雲南風味小鍋米線

營業中

休息中

🤣食食下 食到隻蟲🐛加料同個侍應講 佢話同廚房講聲 完🤣帶小朋友食 同個侍應講兩個人 個侍應話 咁都兩個人？可能唔識計數🤣非常不愉快的用餐體驗之前食過好多次呢間 都未試過咁樣

長沙灣小巷中隱世雲南米線本人心目中的Number 1米線酸辣湯底冇得彈👍🏻自家製炸醬每次必點主打雲南小鍋米線 有超多款食材配搭☀️炸醬肥牛墨丸 中酸辣 小窩米線 $52本人每星期都會叫一次的外賣🧚🏻‍♀️通常會叫湯底再咸一點點這就是我心目中的MVP湯底🫶🏻酸香甜辣 推介給身邊很多同事全都一試難忘🌟個人覺得酸辣好食過麻辣一到Lunch Time這家店必排長龍神奇地很少人推介🤣卻有很多上班族學生街坊光顧住附近的人必會知道的美食店雖然用餐環境比較窄但獨一無二的湯底非常值得一試👍🏻👍🏻環境: 💗💗💗美味度:💗💗💗💗💗推薦度: 💗💗💗💗

昨天約咗朋友在茘枝角，我哋大家都想食米線，但係長沙灣地鐵站附近幾間都食過，所以就去咗今次這間探店😄落單係自己向枱面拎點餐單自己劃想食什麼，小鍋米線係$30，每種餸係$6-7/款，湯底有濃湯、酸辣、麻酸、要酸走辣，咁辣度都有幾個級揀。另外有1個過橋米線$58 ： 腩肉、豬膶、肥牛、牛丸、魚旦、貢丸、墨魚丸，豆卜、酸菜、肉醬、芽菜、牛柏葉、冬菇、生菜、火腿配濃湯，真係好多餸！今次我點了過橋米線，真係好大碗！！！豬膶有2片係厚身，肥牛、牛柏葉及腩肉各4片、丸類各1粒，豆卜2片、生菜1片、冬菇2粒，火腿4片小的，佢哋嘅肉醬應該用嘅調味係有落茄汁。米線份量好多。酸辣湯要小辣，湯好濃酸辣都有味道，同埋我覺得好似有少少似冬蔭公咁👍🏻豬膶係厚切，肥牛可能我浸得耐所以太熟硬咗，腩肉係好味，牛栢葉太細塊，墨魚丸有墨魚粒而且好有墨魚味，牛丸都好味、魚旦竟然係芝心丸，正！，冬菇好淋又入味都推介。食晒成碗真係好飽，好彩冇食早餐。配凍檸茶加$6，有4片檸檬，茶底都好不瀝。CP值：有回頭價錢：經濟實惠

2023年4月13日 晚餐係長沙灣MCL睇完Mario，睇戲果陣又食左好Q多爆谷，食唔到多，只好去食米線啦見到網上有人推薦雲南風味 或 裕一品，個人比較懶，未食一間近D，點知咁好食過橋米線 $58 推薦：目前食過最好的清湯底，奶白色湯底，香味撲鼻，入口鮮甜。我叫左過橋 好多料，搞到湯底混濁左D，但係都非常鮮甜，建議唔好叫多肉配料米線一人份量，配料超多：肥牛、雞、豬腩肉、豬軟骨、牛丸 etc ，同譚仔好似，但多料好多，但配料好食D。試埋女朋友果一碗米線，配料：芋頭牛柏葉，發現湯底有超濃的芋頭味。推薦配料：芋頭、炸醬、豬軟骨記得唔好叫咁多肉，混濁左個湯

