雪山冰廳

營業中

休息中

在外國回港旅遊的朋友，話太想念茶餐廳的港式味道，於是我上網揾到一間接近70年歷史的雪山1956，等她懷念一下。老店就位於深水埗，但今次我就揀左方便朋友的長沙灣分店進餐。能夠有多年歷史仍在的餐廳真的不是浪得虛名，一定有它個人之處，就是價錢平民化，懷舊的茶餐廳食物，加上新派元素的菜式及裝修，深得街坊、遊客的歡迎。就是以上原因，才有分店，果然犀利👍今次我哋當然點了店內最出名的食物🍗 避風塘生炸雞脾配粟米什果沙律 (跟餐紅豆冰）雞脾即叫即炸，配上避風塘風味的調味料，辣辣地，幾惹味，啱晒喜歡食辣的我，皮就脆脆地但內里肉質非常嫩滑，食完雞脾再食埋嗰沙律，可解番肥膩。講番雞脾size仲大過我手掌😂😂🍜 檳城叻沙海南雞米線 (跟餐紅豆冰）叻沙湯底唔會好辣，有椰汁香味，下午茶有幾嚿海南雞都唔錯，雞肉都好嫩滑。🍔 芝士煎蛋🍳牛肉漢堡包牛肉用上自家手打的，當然會比機器打牛肉好食，面包還烘了脆燶邊，煎蛋又流汁，熱辣辣夾在一起食非常好味。🧇 棒子醬西多士花生醬餡料就食得多，今次就試下榛子是什麼味道，滿滿的棒子醬加上糖漿，完美配合，甜而不膩，幾特別。以西多士作甜品結尾，朋友說完美滿足的一餐。😄再補充一下，我覺得這

雪山冰廳是地區內的老字號。重新裝修後，餐廳充滿現代感，乾淨整潔，空間寬敞，座位舒服，冷氣充足。經典芝蛋牛肉漢堡包港式漢堡包底，配上芝士、煎蛋和漢堡，大大片芝士，煎蛋新鮮，漢堡扒啖啖肉。生牛肉檬粉生牛肉新鮮，薄薄的牛肉，味重鮮嫩。湯底好夠味，檬粉又易入口。豬頸肉湯河豬頸肉大大塊，好有咬口。粉面滑身，配上上湯，美味非常。樽裝奶茶樽裝奶茶入口冰凍，又唔會令奶茶變淡味。奶茶入口順滑，奶味足夠，與茶底十分配合，濃郁而不太甜。服務員服務有禮，態度良好。一入座更會提供熱水讓客人清洗餐具。因餐廳距離地鐵站有一段距離，記得要預留足夠的交通時間。

椒鹽豬扒飯者，金黃酥脆，豬排橫陳於白飯之上，猶如將軍之屍體陳於戰場。椒鹽星星點點，似是為這屍體撒上的冥錢。一口咬下，外殼碎裂之聲清晰可聞，內裏卻乾柴如嚼敗絮。那椒鹽辛辣，不過是為了掩蓋肉質之劣，如同給死人臉上抹胭脂。豆腐火腩飯則另有一番風味。火腩肥白相間，油光鋥亮，鋪在豆腐上，豆腐已被壓得喘不過氣來。火腩入口即化，化為一口油湯，順喉而下，五臟廟頓時油膩不堪。那豆腐早已吸飽了油汁，軟爛無骨，用筷子一夾便魂飛魄散。米飯在這油海裏載沉載浮，粒粒都裹著一層油膜，閃著不健康的光。二者皆為茶餐廳頹飯之代表，一乾一油，相得益彰。食客們低頭猛啖，不過是為了果腹，哪裏還顧得上什麼滋味。生活逼人，能有口熱飯吃已屬不易，遑論其他。飽食之後，唯覺口乾舌燥，腹中沉甸甸的，似壓了塊大石。

