雲南風味小鍋米線

營業中

休息中

長沙灣福榮街的雲南風味小鍋米線這家雲南風味小鍋米線位於長沙灣，提供美味的雲南料理。以下是我的食物評價：🍲 雲南風味過橋米線這碗過橋米線份量十足，各種配料應有盡有，包括雞肉、牛肉、腩肉、豬肉、閠生菜和火腿，味道鮮美多樣，每一口都充滿著雲南特有的風味。湯底清淡而鮮美，非常適合搭配各種配料，讓整碗米線更加美味可口。總結來說，這家雲南風味小鍋米線絕對值得一試。不僅份量十足，而且價格實惠，是一家性價比很高的餐廳。📍 地址：長沙灣福榮街573號地舖

🍜酸辣濃湯小鍋米線(微辣) $31米線幼細 入口軟滑 口感偏腍奶白色嘅豬骨湯底味道濃郁 配上酸辣食落非常開胃 完全唔會覺得Heavy 食完都唔會話好口渴🥢豬腩肉+$7雖然大部份豬腩肉都有勁厚嘅肥豬肉 但係佢成嚿豬腩肉煮得好淋 入口即溶😳少許被驚艷到 肥膏位有啲似膠質咁😂 整體感覺唔會好膩🥢魚腐+$7個人比較鍾意呢種魚豆腐嘅魚腐 食落去又唔會太油 又唔係好似魚蛋咁彈牙 個人必點😉🥢炸醬(另上)+$7肉碎大粒紮實 甜辣適中個人建議鍾意另上 如果唔係搞到個湯太油同埋會唔見晒啲肉醉😂𓂃 ࣪˖ ִֶָ𐀔 𓂃 ࣪˖ ִֶָ𐀔 𓂃 ࣪˖ ִֶָ𐀔 𓂃 ࣪˖ ִֶָ𐀔 𓂃 ࣪˖ ִֶָ𐀔 𓂃 ࣪˖ ִֶָ𐀔 𓂃 ࣪˖ ִֶָ𐀔 𓂃 ࣪˖ ִֶָ𐀔 𓂃 ࣪˖ 環境方面就一般 唔知點解用綠色板將座位隔著啲人好似自修室咁對住塊板埋頭苦吃😂每逢中午放lunch時段都有好多人排隊就算一個人都要等大概15分鐘建議大家避開中午時段嘅人潮🤭

每到食晏時間，呢間舖頭都有一堆人係出面排隊，有次要等30分鐘，落單到上檯又等10分鐘，黎食都要預啲時間等下。👍🏻湯底🍜 - 大多數都叫酸辣濃湯，微辣，但佢地既辣度係有「彈性」既，阿姐話唔同師傅咼。同一個辣度，試過完全唔辣要問佢加辣，都試過辣到sip sip聲。（我食十小叫微辣，朋友食開三小叫小小辣） 試過清湯，係奶白色湯底，比好多米線店既清湯濃郁，味道唔寡都好味。🍗雞肉 - 係細細塊既雞片，嫩滑唔柴，每次都叫🍄冬菇 - 有四五粒，細細粒唔係厚肉個隻，不過滷得入味，略帶甜味🍥魚腐 - 唔係用魚肉炸出黎個隻，唔係索湯，一般丸類野，無特別🦴雞軟骨 - 好少見到雞軟骨配米線，應該係用滷水煮，偏軟身但仲有咬口，出奇地好味🐮牛柏業 - 唔會好韌好難咬，正常野無特別🥛豆漿 - 唔會好甜而且有豆香如果係附近搵野食又肯等下既，呢間米線都值得試下。但要留意開舖時間，禮拜日休息阿。🍴雲南風味小鍋米線 (長沙灣)📍長沙灣福榮街573號地舖#19_flog米線 #19_flog長沙灣 #hkfoodie #foodies #香港美食 #地區美食 #食評 #foodinstagram #foodhk #米線關注組