📍雲南風味小鍋米線🇭🇰 長沙灣福榮街573號地下米線lover又上線啦😆😆😆個名叫做雲南風味小鍋米線嘅餐廳實在有太多太多😂但之間見米線關注組推薦呢間位於荔枝角站附近嘅綠色米線鋪 就決定去食下🤩😋 豬軟骨生菜麻辣濃湯米線(少辣)試一試佢個湯底 幾辣 白白地越食越覺得個湯底甜甜地 辣得嚟有少少甜豬軟骨幾好食 同行朋友叫咗雞軟骨都唔錯蘿蔔入味總結 一間中上嘅米線店 幾好食！ 但唔洗特等去 經過去開附近可以食😆😆

長沙灣教出名的米線，今天終於一試！蠻具自己風格的米線，喜歡它是餸量較多，較出色位是l雞軟骨很香，較少米線有雞軟骨的，湯底較濃但不辣（但我是點小辣的），但失色位是腩肉很鹹，只是一般的鹹肉沒有再另特別煮，湯底非常鹹再加腩肉是120%過火了，另外，米線是大陸桂林米粉，稱不上平時街頭的米線粗度，沒有咬口～真的有點名過其實！應該不會再來～～另外，可能服務的姐姐只有一位較忙碌，也充分發揮了香港待應的黑臉大聲態度，坐位置也較差，有改善地方。

去到長沙灣必食既 呢間米線一定上榜!雖然舖頭唔大 但永遠都坐滿人大部分都係棒場客、熟客未坐低都已經知自己要叫咩食架喇😎.Menu上配料選擇唔算多但樣樣都係店舖精挑細選 正!.我每次黎都好有目標🤣豬紅蘿蔔小鍋米線麻辣濃湯 中辣 小米線豬紅滑捋捋又juicy 仲帶少少清甜既味道蘿蔔冇渣 煮得好林又入味 正🫶🏻可以叫小米線 份量比正常少啲 對我黎講份量岩岩好個辣湯好味到我忍唔住要飲幾啖我仲叫左杯豆漿 香甜好味 配辣湯一流😋.真心推介👍🏻👍🏻👍🏻

每次經過長沙灣，都必定會去食呢一間米線，特別鍾意佢嘅麻辣湯底，暫時未食過其他地方有呢一種口味嘅麻辣湯底。豬腸都係每次必食的，配埋個湯底非常好味，推介推介！！😋

鐘意呢間米線湯底濃d，質地飲落似擔擔麵既湯底，但又係酸辣既味道，呢隻酸有酸味得黎唔會太濃烈，好易一答接一答咁飲，米線偏幼同偏淋，仲有少少掛湯，經過可以一試叫左腩肉豬膶豬紅酸菜，腩肉雖然係白色，但係有調味同埋係厚切淋身，豬紅都好滑，豬膶同酸菜就不過不失最欣賞係佢杯凍檸茶係有5塊檸檬

#長沙灣#雲南風味小窩米線在附近探病，經過幾次都見到坐滿人。前日下午兩點入去，要搭檯，幾好生意。豬軟骨 + 大腸 + 炸醬（另上）酸辣小辣。豬軟骨一般，白色軟骨唔啱我，都係鍾意軟綿綿啫喱狀嘅豬軟骨。炸醬和大腸都唔錯，不時聽到堂食和外賣都有揀呢兩款餸。米線係幼身，勁淋要扣分。好在湯底好濃，唔錯。食完半個鐘，有啲口渴😥埋單$57，收銀哥哥勁有禮貌，講咗不下5次多謝，難得。街坊小店，係明愛醫院附近，路過可以一試。

以前讀書既時候間唔時都會黎食下哩間諗番起對上一次食已經幾年前咁岩經過附近上堂就同男朋友去回味下午飯時間出面已經企左唔少人等外賣但堂食咁岩仲有一張二人枱 唔使等———————————————————麻辣小鍋米線 （$40）豬骨湯底帶啲麻辣味 幾辣但又唔會食完好頸渴蘿蔔正常水平好少可見有雞軟骨做餸 爽脆有咬口米線滑溜有彈性另有少量腐皮芽菜作配菜酸辣小鍋米線（$40）湯底唔會太酸 雖然佢個顏色望落好似仲似麻辣炸醬係粒粒肉碎 味道還好雞翼尖有滷水味————————————————味道唔錯 唔會好深記憶但路過可以一戰個隻特登黎食就唔會喇侍應好忙 但服務態度其實唔錯但真係坐得幾迫下