雪山冰廳已經開業六十多年可以話係老牌高質茶餐廳😍之前自己食午市為主都覺得好高質今次就試晚市🙆🏻‍♀️懷舊大馬站煲小編真係唔識依道菜😣Google返原來係經典粵菜主要有火腩、豆腐及班腩配以韭菜花、芹菜等油炸豆腐嫩滑又唔會縮加上火腩的鹹香令醬汁更惹味餸飯一流推介要點！海皇錦江豆腐煲主要用蝦、魚柳、青口、魷魚等海鮮製成煲底鋪白菜仔同落左紅椒所以依道菜個汁會甜少少青口好新鮮～油炸豆腐同白菜仔吸收了海鮮的鮮甜食落更滋味😛椒鹽豬扒飯我超意食椒鹽豬扒值得一讚配搭左辣味炒底‼️炒底用咗辣椒炒炒得粒粒分明雖然香辣但唔會搶左椒鹽豬扒個味為整道菜增添火辣層次金黃炸豬扒充滿鹹香微辣味食落唔會硬身好香口推介大家要試！另外餐牌入面雖然保留唔少經典粵菜仲加入好多唔同類型嘅菜式包括泰式、越南、日式等等同埋好多茶餐廳嘅菜式都有仲要份量大大份🤣絕對好啱做打工仔飯堂🙆🏻‍♀️🙆🏻‍♀️推介大家試吓🤓

平時中午教完運動堂 就會附近搵嘢食今次去到呢間雪山冰廳 因為之前搭巴士經過就想試環境舒適 好多卡座位 空間非常大下午時段都好多人食 因為下午茶好吸引全部都送熱飲 $3轉凍飲 $9轉特色飲品同朋友叫咗四款 每款份量正常 同朋友分享最適合.✨避風塘生炸雞髀 $45 +$8 辣味薯皇= $53 呢款已配 紅豆冰外皮炸得金黃酥脆 雞肉嫩滑多汁 推介👍🏻避風塘香料 咸香中帶微微的辣紅豆冰冰爽 解膩.✨經典芝蛋牛肉漢堡 $40麵包麥香 中間夾著厚實嫩煎牛肉餅 肉汁豐富流心蛋一咬就爆漿 融化 芝士將牛肉同蛋痴住 正.✨檳城喇沙海南雞米線 $52湯底少少微辣 海南雞肉質嫩滑不柴月輕輕一抿就脫骨 濃郁的南洋風味 推介👍🏻.✨榛子醬西多 $39西多特別 一般配奶醬 中間鬆軟 薄薄榛子醬均勻塗抹 甜而不膩每口堅果香氣 加糖漿 完美融合 可以代替做飯後甜品

長沙灣醫肚便靚正之茶餐廳首選，必食雪山冰廳👍多選擇味道好服務也好,勁多街坊的飯堂同食飯好去處🤭基本上經常滿座😂今晚來食晚飯，咩款式食物都有得揀😂中餐川味港式都有，小朋友先做選擇，我全部都想試😂想食飯既，點左晚餐dinner 沙薑雞配飯，跟野飲飲咖啡☕️哈哈想食川味既竟然有得揀香鍋😋揀左肥牛，萵筍，蓮藕苗，小辣🌶️都係跟飯跟飲品🤤另外再點左呢度出名既即叫即炸避風塘炸蒜🧄雞比🤭全部都好食夾抵食，3 個人都夠食😋埋單$200 到，不錯👍

以前係周記醬油條街個陣間唔中都去食，到佢搬舖前食物水準下降就冇再幫襯，直到今日突然鼓起勇氣去新店食佢嘅下午茶！新店好大間，環境乾淨，員工都幾友善！-我要咗個豉椒肥腸燒肉炒河$52有驚喜！河粉爽口，豉椒汁惹味，肥腸同個汁好夾冇怪味，燒肉OK！呢碟野仲有好多三色椒，製作認真！-熱檸檬茶印象中同以前嘅味道差唔多，不過要讚嘅係呢度有啡糖提供，對我嚟講呢個係加分位！-整體來講比舊舖感覺良好得多！又可以間中再嚟了！