一年內加幾次價，有d過份。 今日叫咗一碗小鍋米線，加腐皮加雞翼，平時七蚊有兩隻雞翼， 我係叫外賣，返到去見到得一隻雞翼， 之後我打返去同阿姐講少咗隻雞翼，阿姐答我話今日雞翼比較大隻所以得一隻)，我真係o咗嘴，佢哋唔想補返一， 真係賺到盡嘅黑點 隻雞翼咪算囉，七蚊一隻雞翼，我又唔覺得大隻咗喎， 真係唔知係佢哋比漏咗， 唔想補返隻雞翼，就話隻雞翼大隻咗隻咗得一隻

男朋友喺附近翻工 佢話呢間好受歡迎 lunchtime都係排曬隊個舖名大眾化到我完全記唔到 但個湯底真係一飲就記得暫時喺香港食咗咁多米線 呢個味都真係幾獨有🤍肥牛魚腐麻辣小鍋米線($43) | Rating: 8/10麻辣加$1 嗌咗兩個餸 每款加$7 款冇咩特別 都係普通打邊爐配料嘅質素😂但個湯底 張相會見到係呈奶白色 有別於其他米線舖嗰種”醬油醋色”湯底(唔識形容)呢個飲落係濃郁嘅豬骨湯尾韻少少甜仲會飲到奶味!! 上網睇有人話佢哋係落咗花奶😮麻辣湯嘅麻唔太突出 但就幾夠辣 又會過油至於米線就比較幼身 入口順滑但有啲稔可能本身幼做唔到好彈牙嘅感覺 扣咗啲分個人都係鍾意粗身啲有咬口嘅米線🤍腩肉酸辣小鍋米線($36) | Rating: 7.5/10都係酸辣加$1 腩肉加$7 呢款冇麻辣咁好食 個湯一樣 係多咗酸個人覺得個酸味有啲太突出 同好食到佢嗰隻醋獨特嘅味會比起麻辣冇咁食得出湯底嘅本身腩肉都入味 但唔係滷到好軟腍嗰種/整體會話係唔嗌辣都會好食嘅湯 係米線口感差咗啲

經過長沙灣見到小鍋米線舖～成間鋪都以綠色為主店舖唔算大～有十零個座位～不過D枱好油好污糟小窩米線有三種湯底～酸辣濃湯、麻辣濃湯、要酸走辣湯底～全部都要加$1～餸選擇都多$6-7～叫咗豬軟骨酸辣濃湯小鍋米線～有：芽菜、蔥粒、芫荽碎～豬軟骨份量唔算多～賣相麻麻似水煮～米線份量適中～湯底味道似係屋企煮冬陰功公仔麵湯底～第一次食小鍋米線係咁嘅酸辣味道～雲南風味？？？衛生程度麻麻～落單嗰張單會喺個碗裏面浸住D湯～之後放上枱前拎返張沾滿濃湯嘅紙出嚟

講到米線，我必須詳細介紹這間餐廳。我記得我在廿年前就已經開始品嚐他們的美食了（除非我記錯了）。這間餐廳真的是米線界的先驅，比譚仔還要早一步帶領我進入了米線的世界！他們的湯底絕對是一試難忘。每一口湯底都濃郁而鮮美，令人回味無窮。除了湯底，他們的炸雞翼和汽鍋雞更是絕配！炸雞翼外脆內嫩，每一口都帶來滿滿的口感和香氣。而汽鍋雞則是嫩滑多汁，搭配上他們特製的醬汁，簡直是絕妙的組合！這兩道菜絕對是無敵的組合，讓人欲罷不能！如果你喜歡米線，絕對不能錯過這家餐廳！他們的經驗豐富，味道獨特，讓人一試難忘。不管是湯底的濃郁還是配料的豐富，都能夠帶給你一個驚喜的用餐體驗。下次你一定要去試試看！