復活節連假困左屋企咁耐，今日就特登出去行下，順便買外賣返去食，長沙灣咁多間米線，本來想試第二間麻x川，不過研究過都多人話味道似譚x，聽到咁當然唔想試住啦，難得出去買返黎隻味似會唔開心啦，所以轉𨋢黎左呢間，6點打去叫外賣，十分鐘後到達已經有得拎，因為要搭車所以分左湯炸醬雞軟骨麻辣小辣米線，雞軟骨出面啲米線舖真係未見過，既然依家冇得去食放題就嚮呢食雞軟骨啦，返到屋企都仲未淋哂，不過冇乜味，可以過下口癮嘅，炸醬好大粒好有口感，小辣唔辣，可以叫辣啲豬軟骨酸辣中辣米線，豬軟骨一口一啖有五六舊，夠淋身同入味，中辣都唔算辣份量唔算多，食完覺得隻味好熟，唔知幾時食過，但印象中未食過呢間，不過唔緊要好味就得呀，食完唔怕口渴好重要，有機會會再食過

呢間米線價錢合理，每個餸都只係$5-6，份量足。外賣叫左碗酸辣米線🍜加豬軟骨、腐皮，先講下個湯底算有驚喜，個湯底係有啖啖既奶香味架，再加上酸酸辣辣地，真係好開胃，食完都唔會覺得口渴要灌水。米線就好爽好彈，唔會有浸到淋哂個種口感，份量亦岩岩好夠飽。腐竹、豬軟骨普通，豬軟骨係冇經過醬油浸既，有少少失望，但肉質係ok鬆軟，唔會好硬，有機會可以試下其他配料。

本來約咗朋友去食餃子，去到先知休息。好彩後一條街有好多嘢食。我同朋友都話想試依間米線好耐，但次次都見到人龍。今日唔趕時間就排下！唔係等咗好耐就有位，樣樣餸都想食，心大心細。點咗五個餸，酸辣少少辣。但湯唔夠酸，少少辣又真係好少😅少過x仔5小辣。下次可以叫小辣/中辣。蘿蔔偏細粒，好淋，算甜但唔夠味。腐竹偏硬身唔係x仔個啲咁淋，鐘意有口感嘅人就會岩啲。雞絲有驚喜，唔係你認知嘅雞絲，而係滑雞片，仲要都幾多片。豬軟骨未算好淋，入味但偏淡味。最特別係有雞軟骨，雞軟骨好好咬又淋又入味，完勝豬軟骨！米線就好軟好淋，唔係彈牙個種。唔鐘意食硬麵嘅我就岩晒！一碗連飲品$63，絕對抵食夾大件。

每次食完呢間米線 好快又會好想再食 因為湯底系好濃郁嘅豬骨湯 再加上佢酸酸甜甜咁 好開胃 而呢個湯底都可以話係佢獨一無二嘅 自問係一個好鐘意食米線嘅人 成日都會有個米線list 佢只係我一次無意中食lunch見到好多人排隊 羊群心理去試嘅店 估唔到咁就上左癮☺️同埋佢啲送就係好多 又好入味 老實講 佢未必有好多款比你簡 但每一樣都係唔同做法 我最鐘意食係大腸 豬軟骨 大腸處理得算乾淨 唔會好大陣味 豬軟骨夠林同夠入味 另外試左雞絲 呢個特別在位肉唔係滑雞個種 係有啲唔係好似食緊雞肉 唔識形容 另外豬潤同豬紅都好食 下次會再試埋其他送🤤