上網睇資料原來呢度嘅手打芝士蛋牛肉漢堡包係出名嘅，舖頭喺長沙灣扎根超過20年。今日經過就係試吓。手打牛肉有口感，雞蛋有小燶邊，香口，包皮軟熟又拱過，成個口感好正，個人覺得同出名嘅漢堡包店有得比，下午茶連紅豆冰$40，抵！ 下次食可以叫佢多醬，相信味道會更好。另外都叫咗佢個招牌避風塘炸雞髀，即叫即炸，雞髀肉嫩皮脆，配搭避風塘口味，覺得幾特別，雖然油炸，口感唔油膩，唔錯。仲叫咗嗰個XO醬炒公仔麵，炒出嚟夠鑊氣，麵底夠乾身，又唔會成個碟底油👍🏻餐廳環境乾淨，座位都好舒服，都坐得舒，仲要下午茶去到6:30，食開下午茶嘅又多個選擇。📍 雪山冰廳 (長沙灣)長沙灣青山道413號東景大廈地下4-5號舖

咁岩係荔枝角附近，由於對雪山冰廳的椒鹽豬扒炒飯念念不亡，又再次回訪二刷，仲試埋其他菜式添!<始祖椒鹽豬扒飯(炒底)>一上枱熱辣辣，豬扒切得夠大塊，夠晒「諗」而且餣得好惹味，肉質唔會乾爭爭。炒飯粒粒分明，唔算話好乾身，飯粒滲入少少椒鹽豬扒的油香。份量都幾多，適量兩個人Share一齊食。<香辣馬來炒米粉>睇到個名幾特別，所以就試下。材料非常豐富，首先吸晴的係三隻大蝦，之後仲有好多臘腸同埋魚餅條。另外佢加左辣醬、洋蔥同臘腸炒，而本身又夠鑊氣，而米粉亦用較粗身的米粉，所以可以掛到啲調味料，更加惹味!<爆餡蛋牛治(烘底)>見到蛋牛治的餡仲厚過兩塊多士，真心足料，唔怪之話爆餡。雞蛋食落去有蛋汁，夠Juicy。另外除左鹹牛肉外仲加左蔥，所以除左鹹的味道外，仲會帶蔥清香的感覺，食落去無咁「溜」。由於每次通常都係兩個人，而雪山冰廳每道菜又大大份，所以每次叫兩至三樣就已經夠飽了。整體而言，雪山冰廳長期保持到高水準，無論係茶記小食、炒粉麵飯都做得出色，同時咩菜式都有得揀，如果有選擇困難症的朋友們黎雪山就岩晒啦!

超多選擇嘅茶記 份量都好大 仲有新派菜式！除咗有老字號一定食到嘅 炸雞髀西多士。仲有親民價錢都食到嘅 #喇沙摻摻 等等～ 😯➊ 特餐 • 檳城喇沙摻摻（櫻花蝦炒蛋+酥皮窩夫）•‣ 日本櫻花蝦炒蛋有驚喜 鹹鹹香香 而且非常新派地係配酥皮窩夫🧇 絕對有佢嘅特別吸引之處‣ 喇沙味道都算可以 真係食到粒粒嘅喇沙香味呢個價錢食到呢個Level算係咁樣 但係真係唔好期望太高🤫➋ 咖喱炸豬扒蛋包飯係足足有成兩塊豬扒咁多！個蛋都炒得幾滑，不過隻碟太細，啲咖喱汁都裝得太少吧😂整體嚟講間唔中去食吓都OK嘅，因為性價比都真係算幾勁，而且種類都好多，都算係一間幾特別嘅老字號茶記！

雙職家庭每晚要諗食乜都確實幾唔容易，加上而家又百物騰貴，真係要搵啲性價比高嘅餐廳先得喇。呢間雪山冰廳係我倆嘅飯堂之一，每次嚟到都必點例牌二人餐。我哋點餐後，服務員遮遮好快就送上兩盅熱辣辣嘅蟲草花燉瘦肉湯。啖湯真係非常鮮甜，湯色清澈，努力工作一個星期，辛苦搵嚟都係志在食啫。再嚟就送上盲鰽魚，魚肉雪白嫰滑，肉質一“狹狹”，蒸魚火候剛剛好，魚肉剛好離骨，證明食材新鮮，就咁清蒸都非常好味。啲魚汁用嚟撈飯，認真一流。跟住就送嚟花膠海鮮雜菜鍋，用個砂煲盛載，送上嚟時仍滋滋在響，食到最尾都仲熱的，菜湯呈奶白色，好好飲。雖然現在北上消費盛行，但係交通和時間都係成本嚟喎。睇返香港地，而家都仲有呢啲性價比高嘅餐廳，香港人確實非常幸福呢！兩口子，每人一百蚊，食到捧住個肚走！

