雄記美食

營業中

休息中

自問大江南北的麺食都食過不少，包括東西欧国家，又偏爱牛雜/羊雜/朱雜，故此今日試下这間有人龍的雄記是否经得起舌尖的嚴格考验。在店門外下午等了15分种，又在绝不舒適的狹窄空間的店内，再等了15分钟，初探$50一碗的什粗。牛什麵一上，先试湯底，唔....冇味精味，有咁香纯真感，合格。再试粗麵，咦，只系正正常常的質感，舆心中的回彈高質麺食有相當落差。最后试不同的主角，(冇味，冇味精，冇適當的溶化感)。完！不涉及政治，如果香港人的美食以雄記為標準，莫講舆外国的鲜牛，鲜羊有天舆地之分别。只要往深圳，广州，中山，珠海等大灣区，找寻一間稍有名气的牛雜店，雄記都要跪地。香港人要放眼岛外，不要自吹自擂呀！

喺Openrice見到呢間鋪頭啲好評都幾多，所以就決定今日中午去食。去到門口，已經有好多人排緊隊，我地大概等左10分鐘就入得了。店內空間不大，但勝在乾淨企理，而且成間店都被有好多figure包圍，鍾意figure嘅朋友一定要嚟朝聖！店內分開兩種形式嘅枱，一種係普通四人枱；另一種就係自閉一人位，每枱之間都有隔板間開，確保衛生。頭先喺門口排隊嘅時候已經睇定餐牌上面有咩食，但係入到去先知出面餐牌同入面果個唔同，入面餐牌嘅野食係貴幾蚊......呢一點唔知佢大意唔記得換定點啦，但站喺客人嘅角度嚟睇，一定係覺得反感，雖然唔係介意佢貴幾蚊果度，而係有少少被人呃左入去嘅感覺，係一種掛羊頭賣狗肉嘅行為。最後點左牛雜粗麵，味道中上水平，份量正常，值得一讚嘅反而係佢嘅辣椒醬幾好味，配牛雜食真係一絕！牛雜麵盛惠$50，加汽水就total $56。要留意嘅係：繁忙時間12:00nn-2:00pm店內每人最低消費$50，所以你想就咁食一碟腸粉/一碗喳咋嘅話，最好就晏啲下午茶時間先過嚟食啦~

灣仔一直都係出名多好嘢食嘅地方，無論你想食高級貴價定係平民貼地嘅食物，灣仔一一都滿足到你嘅要求。除咗價錢方面，款式一樣有得你揀！好似歐美、日韓、中式定係東南亞菜一樣搵到。講咗咁耐，今次想介紹嘅E間鋪頭係香港嘅代表🇭🇰 - 「雄記美食」。🤩入到嚟餐廳，即刻就俾佢嘅裝飾吸引住。店鋪入邊擺咗好多店主嘅動漫收藏。相信E度會係男仔嘅浪漫呀。坐底點左碗牛腩麵、一份炒腸粉加蛋同埋一碗喳咋。牛腩煮得好，唔會韌；炒腸粉加蛋賦與腸粉更多一重嘅滋味；再嚟一碗喳咋為今餐畫上句點。😎嚟幫襯E間鋪頭嘅好多都係熟客仔，客心只要一嚟到老闆已經知佢哋想點啲咩。老闆同客人有講有笑，好有老香港嘅人情味！🤗

出色嘅牛雜店真係買少見少，雄記之前牛雜檔起家，牛雜當然係處理得非常專業純熟，只食到牛內臟嘅營養美味，湯底充滿牛味，非常清甜，另上當湯飲都收貨，淮山麵係一般中式麵檔並唔常見，呢度唔使另外加錢，淮山麵身較幼，更加可以連湯一齊食蝦米蔥花腸粉加蛋亦係名物，腸粉煎好一餅，配有麻醬同埋黑白芝麻，一切開蛋液剛好半熟，單食腸粉都帶有蔥花同蝦米嘅香味，配埋蛋汁外皮脆裡面滑就更加不得了餐飲+$7可以有腐竹糖水，雖然唔連渣，但都感覺足料，檯面雖然有不同調味料，但其實根本唔需要用已經好好味。店員好有禮貌好勤快，環境都好乾淨，鋪面唔大但坐落唔逼，上菜速度都好快

