幾多👍腩肉係薄片既半肥瘦。兩樣配料都唔錯，而且$40好抵食！