呢幾日不停落雨，下雨☔️天更加想食辣辣米線，呢一間係同事推介，所以特登過嚟食。呢間米線店竟然走綠色植物風，米線店嚟講比較少有，不過我都係着重食物多少少。湯底絕對係一碗米線嘅靈魂，可以揀麻辣或者酸辣，今次兩隻都試吓。🍜酸辣湯底 (小辣)橙白色嘅湯底，面頭浮着紅油，唔會太過酸，以辣為主，辣椒亦屬於辣椒辣，應該用豬骨烹調長時間，散發少少甜，唔會太過鹹，整體嚟講嗰啲有少少似喇沙湯底，不過冇椰子味版。🍜麻辣湯底 （小辣）基本湯底差不多，但走了酸味多了輕微麻味。米線麵質比平時嗰啲幼，屬於比較腍身，適合不太喜歡煙靭麵線的人。配料方面🐽炸醬好大粒，唔會整到太碎，調味啱啱好，唔會太辣太鹹，仲有少少甜味，加入咗湯底增添咗層次。🐓雞軟骨有驚喜，平時唔係間間米線舖會有雞軟骨提供，雞軟骨充滿鹹香，入口充滿啖啖軟骨精華。🐷豬大腸超級入味，有濃濃滷水汁嘅味道，應該煮咗好耐，口感外皮少許煙靭內裏充滿美味脂肪。推薦指數：⭐️⭐️⭐️⭐️風味上譚仔某幾隻配料特別突出，但呢個湯底就比較平衡，即係食完譚仔你會比較容易記得嗰隻味，但呢一間你會覺得好食，但係好快就唔記得種味道，冇咁容易上癮。d(`･∀･)b但配料上，呢間比較出色。📍雲南風

由於店名同裝修實在太唔起眼，經過幾次唔覺得有咩特別都錯過左。食厭左連鎖米線想揾D小店試下，就揀左呢間。門口望落冇咩特別，入到舖居然發現小店居然咁有情調😳😳會間D雙人自修位出黎，好明顯就係For情侶可以慢慢坐慢慢食❤️前後左右都係一片綠，真係有少少偷情嘅感覺🤭🤭重頭戲！。。。當然係叫野食😚😚過橋米線即叫即煮所以要等耐少少時間，湯底係米線嘅靈魂，門口已經聞到香味，可以揀酸辣/麻辣。第一次食呢間，保險起見揀左麻辣少少辣，入口果然冇令人失望。🍜🍜🍜湯底麻香得黎有種回甘，配豬紅、芝心丸、冬菇，一啖材料一啖湯真係好正😛 下次黎要揀D吸湯汁嘅食材再試下

今日中午去咗食雲南米線，呢間鋪頭成日都好多人，等位都要好耐，咁啱得自己一個人食就可以好快有位入得😆呢度係用紙仔揀自己想食嘅米線同配料，小鍋米線配料可以自由配搭，過橋米線就大雜燴樣樣有啲。🍜小鍋米線湯底揀咗酸辣，辣度好多選擇，我就揀咗微辣試下，配料揀咗豬大腸同牛柏葉，再加配咗杯檸檬茶。檸檬茶係有真檸檬同俾咗好多厚切檸檬，最鍾意多檸檬可以狂篤出味🤣🤣不過茶底就偏淡。米線湯底呈現奶白色，飲得出係好濃嘅豬骨湯，再加上有陣陣酸辣味，飲落非常開胃。米線比較幼細，食落軟滑。豬腸入味食到滷水香，唔會煮到過腍，咬落仲有口感。牛柏葉爽口唔韌，兩個餸嘅份量十分充足，食極都仲有，非常抵食啊😆😆