呢間傳統港式甜品小食店煎蝦米腸加蛋，豬骨粥同熱喳喳豬骨粥好綿滑 有腐竹味，裡面仲有大量皮蛋同花生 口感好豐富 個喳喳係無花生 大量麥米，紅豆同西米，勁大碗好抵食 好香甜順口煎蝦米腸加蛋 煎到脆底既蛋邊 腸粉煙韌有米香 加麻醬芝麻食特別香口港式炒麵  入面有醬油炒香既麵條同紅腸豆卜 好大碗,麵身夠彈牙 配料又多好好食夠獲氣!平均消費$100評分8/10灣仔克街6號廣生行大廈B座地下B2號舖

eat乜牛雜牛腩 | 灣仔碗湯好飲到一滴都冇剩！牛雜米，加牛腩。小編每次去都會咁叫，為的就係個湯底，因為真係好好好好味。好香，好濃郁，飲完一啖好想飲多啖。但係，就算飲哂成碗，都完全無口乾口渴，可見個湯底無味精，係真材實料。「老闆娘，個湯勁好飲，我想問係咪藥材湯嚟㗎？」小編唔識嘢，走咗去問老闆娘。「梗係唔係啦！無落任何藥材！係純粹用牛熬出嚟，係100%牛湯！」老闆娘堅定但非常友善咁回應。佢嗰個笑容有啲似一個呀媽精心炮製咗餐飯俾仔女食嘅感覺。😂個湯汁咁勁，啲牛腩牛雜都好難差得去邊。牛腩入味，索曬啲汁。半肥瘦，有咬口，但亦夠淋。牛雜乾淨，無任何餲味，但牛味仍然好香，唔會漂到咩味都無哂。如果你唔想食粉麵，可以試下個東坡肉飯。小編老婆至愛。首先，肉夠肥，又炆到入曬味。第二，個汁送飯一流，加埋啲豆卜，只會令你食唔停口。另外，介紹埋杯冬瓜茶。坊間一般嘅冬瓜茶都甜到無朋友，但呢杯少甜，反而令冬瓜茶嗰種清涼，清爽感覺更加出，連怕甜嘅小編都愛不釋手。好簡單嘅飲品食物，但係卻帶俾你一種食完會掛住，會想翻去再食嘅味道。其實小編最鐘意，最想介紹俾大家認識嘅就係呢類好認真製作，又好有人情味嘅小店。真心，去試下啦。

第一次嘗試，落單前都問下牛雜有冇牛腸，點知得一舊，牛肚就最多，牛肺就大大舊，連生菜都好似得5分3一片咁$46嚟講，個份量失望咗啲。 個湯好濃味，少鹹。 個辣椒油幾好味。同類價錢同區可以找到更好的。有良心在於同路，但唔覺得係食物方面。

灣仔返工一直聽聞雄記美食好出名，今日終於有機會一試。叫左咖喱牛腩飯 💰48試食左朋友嘅牛腩 真係覺得驚為天人牛腩軟嫩 重點係咖喱汁濃郁得來非常順口雖然平時外出好少叫咖喱牛腩但個咖喱汁真係調配得好好跟餐加7-8蚊可以配咋喳/腐竹糖水可以當日未有咋喳 但係腐竹糖水都好濃郁另外，牛什粥就稍為遜色雖然牛什好足料，但係粥底相對叫稀成碗似係飲緊粥水咁順帶一提，午餐人流都好旺，但係職員都細心有禮。全程用餐都好愉快香港🇭🇰加油💪

屋企人推介，又係黃店所以一直都好想黎試最近開始響附近返工，終於可以一試一入到去已經覺得好舒服自在阿姐服務態度好好其實見啲人推介要食煎腸粉，但礙於我自己一個人，又好想食牛筋，同埋屋企人推介咖哩今次就試咗咖喱撈粗先！要咗大辣，其實對我黎講當然唔會好辣牛筋同牛腩份量都算多牛筋諗得來又唔會一夾就爛牛腩就係比較碎薯仔都好淋下次仲想食煎腸粉同埋佢嘅車仔麵題外話：可能事隔好耐啦大家對於選擇點樣洗自己嘅錢，選擇店舖都己經忘記左但同路人一定要支持。