我係比OpenRice 既食評吸引左去呢間茶餐廳到打卡📸📸📸餐廳環境寬敞，街坊街里的感覺🤣🤣🤣（服務就冇乜，但港人作風，有野出聲，實會幫你👍🏼👍🏼👍🏼👍🏼）午餐：1）波士頓龍蝦喇沙摻摻🦞，$98， 就係為咗影相📸️我去到呢間餐廳，打卡👍🏼👍🏼👍🏼👍🏼喺茶餐廳，可以咁富貴有龍蝦打卡，值得去！ ！ ！🤣🤣🤣龍蝦🦞肉就唔多，但咁既價錢，ok ,滿意🤣🤣喇沙，惹味😊😊😊喇沙大大碗，一個人食實飽。1a) 凍奶茶，跟餐加$9 ，正常味。2）椒鹽豬扒炒飯，$78，唔好問我點解佢出名。我都係睇食評所以就叫咗呢碟飯。椒鹽豬扒，好惹味，好味。個炒飯，影相唔錯，有色，但食落係冇味嘅。由於個椒鹽豬扒太惹味，配個冇味既飯都ok ,但就冇啲食評講到佢咁好味。碟飯大大碟，飽。

帶著小朋友，想搵間濶落啲嘅餐廳食野，到左雪山冰廳，貪呢間餐廳多卡位，啲位又好坐。餐牌超多野揀，睇左幾個圈先落到決定😂選擇困難呀。⭐芝蛋牛肉漢堡配迷你肉醬意粉點了出名的手打牛肉漢堡，港式漢堡都好吸引㗎。牛肉餅香軟多汁，仲有半熟蛋同芝士，麵包又塗滿牛油，咬落又香又脆好好食。肉醬意粉就差少少，個人覺得醬汁偏淡，落包辣椒醬調下味，正😆⭐椒鹽豬扒飯意外地大碟，勁多豬扒同勁多飯！炒底好香口，粒粒米炒到金黃唔乾身，豬扒香脆肉嫩，好好食。不過都幾辣㗎，個人覺得好惹味，小朋友就嫌辣啲。⭐榛子醬西多士再黎份西多士，要左榛子醬口味，即叫即炸熱辣辣，啲牛油滆得好快，落埋包糖漿，又甜又鹹好好食🤤⭐茶走紅豆冰 & ⭐凍檸茶要左奶茶紅豆冰同凍檸茶，紅豆淋甜奶茶香滑，好飲！凍檸茶茶底香，都好飲呀。食飽飽都唔使二百蚊，抵食呀。

我真係笑死呀，杯薄荷朱古力原來係得薄荷葉冇薄荷味㗎，咁你就唔好寫出嚟話係薄荷朱古力啦，你寫薄荷葉朱古力呀嘛。仲有嗰個乜嘢炒黑松露蝦球？嚟到啲黑松露同蝦球唔係一齊炒嘅好明顯係分開用黑松露炒咗西芹之後先放四隻蝦球上去，咁你咪叫做炒黑松露蝦球啦，西芹炒黑松露拌蝦球啊嘛，仲要成$90

經典常餐平日中午去到青山道的雪山冰廳食Lunch，等位大約等左十分鐘，冇得攞籌，只可以在門外排隊等位。餐牌上寫住每日都有6-7款不同的是日午餐，包例湯或熱飲。今日試左佢地既常餐，沙嗲牛米+火腿炒蛋＋丹麥多士+熱飲($56)，呢度既常餐選擇比其他餐廳少，不過味道不過不失，份量亦都足夠。