Dinner @ 30 Aug 2023 (Wednesday)雲南風味小鍋米線是一間在米線關注組長期討論的低調米線名店，地點雖然隔涉，但仍無妨一眾街坊去小店買外賣。小編這些非區內人也特地前往去一試這間米線的風味。閒日的7點鐘，小編一行四人也需要等位，等了大概10分鐘就可以入座了。入座後自己用點餐紙劃好想要的米線、湯底、配料和飲品，交給店員，廚房就馬上炮製，應該是一碗一碗地即叫即製所以需要等待和米線會一碗一碗地上檯🤣小編了點少米、湯底要酸走辣(+$1)、蘿蔔、雞肉絲和雞軟骨湯底要酸走辣好惹味，米白色的湯底讓人一看就知道烹調了好久，吸收了豬骨的精華，加了酸之後很惹味，真的讓人想一口接一口地喝下去。而且還有加了雞軟骨，這款配料在米線店很少見，果然一吃不得了，咬口彈牙，少少鹹香的味道，是一款必點的調料。除了湯底和雞軟骨，小鍋米線的其他配料也很豐富，有蘿蔔、雞肉絲，還有本身附有的芽菜和蔥花。米線Q彈有嚼勁，吸附了湯底的鮮美，調料的份量毫不手軟，與其說是雞肉絲，不如說是嫩滑的雞腿件。不過蘿蔔略嫌失色，不夠入味，下次可以不點。凍檸茶的檸檬給得很慷慨，厚切之餘還有四片，是一杯很有檸檬味的凍檸茶，茶底

位於荔枝角的一間值得推篤的一間米線店，每一碗都是獨立制作，湯底味道一流，傳統式落單設計，手寫，有特色，但需時很長，午餐時段十分多人等位。車仔麵選擇多，值得推薦麻辣湯底。

經過總是有人圍在門口，今日早經過見有位緊要試下～ 佢以綠色為佢既外內佈置主色，好得意～ 💚我剔左 腐皮、牛柏葉、豬腸、翼尖，轉麻辣湯，叫左微辣都辣辣地😂我太弱啦，幼米線滑滑的，腐皮索了濃湯很好吃，翼尖豬腸都入味，柏葉就正正常常，份量也不少， 怪得咁多街坊幫襯～

這間位於荔枝角和青山道附近的一間米線店，雖然裝修一般，內裡位置不多，但是外面還是很多人排隊光顧。他們的湯底很有品質，豬骨味道很濃烈，他們是一碗一碗地煮，很用心，另外食物選擇也很多，價格也不高，經濟實惠。

今日早起做完運動比較肚餓，所以想食麻辣米線，但附近選擇唔多，於是行到去青山道附近試下雲南風味小鍋米線。我記得以前行過附近唔算好多人，但唔知係咪米線關注組有提過後出名左，2個人以上就要排隊，好彩我今日1枝公，唔洗等就已經有位。首先係裝修格局方面都幾特別，成間舖綠油油，周圍都有假花裝飾，好似打造成花園咁，而座位就係一排排2人座位，好似自修室咁幾得意。一坐低已經聞到好濃郁的豬骨湯味，所以當一刻已經諗起屯間雲川。呢度的餸菜唔算好多選擇，不過居然有得揀雞軟骨，仲要每款餸最貴都係$7蚊，都算幾抵，最後揀左雞軟骨同埋炸醬。米線上枱後，見到成碗湯都係奶白色，豬骨味道更加濃烈。米線份量都幾足，而米線比一般雲南米線店幼細，但食落都幾滑又出奇地掛到湯。而麻辣湯方面，唔算好麻，但豬骨味真係好濃但唔濁同埋無豬騷味，唔講以為自己係食緊日本豬骨湯拉麵。由於我個人比較重口味，所以我覺得比雲川更加好食，有機會成為世三之選。最重要一點係我飲左半碗湯都唔口渴，證明應該係真材實料。雞軟體味道正常，都幾配合米線。而炸醬好有家庭味道，肉粒都比較大，而味道以鹹為主，唔算太酸。最後，時間方面都要等耐少少，首先我窺探廚房見到佢地真係一