呢間鋪有啲特別，唔知係咪心理作用，成日經過佢都咁啱收咗鋪，想食嘅真係要check清楚佢營業時間（真係有啲短）。lunch hour係好多人的，食過幾次都要等一等先比到個單人位我堂食。不過啲店員好好人，語氣好友善，見我咁啱唔記得帶口罩套會主動攞啲紙巾比我（觀察入微！）佢個牛筋麵好好食。湯底好濃味（睇隻深啡色已經feel到），啲幼麵都好正，夠爽身，軟硬適中，條條分明。牛筋一樣好食，不過缺點就同啲麵一樣，就係食完唔夠喉（男仔食嘅話應該真係會唔夠飽）！

今日專程去灣仔雄記小廚支持。店面積不大，有點逼夾。設計以單人位為主，用透明小板相隔，但會安排一齊來的客人一齊排排坐。叫咗個牛筋腩豆卜河。牛筋腩好腍、好入味，不過稍嫌味道畧重。跟午餐的涷冬瓜茶對我來講畧為過甜。整體來講，食物質素價亷物美，招呼熱情到位。推薦！店內裝修除咗大量模型外，有不少文宣，氣氛很好，抵撐！

🌟價錢： 性價比高 下午茶：咋喳+香煎蝦米腸粉都係$35 🌟食物： 黑椒味重濃郁咖喱 牛腩煮到入口即化既鬆軟 薯仔極入味 薏米腐竹糖水 腐竹綿滑 又吾會太甜 🌟環境： 裝潢設計極有風格，好多珍藏 港風格味重 🌟服務： 服務員態度非常好，同熟客們有傾有講 🌟食物創新： 咖哩牛腩撈通（你有見過味） 咖哩炒腸粉 咋喳/ 腐竹薏米糖水🌟🌟🌟🌟🌟5/5實心推介

牛雜麵每種食材處理得宜，乾淨而保留其口味和味道，沒有平常一大鍋滷水下煮出來的混濁感。煎蝦米腸加上蛋更是神來之筆，濃郁的蛋香與煎得香脆的腸粉相輔相成。用心的出品，食客定能感受得到，亦值得大家多多支持。

網上見到呢間小店個煎腸粉幾吸引，於是今日慕名而來，見到堂食滿左，所以選擇外賣，甘岩下午茶時段，就揀左1号餐試下，有喳咋同煎腸粉，我加左旦聽聞會好食啲。先論味道，個煎腸粉加旦係幾好味，被秒清，呢個煎腸粉絕對需要加埋旦，先可以增加美味度。否則只係食到普通嘅混醬。個喳咋係足料，味道唔會太甜，食完唔會話勁口渴，呢個組合唔錯的。但論價錢同份量，就真係比較失色。呢個餐成為42蚊：18蚊煎腸粉＋5蚊旦＋1蚊外賣盒＋17蚊杯裝喳咋＋1杯外賣杯。呢個價錢真係偏貴，尤其係個糖水，我從未見過十幾杯係得熱飲杯裝，仲要比外賣杯錢。經常外面都係云吞面兜甘大，最多入面係7－8成滿，從來無諗過係杯裝。如果知道係杯裝，我諗我唔會選擇呢個餐。但整體除左呢個特點，其實都可以一試，但一定要堂食囉！否則都幾蝕下。

｜咖喱牛腩撈通粉 $48｜平時少見撈通所以決定試試！喜歡這裡用有坑紋的通粉，咖喱汁頗濃味，可再杰身一點，這次選了小辣覺得不夠辣，適合平時不太吃辣的朋友。🌶 牛腩則是粒狀，而並非常見的塊狀，所以口感欠奉，有點失望。😐｜茄汁雞球煎蛋撈通粉 $48｜賣相一流，太陽蛋邊煎得很香脆！👍但與牛腩一樣，本以為是大大塊雞球，但其實是雞肉粒，吃起來不夠過癮。而醬汁的番茄味不算重，反而像紅酒牛尾汁，帶一股鮮甜味，加上紅蘿蔔粒更美味。店面雖較小，但小店懷舊的裝潢風格和員工的親切，都為食客們帶來暖意。但就食物來說，這兩碗撈通都未算太特別。下次再來試試他們的牛雜麵和糯米飯！